|
اللي رايحين تايلند،، انتبهوا (للسعوديين فقط)
السلام عليكم ورحمة الله وبركاته،،
اخواني،، حبيت انبه الناس اللي ودهم يرزوروا تايلند واقولهم انها من الدول الممنوع زيارتها. زرنا تايلند قبل عام ، وهذي السنه انتهت صلاحية جواز سفر زوجي فذهب ليجدده ولكنه فوجئ بالتالي: 1) فتح تحقيق لمعرفة سبب الزياره 2) غرامه 500 ريال 3) منع من السفر لمدة سنتين 4) توقيع على تعهد بعدم معاودة السفر الى تايلند. لذلك حبيت انبه الجميع وهذا ما حصل معنا. الان مكاتب السفريات تحجزلك بالهوتيلات اللي هناك وتيسرلك امورك بس هذا ما يعني انها من الدول اللي مسموح نسافرلها لانه المشكله رح تجيك لما تنتهي صلاحية جواز سفرك وتجدده رح يشوفوا ختم الفيزا حقت تايلند وبعدها يبدأ التحقيق. ملاحظه : هذا الاجراء يشمل الافراد والعوائل. وفقكم الله . |
:eek: ليه ممنوعه ؟ ؟ :eek: |
اصلا تايلند من كذا سنه تعتبر من الدول الممنوع السفر اليها
لانها تعتبر اكبر مكان دعاره في العالم وأعلى نسبة ايدز هناك |
اوووووووووف يا ســـــــــاااااااتر
طيب واللي سبق وراح لها ...ينخاف عليه من الايدز؟؟؟ بصراحه اول مره ادري انها ممنووووعه!!!!!!!!!! |
اقتباس:
المنع لاسباب اخرى مو اللي ذكرتوها.. عموما انا وضعت الموضوع للتنبيه فقط .. ارجو من الجميع الاستفاده بغض النظر عن اسباب المنع.. |
طيب واللي فوضوليه وبزيــــــــــــــااااده وتبي تعرف سبب المنع ....
ممـــــكن؟؟؟؟؟؟؟؟؟؟؟ |
جزاك خير ..
أعرف الكثير ممن ينوي السفر هذا الصيف إلى تايلند .. |
أنا سبق وسافرت تايلند في اغسطس 2006 والزيارة الثانية في يناير 2007 والثالثة كانت ((ترانزيت)) ليوم واحد الشهر الماضي شهر 4/2007 .. وفي كل زياراتي الثلاثه انختم بالجواز ختم وفيزا دخولي لتايلند بالحبر الازرق الذي يجعل الأعمى يعرفه ويقراه.
ما أقول الا الله يستر علي وعائلتي عند تجديد الجوازات رغم انه باقي عليها مايقارب السنتين لحين انتهائها.. ( بصراحة متخوف من العقوبات المترتبة على سفري لها على حسب ماسمعت :( ) |
الله يستر 00 ابروح اجدد جوازي علشان ماباقي له الا سنه00 ثم اسافر وان شاء الله بعد اربع
سنين لكل حادث حديث:d |
منقول
____ السلام عليكم ورحمة الله وبركاته اخواني موظوع سفر السعوديين الى تايلند يكاد يكون الشغل الشاغل للكثير من السعوديين وغير السعوديين اخواني انا تأكدت بنفسي ومن احد اصدقائي في الجوازات ان السفر الى تايلند من المواطنين السعوديين ممنوع رسميآ مع انه يوجد سفارة تايلنديه في الرياض وقنصلية في مدينة جدة والجواب ان السفارة والقنصلية للأعمال التجارية بين البلدين (لاتعليق) والمشكلة انهم يعطون فيز لسفر الى تايلند سوآ سياحة اوماشبه ذالك اختصار للموظوع السفر لتايلند ممنوع رسميآ ومن يتجاوز ذالك يئدي نفسه الى مسأله قانونية ورسمية السفر لتايلد مسموح للأسباب التالية 1-موافقة من الأمارة 2-مايثبت من الغرفة التجارية بمزاولة التجارة والأستيراد 3-للعلاج الى لزم ذالك مع مايثبت من اوراق واشاعات وفحوصات رسمية فقط اما غير ذالك ممنوع رسميآ هاذا والله ولي التوفيق المصدر من المديرية العامة للجوازات في منطقة الرياض تحياتي _____ |
اقتباس:
شكرا اخي على النقل وهذا فعلا ما حدث معنا فقد تعرضنا لمساءله والتحقيق بالاضافه الى البند الجزائي. ياليت الجميع ينتبهوا عشان ما تتكرر نفس الغلطه. |
كلام وتوضيح خطير ..!! شكراً لك على التنبيه :30: كنت ناوي آخر الصيف أروح بالعائلة >> فرصة لقينا عذر نقعد :d بس وين الأخت ديمو لا تكون سافرت >> حضرتي أفتاها بجواز السفر هُناك :25: وأنا أنتهز هذه الفرصة هنا لإبراء ذمتي والتراجع عن فتواي :d >> الواحد يبغاله يعيد النظر في مراجعه ويتأكد من مصادره >> مع إنهم بصمو لي بالعشرة :29: ألف شكر لك أختي مرة أخرى على التنبيه |
لا انصح بزياره وتجاوز الانظمه الرسميه فـ لو قدر الله وحدث مكروه .. اي جهه تلجون لها من بعد الله .. موفقين |
اقتباس:
الله يسر علينا ويحمانا من كل مكروه00 اول مره احس بفتور وماني متحمسه 00 لكن سبق وقرأت عن ان الخطوط السعوديه راح تفتح رحلات مباشره لتايلند والظاهر المسأله ترجع لموظف الجوازات00 فيه كثييير من اللي اعرفهم راحوا مره ومرتين وثلاث وجددو ا الجواز ولا صار شئ 00 وبعضهم من اول سفره راح وطي 00 ان شاء الله نطيح لنا بواحد يمشي الموضوع:d انا الغلطانه اللي حطيتها براس زوجي ولا وش فيها بولندا 00 على بالي ابي الرخص والتقضي وشكلها بتجي على راسي اخي الازرق انت براءه ولا لك دخل بشئ لأني عندي خلفيه عن المنع 00 لكن يوم اطرح الموضوع حبيت اسمع من تجاربكم الله يستخيرني الخيره المباركه |
اقتباس:
لالا ولا يهمك .. بإذن الله راح تنبسطون وتكون رحلة مميزة ولا أروع .. ورحلتي القادمة إن شاءالله راح تكون مبنية ومقررة على تقريرك السياحي المنتظر بإذن الله بس إنتي علشان شغلتي بالك بأكثر من شئ .. وهذا اللي خلا بعض الفيوزات في النفوخ تضرب :d فما عرفتي هل تستفسرين وتجمعين معلومات سياحية عنها .. أو عن جواز السفر لها وأبشرّك ترى المسافرين لها هالصيف كثيرييييييين .. وأتوقع إنها بتكون في زحمتها ماليزيا أخرى :24: وأظن بعد الكم الهائل اللي راح يشوفونه الجوازات من المسافرين لها .. راح يتغاظوا ويغضوا الطرف بالتأكيد >> إلا لو كانوا داخلين على طمع وقرروا يغرمونهم :d والمفروض إنهم ما يلومون المسافرين لها ويحاسبونهم بعد رجوعهم .. لأنهم شايفين تذاكر الناس وخط سيرها من المطار .. فليش مايمنعونهم من هناك قبل يتركونهم :25: رحلة سعيدة وموفقة أختي ديمو .. وننتظرك بإذن الله وبكل التفاصيل الممتعة والسعيدة من طئطئ لسلامو عليكو :22: |
ماله دخل الايدز وانها دوله دعاره بالموضوع المنع لاسباب ثانيه
القصه قديمه..... |
المهم الحين الخبر صحيح ولا خرابيط
يعني نسافر لها ولا نقضب الارض |
اقتباس:
لا تسافري لها واقضبي ارضك او اختاري ديره ثانيه .. يا جماعه القصه ماهي لعب اتبعوا الانظمه افضلكم. |
| الساعة الآن 07:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©