|
شعرها قصير وأجعد هل اتزوجها ؟؟
مساء الخير أخواني واخواتي
انا تقريبا عضو شبه جديد عندي سؤال وارجوا أن تجيب عليه الأخوات وبكل صراحه لأن المسأله تتعلق بحياتي الزوجيه :23: أنا أختي تبيني أتزوج وحده وهذي الوحده طيبوبه وحبوبه وفاهمه الحياه بس فيها شي انا ما احبه شعرها بالحيل مو حلو قصير وجعد وأنا كان أتمنى من زمان وحده شعرها طويل بأسألكم يا أخواتي هل توجد طريقة مضمونه لتنعيم الشعر وزياده طوله وشكرا لكم أخوكم : بائع الورد الاشراف: تم تعديل العنوان ليناسب النص . |
حياك الله أخي ..
الشعر الجعد غالبا مايطول بسرعة، وبالنسبة للنعومة ممكن تفرده لكن مارح يكون سايح مثل الشعر الناعم طبعا بس راح يكون مفرود .. أنصحك يأخي الفاضل إذا كنت ترى إن الشعر الطويل الناعم أساسي في مواصفات شريكة حياتك فلا تاخذ البنت اللي خطبتها أختك .. فيه كثير بنات حلوات وطيوبات وفاهمات بالحياة وشعورهم طويلة وناعمة ... الله يكتب لك اللي فيه الخير ... |
بنسبه لتطويل الشعر ان شاءالله انه بيطول بس ما اتوقع تطوله لانه بيكون متعب لها لاجت تتروش وانت تفهم قصدي
اما اتنعيم فيه الفرد بس ماتضمنه بعض الاحيان يدمر الشعر ويخربه وبنصحك لاتفوت البنت علشان شعرهااذا كانت موصفات الجمال والخلق كامله فيها بعدين فيه الاستشوار يخليه مثل الحرير واذ حسيت انك متعلق بهذه الصفه لا تخذها وتتعبها معك كل يوم والثاني تشكى من شعرها او تخليه تحس انك موشيفها حلوه والله يكتب الي فيه خير لك |
باين عليك تحب الشعر الناعم ويحق لك بصراحه شعر المرأه تااج يزيد جمالها.....انت من حقك تتزوج اللي فبالك واللي تتمناها وربنا يوفقك.....ارجع اقول الاستخااره........ماخاب من استشار وماندم من استخار.......بالتوفيق...:14:
|
اذا ما كان اجعد كثير في وسائل اللحين كثير تنعم الشعر بس اذا كنت تتمنى وحده شعرها ناعم وطويل لا تخطب البنت وانت مو مقتنع فيها |
أنصحك ما دام الأمر كذا بالابتعاد عنها لأنها مشكلة كبيرة ستؤدي بالنهاية إلى الطلاق !!!!!!!!!!!!!!!!!!!!!!!!!!!!!!
أنت وش تبغى بشعرها جاوبني بصراحة ؟!!!!!!!!!!!!!!!!!!!!!!!!!!! شعره قصير طويل جعد ناعم ما يهم المهم الأخلاق |
الاخلاق أهم
بكره تمل من شعرها وطريقته اعرف بنات كثير من صديقاتي وانا اولهم شعر طويل من تزوجنا جلسنا كم شهر وقاموا هالأزواج يتمللون يبون شعر قصير وبالفعل قصيته وصديقاتي قصوا شعورهم يعني كله ديكور تمل منه لما تتزوجها قول لها ابيك تطولين شعرك واذا على اجعد السشوار ينعم الشعر ويخليه حرير ... ما هو عيب قوي او سبب يخليك تترك البنت |
لا أرى أن طول الشعر أو قصره أو ملمسه ناعم أو أجعد يجعلك تتردد في خطبتها طالما رأيت فيها ما تتمناه خلقياً وأخلاقياً.
|
يا أخي ....
الشعر الأجعد لا يصبح ناعما وإن عولج بمستحضرات الفرد فلن تكون النتيجة كالشعر الناعم الطبيعي وباستخدام السشوار تحصل على نتيجة مرضية ولكن هذا يعني أن زوجتك ستعلق السشوار حول رقبتها :d لأنها ستستخدمه بعد كل استحمام وبعد كل وضوء وهذا مرهق جدا ومضيع للوقت وضار على الشعر ايضا أما الطول ... فكل الشعور تطول مع أنني متأكدة أنك حتى لو تزوجت فتاة ذات شعر طويل فلن تمر فترة طويلة بعد الزواج قبل أن تقصه لأن الشعر الطويل متعب جدا في العناية والاهتمام وخاصة للمتزوجات حديثا اللاتي يضطرهن الوضع للاستحمام في اليوم الواحد عدة مرات >>>>>>>فهمت؟ عموما ... أنت الاعرف بترتيب أولوياتك في مواصفات شريكة حياتك ونصيحتي .... إن لم تكن مقتنعا ومطمئنا تماما فلا تقدم على ذلك ... حتى لا تشعر بالندم بعد فوات الاوان وتظل تعاملها على انك لا تتقبل شكلها بصفة عامة ... لاحظت أن الرجال يتغاضون عن جمال الشعر فيما لو كانت العروس جميلة جدا بحيث يغطي جمال وجهها على جمال شعرها وللناس فيما يعشقون مذاهب .... استخر الله وتوكل عليه تحياتي ... |
مادامك على البـــر لا تختار إلا البنت اللي فيها أغلب الأشياء اللي تعجبك
وفهّم إختك وجهة نظــرك قبل تكلم البنت بالموضوع |
شوف شعرها بنفسك وتأكد من أنه مايضايقك ، وإلا توكل على الله وشف غيرها
|
شوف اخي مع التطور اصبح الشعر اسهل شيء تجميلة
يعني في عدة طرق لكي يصير حلو مرة ابسطها السيشوار بس يأخي المسألة مو مهمة اهم شيء انها فيها اشياء اخرى جميلة وبقلك شيء ما في بنت كاملة الكمال لله وحدة يعني الي شعرها مو حلو ممكن عندها جسم حلو والي جسمها حلو وشعرها حلو ممكن تكون سمراء مثلاً والي عندها كل شيء حلو ممكن تكون اخلاقها مو حلوة يعني مافي وحدة كاملة من مجميعه اهم شيئ اخي الاخلاق والدين |
القناعة كنز لا يفنى ..
لازززم تكون مقتنع 100% و اذا مو مقتنع فيها خلاص قول حق اختك ادور لك واحده ثانيه بس تذكر يمكن تاخذ وحده ملكة جمال شعرها ناعم الخ بس اخلاقها مو شى افضل شى الاستخاره و القناعه مو باجر اذا تهاوشت معها تعيرها فى شعرها الله الموفق |
مشكوره أختي معذبه على ردك ولو ان ردي عليكم جاء متأخر
وبالنسبه لكلامك أنا ارى أن الشعر أساسي لأنه يميز جمال المراه وبالنسبه لكلامك انه في كثيرات شعورهم حلوه وفاهمات وحلوات هذا أللي أنا أتمناه بس اختي الله يهديها ما تعرف ناس واجد وهذي لانها جارتنا وتعرفها وتقول الأقربون أولى وناس نعرفهم احسن من ناس ما نعرفهم ومشكوره على ردك الذي أعجبني |
أختي المرهفه الصغيه
مشكوره على ردك وأن شاء الله اني ما أفوت البنت وعاد أللي فيه الخير يكتبه ربي ولا تخافين حتى لو تزوجتها وما عجبني شعرها ما رايح اعيبها لأني ما أرضى عشان كذا أنا أبي ما أقدم على شي ألا أذا تأكدت منه لأني لو أقدمت خلاص عاد أنا أتحمل وشكرا على ردك الحلو المرهف يا مرهفه |
أختي روز الشرقيه
أكيد انا أتمنى وحده شعرها ناعم وطويل واكيد أني ما رايح أتزوج البنت ألا وأنا مقتنع فيها عشان كذا سألت عشان أرتاح وأقرر وأقتنع وجزاك الله خير على ردك |
سحنون 2008
لا بعد الشر عن الطلاق والنسبه للشعر اكيد الواحد يحب الشي الحلو والله قال ( أن الله جميل يحب الجمال ) والاخلاق أكيد اهم شي هالكلام ما يختلف عليه اثنان وجزاك الله خير وبارك فيك بس خوفتني سالفة الطلاق .. بس انا تفكيري ما يوصل لهالدرجه حتى لو كانت ما عندها غير شعره بس واحد في راسها ما رايح أطلقها ومشكور على ردك |
ريم 2006
مشكوره اختي ريم على ردك وبصراحه كلامك واقعي وان شاء الله أقتنع في البنت وتعجبني واتزوجها واريح اهلي لأنهم يبوني أتزوجها هي وما يبون غيرها وان شاء الله اقتنع فيها واتزوجها وبعدين بالنسبه لتركها الله ما ادري أحس نفسي متردد بعض الاحيان احس أني ما أبيها ألا اهي وبعض الأحيان أقولم ا أبيها دوروا لي وحده ثانيه البنات واجد وشكرا على ردك الحلو وفهمك |
مروق البال
أخالفك الرأي .. يجعلني اتردد أفضل من اني أقدم وأندم في النهايه .. لأني أبي أقدم على شي أقتنع فيه عشان ما أندم عليه وشكرا على أهتمامك وردك |
أختي وحده ونص
مشكوره على ردك فلقد اضحكني بس أنا ما رايح أقبل توصل لهالدرجه لاني مو اناني واحب نفسي اكيد بأخليها ترتاح وشكرا على كرمك وتواضعك في ردك الحلو |
أختي غاليه
انا كلمت أختي وأختي تعرف هالشي وانا الأن في لحظة تفكير قبل ما أقدم على هالشي وشكرا لردك |
تذوقت الحنان
أصبت في كلامك وأختصرت الموضوع وهذا أللي بيصير مو شعر البنت بأشوفه بل البنت بنفسها وكل شي فيها عشان بأشوف تناسبني أو لا وشكرا على كل ردك |
حنيين
مكشوره على ردك وكلامك جد واقعي الله ياخذ ويعطي ومشكور على ردك |
أم الحسين وعمر
انا أكيد لازم اكون مقتنع 100 بالميه وشكرا على كل شي |
اقتباس:
هذي الرسول قالها :d |
أم الحسين وعمر
انا أكيد لازم اكون مقتنع 100 بالميه وشكرا على كل شي |
من رأى طالما انك مركز على الشعر فدور غيرها
والصراحه الشعر مره مهم يحلي بالوحده اخاف اذا اخذتها تجلس تناظر البنا ت ايلى شعورهم ناعمه وتتحسر وما خاب من استخار |
اخى نصيحتى
عليك بالاسـتخـــــــــــــــــــــارة وكثرة الدعــــــــــــــــــــادء بان يكتب الله لك الخير وان يبعد عنك ما فية شر لك فهو الوحيد عز وجل عالم الغيب وهو الوحيد الذى يدرى الخير من الشر لك. اخى اريد ان الفت نظرك الى شىء فابدل كلمة اختى الغالية باختى الفاضلة .... الاعمال بنيات فعلا ولكن لا يجب ان نقول غير الا الذى يرضى الله وفقك الله لما يحبة ويرضا وفققك للخير اينما كان بكرمة وفضلة ان شاء الله. |
مع احترامي الشديد جدا لك ...........
لكن على ماأعتقد إنك بتتزوج البنت مو شعرها !!!!!!!!!!!!!!!!! والحين الله يسلم المشاغل وأدوات فرد الشعر اللي ماخلت حاجة ماعدلته ولا ضبطته ......... تــــــــــحــــــــــــــيـــــــــــا تي : محبة قلبها............... |
صعب تتغير طبيعة شعرها
و برأيي انه الشكل ممكن الواحد يتعود عليه اما الأخلاق و الطيبة فهي ذات ثمن غال يمكن ما تجده في فتاة أخرى و لكن إذا كان موضوع الشكل بهمك أنصحك أن لا تتسرع في خطبة فتاة لا تعجبك و الله يوفقك |
والله فيه ناس تزوجو بنات قمه في الجمال والكل يشهد لهم
شعر ناعم وطويل وعيون خضراء وبياض مثل القشطه وبعد مده ....>>> يتزوجون عليهم .. شرايك لو كنت أنت أسمر غامق .. وملامحك مالها علاقه بالجمال ..وأسنانك نوافذ..>> مثلاً وكنت ذا قلب طيب وتقدس الحياه الزوجيه وش بيكون رايك لو رفضوك البنات لهذا السبب ... فكر وخذ قرارك .. ما فيه شي ما يتغير هالزمن .. الأسود يصير أبيض والمجعد يصير ناعم .. وكل شي له حل . |
توكل على الله وخذها اذا انت مقتنع منها مرة اما الشعر فانا شعري مو ناعم وجاف لكني اذا بغيت والله العظيم اخليه زي الحرير ... اذا هي مررررة خشن فلازم تفرد واذا فردته تستخدم بعد الشاور سشوار سريع مايطول لانه مفرود يعني 10 دقايق بالكثير ثم اذا حبت تستخدم الكوايه الة السيراميك ويطلع حلو والاهم العنااااااااااااايه لازم تعتني فيه وتحط زيوت عشان يلين بس هذا مو سبب شرعي لان شعرها بتتقبله مع الوقت الاهمروحها وشخصيتها
|
أخوي الأهم هو الأخلاق والدين
إذا تزوجت وحدة شعرها طويل ونااااااعم وأخلاقها في الحضيض راح يفيدك شعرها؟ أخوي لا تغرك المظاهر لأنها خداعة الواضح أن البنت طيبة لأن أهلك مصرين عليها الله يوفقك أخوي |
اذا مو مقتنع كامل الاقتناع لا تتزوجها
الله خالقنها كذا الحمدلله احسن من الي مافيهم شعر وفي طرق تنعم الشعر بس مو دايمه |
اي والله اشتبي بشعرها
مداد انها بنت حلال خذها ترا المراه الصالحة نعمة صعب الحصول عليها وفي طرق كثيرة لتنعيم الشعر |
الله يوفقك باللي تختار
|
مو شرط الشعر ناعم وطويل
لاني شعري كان كذا والان الي يراه مايعرفه صار خشن ومنتف فممكن يتغير شعرها |
| الساعة الآن 11:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©