|
سؤال من ام خالد لسكان جده والطائف
السلام عليكم وررحمه الله وبركاته
حبيت اسال عن الجو عندكم اليوم واذا تكرمتو ابغا اسماء فنادق او شقق مفروشه للايجار مع اسعارها ان امكان ونفس السؤال لاهل الطائف |
حياك الله يام خالد والله بتنور جده بس انت ماقلتيلي فين تبغي جنب البحر او على طريق مكه او وسط البلد
والاسعار ان شاء الله مناسبه |
ابغى بوسط جده
جزاك الله خير |
بما أني من سكان جدة <<<<< تتذكري المعارك اللي حصلت
حبيت أمر وأسلم عليك و حبيت أثبت وجودي بجدة رغم بعدي عنها للأسف ماعندي خبرة فيهم لأني ماقط جربتهم غير ليلة فرحي وكانت التكاليف كلها داخلة ببعض بس على كل الأحوال إجازة سعيدة دمتي بحفظ الرحمن تحياتي |
ياهلا والله بام خالد..
فيه شارع فلسطين شقق بودل وعلى العموم الشارع هذا كله شقق مفروشه وعلى امتداد شارع المك عبدالعزيز برظو فيه شقق الفنادق عنك جدة وستن .يكون مقابل لك البحر والشارع هذا كله فنادق فيه شليهات النورس(موفنبيك) قمة الرررروعه وللأسف ماعندي ارقامهم ,, وإذا كان زوجك موظف يقدم بطاقة العمل وياخذ خصم 20% وإذا احتجتي اليب شي انا بالخدمه. |
أنصحك يا أم خالد بزيارة روائع المكتبات بعد صلاة العصر مباشرة ،،، ففيها ألعاب مائية جميلة جدا جدا جدا للأطفال ، وكذلك يوجد بها ألعاب تعليمية ،،،
أتذكر قبل عامين أن رسم الدخول للطفل ستين ريال يلعب من العصر حتى العاشرة مساء ، وبها كوفي شوب للكبار ومكتبة ،،،، موقعها في شارع الأمير سلطان بن عبدالعزيز اسألي عنها ويدلونك الناس ،،،، على العموم جدة مليئة بالشقق المفروشة في كل مكان فلا تشيلين هم أبدا ستجدين بعد بحث بسيط إن شاء الله ،،، |
جو الطائف جميل بالصيف وبالذات بالليل والصباح الباكر
ويشتهر الطائف كمصيف لأهل السعودية والخليج العربي منذ القدم ولكن الطائف كمصيف مر بمرحلة ركود في السياحة . و قد بدأت هيئة السياحة الاهتمام بالطائف وبدأت تعود له المكانة السياحية التي كانت كسمعة . ويعتبر الطائف المصيف الرسمي للحكومة والوزارات التي تنقل له اعمالها في الصيف . اما الاماكن السياحية والفنادق والشقق فلمناطق السياحية بالطائف هي الشفا والهدا وضواحي المدينة كبني مالك والطريق السياحي . داخل المدينة فالملاهي الموجودة حديقة المملك فهد . ارض القمر .لونا بارك .بالبرج . حديقة الملك فيصل . حديقة الجبل الاخضر .الحدبان .وغير ذلك الكثير . اما من حيث السكن فأنصحك بالسكن في داخل المدينة والذهاب للمصائف بالنهار والعودة في الليل . حيث يكون الجو بالمدينة جميل الاضواحي المدينة فلافضل السكن بها لماذا السكن بالمدينة لان اسعار الشقق ارخص من المناطق السياحية وهي قريبة منها . والاسعار تختلف حسب الشقق المطلوبة ولكنها عموما لا تزيد عن 500 ريال في افضلها . الفنادق هناك فنادق 5 نجوم : انتر كنترنتل _ مريديان . بهادر اما الاربع نجوم فهي كثيرة منها سفاري .خالد 0 طارق وغير ذلك . المطاعم يشتهر بالطائف عدد من المطاعم منه الرمانة .الكببجي .الطيبات . اهلا وسهلا . الروشة .مشويات الشهراني . مبشور الطائف . مندي السويد . مندي العجاني وهذا غالبا ينتهي باكرا . الوجبات السريعة البيك في البرج . بروست هاوس مكدونالدز. الطازج. كنتاكي .بيتزا هات . دومنيز بيتزا. وغير ذلك الكثير . اهلا وسهلا بكم في مدينة الحدائق عروس المصائف . آمل ان اكون قدمت معلومة تهم السائح |
السلام عليكم
يام خالد بتنورجده شارع صاري ملي بالشقق الفندقيه والشقق العاديه وقريب من الاسواق وقريب من البحر اذاحبيتي تسكنين بالشقق الفندقيه اتصلي على الهاتف واسالي عن شقق كوالتي هوس وشقق موتيارا واتوقع اسعارها من 350الى 500واذاحبيتي تسكنين في شقق عاديه نظيفه قريبه من شارع صاري في حي السلامه شقق الخليج وقطرة ندى والتل العالي وفندق الدار البيضاء والجو عادي طبعاااااااااااا صيف ايام هوى وايام حار بس الصيف في جده غيرررررررررررررررررررررر وسلامتك وحياك |
الجوّ هذه الأيّام .. عااااال !! لا يفوتك البحر .. بعد العصر ( قبلَ العتمة ) خرااافة .. سبحانَ المبدع العظيم ! |
جزاكم الله الف خير
الحمد لله رجعت بالسلامه استفدت كثير من معلوماتكم وبارك الله في الجميييييييييييييع |
افااااااااااااا يا ام خالد توني شفت موضوعك
لسه كنت ناوية أقول لكِ لا تنسي تزوريني بس فاجأتيني بأنك رجعتي المرة الجاية بإذن الله ترى مااسامحك لااااااااااااازم تشرفيني بزيارتك. |
طيب ياأم خالد وين نزلتي وكيف كانت تجربتك ؟!!
أبو لجين |
اقتباس:
هلا وغلا ام جمانه هذا من طيب اصلك والله انتي بجده؟؟ توقعتك بالرياض ان شاء الله المره الجايه لازم نشوفك انتي وكتاكيتك |
اقتباس:
الجو بجده كان خرااااااااااافي عند البحر نجلس من بعد المغرب للفجر ونااااااااااااااسه والاطفال يسبحون والكشكات وسيارات الاسكريم ومراجيح الاطفال مزروعه هناك زرع لكن الغريب اننا ما لقينا شاطئ حلو الا واحد بس وكل يوم نروح له اللي هو بابحر الجنوبيه جنب منتجع ابحر(اظن اسمه الهوليدي ان) سكنت فيه خراااااااااااااافي لكن سعره غالي جدا وباقي الايام استاجرنا في شمال جده جنب عزيز مول وهايبر بنده شقه حلوه ومرتبه وسعرها معقول جدا والمطاعم افضل مطعم صراحه بن مهري طريق جده المدينه مطعم خطيررررررر وجلساته تجنننن ونظافه وسمكهم لا يعلى عليه(احنا طلبنا نوع السمك ناجل ما القى هالنوع عندنا بالرياض) وبالنسبه للملاهي مارحت لغير قريه مرسال وبالنسبه للطايف اكيد معروف الجو فيه خياااالي من الصبح لليل سكنت بشقق السواط بالحويه رقم 3(اتا افضل الشقق المفروشه عشان الاطفال) حلوه وجديده وجنبها منتزه سيسد الجو فيه خيالي بعد الظهر(جلسنا بالمسطح الاخضر) وفيه حديقه الملك فيصل حلوه وما انسى ملاهي الملك فهد للاطفال وفيها جلسات وزرع اخضر واللي يحب الاشياء الشعبيه يروح للردف فيها اللي يبيعون واللي ياجرون خيول ونطيطات(انا ما احبها من الزحمه اللي فيها) وبجنبها حديقه الحيوان وفيها ملاهي ماجلست بالطايف غير يوم واحد فما تمشيت فيها كثير |
:19:
لا لا ياأم خالد هذا تعذيب..........كمان سكنتي بجنب بيتنا عند عزيز مول...:( :( والله قهررررررر مرة ثانية تعطيني خبر قبلها بشهر علشان استناكِ من بدري وأزين جدة بالأنوار.......ليش الأنوار والله نوركِ كفاية ينور البلد افا ياام خالد مادخلتي ملاهي الشلال؟؟ ولا تشيكي تشيز؟ كلها على الشاطيء والشواطيء حلوة كلها من أولها لأخرها بس للسباحة أماكن معينة وبالنسبة لبن مهري الأن يعتبر قديم مقارنة بالقلزم والعنبرية جلساتهم فاااخرة خسارة ياأم خالد مرة ثانية بإذن الله بمشيكِ تمام الحمد لله على سلامتكم ونورتونا |
الجو في الطائف ما يحتااااااااااااااااااااااااااااااج جناااااااااااااااااااااااان كان شوي حر بس هاليومين حلوووووووووو ماااااااااااااااااااااره بالنسبة للفنادق مرديان الهدا والانتركونتننتال على طريق المطار وفندق سفاري في العزيزية والشقق شقق بن هادي في شارع حسان بن ثابت جديده وحلوة أمام أسواق النخيل وسعرها حلو مرة وفي في الهدا شقق مفروشه أسعارها حلوة مثل دانة الهدا وفلل ندى حلوه واسعارها على ما افكر انها ب200 وكثييييييييييييييييييييرة الشقق لكن لا تحضرني وبالنسبة للمنزهات في الهدا والشفا مليااااااااااااااااااانه لازم تمرين الجبل الأخضر في الهدا وتركبي التوبوجان علشان تقولي واااااااااااااااااااااااااااااااااااااااااااو مره حلو وممتع ما اظن أبو خالد يقدر ينزلك منه من البسطة حديقة الملك فهد بالهدا رسوم الدخول بعشرة ريال للشخص الواحد ولونا بارك في شهار وهدا اللي عندي وسلامتك |
اقتباس:
يالله الجايات أكثر إن شاء الله وحياك الله بعد ما رحت في مدينة الطائف |
ام جمانه
مشكووره يالغاليه والله عارفتك ماتقصرين ومعلوماتك اكيد بتفيدني بالمستقبل ان شاء الله وبالنسبه لابن مهري انا عاجبني فيه جلسه الثيل امووووووووت بالخضره الحلوه اي والله تقطع قلبي وانا اطلع من الطايف لكن ما باليد حيله البراد هناك شي الله يرزقنا الجنه مشكوووره يالغاليه |
| الساعة الآن 09:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©