|
كيف الخلاص !
عندي صديقة قديمة منذ سنواات!!
تكبرني بكم سنة عندما عرفتها لأول مره قالت لي:تدرين كان عندي صديقة عمر بس وقحه!! قلت ليه: قال:تخيلي بعد صداقة سنوات تقول لي وفجاه: رجاء لاعاد تتصلين فيني واقطعي علاقتك بي... غثيتيني!!==>الله يلوم اللي يلومها افتكت صديقتها وتوهقت أنا.. المهم هالصديقة والله من أثقل مايكون!! ماتحب العلاقات الإجتماعية وقليلة الخروج لهذا حاطه حيلها بالتلفون!! قبل ما تتزوج قلت يمكن فاضية لكن زادت الحاله عندها بعد الزواج!! تتصل في كل الأوقات وإذا مارديت والله تتصل وتتصل وتتصل مره على الجوال وأخرى على البيت!!ورسائل يعني غصب عليك تردين!! لا تهتم إن كنت مشغولة أم لا!! إذا قلت لها: مشغولة :ردت ردها المعتاد وأنتي وش يشغلك لازوج ولا يحزنون,, وش عندك شغل بالله؟!!! ثم بدأت بسرد تفاصيل حياتها اليومية وأنا مستمعه بنعم أولا!! إذا قلت لها ماأحب اطول بالجوال قالت صايره قعيطية (يعني بخيلة)وش سالفتك تكبرتي علينا!اقسم بالله لو ماأسكر أنا الجوال لتجلس بالساعات تتكلم!!:27: :27: :27: :27: قبل فترة اتصلت:قلت لها اتصلي بعدين عندي كوافيرة قالت ليه:بتتزوجين!!رديت :لا قالت: وشو له طيب كوافيرة؟؟ قلت : ليه مايجيب الكوافيره الا اللي بتتزوج!! قالت طيب يمديني اقول لك سالفتي قبل لاتجي شفتي فلان(تقصد زوجها) وش سوى اليوم قطع و و وووووو:21: الله يعين زوجها والله ارحمه وإذا قلت لها وجهة نظري وصارت مو من صالحها فالويل ثم الويل تقعد تعيد وتزيد في السالفة إلى أن اقول صح!! هو المخطئ وأنتي الصح!! طبعا ماتترك لي فرصة اقفل الخط!! مره قلت لها:طيب زوريني بالبيت ماعندي أحد وأنتي بس ماسكه على التلفون.. طبعا بعد تردد وأخذ وعطاء قالت خلاص بجيك بكره بس اسمعي لاتعزمين أحد!! قلت خلاص.. المهم وحده من خواتي كانت موجوده قلت ادخلي سلمي عليها المهم دخلت اختي وهي من شافتها عند الباب التفتت علي: فلانة!! أنا ماقلت لك مابغى أحد إلا أنا وأنتي!! اختي صار وجهها ألوان والله قعدت تصيح وطلعت على طول حتى ماجلست ثانية! قال وببرود الدنيا: ليه هي زعلت!!ماقلت شي أنا يزعل!!! قلت: وش رايك؟ والموقف اللي فعلا أثر فيني وخلاني ماأقدر اتحملها حدث قبل فترة.. اتصلت بي:فلانة اختي تعرف وحده تدور لأخوها عروس ورشحتك لها!! قلت:مين ؟ قالت: شاب ومو متزوج ويبغى مدرسة!! لا ومن قبيلتك بعد!! قلت لها: وهالعزابي وش يبغى بوحده ارملة واكبر منه بسنوات وعندها أطفال بعد!! قالت مافيها شي ساعديه !! قلت عادي لو اتزوج كحيان بس يبغاني لذاتي مو لراتبي .. ردت: وحده بوضعك المفروض تحمد ربها أنه فكر فيها واحد شاب ومو متزوج!! قلت لها:طيب أنا ابغى متزوج بكيفي هذي قناعتي !!:29: اتصلت ثاني يوم:وقالت خلاص قلت لاختي اصرفي نظر هذي مو وجه زواج!!و هذي زوجها كان معودها على العز ويصرف عليها وهي موظفه مو مثلي ومثلك ياحسره!!!حتى زوجي الله يرحمه ماسلم منها!! بعدين قالت:تدرين اختي وش قالت: قلت وشو؟ قالت:هذي لازم تاخذين حذرك منها انتبهي==>يعني لأتخطف زوجك!! صايرين وباء هاليومين!! أقول بنفسي:الفكه من جحا غنيمة.. اتصلت علي البارح وأنا واصله حدي منها.. رديت عليها وقلت لها شكلك فاضية وماعندك شغل==>اقصد دائما هي تحسبه باللحظه هذي!!يعني ماتفهمها مها لمحت!! قالت:ايه زوجي طلع قلت ادردش معك :23: وش تسوين؟!! عشاء لعيالي وليه الشغالة وينها؟ والله ماأحب طبخها!! أهااا والله فلان اليوم مو متعشي عشان كذاماعندي شغل(تبرر وقت اتصالها)ولا أنا دائما اسوي عشاه بنفسي وهو مايحب أكل الشغالات مع اني من عرفتها والشغالة تطبخ لها أو من المطعم بس لو رديت بتاكلني بلسانها! وشفتي فلان وش سوى اليوم وووووووو وكالعاااد شريط حياتها اليومي:29: والله ماكن ودي اكتب هذا كله عنها.. بس غثتني والله ازعجتني بشكل مو طبيعي .. لو ماأرد عليها تصير تتصل وتتصل!!ماتفهمها!! وأنا ماأقدر اصير بجرأة صديقتها وأقول لها على بلاطه فكيييني.. وش الحل معها؟؟!! |
ههههه صدق غثيييييثه انا كان عندي صديقه اعرفها بس تتصل وتطول بالساعات وتدخل في اموري
الشخصية بشكل زايد بس عاد مو زي صديقتك بس قاطعتها كل ماتتصل يقولون نايمة او مو فيه والحمد الله افتكيت منها نصيحتي غيري رقم جواللك واذا دقت ع البيت خليهم يصرفونها ودمتي مهاااوي |
اقتباس:
اي رقم جوال!! هي تعرف رقم أهلي ولو ماأرد اتصلت على بيت أهلي تسألهم عني!!! صرفتها مليون مره ولدي يرد عليها ومره الشغالة!! بس مافيه فائدة تردين يعني تردين!! هي اعتقد فاهمه أني اصرفها وماخذه السالفة عناد!! |
ارسلي لها رساله على الجوال
انك تريدين انهاء العلاقه لعدم ارتياحك ولمشاغلك الكثيييييييييييرة وفقك الله ......... |
اقتباس:
بس صعب ماأعرف والله!! |
عن جد ياجماعة أبي حل!!
بس ماأبي التصريح بقطع العلاقة صعب علي جداً,, |
(انا عندي صديقه تتصل فيني 24 ساعه ومسجات 24 ساعه
مع اني ماقدر اكلمها 24 ساعه لاني متزوجه ومب حلوه طول اليوم ماسكه التلفون بس شسوي تتصل البيت وعالجوال واذا مارديت مريضه تعبانه بموت تقولي اي ماعندج وقت ومادري وشو واذا سافرت وماقلتلها تصير سالفه ومشكله لازم اخبرها عن كل شي واستأذن منها بعد كنها زوجي مب كنها صديقتي لو هي مب متزوجه بقول مب مشكله بس متزوجه ودايما اقول حق امي شسوي معاها بس مادري شسوي لوعندج حل قوليلي)اسمحيلي طولت عليج بس شسوي حبيت افضفض عشان ارتاح والله يعينج عليها ويريح بالج ويوفقج ويسعدج اميييييييين |
السلام عليكم ورحمة الله وبركاته
فعلا والله حاسة بشعورك عندي صديقة مثلك ومو أنا بس المتأذيه منها بل كل الي في البيت الله المستعان ينقل عزيزتي إلى قسم المشاكل الإجتماعية لعل وعسى نجد حلا وفقكِ ربي لمرضاته |
اقتباس:
والله توقعت الحالة شاذه!! الظاهر المشكلة عامة لو والله لو ما تعليقاتها البايخة كان اتحمل!! بس عليها قط كلام ماله داعيدفشة يعني ولا يهمها مشاعر غيرها. |
اقتباس:
والله عدم ردي عليها المفروض تفهمه أنه ملل من سواليفها!! بس مافيه فايدة!!! |
|
الله يعينك من جد غثيثه الله لايبلانا
بس تدرين انتي اللي خليتيها تتمادى اكثر لانك عطيتيها وجه من البدايه بكل مكالمه تردين عليها لو ا تسفهينها مره ومرتين ماكان تجرات واتصلت في اليوم كذا مره معليش تحملي ماجااااااااااااااك خخخخخخخخخخ عالعموم بقولك الحل وانتي بكيفك غيري رقم جوالك او قفليه واذا على تليفون اهلك خليهم لايردون عليها بالذات او يصرفونها بنبره حاده عشان تحرم تتصل عليهم مره ثانيه 00 سلااااااااااااااااااام |
يالله اخيــــــــتي ذكرتيني بالذي مضى والله لايوريك هذا صديقتك نشبه بس لا أنا تبي احد يصرف عليها
اول مادخلت الجامعه كنت واقفه الله بالخير وماعرف احد ادور احد اعرفه الا هذي جاتني وسلمت وكيفك وش اخبارك وليش اخترتي هالقسم وانا ماصدقت احصل احد لكن الي قلبه طيب بزياده مثلي ومثلك يرووح فيها بصراحه حركاتها ماعجبتني من البدايه تمسك يدي ووانا بالمحاضره تكتب على المذكره احبك وحركات بصراحه لاتنتمي بالفتاة العاقله ابدآ ومره سحبت يدي من يدها بعد مصافحتها وحطيت عيني بعينها ونبهتها ان هالحركات ماتنفع معي واتقزز منها ولمن صرحت البنات الي معانا قالو حرام هي طبيعتها كذا قلت الله يستر عليها وعلينا وهذا احدى المواقف معها في بدايه معرفتي بها المهم اخذت في البدايه تتصل رنات وجوالها شحن بطاقات انا متعوده احد يعطيني رنه اتصل اقول اكيد ضروري المهم اول ماتصلت رنه وبعد صكرت واعطت رنه قلت خليني اتصل اكيد تبي شي المهم اتصلت وقالت كيفك وش اخبارك استحيت اقولها وش تبين قالت بس ابي اتطمن عليك قلتلها فيك الخير تسلمين وهالشيء طمعها وصارت عاده تعطي رنات وتصكر واحيان باوقات مو مناسبه بمنتصف الليل الصباح مع اني اقول هذي متى تنام وترتاح ماشاءالله وبصراحه انا جوالي دائما صوته عالي ويسمعونه الجيران صادف ايام عيد وتخيلي جمعات مع خوالي وعماني الي مانجتمع الا هالوقات الا جوالي حضرت جنابه على 2 الصباح و2.30 واحيان 3 رنات انا مارحت لشنطه عرفت انها هي وفي النهايه ساال احد خوالي قال جوال مين الي رن بهالوقت والله اني انحرجت وقلتلهم السالفه بصراحه اشمئز وقال هذي لاتعطينها وجهه بس بصراحه انا قلبي مايطاوعني صحيح اطنشها احيان لكن مارد واقطعها صعبه ومره من المرات طلبت مني بطاقه شحن بطريقه غير مباشره وانا اكلمها قالت ابغى بطاقه واخوي مو فيه طلعت حركات الفزعه وقلتلها السوبر جنبنا خلاص ارسل اخوي الصغير اليوم الثاني جابتلي المبلغ المره الثانيه طلبت وجابت نص المبلغ ومره ثانيه اتصلت علي وانا عند خالتي طلبتني قلتلها انا مو بالبيت واتصلت مره ثانيه قلتلها مارجعت وانا فعلن عند خالتي قالت يعني الزبده في والا لا اول مره اتجرأ وقلت مافي وقلت يمكن حالتها الماديه صعبه لكن مع الوقت تصدقين عرفت انها ساكنه بفيلا اشبه بالقصر ومره تبي بطاقه ايام الامتحانات وانا من عادتي مااكلم احد ايام الامتحان اتصلت علي (جوالي) من جميع جوالات الاهل تبين ارد طنشت وكنت وقتها والله ماعندي الا مصروفي الي يكفيني اتصلت على البيت وكرات المرات يقولولها تذاكر اخر مره الوالد رد عليها قالها لاعااد تتصلين وبصوت عالي تخيلي وقابلتني اليوم الثاني اتوقعت تعتذر شي والله ولا كان صار شي وبعد مانفصلنا من الجامعه لاني انا أتأخرت عنها ترم كامل ولها فتره تعطي رنه على الجوال اطنشها كل بعد اسبوعين او ثلاث اتصل اتطمن عليها حق الصداقه لكن هي والله ماتتصل لكن ترسل رسائل ان الزمن قساني وسامحيني طولت عليك لكن مثل ماقالو الاخوات طنشيها وصدقيني مع الوقت بتزهق لكن لاتقطعينها مره وبالتوفيق يارب |
الحل ياحلوه ان في ناس كثير ماتفهم التلميح والفكه منهم احسن انا اشوف انك عااادي مدام ماتقدري تصارحيها انسحبي بهدوء انا سبق وعملت كذا والله تتصل تتصل تتصل لين تدوخ مااردعليها حطي الجوال على الصامت وافصلي البيت او اي احد يرد عليها خليه يصرفها يقول نايمه مشغوله 0000يوم يومين وبعدين اذا اتصلت ردي واذا قالت وش عندك ماتردي قولي تحسبيني فاضيه زيك عشان ماعندي زوج خلاص ماعندي امور تانيه اهتم فيها وعلى كذا اخصريها يومين ثلاث وقولي اليوم الرابع مثلا والله مررره كنت مشغوله او اذا حسيتيها طولت دائم انهي المكالمه بسرعه خليها تحس انها غير مرغوب فيها لانها بصرحه حتى اسلوب مافي هذي لازم واحد يعطيها الا ان تحس
الله يكون في عونك ادعي الله يخارجك منها |
إذا كنتي من السعوديه و شركة جوالك الجوال في خدمة الصدى فيها نغمه يقول فيها إن الهاتف المطلوب لايمكن الإتصل به الأن ثبتيها على رقمها فقط و كل ما تتصل بيعطيها الحوال مقفول أما بالنسبه للبيت مافي حل غير تغيري رقم البيت او تقوليلها بوجهها أزعجتيني
|
وايهاللى مصبرك على البلا
نقطع عرق ونسيح دم اخبريها بصراحه ان الصداقه بالشكل ده لا تنفعك بل تضرك ولو عايزه تحافظ على الصداقه يبقى فيه اوقات تتصل بيكى فيها وغير كده لا ولا تزورك بالبيت الا بميعاد سابق انتى اللى تحدديه عاجبها و الا مش عاجبها الباب يفوت جمل بيتك واولادك وزوجك اهم منها هذا رأيى |
والله حبيبتي انا عانيت من هذي المشكله بس تدري وش كنت اعمل
كنت اقطع الاتصال فجأه اسحب سلك التلفون من الحيط واريح راسي من هالهم واذا اتصلت بعدين اقول لها ترى مادري وش فيهم الاتصالات وكذا لحد ما تزوجت وبعدين رجعت تتصل بس مو كثير مثل اول وكنت اصرفها نايمه او بس اشوف رقمها اشيل السلك واريح راسي اقول لها كنت برى البيت او ما سمعت التلفون ومن هلاحكي وصدقيني بتخف من الاتصالات بس كللللللللللل يوم تعطينها عذر وما تردي عليها دائما وخليها تقول الي تبيه المهم راحتك انتي الله يهديها يارب وفقك الله لكل خير في رعايه الله |
أخوي أبو لمى
فعلا الحلول اللي وضعتها أنا طبقتها.. مستحيل الان اخليها تتكلم أكثر من ربع ساعة بالكثير دائما ماأنهي المكالمة بأنا مشغولة بعدين اكلمك! طبعا هي تدري أنه ماراح اكلم.. نصحتها والله عن اضرار الجوال وهي تشكي من اذنها الان بسببه فرحت والله قلت يمكن تحل عني لكن استلمتني على البيت!! ومثل ماقلت هي خفت كثير عن اول .. مشكور على إيراد الحلول.. مادري وبس صادقة والله أنا عطيتها وجه من البداية كنت مستمعه جيدة لمشاكلها اليومية!! بس خلاص وصلت لحد الإكتفاء اللي فيني مكفيني!! تسلمين ... ام البراء هذا أنا استخدم أسلوب التطنيش وفعلاً خفت مكالماتها طبعا مع رسائل العتب واللوم !! صديقتك على الأقل كانت صغيرة تصرفات مراهقات!! هذي اقول لك اكبر مني!! ماقصرتي sweet2244 والله مدري هي ماتفهم وإلا مسويه مو فاهمه!! والله لمحت وصرحت بأني مو فاضية للمكالمات بس نفس الإسطوانة..وشو اللي مشغلك قول لي طيب !! هي حاسه والله بس تدري مو متحملها غيري لهذا متمسكة فيني,, تسلمين يالغالية yasiressa مثل ماقلت هي خفت بعد ماحست مللي من مكالماتها,, يعطيك العافية.. هلا فوفو والله مافيه تصريفة ماسويتها!! أحيانا اترك ولدي وبنتي يردون عليها يستلمونها إذا اتصلت على الجوال ارد برسالة أنا برى البيت ومو راجعه إلا نص الليل!! ترد خلاص بتصل عليك الساعه وحده:23: اقول لها أنا في بيت اهلي تقول طيب متى ترجعين بتصل عللى تلفونك!!! تصدقين ولدت بقيصري فرحت قلت بارتاح اسبوع!! والله متصله علي ساعة مافاقت من البنج!! مسكينة لمحت لها والله أن الدنيا مو جلسة بالبيت وتلفونات.. قلت اطلعي وسوي علاقات اجتماعية مع الناس,, تقول تكفين الناس ماوراهم إلا وجع الراس وبنات جماعتي مايحبوني ويغارون مني!!! |
أتوقع أنسب حل هو حل أختك
ترسلين لها مسج بانهاء العلاقة وان مشاغلك كثيرة. دمتٍ بود. |
هههههههههههههههههههههههههههه
فعلا نشبه .......لكن الحل عندي .... حاولي تتصلي عليها واطلبي منها اي شي اطلبي بطاقات سوي ... او اطلبي منها مبلغ معين سلفة المهم دبري عمرك اطلبي اي شي وكثري من الطلبات .... لمن تحرم ترد عليك .......وانا متأكد انها بتبطل تتصل عليك او ترد علي مكالماتك ... واسالي مجرب ....................... والله يعينك ..... |
ياحضكم عندكم مين يتصل عليكم
ويغثكم وانا لاحد يسال عني ولا يفتكرني بس الحمد لله كلها اسبوعين وهاجر من بلاد الغربه ويجي مين يغثني وغثه بالاتصالات ههههههههههههههه |
اختي كل الغلا فيه بس يبغاله جرأه منك
قولي لها انه مادام انكم مقربين من بعض وهي تحبك مرره وماتصبر عنك دقيقه انه انتي فكرتي تصيري زوجه ثانيه لزوجها وانه من كثر هي ماتتكلم عنه انتي فكرتي تتزوجي منه مادام انك مفكره في رجال متزوج وطبعا الحبكه عليك يعني بيني لها مدى صدقك وانك محتاجه رجال بجنبك ولا فيه احسن منها ومن زوجها في نظرك وانتي وشطارتك عاد اظن يتترك اي صله لها فيك وماراح تفكر انها تتصل فيك ثاني بالعكس راح تتهرب منك موفقه واذا قررتي تسوينها قولي لي على النتيجه تحياتي لك |
dlo3ti
عذرا ماانتبهت لردك!! اعجبتني الفكرة بس جوالي مو الجوال,, تسلمين مـ ـ ـروق البال لازم اشوف حل يعطيك العافية خبير الأعشاب سلفة!! فكرة حلوه بس لو اني مفكرة فيها قبل تبني بيتها مااعتقد أني بحرجها الان بتقول ماعندي تدرين اني اعمر,,, مرورك اسعدني KOLK_ABOD لكن غثه عن غثه تفرق!! فيه ناس تستسيغينهم وفيه ناس اثقل من الجبل على نفسك.. يارب يجيك من يغثك:26: على امل اللقاء ههههههههههههههههه اضحك الله سنك عن جد ردك اضحكني ماأقدر اقسم بالله لتشرشحني!! وفوق كذا اخاف تفضح بي عند الناس فلانة تبي زوجي!!! لا لا ابعد عن الشر وغني له.. الله يسعدك |
http://www.l22l.com/l22l-up-1/0ca272a33f.gif ايش هذي العفاشهـ !؟ يعني غثاثة مقبولهـ لكن طالعة نازلة انتي ارملهـ ايش عندكـ ؟ كيف ترفضي عريس ؟ تخطفي زوجي :( جربي عاد قوليلها في وحدهـ اعرفها متصاحبهـ مع وحدهـ لبشهـ ماتراعي الظروف ,, وكلامها : مدب : ماتراعي مشاعر الناس وهي كيفها فهمتها ولا لاء ,, الحل الثاني ردي عليها كلمة بكلمة ,, مثلا ً لو قالت ماعندكـ زوج في ايش مشغولة قوليها لأن ماعندي زوج يعمل لي كل شيء ,, أو والاسهل لما تقول لكـ مثل هذا الكلام ازعلي منها ,, لا تعطيها وجهـ قوليلها الله يسامحكـ وقفلي الخط بوجهها وبعدها لاتردي عليها ,, مع ان الناس اللى مثلها عندهم مرض الله يشفيها ويهديها ,, الله يعينكـ حبيبتي ويحقق كل أمانيـكـ ِ دنيا وآخرهـ ,, http://www.7m7.org/img101/s0a.p7m7mf...9w38110981.gif http://www.l22l.com/l22l-up-1/0ca272a33f.gif |
اقتباس:
هلا وغلا RoOd قلتيها عندهم مرض!! وهي مرضها الدفاشة أو عدم احترام مشاعر الغير!! تسلمين يالغالية على الدعوة الطيبة.. |
خلي واحد كبير يكلمها يهددها ان اتصلت ثاني مره يبلغ زوجها ويسويها سالفه وتنتهي السالفه
|
أنا أعاني من نفس مشكلتك بس من وحده من العايلة .. لازم أتصالات يومية تسرد لي أحداث عيالها وزوجها وشغالتها وش سوت ولو جاهم السباك أو مصلح الدشات لازم تبلغني بالتفاصيل وش قالو لها وش قالت لهم ..
هاذا كله كوم صح .. والكوم الثاني اذا قالتلي سالفة وتكون قايلتنها قبلها بيومين تعالي عاد سكتيها او فهميها اني سمعت السالفه منها سابقاً بتحلف انها ما قالت وبتشك اني سمعتها من غيرها وبتبدأ رحلت البحث والاستفسار عن من قالها لي غيرها .. رغم انها هي الي قالتها بس فيها طبع الله يهديها تعيد القصص في الاسبوع اكثر من مره وهي ما تدري .. وصلت لمرحله أحس يصير تشويش في مخي اذا رفعت السماعه وبدت تسرد الأحداث .. صرت اتجنب اتصالاتها قد ما أقدر ولكن المشكلة اذا تجنبت اتصالها القاها طابة علي البيت بدون لا احم ولا دستور .. مشكلتي عويصه .. أحس مالها حل مرات أدور سبب علشان أختلق مشكلة بيني وبينها أريدها تزعل .. القاها ثاني يوم متصله تقول ترا أنا ما أزعل منك أبد ولا احط في خاطري << اخذ نفس بعمق وأحس ان الدنيا تسود في وجهي .. أدعولي أن الله يشغلها عني ويريحني .. |
اذا قدرتي تسجلي في حلقة تحفيظ القرآن حيكون عندك عذر وهو الحفظ
قوليلها الوقت الذي حجلس اكلمك فيه حراجع فيه القرآن انفع لي من ضياع الوقت بالقيل والقال احفظ الله يحفظك |
TALAL3000
مو للدرجة هذي مهما كان لازم اراعي العشرة,, أنا ابغى اتخلص منها بدون ماأجرحها!! LeLe الله يعينك الحمد لله إنها مو قريبة ولا كان اشوفها بالطالعه والنازلة.. ازال2006 معك حق والله لكن فعلا أنا مشغولة بالدوام وعيالي ومشاكلهم,, بس ماتفهم ولا حتى تحاول تكون علاقات مع اللي اعرفهم!! |
حصل مع اختي مثل حالك واكثر منك بس احنا اتصدينا لها
وكان اكبر دور لاخوي اللي كان من لما يشوف رقمها على تلفون البيت يرد وباسلوب فض وهي تتكلم معاه ولا حيا ولا شئ وكانت اختي مغيره رقمها الجوال وتسئل عن الرقم وتقول ليه ماترد علي ومره قال لها اخوي لما سئلت عن الرقم انه ماعندها جوال اشترت بيجر قالت اعطيني البيجر حقها ومن يومها عرفنا انه عقليتها مو سليمه واستمرت وصرنا مانرد على الثابت لما نشوف رقمها او رقم غريب وفكرنا انها ملت لقينا انها مثابره وماتمل ابدا ووصل فيها الامر انها تتصل على بنات عمي وتطلب ارقام اخواتي الصغاراللي بالجامعه وكنت بنت عمي لنا توها عرووس ماكملت اسبوع ازعجتها اتصالات وماتستحي ولا تقدر وبالساعات معاها والبنت مستحيه تقولها لاتتصلي وكانت تقولها ابغى بيجر بنت عمك ؟؟ مو صاحيه! المهم جابت رقم وحده من اخواتي واستلمتها اتصالات لكن اختي ردت عليها من سماعة تغير الصوت لصوت رجل هي خافت وبطلت تتصل ... هذا الحال استمر لشهور الين البنت ملت ونسيت اخواتي بس من جد كانت معاناه عايشين فيها اهلي يعني حتى رجالنا ماسلموو منها لو ابوي يرد تجلس تتكلم معاه وتسئل فين فلانه وفلانه وليش مايردو علي المهم طولت عليك بس حبيت اخفف عنك ويمكن تستفيدي من حلولنا الله يساعدك ويصبرك ويطول بالك |
يا شين اللصاااااقة من جد !!! ولا غراء أمريكي
|
اسأليها مرتين ثلاثة عن احوال زوجها وكيفه ومن هاحكي
ماعاد تتصل فيك بنوب ام وليد |
عن جد الله يساعدج
والله اقرا و انا مستغربه فى اوادم جذي!!! |
اقتباس:
كل مره تضيق صدرك .. اسأليها عن صديقتها هذه .. " ليش سوت كذا " .. .. . |
مالومك والله ... عندي وحده مثل صديقتك بالضبط ... وطبعا من طيب قلوبنا مانقدر نسوي شي ... بس
تدري انا عكسك بشي واحد ... انه دقت علي يوم وقالت عن اهل خطيبي كلام ماله داعي .. بالشرف والاخلا ق ... وبكل برود تضحك ولا كأنها قالت شي ... وانا من قهري مدري شقول ... قفلت السماعه بوجهها وقلت لاختي ... وهي الي دقت عليها وقالت لها لا عاد تدقي ومن اليوم لانعرفك ولا تعرفينا ... والمشكله انه زوجها يبي الفكه منها يقول مافيها شي لو صارحتيهم ليش يزعلو .. وكان بيجيبها بيتنا وتدري الأمر من هاذا كله الفشيله قدام الناس ... شافت امي بزواج كانو عند باب الصاله برى راح يطلعو .. طالعت فيهم وتقول ... انا وش سويت فيكم وفي بنتكم حتى خاصمتوني ولا وحده منكم تكلمني .. وتخيلي قالت كذا قدام الناس ..!! تخيلي انك بهالموقف وش راح تسويين :d ما اقول الا الله يعينك على مابلاك هموووم |
الحل ... حبل و أشنقي عمرك ...:22: لالا .. بكل بساطة أستغلي الصيف هذا بتصريفة حللللللوة وهي : (( والله حنا نبي نسافر شهر و جوالي بقفلة )) وحطي خدمة موجود إكسترا (( اللي بالجوال )) و أسحبي عليها شهر كامل .. على الأقل تفتكين منها شهر .. وقولي لها أن تلفون البيت نبي نلغيه لأسباب أنتي عاد دبريها . وإذا رجعتوا بالسلامة :d خلي الجوال مقفل على طوووول إذا هي فهمتها هذا المطلوب و إذا ما فهمت عطيها تصريفات بايخة .. مثال : - دايخة بروح أنام . - عندي موعد أسنان . - بيجون عندي بعض الزميلات من زمان ما شفتهم وبروح أجهز الأغراض الزميلات . :: نموذج محادثة تــصــريف :: - هي : ألو أهلين وينك وشخبارك ووتثثىلايهعلضحهسشمابعبلشسبساالم ... إلخ أنتي : هلا هلا .. معليش يا فلانه أنا هالحين برا البيت ومشغوووولة حيل إذا رجعت بدق عليك . (( وأنتي .. سيفووووون أسحبي عليها .. لا تدقين ..)) مرة على مرة .. تصريفة على تصريفة .. تبي تطفش غصبن عليها :22: الله يسهل أمرك ويفكك منها يارب تحياتووو:d |
انا كان عندي صديق صاير لي نشبه
حتى في شغلي يجي ويلزق لاكن مره يصرفون رواتب قلت له رح اصرف راتبك قال انا مو موظف عندكم قلت لا انت كل يوم هنا اكيد عاملين حسابك موظف بعدها صار ما يجي للدوام بس صار ينتظرني بالملحق حق بيتنا ههههههههههههههههههههه الصراحه اختي مالك غير تصرفينها بزوجك وان زوجك رافض صداقتك فيها ولاعاد تردين عليها ابد |
كان الله في عونك
مافي غير إنك تغييرين أرقام تليفوناتك |
الحل يا اختي ان تصارحيها و تقولي لها عن مشاغلك وتوضحي لها مايضايقك و ذكريهابصدقتها القديمه التي تركتها وو ضحي لها الاسباب التي تجعل الناس تهرب منها و من تصرفاتها و قولي لها بلباقه و لطف ان تصرفاتها و اتصلاتها الكثيره تزعجك وتزعج عائلتك و ا نك لم تعدي تستحملي اكثر من ذلك و قولي لها اذا اردتي ان تبقى صداقتنا يجب عليك ان تقللي الاتصال و وقت المكالمه و الزيارات و لا اريدك ان تغتابي زوجك واي انسان امامي فهذا لا يجوز ,و انصحيها بقرائة القران الكريم و الاذكارو الكتب الاسلاميه و انت يا اختي قوي قلبك وادعي الله ان يهديها و يصرف عنك رفقاء السوء و الله يكون في عونك و خذي قصتك درس بان .تضعي حدود لعلاقاتك الاجتماعيه بما يرضي الله و يرضيك و بالتوفيق .
|
المشرف الخاص
فعلا غراء والله.. الشكر موصول للجميع على تفاعلهم بالرد بعد رفع الموضوع من قبل العضو المشرف الخاص... آخر تطورات الموضوع.. جلست تتصل علي اسبوع كامل على الجوال والبيت وأنا ماأرد.. والله اتصال ورى اتصال!! كأنها تقول غصب تردين رضيتي ولا مارضيتي!! بالأخير اتصلت على بيت أهلي!! ردت امي قالت وينها فلانة؟؟ قالت الوالده في بيتها.. قالت طيب ليه ماترد روحي قولي لها ترد على التلفون :( طبعا رديت قالت وش فيييك ليه ماتردين؟؟ قلت البيت فاصلته ماأحب الإزعاج و الجوال مع أخوي غيرت رقمي(ماكذبت لأني فعلا بغير رقمي) قالت طيب كم رقمك الجديد!! قلت لسى ماطلعت... قالت دقيت عليك بالاختبارات يقولون تعبانه لايكون فيك المرض....(مرض خطير )!!:23: قلت أعوذ بالله وش هالكلام!! قالت استغربت عدم ردك قلت يمكن مريضة ومرض خطير:29: وش اسوي بعمري بالله؟؟ فوق مضايقتها عليها لسان اعوذ بالله.. |
| الساعة الآن 01:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
