|
انقذوني
السلام عليكم ورحمة الله..
انخطبت من 7 شهور.. واحاجي خطيبي بالتلفون والحمدلله ماحد تعدى على الثاني لكن مو هذي المشكله المشكله بعلاقتي اني مااتبع تعليماته عدل ولا اسوي كل الي اهوا يبيه وربي اني دايما انسى او اسهى واهوا يشوف اني انقص من رجولته مع اني والله ماسوي هالشي لكن بحكم اني مراه بكر واول مره التزم وياه رجل فماادري اهوا شيبي ولا ادري كل واحد وين حده على الثاني ويطلب مني متطلبات يعدم فيها من حريتي الشخصيه بان بعد الزواج مااطلع ويا خواتي او صديقاتي ابدا خوفا علي وغيره وهالشي ماادري اذا لي القدرة على تحمله ولا لا لاني اجتماعيه واحب صديقاتي وانا ماودي افترق عنه ابد لقيت فيه كل الي اتمناه وهوا بعد لكن المشكله بانا مانقدر نتواصل يا ارضى بكل كلمه يقولها يا لا, وانا مالي راي مالي نيه مالي خاطر ابدا.. بحكم اني مرأه واهو الرجل الي متفضل علي بالزواج فلازم ارضى وان مااتكلم ولو بكلمه بقرارته ومجبوره اني ارضى بدون اي نقاش والله اني احس بضيقه وصغر نفس لما اشوفه يكلمني عن الرجل والمرأه وشلون ان المراه تذلل لرضا الرجل وان الرجل يشيلها , لكن المراه ماتقدر تشيله ولا لها دور الا تطيعه بدون ولا رد او خاطر لها.. والرجل هو الانسان لكن المراه مجرد جماد يملكه, وبعد عليها الشكر لله ان الرجل رضا فيها وتحملها احس اني بأجن.. احس اني بين نارين.. نار حبه ونار وجودي الي بينعدم عنده ارجو المساعده.. احس بانعدامي بعلاقتي معه.. |
هذه الغيرة شى طبيعي لدى الرجال فا رجائي ان تتفهمي خطيبك اكثر
|
اختى طاعه الزوج واجبه فى كل الاحوال الا فى معصيه الله وبعدين الخروج الكتير بدون داعى للمراه حرام فهى لاتخرج الا للضروره فقط مش مع الاصحاب
|
من ناحية انه يقول بعد الزواج انو ماراح يرضى انك تطلعين مع اخواتك و مثل هالحكي خوفا عليك هو صادق
ويغار عليك و عادي جدا اغلب الأزواج يقولون كذا بدايه بعد الزواج ياحلوه انت وشطارتك صدقيني اذا اسلوبك معاه حلو ويرى انك مطيعه في كل الأحوال هو بنفسه راح يتغير ويغير من اموره كثير لأنه راح تصير علاقتكم اقوى انتو تحبون بعض لا تخلين مثل هالأمور تشوش عليك ونصيحه حاولي ترضيه واذا طلب منك شي لا تعارضينه خليك مطيعه له ودوده عشان ماتبعدينه عنك ولا يوصل ويقولك انت منتي مطيعه لأن الرجال يحب اذا طلب او قال شي لزوجته يلقاها تسمع كلامه وماتخالفه لأنه كذا راح تريحه وتسعده فلا تسببين بفجوة صغنطووووطه بعدها تكبر الله يوفقك ويجمعكم على خير موفقه حبيبتي:14: اختك لذة عشق |
مو مساله طلعه ..مسالة عدم وجودي..
|
اشكركم على ردودكم حبيباتي
لكن اختي لذة العشق اني اخاف كل حياتنا جذي بس اهوا يملي علي شسوي وانا مالي راي والله يعور قلبي مع اني ابيه بكلي انا من عيوني اسمع كلامه, بس اهو يبيني اسكت بدون لا اعبر والشي يحز بخاطري... اسال نفسي هل هذا صح؟ هل ان دايما اسكت ومااعبر عن الي ابيه واكتمه احسن من ان نتناقش.......:( |
تناقشي معاه بهدوء.. يعني بيني له انج مستعدة تنفذي له كل طلباته .. بس تدللي عليه يمكن يخفف طلباته ..
|
طاعة الزوج واجبة و لكن عليه أن يكون أكثر عقلانية
" و عاشروهن بالمعروف" يحرمك من الزيارات نهائياً ؟؟؟؟؟؟؟ و الله هيك كتير لا أعرف ماذا أقول لكن ربما (و اقول ربما ) انه يعد الزواج يتغير لكن اذا عقليته و قناعته لا تتغير فالأفضل انك ما تتسرعي بالزواج و ادرسيه منيح المشاكل فترة الخطبة لها فائدة كبيرة بتوضحلك شخصيته على حقيقتها و لو كان طوال الوقت متفقين ما ح تقدري تدرسيه و تفهمي طبعه كويس أنصحك أنك تشوفي لأي درجة هو متعنت برأيه ؟ بصراحة حبيت أعرف مواقف محددة لو انك كتبتي أمثلة عن الأمور التي يطلبها منك لي عودة علك تكتبي موقف من هالمواقف الي يطلبها منك |
مرتني الدنيا
انا بطبعي هاديه ولما اناقشه اناقشه بهدوء بس اهو الله يهديه يعصب بسرعه ويتنرفز ويقولي انتي ماتسمعين كلامي وتبين كل شي لج وماتقدرين رجولتي...ومن الكلام الي يجرح.. مع اني بس اطلب تفهم حاجتي ويعطيني مساحه شوي.. ماريا مايقصد ابدا..طبعا زيارات موجوده بس اطلع السوق مثلا لا والف لا والله اني متفهمه غيرته لكن وايد يحكمني.. |
يطلب مني لما اطلع او ارد اعطيه خبر.. واناموافقه طبعا لكن لما ارد مثلا وانشغل ويا اهلي ويدق يشوفني بالبيت يعصب ليش مادزيتله وليش تجاهلت كلامه مع اني مااقصد وربي
احيانا مااوافق رايه واناقشه اني اطلع ويعصب علي حيل فاضطر اني اوافق عشانه واحيانا اوافق لان بيكون زوجي وحبيبي وكلي وبيعوضني كل هذا.. بس الي يقهرني من داخله تفكيره ان رجل متفضل علي..ولاني مراه لازم اطيعه غصب طيب واحمد ربي عليه.. ماادري هالافكار احسه تصغر من قيمتي..كان مالي وجود...والله ضعت.. |
اقتباس:
و لو أطعته لك الجنة " أيما امرأة ماتت و زوجها عنها راض دخلت الجبة " حديث رسول الله صلى الله عليه و سلم و لكن هل في المقابل بعرف حقوقك عليه ؟ وواجباته تجاهك ؟ لأنه من الطبيعي انه يطلب منك أي شي و انا لا أتضايق من زوجي على الاطلاق لو فرض علي أمر أو قال لي لما تعملي هذا الأمر عليك أن تسأليني بالبداية لكن بنفس الوقت لا يوحد اهانة لي ! و دايما يقول يمدحني أني مطيعة له و يقول لي خير متاع الدنيا المرأة الصالحة يعني يثني عليكي بالمقابل و يقدر طاعتك له أمر يخفف عنك هذا الشعور بنقص القيمة لأنه المفروض تطيعيه و هذا أمر بديهي و بالنسبة للخروج إلى السوق صحيح انه صعب لكن :"و قرن في بيوتكن " يعني اذا هو يطلب هالشي من مبدأ ديني مو مشكلة أما مجرد فنتزة و تعنت بالرأي فهدا مرفوض |
انا مستغربة من بعض الردود اللي تقول زوجك و له حق عليكي هو صحيح ليه حق عليها بس هذا مو معناه انه يلغي شخصيتها و يذلها بس لانها امراة البنية تقول ما يتناقش معاها لازم كلام هو اللي يمشي و بدون كلمة وين احنة عايشين؟ حبيبتي قبل ما تتقدمي اي خطوة فكري بحياتج معاه و تكلمي معاه و خلي شخصيتج قوية و ضعي الخطوط الحمرة عشان تعرفين راسج من رجولج و اذا ناقشتي معاه شوفي فيه حل اهلا وسهلا و اذا ما في حل فبعد حياتك و قرارج انتي و مدى استحمالج فلذا لا تستعجلين لان هذا قرار لمدى الحياة لاني متاكدة انج مراح تقدرين تكتمين بقلبج لمدة طويلة و الله يعينج و يهدي خطيبج |
الأشياء اللي تحسين تصغر من قيمتك قوليها له
ولكن ............بطريقة محببة وبهدؤ وبوقت يكون مروق وخلي صوتك رقيق ولا تحسسينه بالضعف لا الهدؤ بالثقة بالنفس بالحب لأن اللي يقول كلام صحيح ما يخاف ................. وانتي كلامك صح واعتقاداته يبي لها تغيير طبعا اختي لا تتوقعين التغير راح يصير بسرعة وسهولة لا ................لأنه تربى على هالأفكار وكبر عليها يعني مختلطة بدمه وروحه انتي عليك تغيرينها شوي شوي بالهدؤ والحب لما يفرظ عليك شيء ولا يقول شيء انتي تحسينه فيه خطأ تمالكي نفسك ولكن لا تسكتين وتصححين له قوله لا وانما تكلمي بهدؤ وقولي له وجهة نظرك بأسلوب رقيق هادي تدربي في البيت اشلون تتكلمين بأسلوب هادي رقيق ومقنع شوفي أهم شيء الأسلوب في الحديث وتوصيل المعلومة هو يمكن ما راح يقتنع بكلامك من اول مرة ....................لكن لا تيأسي وتمي على هالأسلوب ............حتى لو سويتي اللي يبيه عن غير اقتناع بس خليه يعرف انك مو مقتنعة وطالبيه انه يكون عنده حل وسط لأستمرار الحب والؤلفة من الحين ابدي صارحيه من قبل الزواج .............ولا تخافين منه هو لا يمن عليك بزواجه منك ولكن مهما كان انتي تحبينه وتبينه علشان كذا لازم يكون اسلوبك حلو معاه بس ضروري تكونين معاه صريحة وتعبيرن له عما يضايقك منه ولو تخلين احد من اخوانك يرافقه يكون احسن بحيث انه شوي يحاول يغير من طريقة تنفكيره الخاطئة الله يوفق بينكم ويتمم زواجكم على خير . |
ماريا
ان شاءالله حبيبتي باحاول وانطر الفرج احلام مزيفه بس يظل بعد ماابي اخسره.. نوور بطبيعتي ومناقشتي هاديه بس الله يهداه ولكم الف شكر خواتي وحبيباتي ماقصرتوا والله وان شالله بميزان حسناتكم انا باجرب والله كريم ان شاءالله.. |
والله انا برأيي تفسخو الخطبة ام الزواج اللي بدايتو ذل وبدايتو اجبار على قراراتو صراحة بعض الاحيان يكون الفراق هو الحل من وجهة نظري الجواب سامحيني على الرد القاسي بس بحكم اني رجل اعرف الرجال اش تفكيرهم والله يوفقك ويسعدك دنيا واخره
|
| الساعة الآن 02:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©