|
خطيبي لا يثق فيني !!
السلام عليكم
عندي مشكله مع خطيبي(بدون عقد) و اتمنى تساعدوني اهو يكلمني كل يوم (امي و ابوي يعرفون و ما عندهم مانع) و نتفق على امور الزوج و المستقبل و الحفله المهم اهو يسمع عني كلام من امي جدتي و عمتي ((حاط فى باله شخصيه قويه و عنيده)) انا جذي صج بس مب ويا يعنى هادئه و متفاهمه اذا تصير مشكله بين الاهل او بينه و بين اي احد انا اعرف من امي و خالتي و لاهل و هو بعد امس سئلني و ين تحبين تعيشين مع اهلج او بروحج لانه اهله مو فى نفس البلد اللى احنا عايشين فيه قلت له اكيد بروحي مو مع احد قال بنأجل الزواج سنتين لانه امور الماليه مو فى احسن حال انا قلت له احسن و انا باكون امكمله دراستي و بعدين سئلني اذا فنشوني من شغلي((يشتغل عند زوج خالتي و قبل اسبوع صار سوء فهم و زوج خالتي قال له دور لك شغل ثاني و كان معصب بس بعدين زوج خالتي سامحه )) شنو بتسوين قالت له حزتها اكيد بسوي اللى تبي و من اهني صارت المشكله قال ليكون تقولين الكلام اللى اقول لج حق خالتج امج و يدتج و ع الفكره هاي مو اول مرره يقول لى الكلام ذي عاد انا انقهرت و قلت له اذا اليوم تثق فيني اتصل و صكيته فى ويها انا غلطانه ولا اهو؟؟؟؟ |
أكيد انتي غلطانه ليش تصكرين فى ويهى؟؟ هو غلطان بعد ماوثق فيج لازم تتعاملين معاه بحذر و ذكاء العصبيه ما بتفيدج
|
http://www.l22l.com/l22l-up-1/0ca272a33f.gif وعليكم السلام ورحمة الله وبركاتهـ ,, حبيبتي مافهمت بالضبط النهاية .! يعني هو سألكـ لو اتفصل من شغلهـ ايش بتسوي وبعدها قال لكـ لاتقولي لأحـد ؟! والله حبيبتيلهنا احس انكـ غلطانة للصراحة ,, مو انهـ مايثق فيكـ ِ غاليتي لكن في أمور بين الزوجين مايحب الزوج انها تخرج ,, يحب يحتفظ فيها ببئر اسرارهـ " زوجتهـ " انتي غلطتي حبيبتي يوم قفلتي الخط بوجههـ اعتذري منهـ تراها كبيرة .. وربي يسعدكـ ويعجل زواجكـ على خير ويوفقكم ويديم بينكم المحبة ,, http://www.7m7.org/img101/s0a.p7m7mf...9w38110981.gif http://www.l22l.com/l22l-up-1/0ca272a33f.gif |
قويه التسكيريه في وجهه .......ياشينهااا
على العموم اذا حبيتي تراضينه لاتراضينه بااتصال علطول لا ارسلي له كم مسج وبعد فتره اتصلي عليه وافضل تجلسين يوم او يومين ماتتصلين بس ترسلين مسجات وتتعذرين له فيها <<==فاهم كيف يرضون الشباب :) اسيرهاااااااااا |
ام انفال اعترف اني غلطت بس نرفزني
RoOd حبيبتي اي قال لى زوج خالتج متغير على قلت له يمكن كان تعبان او معصب فال لى تحملي تقولين حق اهلج انا قلت لج عن الهوشه انا سويت روحي ما اعرف انا سمعت من ابوي ما سئلته لا هو و لا اهلي والله امي تسئلني عن شنو تتكلمون اقولها عادي ما اقول حق احد انا ادري يحبني و يموت فيني منتظر موافقتي من 7 سنين بس اسلوبه ما اعرف شلون يوم الجمعه كنت طالعه و قلت له بكره باروح بيت رفيجتي ايقول لا تقولين لها عن كلامنا؟؟!! يعني انا فتانه اهو ما شاء الله ممتاز بس اسلوبه ما ادري شلون عمري ما تصورت باكتب مشاكلي فى المنتدى و انا ناويه اقول له لا يتصل الا بعد العقد فترة التعارف جذي الله يستر بعدين جزاج الله خير حبيبتي ارتحت فضفضت لج شوي احببببج فى الله |
اسيرها مشكور اخوي والله ابي اصيح الحين شنو باكون جدامه!!!
جزاك الله خير |
انت فاهمته غلط هذي مو عدم ثقه فيك اذا قالك لاتقولي لاحد عن كلامكم
لان الرجال مايحبون كلامهم يدري به احد زوجي كذا دائما يوصيني ان مايخرج كلامنا حتى لو مافيه شى |
قفلتك في وجه زوجك , دليل سوء ادب , ونصحتي لا تقدمين على الزواج قبل أن تتعلمي
حسن الأدب مع الزوج , حتى لا تكوني وبال عليه وعلى نفسك |
غاليه حييل ان شاء الله يكون مثل ما تقولين
جزاج الله خير حبيبتي |
جزاك الله خير اخوي رادع و ان شاء الله امشي على نصيحتك
|
الله يوفقك ويكتب لكم الخير والسلامه
ويوفقكم لماا يحب ويرضى الأمور تحتااج الى مداره وأسلوب حضاري وتعامل سلس مع الزوج والخطيب يجب على كل بنت أن يكون تعااملهاا بحدود الشرع والتوكل على الله ودعاء الوالدين كفيلين بأن يهبان للبنت زوج مثالي وحيااه حافله بالسعااده .. بأذن الله ياا بناات توكلين على الله وتسعن بالدعاء مع كل صبااح ومساء وبتعدن عن المعااصي وسترن مااا يسركن لاا محاله بالتوفيق |
http://www.l22l.com/l22l-up-1/0ca272a33f.gif اقتباس:
وانا احبكـ في الله حبيبتي احبكـ ِ الله الذي احببتني فيهـ ,, ياقلبي كل الرجال كذا مو انهـ مايثق فيكـ ِ او فتانهـ ,, حبيبتي انا بقول لكـ ليش ماودهـ احد من أهلكـ يعرف ,, لأنهـ كان متضايق فحب يفضفض لكـ ,, وماحب انتي لو كلمتي امكـ تكلم خالتكـ وخالتكـ تكلم زوجها ,, ايش راح يقولو عنهـ خاصة زوج خالتكـ ,, بيقول الرجال يشتكي لزوجتهـ وهو ماقدر يتصرف معاي ارسل خالة زوجتهـ !؟ هذا هدفهـ حبيبتي الموضوع حساس بالنسبة لهـ ,, لأن ممكن يأثر " برجولتهـ " ماتعرفي الرجال ياقلبي ,, يعني مو عدم ثقة فيكـ ِ او يقول انكـ فتانة ,, لو كان هذا شعورهـ كان من البداية ماوثق فيكـ ِ وقال اللى بخاطرهـ صح قلبي ؟! ربي يسعدكـ معاهـ ويوفق مابينكم اللى عليكـ ِ الآن تعتذري منهـ حبيبتي ,, لأن الزواج والرجل مايتآخذ بالقوة يجي باليـن والهداوهـ ربي يرضى عنكـ ويرضيكـ ِ ,, http://www.7m7.org/img101/s0a.p7m7mf...9w38110981.gif http://www.l22l.com/l22l-up-1/0ca272a33f.gif |
العايضي1
جزاك الله خير RoOd جزاج الله خير الشعور بالذنب ذابحني و استحي اعتذر من تصرفي هذا |
اقتباس:
الله يوفقك وييسر امورك اختك بالله جينز |
jeans
سبق و ذكرت فى موضوع منفصل عن هذا الشى بس اهلي موافقين و هم اللى طلبو مني اتعرف عليه انا عمري ما كلمته و ما فى غزل او اي شى بينه بس امور الزواج و المستقبل جزاج الله خير |
الحمدلله انحلت المشكله
|
أختي هذا مو اسلوب نقاش كلمه والثانيه تصكين التلفون اجل بكره باليدين تتفاهمون ونا ما اشوف فيه شي يخليك تعصبين ردي عليه ووضحي له الموضوع بس كذا غلط الله يعينك صراحه
|
حبيبتي خلني اكون صريحة خطيبك بدون عقد مايصير اتكلمينه في خلوة واذا تتفقون على امور الزواج اتصير بجلسات أمام محرم.... ولما يعقد عليج راح اتكونون اكثر جدية من أحين وأكثر خوفا في أموركم من الوقت الحالي وتقدرون اتلطفون الجو وكل واحد فيكم يقدر يخفف عن الثاني بكلمة رقيقة وحب ولمسة اما انكم تتناقشون كذا أكيد ما راح يهمج اذا قليتي ادبك عليه لانه ما عنده السيطرة عليك.... وبعدين حبيبتي أي ريال طبيعي لازم يكون في شي في اسلوبه ينرفز البنت لازم وهي نصيحة سمعتها لازم تتعاملين مع الرجل كأنه الوالي (لما يكون ريلج حلالج مب الحين الله يرضى عليج) يعني حتى لو جربتي اتراضينه شو بتقوليله؟؟؟؟؟
الله يسرلج اللي فيه الخير....استخيري في الأمر واذا الله يسرلج اعقدو أحسن من هالمكالمات اللي مالها فايدة لأنها ماراح ترسي على شي وليست مكملة لجميع الاحتياجات الزوجية |
| الساعة الآن 12:22 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©