|
انا وزوجي ونهايه الاسبوع ؟؟ ((كيف اتعامل معه))؟
مادري وش أكتب بالضبط اكتب اني طفشانه ومتضايقه والا نفسيتي تعبانه؟
والا أفضفض وأطلع هالهم اللي في قلبي؟ زوجي انسان طيب وحنون والحمدلله صحيح ما هو كامل يعني فيه شويه عيوب بس ماهو لحاله حتى انا مو كامله ولا اي انسان كامل... بس زوجي مشكلته مقرفه ودايماً تحصل بشكل اسبوعي تقريباً وأي اجازة ياخذها ... المهم طول الأسبوع رجل عادي مثل الرجال الباقين يجي من الدوام يتغدى وينام ويصحى ويروح لأهله ويجيب اغراض البيت .. يعني يومنا يمر طبيعي والحمدلله بس المشكله يوم الخميس والجمعه وساعات تبدأ من يوم الاربعاء بالليل تطلع نفسيته تعبانه ويدور على المشاكل ويزعل بسرعه لو من مزحه وينكد علي يومي ويزعل من توافهه ويصارخ ومصدع ومعقد حواجبه ...ويسفهني ما يكلمني ويصارخ .. وطبعاً اذا اخذ اجازة من الدوام نفس المشكله.. المهم ساعات انا اتنرفز من اسلوبه واعصب وازيد الطين بله وساعات اسكت واتحمل ومع ذلك يهيني ويذلني ويقهرني ومن تزوجنا وهذا حالنا الخميس اللي فات ما بقى شي ماقاله لي شرشحني وجنني ما تركني انام الا وجهه الصباح وجالس يقول انتي اسوأ زوجه بالعالم انا لما ربي يرزقني بفلوس بتزوج عليك 3 واقهرك ويتلفظ علي بلفظ بصراحه قذر بكل معنى الكلمه ما ينقال الا بين الاولاد بالشارع ثم يجي يوم السبت ويقول انا كنت متضايق وطفشان وزهقان وقلت هالكلام عشان اقهرك سكت وقلت خير ان شاء الله دايماً هذي عادته جا اليوم نفس الحاله قلب نفسيته زفت وبدأ بالزعل والنكد قمت قلت بمسك اعصابي حتى ما ازعله وفعلاً مسكت نفسي عنه قام سفهني ولا يكلمني وطلع من البيت وحتى عطاني خبر وين بيروح او ان كنت محتاجه شي او ناقصنا شي يعني ماهو زي عادته مع اني ماسويت له شي وسفهني وحقرني وكأن جدار في البيت وش الحل معه؟ لنا سنتين و5 شهور متزوجين وهذي حالته كل خميس وجمعه واي اجازة ياخذها من الدوام؟ ملاحظات حطوها بالاعتبار : ماعنده أصدقاء ولا يعترف بشي اسمه اصدقاء دايم بالبيت والا بيت اهله مايحب يطلعنا ولا يمشينا ولا يسافر بنا ولا اي شي =========================================== وش اسوي معه وليش هو يتصرف كذا وكيف اتعامل معه اذا جته نوبه المشاكل كل خميس او جمعه انا احس اعصابي تعبت من اسلوبه وطريقه تعامله المشكله اول مايصحى من النوم رايق بس تبداه هالحاله بعد مايصحى بساعتين ثلاث .. يرجع طبيعي ومزاجه حلو يوم السبت !! وش الحل معه؟ |
الله يعينك عليه
طيب ليه ماتروحين لااهلك نهاية الاسبووع..؟؟ حتى تبعدون عن بعض ويقل الملل والفتور اللي بينكم .. لان واضح انكم تعيشون حالة طفـــــــــــــــــــــــش وزهق ... بدليل انه اذا ماطلع وغير جو ...حتى لو كان في الشغل... عصب ومل وطفش ونكدعليك انتي بعد .. حاولي ماتكونيين عنده بها الفتره وحاولي تدخلينه مع ازواج اخواتك اوازواج خالاتك او حتىازواج صديقاتك.. المهم ماتخلينه وحداااني كذا.. والله يسخركم لبعض.. |
أعتقد فكره الاخت هايدي جيده
وهي ان تذهبي في نهايه الاسبوع إلى اهلك وحينها سيحس بالفراغ الذي جعلتيه في المنزل اسكتي احسن حل ولا تعصبي لما يعصب بل حاولي السكوت او تهدئته حتى تهدئ الاوضاع الله يسعدك |
لا حولة ولا قوة الا باللة
شوفي انت في نص الاسبوع اعزمية ع العشاء في المطعم وحاولي اتكلمينة في الموضوع ... |
فكرتكم حلوة
بس ما تنفع معه تدرون انا لما كنت بالنفاس في بيت اهلي كان هو ماخذ اجازة من الدوام شهر كامل ما تركني في حالي يجي على اساس انه مشتاق لي وللنونو يجي يصارخ علي يهزئني بكلام ما له داعي ينرفزني يسبب مشكلات بدون سبب واضح الخميس اللي فات لما شفت وضعه تدهور زياده ونفسيته انقلبت قلت له بروح بيت اهلي قال لي: خلاص الساعه 7 المغرب تكونين جاهزة لو تتأخرين ماعاد فيه روحه فاهمه(يعني يدور شر) قمت بسرعه ألبس والبس بنتي واجهز شنطتها وبسرعه ورحت بيت اهلي رحت بيت اهلي وانبسطت مع خواتي وامي بس لما يجي ياخذني ركبت السياره وهو معصب ونفسه شينه سكت وقلت يمكن يتهيأ لي دخلت البيت وما ان وصلت لغرفتي حصلته جالس ويدور الشر ويستلمني بصراخ واستفزاز لحد ماعصبت وفار دمي في جسمي قمت طولت لساني قام طوووووووووووووووووول لسانه ويصارخ ويهزئني ويشرشحني وفشلني وقال لي كلام ما يقوله زوج لزوجته بعدها عقب ما فرغ من كلامه قام يقول لي ليش تصيحين وش له الدموع!! انا مادري وش اسوي معه تقولون لي خليه يختلط مع ازواج خواتي للأسف انا الوحيده اللي متزوجه كلهم اطفال صغار انا الكبيره وهو انسان يعني شبه مايحب يخالط احد هو كذا من يومه طفل بس من جد نفسيتي تعبت منه لي سنتين ونص وانا على هالحال زهقت صرت اخاف من اخر الأسبوع واخاف منه اذا اخذ اجازة من الدوام الله يستر بعد اجازته الجايه في شهر رمضان يعني رمضان كلــــــــــــــــــــــــــــــــــه طقاق ومشاكل صايم وفوقهم نفسيته تتدهور بالاجازات يا رب ان مديره بالدوام مايوقع له بالموافقه على اجازته برمضان الله يستر بس... |
هل عندكم أولاد ؟
يمكن هذا السبب التأخر في الإنجاب فتكون نفسيته تعبانة وقت الفراغ مع انه ليس مبرر لسوء الخلق وفي أيام الدوام يكون مشغول !! |
اختي لين اسمك حلو لأنه اسم بنتي
ايه نعم ربي اكرمنا ورزقنا ببنت حلوة عمرها 3 شهور |
الرجال بحاجة لشيخ يقرا علية
واقري سورة البقرة كاملة في جلسة وحدة وخليه يشرب الماء المقري فيه رددي اية (وان امراة خافت من بعلها نشوزا...ا.............لايةاية 128 اعتقد سورة النساء او ال عمران وكرريها بقلبك قبل واول مايقبل عليك وردي علي بالخاص |
الله يكون في عونك ويوفقك
الله يهدي زوجك ويسخره ولكن إذا تبغين نصيحه من أخت لأختها إذا نام زوجك باليل حاولي إنك ماتنامي معاه في نفس الوقت وبعدها أقرأي عليه سورة البقره كامله وانفثي عليه [واستمري عليها قرابت الشهر ويمكن يرجع تدهور نفسيت زوجك إلى عدم وجود أصدقاء يذهب إليهم في ليلتي الخميس والجمعه من الطفش إلي هو فيه ما يجصل قدامه احد غيرك وهذا من غلاتك عنده:d :d |
روحي اطلبي من مديره يشغله اضافي حتى خميس وجمعه:d
زوجك عنده حساسية من الراحة:25: كالجمل اذا توقف يعصب:18: يا قلبي عليك هانت حبيبتي اتحملي كلها يومين احسن من كل ايام الاسبوع بتتعودي يوم يبطل صراخ تجيك ازمة:30: تحياتي |
اختي ريم من جد وضعك صعب معاه الله يكون في عونك
عندي فكره يمكن تنفع وهي انه يسجل في نادي رياضي ويروح له في خميس وجمعه يعني تحاولي توجهي تفكيره لاشياء تشغله مثل العمل عشان يجي للبيت مافيه حيل للهواش شئ ثاني اسئلي امه واخواته عن حالته وحاولي تدوري لها حل ممكن لها اسباب وتحاولي تعالجي هالاسباب وفي الاخير عليك بالدعاء ولزوم الاستغفار وربنا يهديه لك ويسخره تحياتي لك وبالتوفيق |
انا مع الاخت المتعبه لا تقطعين القرآن ابد حاولي يا اختي معليه راح تتعبين شوي بس النتايج بأذن الله مفيده ,,, وعليك بالمويه المقري عليها لو انتي اللي تقرين فيها وداومي اختي الى ان تجدي النتايج بأذن الله... الله يارب يوفقكم ويهدي سركم انشاء الله.. |
انتي وش حاطه في بالك حل
وش تبين انتي حل يعالج مشكلتك ؟ |
مشكورين على حلولكم
وشكلي ببدأ من اليوم بقرأ عليه سوره البقره واعطيه مويه مقري فيها جزاكم ربي الف خير على هالنصيحه واختي على امل اللقاء سبق واقترحت عليه هالحل وقابلني بالموافقه وفعلاً سجل بالنادي وراح اول يوم ودفع رسوم النادي اللي كانت بذيك الحسبه الكبيره والله ما اكذب عليك يوم واحد فقط راح للنادي ورجع يجلس بالبيت |
أختي حاولي تقري على زوجك قبل يوم الاربعاء يمكن يعاني من شي 000
|
حولي تخلين العطلة مميزة أنتي وشطارتج
|
ومو تنسين اقري سورة البقرة دايما
|
مافيه احسن من القران اقرائي سورة البقره كل يوم مدة سنه كامله وان قراهو يكون افضل بس انتي اقريها تراها مجربه ومضمونه الله يفرجلك ويفرجلي
|
شوفي اختي الغاليا اساءلك سؤال --ربما في ذكريات اليمة حصلت لزوجك في احد نهاية الاسبوع قبل ما تتزوجيه----او طبيعت عملو----او -----الخ .....سؤالي هو لماذا لا تحاولي ان تحلي هذا الامر مع زوجك اثناء الاسبوع قبل ما تجيه حالتو....الله معك ومع كل زوجة في مثل حالك ----------و مفتاح الفرج مع الصبر
|
ياحياتي والله إن حياتك تكسر القلب >>>> اللي إستشفيته من كلامك إن زوجك فيه مشكلة (( حاله نفسية )) يمكن تكون من الفراغ :d ويمكن السبب لأنه ماعنده أصدقاء (( لأنها مو معقوله )) حاولي بإخوانك يأخذونه معهم .... أو كلمي أحد من خواتك تقول لزوجها يتقرب منه بشرط يكونو متفاهمين ولا تنسي سورة البقرة >>>>>> الله يصبرك ....... |
الله يعينك
|
ياحبيبتي مافيه حياة بدون مشاكل بس هو خلاها اسطوانه اسبوعيه
معقول هو كذا من اول سنه زواج جربي اول مايصحى يوم الخميس غيري في البيت واعملي حفلة بالونات شموع بطاقات....... من هالحركات واذا باله وسيع خلي من ضمن الحفله العاب مسليه سوني او شطرنج او تنس او اي شي عندكم وشوفي يمكن هو مل من الروتين |
عزيزتي ماهي طبيعة عمل زوجك ؟ اذا كان في عملة نساء فيمكن لة شوفة ثانية لذالك يكرة الخميس والجمعة واي اجازة ثانية بياخذها تأكدي من الموضوع واتمنى لك التوفيق والهداية لزوجك ...............تحياتي
|
اللي يقول عمله في نساء لا طبيعه عمله عاديه جداً مهندس في شركه
وطبعاً الشركات عندنا في بلدنا ماتسمح بالاختلاط بالعمل يعني كلهم رجال في رجال وهو ماعنده أصدقاء خير شر ولا يعترف بالاصدقاء والصداقات لدرجه انه حرمني من جميع صديقاتي كلهم يطلبوني نطلع مع بعض نشوف بعض بس هو يرفض بس اتواصل معهم عن طريق الجوال وفي بيت اهله قبل لا يتزوج كان يقضي الخميس والجمعه في النوم... واللي يقول خليه يطلع مع اخواني او ازواج خواتي اقولكم للأسف مافيه احد من خواتي متزوج واخواني ماعندي غير اخو واحد ولسى طفل بال13 سنه ... واللي يقول هو مل من الروتين وسوي له حفله او غيري بالبيت انا اهتم بنفسي بزياده ايام اجازته بس ما بي اخاطر واسوي له حفله عشان يقلبها علي نكد مرة فاجئته بهديه حلوة من مكافئتي من الجامعه جمعت مكافئتين وشريت له ساعه تجنن وتاخذ العقل وغلفتها فشلني وكسر بخاطري حتى ماكلف عمره يفتح الكرت ويقراه او حتى يشوف الهديه رماها بكل برود على طرف السرير وقال لي بكل برووووود وش هذا!! قلت هديه علشانك ..قال لي انتي بس هذا اللي فالحه فيه ماتمسكين قرشين الا تطيرينهم هذي شغلتك قلت هذي من فلوسي ما خسرتك شي قام قوم الدنيا وقعدها وحطمني تحطيمه ما انساها طول حياتي يوم جا يوم السبت وروق كالعاده جاني يتأسف يقول انا كنت متضايق وطفشان وراح اشترى لي ساعه بس وش عقبه عقب ما فشلني وحطمني وكسر بخاطري اليوم السبت جا من الدوام الحمدلله زانت نفسيته وروق ورجع طبيعي بس انا زهقت ابي حد لهذي المهزله اللي كل خميس وجمعه تصير |
اقتباس:
:d :d :d :d :d :d :d :d الله يسعدك ام وليد ضحكت من قلبي كنت طفشااااااااااااااااااان ... والله يصبرك يا صاحبة الموضوع ..:) |
ريم مثل ماقلتلك
روحي لاهلك من يوم الاربعاء في الليل وقولي له انا ما احتديت اروح وانام عند اهلي يومين الا افعالك اللي جننتني وكل ماسويت هالحركات بافهمها انك تقولي روحي لبيت اهلك بطريقه غير مباشره وشوفي ايش يقول ؟؟ بس لاتنسي اقري عليه هوكذا من اول ماتزوجتيه ؟ يمكن يغار من بنتك واهتمامك فيها ؟؟ |
هاايدي
هذا حاله من تزوجنا وربي ما اكذب في اي شي وهو ما راح يتركني في بيت اهلي بسلام بيجلس يرسل لي رسايل تغثني ولما ارجع يستلمني هواش وصراخ وزعل ونكد.. |
أختي ريم :
معظم المتزوجات وخاصة الطالبات والعاملات ..ينتظرن يومي الخميس والجمعة للراحة ويتفاجأن بأن اليومين يذهبان سدى حيث تنقلب حياتهم الى نكد وزهق وخلاف مع بعضهم .. السبب في معظم تلك الحالات كان هو عدم التخطيط الجيد للإجازة ... حاولي عزيزتي في أحد أيام الأسبوع يعني وهو رايق تطلبين منه أنكم تقضون هالاجازة في مكان ما حتى لو بيت أهله أي مكان المهم انكم تغيرون فيه جو عن البيت .. حتى لو قضيتيه في البيت اسأليه كيف ممكن تقضوا هاليومين ... أعانك الله وفرج همك ... |
الاخت العزيزه احتمال كل الاشخاص الذين ردوا على استفسارك في قلبهم شئ اخر لا يحبون ان يذكروه لك وهو احتمال ان يكون متزوج باخرى ويقضي معها فتره خلال الصباح وينقطع هذا الاتصال ايام العطل وفي رمضان وبامكانك يا اختي التاكد من ذلك بطريقه ذكيه وليس بطرق تخرب بيتك وحتى اذا كان هذا التوقع صحيح وان شاء الله ان لا يكون كذلك فاياك ان تصارحيه بذلك وحاولي استرداده بشتى الطرق لانك لو صارحتيه سيكون كالهم الذى ازيح عن صدره ويقول لك نعم وعند ذلك لا حول لك ولا قوه وانما دعيه يخاف ان تكتشفي ذلك وتدريجيا سيعود لك واعرفي بذكاءك ما يحب وما يكره ولاحظي علاقتك الجنسيه معه هل انت مقصره معه ام لا وحاولي ان تتحرشي به بطريقه لطيفه وخاصة صباحا قبل ذهابه الى الدوام ... واتمنى بعد كل ذلك ان يكون ظني ليس بمكانه
|
السلام عليكم فانصحك بعدة اشياء
اقرئى سورة البقرة كل ثلاثة أيام كونى نظيفة متعطرة اجذبيه نحوك بكلامات رقيقه من خلال الهاتف كونى هادئة معه وبالأصح باردة اذاتكلم بما لايرضيكى غيرى من نظام حياتك اغلقى الانوار وأضيئى الشموع ودائما اكثرى من الدعاء وقولى اللهم كما ألفت بين قلوب المسلمين ألف بينى وبينه وأذهبى معه عند أهله فأنت لاتدرين ما يلقاه هناك اومايسمعه |
اقتباس:
أستحاله يكون متزوج بأخرى هو يحبني ويحب بنتي وبيتنا وراتبه مايغطي مصارفينا وزوجي ماهو راعي لف ودوران وما لنا غير سنتين متزوجين وهو توه صغير بال28 وانا بال20 سنه يعني استحاله يتزوج علي مو ناقصني شي والحمدلله ولو فرضاً متزوج كان على الأقل انا احس بهالشي او انه متغير من ناحيتي بعدين الدوام يروح له من الصباح ولا يطلع الا 3 العصر يعني هذا نظام عمله لأن بنفس الشركه فيها ابوه وعمه واقربائي يشتغلون فيها وكلهم هذا دوامهم مستحيـــــــــــــــــــــــــــــــــل يكون متزوج أبداً أبداً... |
اختي ريم
يمكن زوجك عنده حالة نفسية أتوقع تسذا إلا أقول زوجك كم راتبه ؟ وليش مو راضي يسافر ؟ والله يكون بعونك |
اختي ريم
اسألي اهله ، قبل الزواج كيف كان يقضي الاجازة و كيف كانت نفسيته؟ |
سألت أهله قالوا كان يقضي وقته نهايه الاسبوع جالس بغرفته يا نايم يا يطالع التلفزيون
او يجلس معهم يسولف يعني جلسه عائليه |
[QUOTE=أنا كذا]اختي ريم
يمكن زوجك عنده حالة نفسية أتوقع تسذا إلا أقول زوجك كم راتبه ؟ راتبه ماهو كثير ولا هو قليل يعني يغطي مصارفينا والحمدلله مو محتاجين شي وليش مو راضي يسافر ؟ ما يحب يسافر ولا يحب يطلع يتمشى ولا اي يفضل جلسه البيت والجلوس قدام التلفزيون هو طبعه كذا يكرهه الطلعات والتمشي مايحب هذا الشي خير شر محبوسين بالشقه طول الاسبوع يا بيت اهلي يا بيت اهله فقط لاغير |
يااختي كلنا نفس الحاله
انا دايما افكر لو اني كنت اسوق(مع اني ضد السواقه) او عندي سواق ما كنت اجلس بالبيت خميس وجمعه كان ادور وونس عيالي ونفسي واخليه هو ونفسيته اللي ما تنقلب الا علينا احنا الله يكون بالعون |
صادقه يا اختي ام خالد
والله جاي في بالي هالحل وخصوصاً ان العلطه على الابواب قلت بصير كل خميس وجمعه اطلع اتمشى مع اهلي بس يا خساره السواق سافر الله يعين ... |
السلام عليكم ورحمه الله وبركاته ... اعانكِ الله على هذه المشكله العصيبه ...اجل اذا بكره تقاعد من العمل :11029::11029::11029: عموما اذا فعلا ليس له اصدقاء يسلونه ويسليهم كما ذكرتِ فعليك بمحاوله ترك احد من اخوانكِ ان كان لكِ اخوان مع التنسيق المسبق بينكِ وبين اخواكِ بمحاوله المرور عليه واخذه من البيت في ايام العطل لعل الله وعسى ان ينفع بتلك الطريقه |
يارب صبرها
كل إجازة نكد هي ناقصة لحالها نكد بالذات للي عندهم عجز مادي ومايقدروا يروحو مطاعم ومنتزهات بس ما أقول إلا الله يعينك |
| الساعة الآن 02:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©