|
اضرب طفلي وعمره9 شهور؟؟؟؟؟؟
[B]بسم الله الرحمن الرحيم عندي ولد عمره 9 شهور بعد سنتين من زواجي احبة واموت علية بس مجرد مايرفض ينام او اغير له اتنرفز واعصب وارفع صوتي بالكلام عليه مثل ياغبي لدرجة احيان اني اضربه صح الضرب بسيط بس ماابي اصير كذا مع العلم ان اهلي ماكانوا معي او مع اخواني كذا وبعد كذا ابكي واضمه واتعذر منه ويضيق صدري عليه ان عنده ام مثلي بس غصب عني قلت لزوجي اذا شافني كذا ينبهني بس المشكلة اذا كان غير موجود والله العظيم يتقطع قلبي اذا كان معي ومرت الخدامة وصار يبكي يبيها الله يعافيكم دلوني على حل ما أبي أثر على نفسيته يكون لا قدر الله معقد او شي ثاني وكيف اتعامل معه اذاعصب وانا اغير ملابسه ؟؟؟وكيف اوطد العلاقه واعطية الحنان والامان والثقة اللي يتمناها واخلية يحبني مثل الخدامة؟؟؟؟؟؟؟؟؟؟؟ [/B] |
لأ حراااااااااام عليك طفلك صغير حاولي طولي بالك شويه عليه لما تعصبي عليه حاولي اذكري الله واستغفري واستعيذي من الشيطان عشان تهدي مهما كان صغير ولما يكبر راح يزيد حالو معاك لازم تطولي بالك
الله يخليه لك امين |
السلام عليكم ورحمة الله وبركاته ..
اختي بارك الله فيك .. والله العظيم اول ماقريت العنوان ادمعت عيني وخفق قلبي .. 9 شهووور وتضربينه حرام عليييييييك .. صحيح ضرب خفيف بس مايصير وحتى الصرااااخ احذري انك تصارخين عليه .. عقب يصير صارخك عليه حتى لوبسبب يستاهل مايأثر ابد .. اختي يعني اسمحي لي قسيت عليك اشوي ... بس يعني انتي فكري فيها وحطي نفسك مكانه .. هو مايفهم ولا يعرف .. وبعدين يعني استغرب ظنيتك تضربينه اذا سوا شي غلط لكن لما تغيرين ملابسه لما ينام .. ليييييييش ويرقد وهو مكسور الخاطر .. وصار يحب الشغاله اكثر منك .. شوفي اختي مرة ثانية اذا بدا يصارخ وقت التبديل انتي على طول حطيه ع الارض .. وبعدي عنه وقعدي استغفري وتعوذي ابليس وحاولي تهدين اعصابك .. وتتذكرين انه الضرب شي سلبي جداً جداً .. وعقب ارجعي له مرة 2 .. والله يختي الهداوه مع الاطفال مافي احسن منها .. انا بنتي عمرها 4 شهور .. ومرة وانا ارضعها مرت عندي ذبابه وقلت اووووف .. قامت بنتي تركت الحليب وتمت تطالعني .. ومارضت تشرب لين ماضميتها واقول لها مب لج ماما مع انها اربع شهور يعني تقريبا ماتفهم بس الياهل يضايقه ويحس يوم هله يتضايقون ويتنرفزون منه وهالشي وايد يأثر على نفسية الياهل .. الله يعينك ياختي على مسك اعصابك ودايما تذكري انه هذا طفل وحرام ينضرب .. واكثري من الاستغفار .. بارك الله فيك وفي ولدك .. |
ام جوري مشكوره قلبي
حامله الهم بالعكس والله اقرا ردك وانا ابكي انا عارفه انو مو كويس عشانه بس ادعيلي ان الله يطول بالي واوعدك راح انفذ كلامك مشكوره ياعمري |
حبيبتي ام غهووووووووووودي اذا هذا اسمة الله يخلية لك
ياقلبي الطفل يتأثر بسلوك امه اكثر شي وما ذكرته الاخت الفاضله حامله الهم يدق في الصميم اختي عندما كنت حامله به كان يتأثر بكل شي من حولك والان وهو لم يكمل السنه من عمره تعنفية وتصرخي به لا يمكنك فعل هذا فلتتذكري بان الطفل في مرحلة مبكرة كهذه قد تصبح سلوكة عدائياً غذا نضج والدليل امامك وفي بتك الم تقولي بأنك تريديه يحبك كما يحب الخادمة؟ لماذا؟ عذراً على ماسأقولة ولكن لمصلحتك لانه وجد حضناص يضمه دون صراخ او عصبية وكما اسلفتي ايضاً بأنه يعصب عندما تريدن ان تبدليله ملابسة لانه تأثر بما انت تفعلينه له غاليتي احمدي العلي القدير ان من عليك بضنا ترينه امامك بارك الله لكي فيه ولتصطبري علية والدعاء هو خير الامور فاادعي الله ان يهدية ويجعلة هاي مهتدي في صغرة وعند كبرة وادعي الله ان يصبرقلبك عليه وان ينزل عليك سكينة ورحمة والله يوفقك دمتي |
ابعدي والله
اخيتي هاذا رزقك تخلينه عند الخدم هيهات والله خذيه وخليه في حضنك ولا تخلينه تلمسه هاذا تعب شهور اخيتي وخلي بالك من الخدم سبق وحذرنا جميع الامهات من هاذا التصرف تبغينه يحبك خليه كله عندك والخادمه مالها شغل فيه اخيتي ولا تصرخين عليه ولا تضربينه لكي لا تحصدي ما زرعتي اوقات الطفل يبكي يبغي ينام ويتضايق فرويدا رويدا اخيتي بووووركتم |
حرااااااااااااااااااااااااااااااااااااام عليك
خافي الله اختي الولد توة صغييييييييييير والاطفال كلهم كدة عنيدين وعادك ما شفتي شيء بس كل عمر ولة مرحلة يعني مثلاً في سن ما يختلف من طفل لطفل يكون يقول اي شيء لا لا اعمل كدة يقول لا بس هذا مراحل ولما يصير يفهم بعدين سن الحساب والعقاب لكن اقل من ثلاث سنين على الاقل بنظري عادة ما يفهم لكن لتنسي انة يشعر بحنانك وعكسة في هذا السن فحرام تضربية بيطلع الطفل معقد نفسياً ولعلمك عند الناس الخبيرين بتربية الاطفال ممنوع حاجة اسمة ضرب ابداً هذا من خلال متابعتي للبرامج وقرأتي لبعض الكتب اشوف انهم يمنعو ضرب الاطفال الي بسن 4 أو 5 أو 6 بالك بتسعة شهور حراام |
الغاليه أم فهودي أنا ماراح ألومك كثير ..... ضيقك ومحاولتك لتغيير نفسك ممتاز جدا هنيئا لك محاولة تصحيح الخطأ خطوة ايجابية شوفي حبيبتي الطفل عادة كثير الحركة أثناء تغيير ملابسه وهذا شيء طبيعي حاولي تشغليه بلعبة محببة لقلبه فيها صوت وألوانها ملفته وياليت لو تكون ناعمة حتى لاتكون مؤذية اذا سقطت فجأة عليه حاولي اذا مااهتم بها تتعاملين معه بكل هدوء لأن الطفل يعصب لما يشوف أمه معصبة ولايمكن يهدأ الا اذا شاف ابتسامتها حاولي تتعلمي التربيت والهمهمة بصوت حلو وخافت كأنك تغني له حتى لو مايفهم معنى الكلام لكن تأكدي انه بيصغي لك وبيهدأ مع الوقت واذا مانفع حاولي تلهيه بقطعة حلوى أو بسكويت مثلا يعني شوفي وش يناسب طفلك ونصيحة أختي حاولي تحضنيه وتقبليه بكثرة وصدقيني مع الوقت بيكون أحسن .....وماأظن أبدا راح تفكري انك تضربيه أبدا طولي بالك عليه وحاولي تكوني مرحة معاه قدر الامكان أثناء تغيير ملابسه ترى الطفل يربط بين الأشياء حطي في بالك هالشي
|
حاولي اختي تستعملي معه اسلوب دعابي اثناء تبديل ملابسه .. يعني اقلبيها للعبة وقتها هو بينبسط و ما بتحتاجي تعصبي عليه اصلا
الاطفال بدهم صبر و طولة بال .. |
الله الله في فهودي ياأم فهودي(ولدي عمره شهرين يحمل نفس اسم ولدك) راح اقولك تجربتي مع محمد ابني الكبير(3سنوات) ابني عنيد وكل مايعند اعند معه الله المستعان جاء الوقت اللي اكتشفت ان العناد والتعصيب مايفيد بالعكس يزيد الطين بله صرت أسايسه وانزل الى مستوى عقليته وأحاول أتفاهم معه بالهداوه وبأسلوب ناعم وبالفعل صار الولد ينصاع للأوامر نتيجه تغيير الأسلوب حاولي تتمالكي نفسك وأعصابك عشان الأمور تنحل مثل ماتبين... الله يخلي لك فهودي ويصلحه ان شاءالله وللعلم فهد معناه القوي فالأنسان ياخذ من اسمه نصيب لازم تعذريه... ودمتي في رعايه الله...
|
مشكورين حبايبي على الردود
1_saapna81 الله يعطيك العافية وبوسيلي فهودي الصغير 2_n72 أوعدك بإذن واحد أحد انتفذ كلامك 3-التفاحة الذهبية والله كلامك ذهبيمثلك مايطلع من الحلو إلا الأحلى 4_حنين 1 مشكورة يا قلبي وياليت تعطيني أسماء بعض الكتب وأكون شاكرة لك 5_ٍأخوي مايهزك انا موظفة واتركه مع الخدامة ولكن في بيت أهلي تحت نظر الوالدة الله يطول بعمرها ويخليها لنا ويحفظ فهودي وجميع أطفال المسلمين قل آمين 6_hypnotic اسمه فهودي وليس غهودي مشكور |
استغفر الله يومك مو قد الامومه ليه تنجبين اطفال !! وش ذنب هالطفل 9 شهور تضربينه !! وش هالتخلف استغفر الله واتوب إليه
|
امين وتحملي بفلذت كبدك
الله ينور قلبك اخيتي ام فهودي |
غاليتي متابعة 2 انا معترفة بغلطتي وكل إنسان يمر بضغوط نفسية تخلية يعمل أشياء غصب عنه ولولا ندمي ورغبتي بتغير نفسي ماكتبت المشكلة وعلى العموم مشكوره والف شكو للإخوان والأخوات على ردودهم وتفهم مشكلتي وشكرا
|
قاتل الله الله الجهل ...
الله يهديك أختي ... الرسول مات وما ضررب لا عبد ولا إمرأة ، وأنت تضربينه ليششششششششششش والله قهررررررررر حراام عليكم إلى صرتوا ماتعرفون كيف تتعاملون مع الأطفاااااااااااال فتأكدوااا أن ضربهم ليس هو الحل بل الحل ان تفتحي النت وتنبحثي عن حل لمشكلتك وتنتظري بأن لا تضربيه فلو تأخر الضرب ساعة لا أظن أنه ستقوم القيامة ، ولو أمضيتي الضرب على جهل قد يوافق وقت يتلقاه العقل الباطن فيخزنه ... ودوري بعده على بر الوالدين الله يهديك يا أختي بس |
الله يساعدك عزيزتي
بدري عليك تسع شهور اذا كمل السنه وبدا يمشي ويخرب ويبكي على كل شي وش بتسوين ؟؟؟ لالالالا لازم تمسكين اعصابك وتتعوذين من الشيطان ودايم قولي الله يهديك ودايم بعد ضميه لصدرك اتمنى لك كل خير عزيزتي |
أعانك الله
|
ام فهودي
انا حاسة فيك خصوصا انك موظفة , وام جديده اسأل الله ان يكون في عونك وان شاء الله يكبر فهودي ويهدأ شوي |
انا عصبت على بنتي كان عمرها 3 شهور
كانت تبكي بقوة جوعانه وانا جالسه اجهز الرضاعه وهي تصرخ بقوة قمت ضربتها على رجلها ... قامت فتحت عيونها بقوة وسكتت بعدين صرخت صرخه قووووووووووووووويه ونزلت الدموع رحمتها على طول قمت ابكي معها وضميتها لصدري وسكتت بس بصراحه اخاف اذا كبرت شوي ارجع اضربها .... مشكلتي عصبيه ومتهورة دايماً في تصرفاتي |
أم فهودي ..........نفس المشكله عندي .........بنتي عمرها 10 شهور ما تحب لا أغسل شعرها ولا أغير لها سواء الحفاضه أو ملابسها..........كل إللي أسويه إني أطنش ولا أرفع صوتي ولا أمد إيدي.....إجلس على الأرض وأجلسها بين رجولي وألبسها ...............أما بخصوص النوم فلازم تعوديه على وقت معين يعني الساعه 9:30 مثلا فلازم يكون هذا الوقت وقت نومه علشان تنتظم الساعه البيلوجيه عنده وصدقيني أول ما تحطينه علي السرير وتهودينه راح ينام خلال 10 دقايق..........الحمدالله ما أتعب في نوم بنتي..
وعلى فكره لا تنيميه بعد الساعه 6 المسى...........وطولي بالك عليه شوي |
حبيبتي اللقى مشكورة وإن شاء الله بسمع بنصيحتك
عزيزتي ريم2006 انا متأكدة إنك لما تقري ردود اخواني واخواتي الأعضاء راح تتغيرين مثلي والله ماراح تتخيلي كيف تغيرت مع ولدي كل ما أعصب يمر كلامهم قدام عيني وعقبالك |
ام الغلاوي
ام فروحة 2004 سماري n_stu مشكورين الله يجزاكم ألف خير |
والله لو كنت مكان أبوه ما غير أستبدلك في نفس اللحظة التي تفكرين تضعين يدك عليه
لأنك ستكونين نقطة سوداء في حياة الولد وسبب العقد النفسية , الزوجة تتعوض والولد ما يتعوض |
ليش هالقسوة أنت ممكن تمر بضغوط تخليك تضرب طفلك
على العموم الحمد لله انحلت المشكلة وفال الله ولا فالك يبدلني |
| الساعة الآن 02:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©