|
مرت سنه على زواجي !!
السلام عليكم ورحمة الله وبركاته
ياسرع الايام تمشيء بسرعه .. قريب ابكمل عام من الزواج ولله الحمد بس عندي مشكله لي شهر وانا افكر فيها !! وعجزت القاء لها حل قلت مابدهاش مالك الا حبايبك الي في المنتدى وماراح يقصروووووووووون الموضوع : اني ماادري وش اسوي في هذي المناسبه ! بمناسبه مرور سنه .. وهي اول سنه تمر لنا مع بعض والحمدلله مبسووط من زوجتي فكرت في فندق ! بس زوجتي حامل في السابع " الله يهون عليها " يعني مااحس راح تصير ليله حلوووه ! واذا هديه وش اهديها بهذي المناسبه ! ابي شيء غير ماادري وش اسوي ياليت تفزعون معي .. ياليت ياشباب تقولون وش صلحتوا لزوجاتكم .. والمتزوجات يعلموني رجالكم وش صلحوا يوم مرت سنه لعلنا نستفيد .. والله يعافيكم ويسعدكم تحياتي |
ما عليك الا ان تغمرها بفيض حبك وحنانك خصوصا وانها حامل فما اكثر ما تحتاج المراة الى دلك في مثل هده الظروف وانصحك ان تشتري لها هدية مع باقة ورد ولا تنس ان تبث في ادنها احلى الكلمات و انت تقدم الهدية كان تقول مثلا
لقد مرت على زواجنا سنة كانت من اجمل ايام عمري.....المهم قد يكون للقول مفعول السحر ادا كان صادقا فمزيدا مزيدا من الحب |
مبروك أخي مؤخراً الزواج والحمل ..
أسال الله أن يهون عليها وأن يرزقكم الذريه الصالحه التي تقر بها العيون .. بالنسبه لموضوعك .. زوجتك بحاجة لتحسيسها بقربك الآن وأهتمامك بها أكثر .. وإن شاء الله الأعضاء يفيدوك بشأن الهدايا أو الطرق التي تتخذها .. |
اقتباس:
عليكم السلام ورحمة الله وبركاته عن نفسي شريت حبة مضغوط مع الرز:d (دجاجه طبعاً):25: وبسم الله هاتك مفارس لين كليتها كلها عن ام العيال وبعدين صبيت لها ببس :d من زود الكرم :d وبعد تعشينا وتسدحنا قالت خير شالمناسبة اليوم جايب حبه كاملة على غير العادة نص حبه:( قلت بمناسبة مرور سنة على زواجنا يااااااااااا حياتي:d :d وكانت هذي آخر جملة افتكرها من السهرة لأني بعدها وكما ألاسد الغظنفر اخخخخخخخخخخخ فششششششش |
لينا .. السيف المسلول
صدقتوا .. والله يهون عليها وعلى كل حامل لكن ودي بافكار تكفوووووووووووون فاغر من جدك !! |
اقتباس:
لك شو هالكرم يا عمي بيبسي حثة وحدة ما شاء الله وبارك الله يسعدك دوم |
سلام انا اول سنه كنت عند اهلي...مسافره..
جاء واخذني ولقيته مجهز لي البيت بشمعات والورد... وفي الاخير قدم لي عقد ذهب كتب فيه اسمي... |
ماشاء الله عيني عليكم بارده
انا طالعني بنظره كلها استغراب قال والله! صدق!لنا سنه متزوجين! طيب وش تبغين اسوي لك:( عرفت من ساعتها ان مافيه داعي افتكر هالتاريخ في السنوات التاليه نظرا لعدم اهميته |
أنا ما راح أرد بس ضحكني الاخ فاغر من قلب قعدت 5 دقايق لين طلعت دموعي, يا حلاة البساطه و مو كل الحريم يرضن فيها أعتقد فكرة الذهب حلوه و قبلها أعزمها في أحد المطاعم الفاخره و خلها تطلب اللي تبيه و بعدين قدم لها الذهب و لا تكلف نفسك خاتم و اسهروا بعدها سهره لين الفجر .
|
يوم مرت سنة على زواجنا سافر و تركني !!!
|
انا رأيي يومتها وديها عند اهلها وبعدين زين البيت
بشموع وورد في البيت وعلى السرير حط ورد مقطع وباقة على جنب مكتوب عليها عبارات حلوة والهديه اللي انت تحب او اي هديه كان نفس زوجتك فيها او تحتاجها خاتم او طقم او ساعه ثمينة وغلفها تغليف حلو عند المحلات المخصصة وبعدين احجز لها بمطعم فخم ورومانسي وروح خدها من عند اهلها على المطعم على طول اتعشوا وانبسطوا ولاتجبلها سيرة عن المناسبة ولما تخلصوا وتدخلوا البيت وتشوف هي المفاجأة اهمس لها وقلها "" كل عام واحنا اسعد زوجين بالدنيا ياحياتي"" وقدم لها الهدية والورد وكل عام وانتوا بخير اتمنى اكون افدتك |
انا يوم مر سنة على زواجي.....كان عندي ولدي عمرة ثلاث شهور تقريبا....
قدم لي زجاجة عطر....واخذنا صور تذكارية في البيت طبعا....خواتي قالو بياخذو الولد عني علشان اخذ راحتي لكن انا ما رضيت...حبيت يشاركنه الاحتفال ... |
عن نفسي زوجي ولا فكر بها اليوم وانا حالتي حالة اتصل على فلانة وعلانة ابي افكار :27: ويوم قلتله وديني السوق اجيبلك هدية"ماعندي احد يوديني" قال ياشيخة انتي مستنية الولادة "كنت بالشهر التاسع" والحمد لله عالعافية خليها مرة ثانية كسر خاطري والله وطنشت بس انقهر لما اشوف الناس تسويها عرس ثاني
|
ما نحتفل بالمناسبة ... بس عيد الفطر والحج ... وبالنسبة للفندق اشوفها ما فيها شئ والحمل ما يمنع
|
اقتباس:
اما انا اول عيد زواج كانت زفه اخت زوجي وكنت انا لستي والده من اسبوع وتعبانه بس جاب لي هديه وكلام معسول وعوضنا الاحتفال في الاربعين.........بس صدقني ان الكلام الي تحس انه طالع من قلبك اكبر هديه تقدمها له بس هاه هذا مايمنع انك تجيب لها هديه حلللللللللوه زي خاتم ماس مثلا. |
هلا
ملي البيت شموع وبخرة
وشغل الفديو الشريط حق زواجكم ولبس لبس الزواج وحط لها باقة ورد مع(كل سنة وانت طيب,ومن عيني قريب..والسنة دي معاي والسنة الجابة ويايا) وحط لها هدية(عاد على حسب زوجتك ايش تحب؟ساعات او عطور او سلسال ذهب او شنط او ايش تحب )اهدها وبالتوفيق لكن انا سويتلة جهزت اغنية تامر حسني كل سنة وحطيت شموع ووزعت صور الزواج وجهزت عصير يحبة ولبست وعزمت على العشاء بمكان يحبة وهو ساكت...خخخخخخخ خخخ |
افكار حلوه واقتراحات احلى
بس اتمنى المزيد ثاني شيء تراني انا الزوج !! |
اقولكم انا وش سويت بعد مرور 3 سنوات
رتبت غرفة النوم ومليتهااا ورد مجفف وحطيت فراش جديد ومليتهااا شموع وحطيت عبارات على الجدران والله طلع شكل الغرفه يجنن ورحت لغرفه الطعام وعملت كيكه تهبل ومليت الغرفه بالونات وزيناات وحطيت عصير وولعت الشموع ورحت البس واكشخ واستنيته عند الباب من بعد العشا ووانا واقفه عند الباب الى الساعه 9ونص وكل ماادق عليه يقولي جاي الا انا بالبقاله الا ::::الا:::: ومن هالاعذار(((على فكره من اسبوع وانا اقوله بنحتفل)) المهم لما جا دخل يخانق البنت لانهااا كانت تلعب بمكياجي وصياحه وصل للجيران وقام يخانق ويناديني جيت ووقفت وانا على سنقه 10 وقلت نعم ؟؟؟؟فكرت بيقول شي؟؟؟ قال شوفي بنتك وش سوت انتي مهمله وانتي و و و و و وتخانقنى ورحت غيرت واكلت بنتي من الكيكه ورتبت البيت ونمنت وهذا الي عملته ؟؟؟؟؟ان شا الله تكون فكره حلوه ؟؟؟ههههه:22: بس لااحد يطبقهااا؟؟؟؟ ((على فكره يومها كان فيه مباراه بين النصر والاتحاد ))وكان ميت يبي يشوفهااا فهمت انا الان ليش عمل كذا؟؟؟ |
اهداني خاتم الماس من شوبارد على قلب الحب وداخله الماسه كبيره وقال:هذا القلب قلبك والي داخل القلب انا .
طالعته بطرف عيني والكلام داخلي وده ينفجر وقول: اسمع كلامك اصدقك , اشوف افعالك استغرب! بس تعوذت من ابليس وخليت اليوم يعدي على خير |
انا بعيد زواجنا الاول ... "بيطلقني"
الله يهنيكم ويسعدكم.. قول لها الكلام الي فخاطرك وقول لها اشكثر اتحبها .. وقدم لها هدية يسيطة سلسلة ذهب ولا خاتم الماس.. ولا ساعه فخمة .. يعني الي تقدر عليه .. يكفي انك تذكرت هاليوم ماشاء الله.. بتستانس حيل ان شاء الله .. الله يهنيكم ويسعدكم ويبعد عنكم الحسد .. |
ماشاء الله
انا لسا ماكملت سنه بس بقولك ايش اتمنى من زوجي بهذا اليوم سوي كيكه من برا عليها صوره معبره وجيب كارد (مهم الكلام) واكتب فيه كلام طالع من قلبك (صادق) واكتب شعورك في زواجك منها من اوله للاخير وعبر يعني عن فرحتك فيها وبارك لها وجيب خاتم الماس ..او عقد ..الخ بس المهم يكون فيه شكل رومانس قلب مثلا.. وورده حمرا ..مع الهديه وخلي المناسبه جاهزه من المغرب وطول الوقت خليك معها لاتنشغل عنها.. وطبعا اكشخ (ماتحتاج توصيه ) وبس. (الحين ينقالك اني مختصره عشانكم رجال ماتحبون كثره الخرابيط والتعب<<على قولتكم هههه) والله يوفقكم ويسعدكم ويهنيكم .. ماشاءالله تبارك الله |
مرحبا انا زوجي ما يجيب خبر هذا اليوم بس انا اهتم المهم اعزمها عششاء في اي مطعم فخم وهي ما تدري ليش عازمها قل للجرسون وش الموناسبه وجب ترته على شكل قلب فيها عيباره كل عام وانت الحب وقدم الهديه اي شي واهم شي الحب والاحترام وبتوفيق
|
:
: عورنى قلبي يوم قريت الموضوع ... زوجي عارف تاريخ زواجنا وسافر قبله بيوم ...وقبله بكم يوم انا طلبت منه نحتفل والا مطعم والا فندق مارضى حزت بخاطري حيل وبكييييييييت بقهر انا ابي منه يبادر مو اطلبها .....صارت مناسبه مالها طعم...تصدقوووووووووون.. حلالا |
انا رأيي لا تحتفل بالمناسبه
لانك اذا تركت هالمعصيه ربي بيعوضك خير بزواجك لانك تركتها لله بس مع ذلك اشجعك على فكرتك واهتمامك بزوجتك ما شاء الله تبارك الله الله يهنيك المهم ممكن تسوي هالحركه الاسبوع الجاي او بكرة او باي يوم بس مو بيوم زواجكم اعتقد احلى حركه انك تاخذها لمطعم وتخليهم يجهزون لها كيكه وتشوف وش ممكن هالمطعم يقدم لكم خدمات وحركات في هذي الليله ويكتبون على الكيكه عباره حلوة ولاتكون عباره عامه خلهم يكتبون عباره باسمها وقدم لها هديه تدل على اهتمامك فيها وقلها كلام حلو وطمنها على مستقلها معك وانك مستحيل تعيش من غيرها واذا كانت ناسيه ولا جابت لك هديه قلها احلا هديه هي جلستك معي وابتسامتك ويكفي تعبك بالحمل ما راح اكلف عليك باكثر منه وانا عارف وش كثر انتي تتعبين منه اعتقد هالشي كافي وممكن تاخذها وتطلع انت واياها تقول لها للسوق او للمستشفى او اي مشوار وانتم بالطريق (( طبعا انت مجهز من قبل وحاجز اوتيل)) وقف عند اوتيل وقل بشوف غرفه ان صديقي بيتزوج وبيسكن فيه اول ليله او ان واحد تعرفه برا ديرتكم بيجي ووصاك تشوف الغرف (( اهم شي هي ما تدري)) بعدين اطلع انت واياها للغرفة على اساس بتاخذ رايها بالغرفة ولما تدخلون احرص يكون بالغرفه شموع وورود وبوكيه ورد لو صغير جوري احمر وكيكه فيها عباره حب خاصه فيها وقلها هذا هديه لك واهم شي انك تفاجئها بالشي ومع هذا مو مهم الهديه يابخت زوجتك فيك ما شاء الله والله يوفقكم وبلغنا وش سويت |
مبررروك الله يوفقكم
والله صراحة مخي مقفل ماعندي افكار إنشالله الأخوان يساعدونك |
| الساعة الآن 04:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©