|
الزوجة والشغااالة
السلام عليكم ورحمة الله وبركاتة بصراحة امس وانا مع زملائي في استراحة تطرقنا لموضوع الشغالات في البيوت ... وبصراحة الي تكلموو عن الموضوع المتزوجين ... ومن الاشياء التي لفتت انتباهي ان الشغالة في البيت صارت الكل في الكل يذكر لي احد الاصدقاء انه عنده خادمة اذا بيجون اصدقائة عنده للبيت يمر يسالها وش تبغين اغراض علشان تسوين العشاء لربعي ( اصدقائي) ههههههههه قلت له وين زوجتك قال مالها خلق على المطبخ ولو بقول وش اجيب طلبات بيجون ربعي وبيرحون وهي ماقالت لي ...... المهم واحده اشد واقووو يقول بصراحة الشغالة عندي شي لا يوصف اذا جيت ابليت حصلتها مجهزة الغدا الي احبة واشتهية والعشاء كذالك صرت احس انها تهتم فيني بعكس زوجتي الي بس تتذمر من كل شي ... واحدهم يقول لي انا بصراحة ارتحت مع الشغالة ما اشيل هم ملابسي اتفتح الدولاب وكل شي مرتب وجاهز سؤالي لأخواتي المتزوجات التي عندهم خادمات .... الان اذا عند كل وحدة شغالة وهي الكل بالكل وش فايدك انتي بصراحة شي يحير ........... انا كنت ناوي اتزوج افكر اتزوج بس قلت يا ولد ياسامي تزوج شغالة اوفر لك ههههههه المفروض حتى لو الشغالة طبخت المفروض انتي يا الزوجة تقومين تنكبين ( تحطين ) الأكل في الصحون في المطبخ وتقدمينة على السفرة انتي خليه يجي ويحصلك في المطبخ خلية يحس بنفسك بالطبخ مو الشغالة الشغالة . وثاني شي وهو الأهم دايم احرصي على الأشياء الي هو يحبها ودايم اسالية وهو جايع وش تشتهي غداك واذا حسيتي انه طفشاان اجل الموضوع شوي او اتصلي علية بالمكتب وقولي وش تبي تتغدى عندنا كذا وكذا وكذا وش مشتهي انت نسوية لك من جد ترى لها دور في نفسية الزوج ملاحظة انا نقلت لكم من الي دار بيننا وحبيت انقل لكم وش يبون ازواجكم ونتناقش بالموضوع . اسف على الأطالة |
وعليكم السلام ورحمة الله وبركاته بالنسبة لي شخصيا فأنا عندي شغالة ولكن أقوم بالطباخ بنفسي وهي عليها النظافة من غسل وكي والزي منه وبعدين أصدقائك ليسو كل المجتمع على شان تعمم والله يعطيك العافية إنك طرحت الموضوع عشان نرد وتدري إن الناس مو زي بعض وبالنسبه لزوجة المستقبل خل الوالدة تتكفل بهالموضوع يعني تدورلك على بنية سنعه وراعية بيت إذا تفضلها ربة بيت .... والله يوفقك أخوي |
اي والله ياخوي معظم البيوت الحين صارت فيها الخادمه اساس البيت
الله يهدي الزوجات اللي مهملين ... |
انا نفس الا خت عندى شغاله للتنظيف وغسل الملابس والكوى لكن أمور الطبخ أنا أطبخ بنفسي
وليس لها دخل في ترتيب دولاب زوجي أو أي شىء من أغراضه فهذه مهمتي ولا تتعقد يا أخي من النساء فليس كل النساء سواء وكذلك الرجال فهناك الصالح والطالح ونصيحتي أختار زوجه المستقبل بحيث تكون أمها هي التي تقوم بأمور المنزل من طبخ وخلافه فالبنت على أمها والله يوفقك ببنت الحلال التي تسرك وترضى عنها |
ايه والله نفسي اجيب شغاله وافتك من الغسيل والكوي:d |
بالنسبه لي ( عزابي ) وانا الوحيد من تبقى من اخوتي بدون زواج لحد الان.. لكننا لا نستغني عن الخادمات في بيتنا ( بيت أهلي )، ولظروف اني اجلس بالبيت بالرياض لحالي بالشهور بسبب عملي، وأهلي يذهبون لبيتنا في مدينة جدة باستمرار ويمكثون هناك فترات طويلة، فتأخذ الوالدة الله يحفظها احدى الخادمات معها وتبقى الاخرى عندي لتلبية طلباتي. فالخادمة هي من يصحيني من النوم للعمل.. وتجهز فطوري عند راسي.. وتكوي وتغسل ملابسي.. وتجهز جميع أغراضي.. واذا رجعت من الدوام أجد الغداء جاهز (طبعاً بيتنا يعتمد على طبخ الشغالة حتى بوجود الاهل).. وهي من أعتمد عليها بايقاضي اذا لدي مواعيد هامة.. وهي من يجهز لي العشاء حتى وان كان عندي اصحابي..باختصار الشغالة هي الكل في الكل في بيتنا وهي من اعتمد عليها حتى بوجود أهلي. |
عني أنا عندي شغالة تقوم بالكواي والغسيل والتنظيف بس مرات أنا اطبخ ومرات أهي
بس انا أقوللها شنو تطبخ وأنا إلي أسأل زوجي شنو يبي ياكل وأنا إلي اشتري الأغراض معاه وأنا إلي اقدم الأكل له ومرات يشوفني أطبخ أو حتى أقوم بترتيب الأكل أصلا ما يشوف الخدامة بس يلقى أغراضه كلها جاهزة |
اقتباس:
بصراحة إلي تسويه غلط لازم تجيب رجل يخدمك مش إمره وغير كذا تصحيك من النوم!!!!! وين أحنا هاي مش خادمة هذي زوجه ما تخاف من الشيطان؟ |
و الله انا عندي سؤال للي عندهم شغالات بيطبخولهم
المعروف انه الشغالات بكونوا من دول أجنبية يعني مو من البلد نفسها بستغرب لما اسمع انه الشغالات بطبخوا لأهل البيت طيب هم من وين تعلموا الطبخ المحلي ؟ و لا هم بطبخوا من أكلهم (اندونيسي و سرلكني و و و ) ؟؟ انا ما عندي شغالة و العادة هذه - وجود الشغالة - غير واردة في بلدي بصراحة . نادراً جدا ما تجد منزل عندهم شغالة ساكنة معهم |
اخي العزيز سامي كلامك كللللللللللللللله صح ويا ريت الزوجات يتعضن
اما بالنسبة لي انا ما عندي خادمة بالعلم اني موظفة(مهندسة معمارية) يعني دااااااايما مزحومة:23: وعندي ولد:15: لكن كل مهمات البيت علي ابروحي زوجي الله يخليه بعد ما يقصر اساعدني واحنا متفقين على كل امور البيت, ومع كل هالتعب أنا مرتاحة ومستانسة :22:لاني اسوي كلللللللللشي بدون حاجة من خادمة. والله يساعدني على تحمل هالمسؤلية. اخي سامي اصابعك مو سوى يعني تقدر اتحصل بنت 100% قد المسؤلية:14: |
انا عندي خادمه بس انا الي اطبخ مع اصلا ما جبتها الا بعدين يعني من اول زواجي وانا اطبخ واحس الزوجه الي تحب زوجها تطبخ له بنفسها
وهي تغسل مواعين وتنظف البيت حتى الترتيب انا الي ارتب ومودتها لو تلاقي شمعه ما تغير مكانها تشيلها وتنظف تحتها وبعدين ترجعها زي ما كانت احب انا الي اتحكم في بيتي :) وبالنسبه للماضي عادي بدل ما افتح الثلاجه واشوف وش ناقص معودتها اذا خلص شي تكتبه بورقه علشان ما انساه لاني انا كنت كذا قبل ما تجي اليوم تخلص الذره وبكرى تخلص القشطه وصعبه اقضي كل يوم وصعبه اذكر كل شي نقص فاضل طريقه الكتابه وما ننسى انها هي بعد تطبخ لنفسها وما اقدر اقول باقي علبه تونه علشان ما احرجها فهي تعرف اذا خلصت التونه تكتب بورقه على الثلاجه وطبعا ما اتكل على كل الي كاتبته بس هي تعرف الي نقص بالمعلبات حتى الغسيل والكوي ملابس زوجي الداخليه هي تكويها بس انا الي اسفطها ولا علمتها شلون تسفطها لاني احب يكون لي لمستي الخاصه وهي كوي بس انا الي ادخلها للدولاب واتفقد ملابس زوجي اذا قربت تخلص النظيفه نزلت ملابس مكويه من غرفه الكوي يعني هي تساعدني بس مو الكل بالكل وانا اشوف وجودها في بعض الحالات ضروري بس ما تاخذ دور ربه البيت ابد زي السواق وجوده ضروري في بعض الحالات بس ما ياخذ دور رب البيت تحياتي دلوعه زوجي |
الله يعييينك اخووي عالمشكله الي عندك
وبصرااااحه انا عن نفسي الحمدلله عندي خداامه والحمدلله انها عليها بشغل البيت وبس ولكن زوجي انا الي اقوم بمهمته والحمدلله اذا الشغاله بقووم بامور الزوج عيل وش فايده الزوجه والله يهديها يارب ويصبرك عليها |
موضوع مهم وقيم
بالفعل في نساء يعتمدن اعتماد كلي على الشغالة وهذا خطأ .. ومتفقة معاك في هذه النقطة .. لكن احب انبهك لنقطة مهمة اخرى الزوجة في وجود الشغالة تكون هي المديرة اللي تراقب سير العمل ومو بعيد تكون هي اللي مدربتها على الاتقان دا كله عشان ترتاح وتتفرغ لعيالها وزوجها ولا تحسب هذا التفرغ بالسهل الزواج والاهتمام بالزوج مو مجرد خدمة في مطبخ ولا كوي ولا غسيل اكلمك عن وضعي انا اتربيت على انه الحرمة الصح اللي تخلي بيتها زي المرايا ولمن يجي زوجها تتفرغ له وما تشتغل في البيت في وجوده كنت اجي من العمل والاقيها مقطعة كل شي زي ما قلت لها واقوم انا اكمل الطبخة_ بالرغم من انهاكي بعد دوام التعليم ووقفته والشمس وروحي طالعة وابى براد مو حر المطبخ _ ولمن انهيها اروح ارتب نفسي ولا ارتاح و انبه عليها : اول ما يستوي الاكل اغرفيه فزوجي اش يشوف دحين ؟ شايفها هي اللي حايسة في المطبخ ! جاه منه يوم يقول الشغالة احسن منك كله عشانه ما يشوفني وانا اتابعها ولا اعلمها ولا شي شي جدا مؤلم .. لمن تحس المرأة ...انه الزوج ما يرضى عليها الا عشان خدمته بالفعل اش الفرق بينها وبين الشغالة في دي الحالة ... افضلكم اتزوجوا شغالات ! وصدقني وقتها الشغالة دي .... ما ح تظل شغالة بعد ما تصير زوجة ! |
اول شي انا من بلد ما يعترف بوجود الخدامه في البيت .....ليش الزوجه موجوده ؟؟؟؟مو قصدي انه الزوجه تصير خدامه بس يا حلاه الاكل فيه نفس الزوجه اللي ما يجايره نفس .....ويا حلاة الملابس مغسوله تحت اشرافها (مع وجود الغسالات ونجيب خدم!!!!!!! ) الله يعين امهاتنا كانوا يغسلون علىايديهم ويا حلاة البيت لما تكون الام منظفتها وحاطه لمساتها فيه من عطور وزهور .....يمكن تكون الخدامه ضروريه ذاا كانت الوحده موظفه وعدها اولاد كثييييييير وما ملحقه على شغلالبيت ممكن تجي الخدامه بشكل دوري يعين بالاسبوع مرتين او 3 مرات على التنظيف فقط لالالالالاغير ويا متزوجات ترى في الحركه بركه:30: جالسين بس تشتكون من زيادة الوزن طبعا لانه الخدامه كل شي تسوي ......لا تظلووون قاعدين علىالتلفزيون هههههه ولا ماسكين هالتلفون وما تخلون احد ما يدكون عليه :24: :11: |
انا صراحه شفت شغاله حقت ناس جايه مع راعيتها البيت عندنا
صراحه مدري شو اقول مدللينها ماكأنها شغاله حتى اخترعت يوم اشوفها ويقولون شغاله ملبسينها الذهب والثياب الحلوه ومتمكيجه وتجلس مثل الاميرة ولايقولون لهاشي وفرحانين فيهابعدانها كذا ناس والله صدق استغرب منهم هم يجيبونهم يشتغلون لو يدلعون ويصيرون اميرات |
السلام عليكم ...
مع اني طوووووووووووول عمري وانا عند اهلي في خدامة تروح وخدامة تجي،،ومهما كنت أرى اني مهملة في بيتي بعد ما تزوجت وأنجبت الا أنني أرفض الخدامة رفض قااااااااااااااطع .. واذا رحت عند لهلي وعرفت ان الشغالة مسوية شي من الأكل (ان كانت مسلمة او كافرة كله واحد عندي من ناحية الأكل) ما آكل،، لدرجة امي تزعل مني وأبوي يعصب(ويقول لي من نظافة المطاعم اللي تاكلين منها؟؟!)مع اني وللعلم نا وزوجي ما نحب المطاعم أبد وأذا اكلنا ما ناكل الا من مطعم نظيف ومعروف وواثقين منه جدا .. يعني كنت ولا زلت أرفض الخدامة وما صدقت أطلع من البيت علشان أخلص منهم وأهتم ببيتي بنفسي الا اذا في شي ما اقدر عليه لحالي (شبابيك البيت،،تعزيل المطبخ ....الخ)فأجيب خدامة أمي تساعدني واهم شي ما يكون زوجي في البيت .. طولت عليكم ... وانا مع الاخت ماريا... يا ناس كيف تأمنوا الشغالات يطبخوا؟؟!! أم حمزة |
هالمشكله فعلا موجوده عند البعض
الرجال والنساء نلاقي بعض الحريم تخلي الشغاله الكل بالكل حتى بالطبخ وتنظيف غرفه نومها وتغير وتروش عيالها وبعض الرجال يجيب السيواق وينسى محارمه يسرحون ويمرحون على كيفهم وبلا رقيب والله اموت قهر اذا شفت بنات قبل الزواج راكبه مع السواق لحالها وين ابوانهم عنهم اولا مايخافون من الله لان الخلوه حرااااااااااااام وثانيا ما يخافون على اعراضهم والله عجااااااااااايب بالنسبه لي اجيبها فقط اذا كنت حامل لان الشغل عندي كثير وتكون مقتصره على التنظيف فقط مالها دخل لا بالطبخ ولا بالعيال ولا بغرفتي حتى الملابس انا اغسلها وهي تكويها وترتب ملابس العيال بالدواليب وملابسي انا وزوجي انا ارتبها |
موضوع مهم وقيم
بالفعل في نساء يعتمدن اعتماد كلي على الشغالة وهذا خطأ .. ومتفقة معاك في هذه النقطة لكن لاتعمم ان جميع النساء كذا عني انا عندي شغالة وموظفة بس يقتصر عمل شغالتي على التنظيف فقط سواء تنظيف وترتيب البيت او الغسيل والكوي اما الطبخ انا اللي اطبخ حتى لو رجعت من دوامي متاخرة والشغالة مالها علاقة ابدا بلمس الاكل اطبخ واحضره على السفرة حتى ملابس زوجي انا ارتبها في الدولاب حتى هي ماتدخل غرفتي نهائيا انا مسئولة عن نظافة غرفتي وترتيبها ماادخلها لغرفتي الا اذا ابيها تفك الشبابيك وتغسلها ويكون زوجي مو موجود هذا اسلوبي مع الشغالات لاني لو اعتمدت عليها اش فايدة وجودي في البيت يعني لاااااااابد ان يكون وجود الشغالة مساعدة لربة البيت وليست الكل في الكل |
نقل إلى عالم الثقافة والتوجيهات الزوجية ..
مكانه الانسب . . وفقكم الله .. |
انا عندي شغالة ولكن ياويلها تناظر زوجي ولو مناظر بس
ما بقى الا تاخذ دوري ويش فايدتي اجل انا جبتهاتساعدني لاتفرغ لزوجي ما اجيبها تاخذ الجو مني نصيحة الشغالات شر اذا اطلق لها الحبل على الغارب وخير اذا انحصرت في شغلها بس سمعتو ا الحذر كل الحذر |
| الساعة الآن 05:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©