|
حياتي عذاب... الله يساعد اللي يساعدني
هذي المشكلة لاحد قريباتي ولا يوجد لديها نت
وقد ضاقت في وجهها الحيل فاقترحت عليها ان تضع المشكلة بين يديكم علها تجد المشورة اترككم معها لتحكي قصتها السلام عليكم ورحمة الله وبركاته انا تزوجت من ثلاث سنوات زوجي يشتغل في العسكرية ولديه زوجة غيري وأولاد مشكلتي ان زوجي منعزل لا يحب أن يختلط بالناس ولا يريدني ان أختلط بالناس أيضا وقلنا هذي مقدور عليها وشوله انكد على عمري بس مشكلتي العظمى معه انه شكااااك لأبعد الحدود ويفسر كل شي بمزاجه لدرجة انه حارمني حتى من الخروج لحوش بيتي ويسب فيني وفي تربية أهلي وبأخلاقي وبكل شي وكسول جدا واتكالي والمشكلة اني غير موجودة في نفس ديرة اهلي انا الحين قاعدة عند اهلي فترة الاجازة وأفكر في عدم الرجعة لأن صبري نفذ وخصوصا انه ماعندي أطفال أصبر عشانهم ويعلم الله اني ادور لرضاه بشتى الطرق لدرجت اني أنسى نفسي معاه ومع هذا عجزت أوصل للي بنفسه واخر مرة جابني فيها لاهلي قال لي لو كلمتي رجل اجنبي فانتي علي محرمة وهو يعلم اني بحاجة للكلام مع السائق الذي يقضي لي اشغالي والبائع في السوق لاني انا الي اقضي مقاضي امي ماعندها غيري والله ما ادري وش اسوي مع هالرجال |
مسكينه كان الله في عونها
الافضل ان لا ترجع له صحيح ان الطلاق ابغض الحلال ولكن احيانا يكون حل ومنفذ وان رفضت صديقتك هذا الحل فهنا حل اخر وهو ان تبين لزوجها انه لايهمها ان طلقها ولا تبين له الخوف من الطلاق لانه واضح عليه انه يبي يذلها بسالفة الطلاق |
لله يكون في عونك ....
الله يهدي زوجك .... |
عنادية
محمدهيا اشكركم من اعماق قلبي على التفاعل والله لايحرمكم مادعتلكم واتمنى التفاعل من بقية الاعضاء |
ياسيدتي كل البيوت فيها مشاكل طبعا منها الكبير والصغير لكن انا لااشجع علي الطلاق باي حال الا بعد نفاد الطرق .ولو ضاقت بيكي المذاهب فتوجهي الي الله بصدق اطرقي بابه ولا تيأسي .هل هو يحب عذابك؟يرضي بعدم راحتك؟لاوالله بل هو الرحيم الكريم الودود يحب لعباده الخير عليكي بقيام الليل وكثرة الاستغفار والدعاء لزوجك كثيرا وتحري اوقات الاجابة.فوالله انه يعطي بغير حساب ويملك تغير زوجك بكن فلا تقنطي من رحمتة
|
الله يكون في عوونك
|
كان الله في عونها بالطبع أبغض الحلال عند الله الطلاق ولكنه يكون ضرورة إذا استعصى على الشخص أن يعيش مع شخص آخر .
أنا لا أؤيد فكرة الطلاق حالياً وأرى أن تجلس معه وتصارحه بكل ما يضايقها فإن كان يريدها فسوف ينفذ طلباتها وإن كان لا يريدها فسوف يرفض وبالتالي تركه من الآن أفضل من أن يكون عندها أولاد . أنصح بالابتعاد عن فكرة إنجاب أولاد في الفترة الحالية حتى تسير حياتها على خط ثابت يرضيها ويرضي زوجها ,,, |
ربما الطلاق ارحم لهما من العيش معا !
بما انه ليس لديك اطفال وكل هذا العيوب موجوده في زوجك :(
اتمنى انك تستخيري ربك ان كنت مترددة ولكن بنسبه لي انصح ان المرأة ان لا تقبل الأهانة والظلم !! من زوجها فالطلاق احيانا رحمة لها او لهما معا اما المعاشرة بالمعروف او التسريح بإحسان وبيني وبينك ماعليه حسوفه .. استغفر الله الحمدلله انه مابينهم اطفال لكن خليها تفكر ان الطلاق هي آخر الحلول وتحاول ان تصلح الامر ان لم يتعدل زوجها تطلب الطلاق اتمنى افدتك ادعي لي بالغيب يحقق الله ما اتمناه وبنسبه لقريبتك ما اقول إلا الله يفرج عليها وييسر لها مافيه الخير http://www.l22l.com/l22l-up-1/62ce27903b.gif |
الله يهديه
|
اشكر من اعمق قلبي كل من رد على الموضوع
وجعل الله لهم من كل هم فرجا ومن كل ضيق مخرجا وسادعي ان الله يحقق لك ماتتمنينه يامتابعة2 |
الله يهدي زوجها ويصلح حالها اللهم امين
|
غريب تعامل بعض الأزواج مع الزوجة الثانية
وكأنها شيء إضافي كان الله في عونها وهي الأدرى بخياراتها من حيث البقاء أو الطلاق |
الله يكون في عونك ياحبيبتي وحاولي انك ماتتسرعي ياقمر
ابغض الحلال عند الله هوالطلاق ويهز عرش الرحمن اقتراحي لك انك تطلبي المساعده من ام عبيد الله في الاستشارات الخاصه والله حتساعدك انا دائما اطلب مساعدتها ودائما تريحني باسلوبها والله يساعدك ياعيوني ولوحصلت حاجه طمنيني عنك الجئي للالله لانوهو ملجانا دائما واكثري الاستغفار |
الله يستر ما اكون انا بعد اعرف هالبنت ،، هي اسمها ماجده ؟
اقصد اللي تعاني من هالمشكله ؟؟؟ فعلاً شي غريب ، وحده من صديقاتي قالت انه اتزوج أرملة اخوه عشان العيال ،، ولما تزوج الثانيه قالهم من اول ما تقدم انه عقيم ، بس البنت كانت بالحيل صغيره كانت 14 سنه وتخيلوا ، انه خلاها تكمل الثانويه معانا بالقوووووووه لما صار عمرها حوالي 23 والله العالم وفعلاً مانعها من الطلعات والروحات ، وحالتها بجد صعبه الله يعييييينهم يارب اللي مثل كذا ،، بس يا اختي اشوف انها حالياً تلتزم بكلمة زوجها ولا تكلم اي رجل اجنبي ، حتى تصل لحل نهائي لمشكلتها ، وعسى الله يفرج عليها ياااااااااااارب |
الله يهدية ويصلحها
أختي اذا كان هذا طبع زوجك وانتي مو متحمله تصرفاتة احسمي أمرك وخذي قرارك قبل ماتندمي وقبل ما يكون عندك منه أولاد |
همسات
فاغر الامير النائمة u4 ام شاهين مشكورين ياحبايبي من كل قلبي واشكرك يالاميرة النائمة على النصيجة وان شاء الله ابعرض لها المشكلة بعد لام عبيد الله |
اسلوبه وااااااااضح
يبي أي سبب عشان يطلقها الله يهدي سرها المسكينه ويهون عليها ويلهمها الرشاد .......... |
اللهم اني استغفرك واتوب اليه عجبي على هؤلاء الناس اللي يحملون فكرة الشك في زوجاتهم طيب ليه اذا كان هالشئ فيه ليه يتزوج من الاساس الله يسامحهم والله شئ يقهر القلب
اما بالنسبه للزوجه فنصيحتي ان تستفسر احد المشائخ على مشكلتها لان الرجل قيدها بكلامه عندما قال لها لو كلمتي رجل اجنبي فانتي علي محرمة وهو يعلم اني بحاجة للكلام مع السائق الذي يقضي لي اشغالي والبائع في السوق لاني انا الي اقضي مقاضي امي ماعندها غيري فضروري تعرض مشكلتها هذه على احد المشائخ وانشاء الله بيوجهها الى مافيه الخير والا الطلاق اريح لها من هذا الرجل الله يهديه الامر بيدها كان الله في عونها وفرج الله همها |
كل يرى الناس بعين طبعه .....هذا انسان مريض وصعب صراحه العيش مع واحد شكاك
مااقول غير الله يعينها وهذا والله ابتلاء لها .. افضل صراحه تسخير ربها وتلجأ الي سؤال احد المشايخ فيما قاله لها زوجها .. |
وش هذااااااااااااااااااااااااااااا؟؟؟؟؟؟؟؟؟؟؟؟؟؟
اعوذ بالله .. اختي لا تورطي نفسك اكثر معه والي يقول لك بيتغير غلطان .. مافيه رجال بيتغير .. اختي واضح جدااا وضوح الشمس انه في نيته الطلاق منك بس مو عارف يدور سبب ... يبغاك انتي الي تطلبينه منه ... شكله يبغى يرجع لزوجته واولاده واكتفى منك .. |
hanooonah
nedaa يارب لا تحرمني أشكركم منقلبي على المرور والتفاعل الداعي للحق سأخبرها أن تعمل باقتراحك وجزاك الله خير الجزاء |
كلن يرى الناس بعين طبعه .. مافي داعي يشك فيها ...
خل تحمد ربها انها ماحملت .. الحياة مع هالانسان مو بسهولة تنطاق.. ويبيلها صبر قوي... الافضل لها .. انها اتصلي استخارة بخصوص الطلاق.. وبينها وبين نفسها اتعدد ايجابيات الطلاق وسلبياته .. واذا طلعت النتيجة الطلاق الافضل.. يعني الحياة بتكون افضل بمليون مرة من الاستمرار.. فتطلب الطلاق (بعد الاستخارة طبعا) وتطلبه بقناعه تامة وبقوة .. عشان ماترتخي.. واذا حست بعد الاستخارة انها ماتبي الطلاق.. اتبين له انه قويه .. وتفهمه بهدوء ان في اوقات تضطر تتكلم مع اجانب مثل السائق والبياعين الي في الاسواق.. وغيرهم .. الكلمة :لا تتكلمين مع اجانب ابد.. اتبين بوضوح انه يفكر بالطلاق او يخوفها منه... خليها اتصلي استخارة اكثر من مرة ... وربي ان شاء بيدلها للطريق الصحيح الله يعينها ويفرج همها وهمك وهمي وهم كل المسلمين |
بصراحة انا اايد كلامك احيانا يا اخت وداد
|
| الساعة الآن 07:48 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©