![]() |
أريد حل الله يخليكم مع زوجي وإتصالات البنات
السلام عليكم ورحمة الله وبركاااااااااته.. صباح الورد عليكم جميعا.. ترددت كثير كثير كثير قبل أكتب لكم قصتي..! لأني بطبعي لا أحب الشكوى لأحد لأن الشكوى لغير الله مذلة ..! بس من جد أنا فاااااااض فيني وماعاد قدرت أستحمل اللي يصير أكثر..! لا أخت أقدر أقول لها ولا صديقة ولا قريبة ولا أحد في هالدنيا.. طولت عليكم بالمقدمة..! بس يعلم الله إني جااااااالسة أكتب لكم مشكلتي ودموعي على خدي..! أنا صار لي متزوجة قبل 4 سنوات.. مرت علي من أحلى أيام عمري بحلوها وبمرها.. زوجي ماكان مقصر معي بشئ.. يحبني والحمد لله.. وأنا بعد أحبه ولا قصرت عليه يوم بشئ زوجي من عشاق الجلوس على النت.. مدمن على النت من قبل لا أتزوجه.. بيتوتي جدا قليل الخروج.. أول ماتزوجته شفت الماسنجر عنده كان مليان بمن هب ودب..! بنات وأولاد.. يوم صاااااارحته وقلت له من اللي موجودين وخااااااصة البنات .. قال من زمان موجودين بعضهم أعرفهم وبعضهم لا بحكم انه كان مشرف سابق على منتدى.. ومر الموقف هذا بسلام وكان في أول سنة زواج لنا لأني كنت واثقة فيه لأبعد حد..! ومرت السنين.. وهذي السنة الرابعة لنا.. قبل شهر تقريبا.. فتحت جواله بآخذ منه مسج.. ولقيت رسالة في الرسائل المرسلة الخطاب موجه الكلام فيها لبنت والاسم اللي عليه الرقم ولد(منصور) والرسالة مو غرامية تعتبر عادية نوعا ما..! الفترة اللي بعدها على طوووول كانت تجيه اتصالات من نفس الرقم وكان يتهرب منها لما يكون معي..! ويقول ماودي أرد عليه هذا منصور ذبحنا..! وبعدها حول جواله على خدمة موجود اكسترا..! وكان الرقم يتكرر.. ويومها علمني وقال أنا حولت جهازي لخدمة موجود..! وقلت له أنت مااااااااااااعمرها جتك اتصالات كثيره ليش تحوله..؟ وبعدها شالها..! المهم صررررررررت أراقب جواله بصراحة أبي شئ يريحني.. صرت كأني أدور له على عذر ولو بسيط يشفع له عندي ولا أقووووول إنه يخونني..! تفاجأت إنه يكلم وهو بالعمل اتصالات على دقيقة وعلى دقيقتين وعلى ثلاث وشئ أقل من الثواني.. ويستغل الوقت اللي أكون فيه عند أهلي بمكالمات طويلة اللي هو يوم الخميس وأنا بالعادة أروح لأهلي الخميس لحد يوم الجمعة وبعدين أرجع..! المشكلة مو رقم واحد اللي شاكة أنا فيه عنده.. فيه عنده رقم باسم (عبد الله) وواحد ثااااااااني أذكر من يوم تزوجته وهو موجود يعني قديم بس برضو شكيت فيه هو الثاني وتأكدت إنه مثل اللي قبل..! يعني المجموع 3 أرقام مختلفة بأسماء ذكور مختلفة لبنات..! واللي متأكدة منه إن شاء الله إنه مافيه مقابلات..! بس تلفون وانترنت..! وللعلم إن زوجي محافظ على صلاته يخاف الله حنون.. ودايما يحثني على الخير بمواقف كثيره من البيت للعمل ومن العمل للبيت.. حتى الصلاة غالبها بالبيت.. ولا هو راعي طلعات أو سفرات من بعد زواجنا.. وهذا اللي بيذبحني..! انا مو مستوعبه الووووووضع ياناس ..! بموت من القهر..! وخاااااايفة يجيني شئ..! ولا أقدر أكلم أحد..! وأخااااااااف إني أصارحة وينهدم اللي بيننا..! أرجوكم دلوني .. وش أسوي..؟ لأني تعبت ولا في يدي حيلة بعد الله إلا أنتم...! أدري طولت عليكم ..! بس والله ودي أفضفض لكم وتراها أول مرة أحكي فيها..! أختكم المحتارة سراب الطيف.. تم تعديل العنوان |
حبيبتي هدي نفسك وتعوذي من الشيطان وحاولي تقترحي على زوجك تغيرون جو يعني تسافرو مكان او شي يمكن هو تعبان نفسيا ومل من الروتين وبعدين انت فكري انه هو لك انتي وان شاء الله العمر كله وحاولي تتصارحي معاه تشوفي تسألي اذا مرتاح او مضايق من شي اشغلي وقته كله لاتتركي له فراغ ولاتنامي في بيت اهلك يوم الخميس هو يوم اجازته حاول تجلسي العطله معاه لاتتركي فراغ بحياته حتى مايدخل الشيطان بينكم ويخرب عشرة العمر انتي بالبدايه حاولي تخلينه يفتح لك قلبك وشوفي اش يسيير اذا مانفع نشوف حل ثاني .
|
الله يفرج همج ويصلح حالج ويهدي زوجج اللهم امين
|
حسبي الله ونعم الوكيل الله يفرج همك ويصلح حالك اللهم امين
|
مخ تعبان..!
مشكووووورة أختي على مرورك يعلم الله جا ردك بوقته مثل البلسم على قلبي..! الله يجزاك خير بس المشكلة زوجي صعب إني أصااااااارحه..! أبيها تكون آخر الحلول لأني أخاف إن المصاااااارحة تنهي أشياء كثيره.. مع العلم أختي أنا مااااااااعندي أطفال والسبب من زوجي يعني مايكفي إني صابره معه ومتحمله تكون كذا جزاتي منه..؟ |
الغاليات همسات ورنوده..
مشكورين على الدعوات الطيبة... وجزاكم الله خير.. |
أرجوكم أبي رد وحل لمشكلتي..!
لأن الدنيا ضاااااايقة فيني .. |
ينتقل لعالم الثقافة والتوجيهات
مكانه المناسب بوركتم |
( يا أيها الذين آمنوا لا تسألوا عن أشياء إن تبدوا لكم تسوءكم ).
لكن إذا مصره اتصلي على الأرقم وتأكدي بنفسك!! |
اول شي اختي تريثي ولا تتسرعي:d قد يكون فعلاً منصور وعبد الله والثالث مو شرط يكونون بنات يمكن ناس مزعجينه لزقه يعني وحاب يوزعهم |
أخوي المجاهد جزاك الله خير..
|
أختي كل الغلا..
أنا ماكتبت المشكلة إلا بعد ما تأكدت..! |
أخوي فاغر..
للأسف بنات..! |
ياااااااربي الفرج من عندك..!
|
-------- سامحيني أختي بس بتعذريني إذا عرفتي السبب تدرين إن صارت لي حالة تبلد من هالموضوع والسبب إني مريت بنفس الموضوع اللي تمرين فيه بالضبط زوجي قمة في الأدب والأخلاق والإحترام وكم مره اكتشفت إنه يكلم وبعد المواجهه الأخيره واعتذاره ووعده إنه مايكرر هذا الشي و حفاظاً على حبي له وصحتي اتخذت قرار وصدقيني بترتاحين إذا شاركتيني فيه حاولي ماتفتشين وراه ابد (انا اتكلم عن اللي لهم علاقات بالتلفون مو اللي يزودونها) عشان ماتعورين قلبج وثقي أختي الفاضلة إن العيب والنقص مب فيج فيه هو ماقول إلا ااااااااااااااااااااااه ياقلبي |
اختي في الله في البداية احب أن انبهك بعدم اتخاذ اسلوب العين بالعين لان هذا التفكير قد يطرئ على مخيلتك بعد اكتشافك لهذا الامر وهذا باب من ابواب الشيطان وإن شاء الله لم يحصل معك ..
ثانياً : بما انه انسان بسيط ومحب وطيب ويخاف الله فأحمدي الله على أن وفقك الله لهذا الزوج وصونيه وحافظي عليه ولا تعيبينه في اي شي . ثالثاً : يجب عليك مصارحته بهذه المشكلة ووضع النقاط على الحروف وبذلك تتجلى الغمامة عنكما و بعدها أبحثوا عن الحل المناسب. رابعاً : يجب عليك استغلال ايام العطل ومنها عطلة نهاية الاسبوع فليس من المعقول أن تذهبي إلى اهلك من الاربعاء الى الجمعة وتدعي زوجك في فراغ دائم وخاصة انها ايام عطل فبارك الله فيك اجعلي ذهابك إلى اهلك وقت لقاءهم والباقي خصصيه لزوجك بطلعه معه أو زيارة لكما لأحد اقاربكم .. فالشخص المتزوج يسهل اصطيادة من قبل الشيطان إن كان لوحده فقطعي عليه وكوني بقربه. هذه المشكلة اي معاكسة الرجال للنساء إما لنقص في الحياة الزوجي أو هي عادة قد اعتاد عليها ومن الصعب تركها إلى إذا تكاتفت المجهودات وخلص منها. وختاماً امل من الله أن اوفق في المساعدة وأن اكون قد اوضحت بعض الشي لحل هذه المشكلة تحياتي |
حصه
ياحبي لك.. حلوووو إنك قدرتي تواجهينه..! أنا أخاف أواجهة وتكبر المشكلة..! من جد مقهووووورة..! ويعلم الله ماكنت أفتش وراه ولا أحب هالحركات بس هو اللي شككني بنفسه..! |
أخوي خشبور..
مازلت أخاف المواجهة وبنفس الوقت أبي أتشجع عليها..! وروحتي لأهلي بس من الخميس للجمعة الأربعاء كله له..! وجزاك الله خير.. |
اختي .. ستكبر الفجوه بينكم وتبدأ الشكوك ولربما اتجه بكم الطريق إلى طريق مظلم ..
فعليك إذاً نسيان شكوك والتقرب إليه اكثر والضن به دائماً ضناً طيباً حتى تزيل من فكرك .. دعواتي لك بالثبات وهدايت زوجك . تحياتي |
خشبور..
صدقت وهذا اللي أنا خايفة عليه.. بس ليته يقدر..؟ الله يصبرني على النسيان ويثبتني..! |
السلام عليكم
اختى كان الله في عونك وللاسف كم نسمعمثل هذه الحكايات والله يا غاليتي اخت كانت عندها نفس المشكله من سنه تقريبا لحظات انه زوج تجيه رنات وبعد الرنه على طول يطلع يجلس في حديقه المنزل يكلم التلفون لساعات ولمن تسائله يتهرب اخذت الرقم واتصلت من جوال اختى الثانيه وطلعت بنت وسمعتها زي الطين بس كانت تدعي الله انه يبعدها عن طريقها وسافرت هي وياه ماليزيا لمده اسبوعين ولمن رجع نسى البنت هذيه ولمن سئلتها عادها تتصل فيه او تلاحظ عليه شي غريب قالت لا والله انه رجع زي زمان واحسن طولت عليك بس حابه تستفيدي من تجربه اختى لا تتركينه يوم اجازته وتروحين لاهلك حاول تسافرو تكسروا الروتين ولا تنسي الدعاء ثم الدعاء ثم الدعاء وكان الله في عونك |
مشكورة سمر..
والله يفرجها من عنده.. |
الله يصلح امرك ويهدي زوجك ويسخره لك
ويرزقكم بالذرية الصالحاله تأكدي ماتضيق الا وتفرج بإذن الله تعالى اللهم آآآمين |
الله يعينك
|
اقتباس:
|
لذة عشق
استكانة شاي مشكورين.. |
الغريب مشكووور أخوي..
بترك النومة عند أهلي.. وبشووووووف وش آخرتها معاه.. |
تصدقون كل ماحاولت أتذكر المواقف اللي صارت بيني وبينه..
مع وجود العلاقات أدري إن مابقلبه غيري..! بس تحترق أعصابي أول ما أتخيل شكله وهو يكلمهم وأنا مابيدي شئ أسويه.. وأحس إنه لاهي عني ذا الفترة.. ياااااااااااااربي فرجك..! |
السلام عليكم ورحمة الله وبركاته
اولاً : توجهي إلى الله بالدعاء ان يصلح لكِ زوجك. ثانياً : حاولي قدر استطاعتك ان تجعليه يصلي في المسجد وانصحيه ( بشكل راقي و بدون توبيخ ) وكرري ذلك. ثالثاً : حاولي ان تشغليه قليلاً عن النت بايجاد اشياء مشتركه بينكما. رابعاً : احضري بعض المحاضرات الصوتية عن العلاقات المحرمة واجعلي زوجك يسمعها بطريقة غير مباشرة. خامساً : حاولي التجديد في حياتك. سادساً : اقنعيه بالسفر في الاجازة فقد يكون فيه تجديد لحياتكما ومشاعركم . سابعاً : لا تكبرين الموضوع وتجنبي المواجهة المباشرة وخليها آخر الحلول. |
حبيبتي هوني علي نفسك كل مشكلة ولها حل بأذن الله وبالذات هذه المشكلة متكررة انا نفسي تعرضتلها اعلم انو زعلك ما بيدك لكن نحاول نتماسك ونكون موضوعيين في تفكيرنا
زوجك علاقته بيهم بس تليفون وماسنجر معناها كلام حلو ورومانسيات صح؟ طيب ليه ما تقوليلو انتي ما يسمعه وتحسسيه برغبتك فيه وحبك له ورومانسيتك اقصد ترسليله رسايل وهو في الدوام وتتصلي بيه وابدا ما تخليه وتبيتي عند اهلك زوري اهلك وقت دوامه لازم يرجع يوم الخميس يلقاك محضرة مفاجآت رومانسية وماشاء الله المنتدي ملئ بالأفكار لازم يحس انو ممكن بيكي يستغني عنهم ويمكن موضوع الخلفة مدايقة حاولي تحسسيه انو مافي شيء هيفرقكم وانه اهم شيء بحياتك وما تفاتحيه كأنك ما عارفة حاولي املي حياته وما تفارقية وبأذن الله هيطردهم من حياته قريب بس الإبتسامة ما تفارقك والرقة والرومانسية اللي بيشوفها برا اولي يشوفها من زوجتو اسفة حبيبتي للإطالة لكن صدقيني خلي يلقي البيدور عليه عندك وانتي الكسبانه يارب يصلح حالكم ويجنبكم شياطين الجن والإنس |
أعانك الله وفرج كربتك ...
|
الله يصبرك اختي 00
سمعي نصيحتي ياغاليتي 00 تعوذي من الشيطان 000وتركي عند الافكار والوسواس 000 ترا كثر الافكار تتعب نفسك وراحتك وتكوني بمزاج متوتر 00 أختي اذا كنتي وثقة من زوجك وراعي صلاة وذكر وستغفر ويحبك ويحترمك 00ليش تدوري على وجع الراس حاولي تقربي من زوجك اكثر وكثري من قراء القران وانشاء الله راح تطرد عنك الافكار الشيطنيه والله يوفقك |
أخوي فهد..
مشكوووووور.. كلامك وحلولك خففت عني الكثير ماننحرم منك.. والله يجعلها بموازين حسناتك.. |
راميا..
تسلمين يالغالية كلامك مثل الموية الباردة اللي طفت ناري.. ماننحرم منك يالغالية.. |
صبا نجد
مشكوووورة على الدعوة الطيبة.. |
أم شاهين
يعطيك العافية يالغالية والله وقفتكم معي ماراح أنساها طووووول العمر.. والله يبرد على قلوبكم زي مابردتوا علي.. |
اهلين اختي والله يعينك هذا شي مو قليل اكيد يقهر
بس اقترح عليك اول شي تتأكدين انهم بنات خذي ارقامهم ودقي عليهم بس المهم مايكون من رقمك واذا تأكدتي انهم بنات صارحية وقليلة ان الشي هذا مضايقك وأسألية لو انت مقصرة معاة بشي وخذي منة وعد انة مايعيدها شوفي اختي المصارحة في الحياة الزوجية لابد منها اذا مافي مصارحة مستحيل ترتاحين طلعي كل اللي في قلبك كلمية واذا مانفع هددية واذا فعلا كان يحبك صادقيني مستحيل يخرب بيتة ويفرط فيك عشان بنات لااخلاق ولادين في نظرة مايسون شي وان شاء الله الامور تنحل وتتوفقين |
لو مهما اقولك عارفة اني ماراح اخفف عليكي لا ني قد مريت مثل الي مريتي فية بس اهم شئ امسكي
نفسك لان مافي شي يستاهل في هذي الدنيا واجرك على ربك ومن يدق باب الناس بيجي من يدق بابة |
قلب الغلا
المجد تسلموووون على المرور.. |
الله يفرج لي وكل مسلم..
|
الساعة الآن 06:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©