رسبت بعد 13 سنه دراسه!!
 

لا تحزني عزيزتي وهده ليست اخر الدنيا ستكون لك فرصة اخرى ان شاء الله ويكون النجاح حليفك فكما قلتي ربما امتحان من الله ,
الله يعينك ويوفقك في دراستك وان شاء الله السنه القادمه تكون اعلى الدرجات,
تحياتي لك

نفس السؤال

fs بس مادة وحده 00000فوق هذا قاعده تبكين
طيب اللي كل ترم يرسب في ماده زيي ايشيسوي
لا المصيبه ان اكثر زملائي اتخرجوا وانا قاعد اجرس معا ناس اصغر مني بكثير
عادي هونيها وتهون

الله يعينك حبيبتي بس تأكدي من النظام لان لابد يكون فيه حمل للمواد ودور تاني حتى المدارس فيها دور ثاني كيف الكليه ارى انك تراجعي شؤون الطالبات يبدوا لي انك مستجده

ولا يهمك في الاعاده افاده وان شاء الله تنجحي وتتخرجي بامتياز وهذي فرصه ترفعي من معدلك اذا عدتي المواد مرة ثانيه ولا تحبطي نفسك الله بيوفقك ان شاء الله

آآآآآآمين ياارب..

مشكووره حبيبتي..

هلا ماماتي..

انا فالسنه الاولى.. واللي اعرفه اني بعيد السنه.. وياريت فيه دور ثاني او اني احمل الماده واكون فالسنه الثانيه..


قوانينا زفته.. اليوم طرشت حق الاستاذه ايميل عشان اتخبري شو اللي عليه اسويه والله يكون فالعون..

شوفي ردي على ماماتي ام خالد..

المشكله ياخوي ولا مره في حياااااااتي رسبت والحين ارسب..!! هذا اللي قاهرني ومعور قلبي..

لو اني متعوده جان ما حطيت الموضوع بالاساس ولا حزنت..

عالعموم راضيه ياللي صار وان شاء الله خير ..

وانت الله يوفقك ف دراستك..

هلا قلبو..

اللي اعرفه من بنات اللي رسبو وهم معانا يدروسون ان مافيه حمل مواد..

وبالفعل بكون السنه الجايه فاضيه كثير وآخذ الماده كمن يوم فالاسبوع ..

وكلامك حلو وان شاء الله بشوف شو آخرتها وبسوي لي جدول اشغل عمري بالدراسه وشي ثاني..

والله كلاااامك مثل البلسم عالجرح حبيبتي..

مشكوووووووره وربي يخليج لاهلج ياارب ..

كلامك صحيح حبيبتي..
ومشكووره وما قصرتي..

ان شاء الله براجع الكليه.. اتمنى يكون في اعاده للامتحان او احمل الماده السنه الجايه ولا اتضيع سنه من عمري..

ان شاء الله حبيبتي ..

مشكوووره ولله يوفقك..

آمين يارب..

مشكور اخوي والله يخليك..

والله نفس قصتي والحمد لله الان لي 10 سنوات متخرجه وعلى اتصال بزميلاتي اللي المفروض اكون من دفعتهم ولقيت كمان زميلات من الدفعه اللي جلست معاهم والحمد لله على كل حال المهم عزيزتي لا تنكدي عى نفسك واستغفري قدر الله ماشاء فعل

يمكن تستفيدي من تجربتي :

انا نفس حالتك بالضبط :

بس بدل مادة ................ ثلاث ( في عين العدو ..


يعني اعادة سنة ( لا محالة ..

اول ماشفت النتائج ..

خرجت من الكلية بسرعة ..

عشان لاحد يشوفوني ويسالني ..

ولا اتصل على احد عشان لحد يسالني من زملائي ..

ونزل علي هم ... ( مايعلم فيه الا الله ..

عمري ماعرفت طعم المقبول ولا حتى الجيد ..

كله ياممتاز ياجيد جدا ..

والحين ( راسب ..

والسنة الجاية بدرس مع ناس اصغر مني ..

واقراني كلهم في سنة ثانية ..



حسيت انه الدنيا وقفت × خلاص ..

..

كانت فعلا صدمة ..

واول صدمة في حياتي ..


بس بصراحة :

كانت سبب اني اوقف مع نفسي وقفة ( كنت احتاج لها من زمان ..


سألت نفسي : ليش رسبت ..؟؟

وليش : ماكون من الاوائل ..؟؟

لش وليش ؟؟

وقلت : دام الفاس في الراس ..

رحت سجلت دبلوم لغة انجليزية .................... ,وابشرك الحين ( بلبل يخزي العين ( الحمد لله الحمد لله ..

ودورة فرنسي : بس ماكملت ((( بصراحة ماقدرت ابلغ اللغة هذه ..

واخذت الكمبيوتر : تفكيك وصيانة وفرمته وبرامج الخ الخ الخ .... ........... والحين مايصعب علي شي ( بفضل من الله نعمة ..

والكتب ..

والعلاقات ..

والكثير الكثير قدرت اسوية في سنة ..

بقيت فائدة السنة هذه معايا الى الان اكثر من كل مواد الكلية ..


وصدق الله



" وعسى ان تكرهوا شيئا ويجعل الله في خيرا كثيرا"

الله يعينك يالغاليه..بس تأكدي حمل ماده ماتعيدي السنه تدرسي سنه جديده
وتختبريها مره ثانيه..
الله يعوضك بكل خير..

يابنت الحلال صدقيني انها خييييرة

صحيح من حقك تتضايقين وتبكين

لكن تذكري ربك أراد لك ذلك

والله أعلم منك بنفسك

لاتشيلين هم أحد ، ترى الدنيا دوااااره

يمكن هالمادة تشوفين خيرها بعدييين

وأنا أتكلم من تجربتي

تأخرت أكثر من سنة رغم إني ممتازة في جميع سنوات دراستي

لكن ربي عوضني خيييييييير ولله الحمد

وكلي أمرك لربك وأحمديه وأشكريه

وبكره كل شي يتغير

ما شاء الله.. ان شاء الله احصل صديقات بمعنى صديقات ..

مشكوره عزيزتي..

ما شاء الله عليك.. ياليتني اقدر اسوي مثلك..


ما اقول مستحيل بس اتعرف فشو افكر الحين.. اني ما اكمل الدراسه كرهتها..

ابغي اشغل في اي شي ثاني بس مب الدراسه..

كل يوم اصيييييييح اصيييح والله عذاب..


مشكور اخوي لانك ذكرت تجربتك وان شاء الله اراجع نفسي الف مره..

يعطيك العافيه..

حبيبتي راجعت الكليه وقالو لي ماشي اعاده للامتحان ولا في حمل للماده السنه الثانيه يعني اعيد السنه من اول ويديد .. قهررررررر آآآآآآه..


مشكوره عزيزتي..

الحمدلله على كل حال الغاليه..
مشكوره على كلامج الحلوووو..

اختي احس فييج والله
بس انا باقولج شي مريت فيه
بالرغم مندرجاتي العاليه بالجامعه في اخر كورس رسبت بماده مع انها كانت سهله ودرست عدل لها وخصصت لها لكثير من الوقت
تاخر تخرجي وبنات وايد علانيه تشمتت فيني تضايقت مرضت
لكن درستها مره ثانيه وتاخرت فعلا
لكن الله عوضني وحصلت درجه امتياز بها ي الماده
اللي ابي اقوله الله ما يسوي شي الا فيه خير
اللهم له الحمد عى كل حال
اختي بعد نصيحه شخصيه لا تهمين روحج على اقل شي يايه اشياء اكبر واقسى
عندج انا قضيه تاخر زواج ليوك ذي تشمت علي مع اني متفوقه وجامعيه
واللي كانوا يرسبون الحين بمناصب ومتزوجين وبعضهم عندهم ابناء
الناس ما تشوف روحها لاتهتمين لاحد ولا تعورين قلبك

الله يعوضك خير
والله يقسم لك الخير

اصيله باصولها..

آمين يارب..مشكوره وما قصرتي..

..



نايت..

قصدج الغاليه فيه اشيا اقصى من الرسوب.. والله يعين

مشكوره فديتج وما قصرتي..

..




صاحب رأي سديد..

آمين يارب..
جزاك الله خير..