|
أمــي تكرهنــي...
بصراحه مو عارفه من وين ابدا لكن
امي.... تشتغل مدرسة وتدرس الصفوف الاولى دايما طول فترة تدريسها يعني الابتدائيه اولى وثانيه وثالثه وانا طول عمري كنت احاول افهم شخصيتها واحللها ولا عمري فهمتها لين صار عمري 23 فهمتها يعني هالسنه هذي اكتشفت الحقيقة المؤلمه المحزنه ان هي سلوكها اليومي وشخصيتها بمثل هالطالبات الصغار اللي تدرسهم تدرون ليش اقول كذا ؟ لاني اطبق قولة تعالى واخفض لهما جناح الذل من الرحمه وانا دايما اسوي كذا والاحظ اذا اني انذليت لها وسرت تحت اقدامها من الخدمه صارت تكرهني اكثر وتعاملني بشكل اسوء... ودائما توبخني هلكتني لا والادهى والامــر انها تحرش ابوي واخوي ضدي تشوفني اذا دخلت بعض الاحيان عليهم وجيه متجهمه حسبي الله ونعم الوكيل اقسم بالله انها تعاملني مثل مرة الاب اقسم بالله العظيم حتى شغالتنا تستغرب من طريقة معاملتها لي تخيلو تقوللي الشغاله انتي بنتها الوحيده ليش تعاملك كذا والله اللي يعيش معها انه يشيب راسه من التهاويل اللي تسويها انا قلت مو مشكله اذا كان هي تبي تزعل مني من نفسها مو مشكله لكن ياناس مااتحمل لدرجة انها تكره اللي حولي فيني يعني اهلي كلهم جدتي كمان دايما تسب فيني ليييش ليييش تكرهني بتقولولي حاولي ماتزعليها انا عارفه اقولكم اقسم بالله اني نسبة المشكلة اللي هي مسويتها ميه بالميه منها والله انا اللي عايشه جوا البيت ومااحد يقدر يحكم عليها او عليه الا اللي عايش وشايف الوضع بالبيت حتى اهلنا مااحد فيهم يقدر يحكم يعني انا جدتي ساكنه بجبنا الباب بالباب احس كلهم يكرهوني كلهم مايطيقوني والله العظيم مي شوهت سمعتي والله شوهت سمعتي خاصة اني انا مااكلم ابوي الارسمي يعني مااسولف معاه كثير وهي اللي تروح تشتكيني عنده!!! كيف اعيش بين اهلي وكلهم يكرهوني ومايطيقوني او عالاقل سمعتي شوهتها عندهم وانا كل من عرفني قال يابخت اهلك فيكي والله اني ماامدح نفسي لكن هذي الحقيقه انا دايما اساعدها حتى احاول ادلعها احيانا وكل مااسوي لي انا شي اسويلها معايا تتخيلو انها اذا هي طفشانه تجي تتحرش فيني وتسوي لي مشكله وبعدين تروح تقول لبابا قولها يعني انا خليها تشيل السفره من الطاوله اقسم بالله تعاملني ولا اخس من الخدامه الخدامه احيانا ماتكلمها بالطريقة هذي حتى في اي شغله تكلمني بنبره كرهتها ولاعت قلبي منها وعرفتها من انا صغيره في عمر المراهقه احس هالنبره تخترق عظامي وتسكن فيها كرهتها كرهتها مااعد اقدر اتحملها ماااااطيقها غييييير انوواع الظلم اللي تظلمني اياه مع اخوي الصغير ياجماعه امي فيها شي صدقوني لكن ماابي احش فيها يعني اشيا استحي اقولها حتى ابوي يتكلم وانا معاه هو صادق ابوي مشالله عليه عادل مررررره الله يطول بعمره انا ابغى اتزوج باقرب وقت عشان ارتاح منها عذبتني وانا كم مره شفت رؤيا من الله تبشرني بحياة كريمه وسعيده وهذا فضل من ربي يبي يصبرني على الوضع اللي انا فيه وانا دايما احاول احتسب واصبر عليها والله شفتو اللي يقول حياته جحيم من اللي شافه انا زي كذا ورتني نجوم الليل في الظهر ورتني انواع العذاب والله لو امي تضربني كان اهون علي من الكلام السم اللي تسمعني اياه كلام يدخل بالعظم ويالم اكثر بمليون مره من الضرب اصلا هي بالسنوات الاخيره كرهتني بزياده وصارت تمد يدها على اشيا تافهه سمعتي وآه ياسمعتي اللي شوهتها خلتني اكرهها بزياده ياريتها هي بس تكرهني كل اهلي تشتكيلهم مني بالله عليكم كيف شعوركم اذا اللي حولكم ماخذين فكره سيئه وغلط ياريتها صحيحه وين تروحون ومن تقابلون تقابلون الجدار صح المشكله اذا قابلت الجدار بغرفتي خاصموني اطلعي بره الغرفه يطردوني من غرفتي وكله بسببها هي تروح تزن في راس ابويا علي كرهتها مااقدر اعيش معاها صدقوني انا ابغى انستر وارتاح والله مع اني شكلي حلو عالاقل مو كلامي هذا كلام البنات مو انكره يعني ودايما اهتم بشكلي وملابسي ماني اقررف علشان تكرهني والمشكله حظت براسها اني اغار من اخوي الصغير وانا اعامله مثل ولدي اهتم فيه ابدا مو زي ماتفكر هذي المصيبه الكبرى انا بس احيانا اشوفها تقدر تدفع يعني مثلا اذا شفتها شرت لاخوي جهاز غالي وهو صغير مجرد يحن عليها هي تفكرني اغار انا اقصد ان هي تقدر تشتري بهذا المبلغ يعني عندها مشالله تقدر تدفع طيب مادام عندها ليش ماتشتريلي ؟؟ واخر ماافكر فيه اخوي الصغير والله هو اخر مايحتال حيز من تفكيري اصلا مااحد خربه علي غيرها اقسم بالله العظيم اصلا حتى لما اخوي يغلط علي وتعتبرني انا الغلطانه امي وتهاوشني انا بالرغم من ان الصورة واضحه ان هو غلطان عيني عيني واضحه حتى جدتي لما تسالني وش فيكي مزعله امك!!! يالله اقولها انا السالفه كذا وكذا وكذا تقول والله انك معك حق يابنيتي اصبري عليها انا لما ازعل بعد المشكله اللي تصير بيني وبين اخوي ازعل من امي ماازعل من اخوي لان هي اللي خربت الولد عهلى فكره بصراحه انا كل شي بحياتي من اولها لاخرها ارميه على امي هي السبب اذا كنت انا تعيسه وهي السبب في كل شي بهالبيت وانتو عارفين ان هالكلام صحيح ان المره ممكن تقلب البيت لجحيم او تخليه جنه لزوجها واولادها ابويا متأذي منها مو بس انا البيت مررره ماحد مهتم فيه انا بس غير احاول اصلح كل شي من نفسي والشغاله حتى المطبخ تقولي لاتشقلبي وانا والله العظيم اسمع كلامها بكل شي فتلقوني اذا سويت اكله او شي كل شي نظيف تلقونه ماغير القدر عالنار يطبخ والملعقه بس << لاتضحكون المهم وهي لو تدخل المطبخ حدث ولا حرج تبي ملعقه تطلع الدرج كللله وهكذا مع كل الدواليب يعني تخيل مع كل طبخه المطبخ كله يطلع برا ... بصراحه فيني ضحكه مع هذا كله انا احمد ربي وماانكر فضله علي وفضلها عليه مو فضلها افضالها برضو انا مو جاحده لا انا دايما باتذكر افضالها بس المؤلم اني اكتشفت شي جديد غريب تصدقو ان اخويا الصغير فاهمها صح اكثر مني اكتشفت ان كل صفه مذمومه تقولها عني انها موجوده فيها شوهت سمعتي عند خالتي كمان شي مؤلم احس اني منبوذه احيانا بسبتها مع اني اخدم اهلي بعيوني حسبي الله ونعم الوكيل اسفه عالاطاله بس انا من زمان اباكتب لكم ومو عارفه وش اكتب واحيانا اقول ماله داعي ... وصراحه كتبته لان ابي اسمع كلمة عدل كلمة حق حتى لو كانت امي ياناس الله سبحانه وعالى مايرضى بالظلم وحرم الظلم على عباده وحرمه على نفسه تبارك وتعالى اسفة عالاطاله ... |
الله يعييينج .. شي غريب .. شالسبب!!!؟!!!
الي فهمته انج البنت الوحيدة بين الاخوان .. وابوج رب الاسرة .. شايف الوضع كله ويعرف المشكله .. قعدي معاه وفهميه لاتخلين كلامج رسمي مع الوالد .. خليه يكلمها .. وامج قد ماتقدرين لا تراددينها .. ولا تقعدين معاها بروحكم .. يعني مع اخوانج ولا ابوج عشان يشهدون الموقف كامل... الله يصبرج ويرزقج الزوج الصالح والذريه الصالحة |
مرتني الدنيا الله يعطيكي العافيه اختي والله اثلجتي صدري بردك انتي اكدتي عليه بهالنقطه
وفعلا هذا اللي انا احاول اسويه احاول مااقعد معاها بروحنا |
حبيبتي انتي تقريبا مثلي احس مرات انها ماتحبني بس انا اتجنب المشاكل اجلس بغرفتي مااطلع الا نادر
واقول بصبر عشان رضا الوالدين والجنه تحت اقدام الام ادعي اختي وقولي اهدي امي وحببها فيني واجعلها راضيه عني والله يهديها ويرزقك بالزوج الصالح الي يسعدك |
|
لا حول و لا قوة الا بالله
الله يساعدج و الله حزنت يوم قريت قصتج طلبي لها الهدايه ان شاء الله تتغير الى الاحسن |
اقتباس:
امين ياختي الله يجعل امهاتنا راضين عننا والله رضاها بالدنيا عندي ماتتخيلي مالنا الا الدعاء برضاالوالدين يارب تخليهم يرضون عننا جزاك الله خير اختي اقتباس:
أبو لمى جزاك الله خير اخوي نورتنا بطلتك وكلماتك المشجعه الله يعافيك ايات كريمة وتمعنت بكل كلمة فيها والله يساعدنا على طاعته ويغفرلنا و مالنا الا الصبر اقتباس:
الله يهديني ويهديها ويغفرلي ولها يعطيك العافيه على ردك يالغاليه |
الله يعينك والله ويسخر لك أمك
وأخشى أن تكون بينكما عين حاسد فعليكما بسورة البقرة والمعوذاااات |
المشرف الخاص
سبحان الله كانك تقرا افكاري فعلا انا من زمان افكر بهذا الكلام انه بيننا عين حاسد! بس مو عارفه كيف ارقي نفسي الله يكافي من كان السبب تحيــ ـــتي... |
حبيبتي اقرأي سوره البقره كامله كل يوم لمده ثلاث ايام ولاتنسي الاذكار وسترين امك كيف تصلح معاملتها بااذن الله تعالى حتى لو لم تكن عين صدقيني البقره تصلح كثير من الاحوال
اعانك الله ادعي دائما باان يهديها الله ويسخر قلبها لك وصدقيني انها تحبك جدا ولكن قاسيه في تعاملها لان مستحيل فيه ام تكره ابناءها حتى لو ضهرلك هذا لكن الحقيقه انه سوء تعامل وليس كره في حفظ الله |
اسال الله ان يؤلف بين قلبيكما
|
ما اقول الا الله يعينك ويجيك من ترضي فيه وتتزوج وتفتكي
ما اقدر ارد عليك الان مشكلتك مثل مشكلت خطيبتي مع اهلها ومانقادر اشوف حل غير ايسر اموري بعجله "ان الله مع الصابرين" هذا الى اقدر اقوله |
يمكن تغار منك ...........
لا تستغربي بعرف كتير أمهات هيك بيغارو من بناتهم حتى وحدة يوم خطبة بنتها أو ملكتها راحت تصلحت الأم عند الكوافيرة والبنت صلحت نفسها بالبيت... ودايماً لبسها جديد وتلبس بناتها لبسها القديم يعني أمك هيك |
عامليها عكس ما تعاملك تماما أمديحها وكلميها كلام طيب
وخلي في نفسك أنك لازم تحترميها وتحبينها مهما فعلت فيك والله سبحانه سيعوضك شيء ما تتوقعينه اذا صبرت عليها أتسلي في الصبر عليها وأعتبار كلامها عادي جدا |
وقل ربي ارحمهما كما ربياني صغيرا
|
يمكن اهي مو امك زوجة ابوك .... والله كلشي جايز يمكن ابوك طلق امك اواتها توفت وقالوا لك هذي امك
استغفر الله بس استغرب اذا هي امك وتعاملك هيك ... |
اقتباس:
اختي استنتجت من كلامك ان امك احتمال يكون عندها مرض نفسي والدليل انك تقولين ان كل صفة مذمومة تقولها عنك تكون موجودة فيها >>> يعني تبغى تلهي الناس عنها وتلفت انتباههم لك .. نصيحتي مدام ابوك انسان عاقل ومتفهم كلميه وقوليله يعرض حالتها على طبيب نفسي من غير ماتعرف ويسأله عن الحل والعلاج ولا تقوليلي ان علاقتك مع ابوك رسمية هالشي ماله علاقة << اذا تبغين ترتاحين من هالوضع لازم تتقربين من ابوك وتشتكين له الوضع وصدقيني قربك من ابوك بيخليك ترتاحين كثيييير... وبالنهاية مالك الا انك تصبرين عليها وتعاملينها بالحسنى .. والله يهدي امك ويشفيها ويسعدكم يااارب |
غدير الابرار
بصراحه شوقتيني اعرف كيف الامهات الحنونات هنا يعاملون بناتهم ودي اعرف والله ان الوضع واللي تسويه اكبر مما انا كاتبه هنا لكن هذا نقطة في بحر مااقدر اسرد قصة حياتي كلها معاها في سطور قليله قطرة مطر2 اختي مهما كانت شخصية الام ضعيفه في البيت بسبب الاب ولكن الام تحن لاولادها ولكن انا مع امي حاله خاصة حبيبتي انا دايما ... ايش اقول واش اخلي والله تستغربين لو اقولك هم معاها ابوي معاها عليه علشان ايش عشان اللي المثل اللي يقول (( اذا ابوك اعطاك كف اعطيه الخد الثاني )) يقول الام حتى لو ظلمتك اسمعي كلامها كلهم معاها هم كانو متسلطين على اخواني الكبار من ابويا وكل ماطلع واحد من البيت جا دور الثاني يعني بالدور هالمساله يعني يتقصدون اكبر واحد بالبيت اقصد انا ابوي عادل من ناحية اخوي مافي الا اني اتزوج والله يفرجها اثير الاحلام اخوي ايه سبحان الله استغرب انا ان فيه بنات كثير زيي على قولتهم الحشر مع الناس عيد نورة الفرفورة والله ماادري يااختي كلشي جايز |
لاحول ولاقوة الا بالله
والله شئ غريب ياأختى...والظلم ظلمات يوم القيامه.. دامك انتي صابرهـ فالصبر مفتاح الفرج الله يفرج عليك ..وادعى لي امك في كل صلاه ولاتهملي قراءه القران ترى الام ماتكره بنتها او ابنها مع العلم انك بنتها الوحيده يمكن تمر بظرررررررررروف بس ادعي لها ان الله يهديها حاولي قدر الامكان تكلميها وتتقربي منها حاولي... وتوكلي على ربك في حفظ الرحمان |
استغفر الله العلي العظيم
اختي الكريمه اصبري ولاتتسرعي بالزواج من اي احد لربما تقعيين في مشكله اكبر اي تريثي في اختيار الزوج حبيبتي الحمد لله الذي جعل اغلب الامهات حنونات ولكن لاننكر يوجد امهات هي من تامر اولادها بالعقوق ذكرتني قصتك بجار لنا ابوهم رجل صالح مؤمن قل نضيره توفي بحادث رحمه الله وخلف ورائه سبع اطفال وام لاتمتلك ذرة من الانسانيه او الحنان فهي لاتحب احد ولم تبكي على زوجها بل بالعكس كانت فرحه وتكره اهلها وتكره اعمام الاطفال وكانت قاسيه جدا على كل اطفالها وبالخصوص ابنتها الكبرى اليتيمه كانت تشكو لي وتبكي كانت امها تظربه ظرب مبرح بالحديد وتريد ان تنتلها بالكهرباء وتحمي قوري الشاي وتصبه فوق راس ابنتها ومرة ضربتها في خشبه ذات مسامير على رقبتها الى ان اغمي على البنت وهي تنزف دما والى الان تشكو من الام في فقرات الرقبه ولم تكتفي بهذا الحد بل حرمتها من الطعام وكانت تاكل لوحدها في صحن بباكل قليل لايكفي من دون لحم وامها واخوتها ياكلون امامها اللحم وهي تشم الرائحه وممنوع ان يبادر احد اخوتها لااعطاءها اكل اضافي وكبرت البنت وازداد ظلم امها لها فلاتعطيها مصرف وتتركها ترهن اسارورها لكي تغطي بعض مصاريف الدراسه في الجامعه وكانت تظربها وهي في الصلاة تركلها برجلها وتبطل صلاتها لشيء تافه وهي كيف تاكل برتقاله من الثلاجه ومره ونحن في شهر رمضان والجو بارد سمعت بااحد يرمي على بيتنا حجر فااخذت امي وذهبنا واذا هم ابنائها وهم كبار وعندهم دوام وحرمتهم من السحو او تناول الماء قبل الامساك فهم يريدون منا بعض الطعام او الماء لان كان بيتنا مجاور لبيتهم لكن مع الاسف كان الامساء وصاموا وهم جياع واشياء كثيره لاتحصر وانا اهلي نقول لها اصبري وصبرت الى ان تزوجت شاب يحترمها وعوضها عن كل نقص وهي الان احن من كل اخوتها على امها تصرف عليها وتقول هي مهما كان ام الله يكون بعون من كانت امه على هذه الشاكله اللهم احفظ لي امي الحنونه |
معليش حبيت أذكرك بقوله تعالى ( وصاحبهما في الدنيا معروفا )
الصبر الصبر الصبر الصبر الصبر الصبر فأنتي أمام باب من أبواب الجنة ودخولك لها هو رضا أمك الله يوفقك ويعينك ويصبرك ويرزقك بر أمك ويعينك على طاعتها ويسخركم لبعض |
حبيبتي
اولا الله يعينك وهذا ابتلاء من الله سبحانه وتعالى ثانيا ماعندي غير اقول ( امك ثم امك ثم امك) انا قبل لااتزوج كنت اقول امي ماتحبني زي اخواني وتفرق بس والله بعد ماتزوجت تغيرت كل افكاري حتى لو تقسى على امي احسها اضعف انواع الحنان الي عندها يحلو قسوت الام ولا قسوة الزوج الله يهدينا ادعي لامك لان الدعء يغير القدر اتمنى اكون رسمت لك بسمه لو كانت كذابه |
والله يااختي حدائق الزيتون انا نفس معاناتك واكثر صدقيني مع الاهانات اللي اتصبح واتمسى فيها الضرب الضرب اللي من كل جهة منها ومن ابوي واخواني انا زيك ماعندي اخوات وفوق هذا حرمان من الاكل وطرد من غرفة النوم يعني انام بالصالة ظلم اشد انواعه وتفرقه بيني انا واخواني وااااااااااااااااااااضحة مع اني اكبرهم وكل يوم على ذي الحال صبرت وصبرت وصبرت الى ان اتى الفرج وتزوجت والحمد لله احسن عيشة عايشتها مع زوجي والله ربي عوضني خير زوج عسل كل شئ ينفذه لي والمشكلة بعد ماتزوجت امي تغيرت ميه وثمانين درجة صارت وحده ثاااانية وين هذا الحنان قبل الله اعلم شكلها حست فيني ماصار احد يساعدها عشان كذا كل يوم تطلب مني انام عندهم وتتصل تسال واذا قتلها فيني شئ تنجن مامر يوم الا وتكلمني وتخاف علي وتحبني وتصرف علي يعني اذا قتلها زوجي ماعطاني فلوس تعطيني وزياادة تصدقين شكلها امك بتصير كذا بعد ماتتزوجين
والله حاسة فيك الله يصبرك اهم شئ ادعي في كل وقت ادعي انا كنت ادعي 24ساعة واحلم احلام حلوة تبشر وكنت افرح لاني كان املي الوحيد ربي يستجيب دعائي والحمدلله الله يزوجك عاجلا غير اجل باعز رجال يااااااااااارب |
طيـ الفلب ـب
يابعد عمري يااختي والله انك شجعتيني مع اني ادعي لكنك شجعتيني اكثر اني اكثر من الدعاء والله فرحت لك مره دائما اختي هناك امل ودائما هناك سعاده مثل ما التعاسه موجوده ودائما هناك تعويض من الله سواءا عاجلا بالدنيا او بالاخره شي معرروووف انه مايضيع شي مايضيع مثقال ذره سبحان الله عند الله انا باذن الله قررت اني احاول مااستثيرها على الاقل اتجنب بعض المشاكل لو اخفف منها وعلى طول اول مااحس انها بتهاوش او اتنرفزت اسمعها كلام حلو و قررت من كم يوم اني احافظ على قيام الليل مو بس للدعاء بتفريج الهم ولكن للتقرب من الله والانس بوجوده ومناجاته تبارك وتعالى وهو ارحم الراحمين وعلشان الاجر والتوفيق وشي مهم وهو .... تسهيل الامور وعدم حدوث مصادمات ومشاكل بيننا من كان مع الله كان الله معه الله يسعد قلبك مثل ما اسعدتيني بردك حبيبتي علمتيني انتي بتجربتك ان الله يعوضنا دايما خلتيني اتفائل كثير معاك احلا اختي باين انك غير سعيده بزواجك تصدقي حبيبتي وحاولي انك تقومين الليل ادري انه كلام مكرر ولكن.. روحي قوقل وسوي بحث عن تجارب قيام الليل والاستغفار تشوفي العجب اختي ..!!! صدقييني ولاتخلي الددنيا تمشيكي انتي اللي مشي الدنيا على كيفك ولاتنتظري وتقولي بعدين بعدين مافي وقت للانتظار العمر يمشي وفعلا انا حاولت اني اهدي نفسي وبعد ماقات ردودكم قررت اغير حياتي واخذ اتجاه ثاني مع امي ببرها اكثر وعدم نرفزتها والدعاء دائما والاستغفار تحيتي المشرف الخاص يعطيك العافيه اخوي على كلمتك باب من ابواب الجنه رنت في بالي هالجمله وانشالله اني على الطريق الصحيح مثل ماقلت لــ طيـ القلب ـب |
حبيبه ماجد
مشكوره يالغاليه عالرد تاج العروس يعطيكي العافيه ياغاليه فعلا امي مهما كانت فيه امهات اقل منها وبيعاملو بسوء اكثر الحمدلله امي على راسي والله مهما كانت |
بسم الله الرحمن الرحيم
هذا حالنا في هذا الزمان مع امهاتنا كل منا تاتي بمشكله يمكن ان تكون السبب هي الام حقا او السبب الفتاة لاكنها لا تعلم اخيتي حالتي مثل حالتك واخص منكي اشكري ربكي على انك تعيشين مع ابويكي هناك كثيييييير جدا يتمنون ان يرو امهاتهم اخيتي هنالك كلمه لفتت انتباهي واود ان اقول لكي لا تكرريها على امك ( حسبي الله ونعم الوكيل ) هذه الجمله قويه جدا بان تقال لامك اصبري اخيتي سياتيكي الفرج باذن الله حاولي ان تكسبي امك بشتى الطرق اجلبي لها هديه اعملي لها مفاجاءة حاولي ان تحببيها فيكي ربما تستجيب لكي حاولت انا بكل الطرق مع امي لاكني لم افلح صدقيني صدقيني وكوني متاكده ان حياتك احسن من حياتي بمئة مره حاولي ان لا تجعلي امك تدعي عليكي لانها اكبر المصائب انا دائما مهانه امام جميع قريباتي من ناحية امي او جدتي او عماتي من يوم قرات مشكلتي راودني شعور بقلبي ان امكي قمة في الطيبه لاكنها لا تعرف كيف تبين لكي هذا فهي تريد ان تراكي اما ناجحه تريدكي تكوني احسن الفتيات عندما تتحدث عنكي ربما تكون تريدكي ان تدافعي عن نفسك في مواقف حياتك اخيتي حاولي وحاولي معها لا تياسي جربي كل الطرق ابحثي عن طرق ترضي فيها امك اكتبي لها رسائل تحن قلبها عليكي لانه مستحيل انها لن تحن اجلبي لها اي شي تحبه حاولي وصدقيني انها ستتغير ربما تكون امكي لم تعطى الحنان من صغرها او لم تتربى تربيه حنونه ربما تربت تربيه قاسيه فلهذا تعامل ابنائها كما ربوها اهلها فحاولي معها ولا تياسي دمتي بود حبيبتي |
ربنا يدخل الراحة والسرور فى قلبك
|
اقتباس:
بديني افتخر يعطيج العافيه اختي على الرد ولكن الواضح انك ماقرات الرساله كويس وصدقيني انا كاتبه انه مستحيل احد يفهم الوضع اللي بيصير غير شخص ساكن معنا وحاضر كل شي بعدين يمكن انا تخونني الكلمات في التعبير ومااقدر اكتب قصة حياتي في سطور قليله ولكي انك تتخيلي اني جلست احاول فيها مثل ماقلتي رسايل وكلام حلو وكل شي مدة عمري كله الى اني بالسنوات الاخيره غسلت يدي وماغسلتها من هذا كله يعني من المحاولات الا بعد تفكييير عميق وقناعه تامة وبعد جهد جهيد من المحاولات وبعد اخيرا رسيت على اني.. اغسل ايدي وابطل احاول غير ماقال الله سبحانه وتعالى في القران من الايات عن الوالدين وانا احمد الله على كل حال واعرف ان في غيري حالتهم مره تعبانه اكثر مني واحنا نحمد الله اننا عايشين احسن من غيرنا ناكل ونشرب وانا عمري ماانسى افضال امي علي .. تحيـ ــتي |
مالك الا الدعااااااااااااء بالليل وانت ساجدة وستري النتيجة بس لا تياسي ترى الام ماتكره بس يوجد خلل ترى ان شاءااله حتسعدي في حياتك الزوجية يارب
|
| الساعة الآن 12:46 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
