|
المصروف الشهري للزوجه
.
. . السلام عليكم ورحمة الله وبركاته في موضوعي ذا حبيت أسأل المتزوجين وخاصه اللي مر على زواجهم سنوات وعندهم اولاد هل يجيب على الزوج إعطاء زوجته في يدها مصروف شهري لها .. يعني اذا انا ما أقصر واشتري لها متطلباتها .. لازم يعني أعطيها مصروف عيني غير المتطلبات الللي لها ولأبناءها ؟ ودي اعرف وش يضر المرأه من ان زوجها يشتري لها اللي تبيه هي وعيالها ولا لازم تكون في شنطتها فلوس للفشخره ولا ليه ابي أفهم ؟ يعني مثلا زوجتي تقول انا ما احب كل شوي أجي وأقولك ابي هذا وعطيني المبلغ الفلاني .. لان أحيانا اكون توي صاحي من النوم ولا طفشان ولا تعبان وما ودي أتكلم في أي موضوع أو اروح أي مكان :11: ؟ كل الأزواج يجون الله لا يهينهم ويكتبون تجاربهم مع المصروف الشهري ..؟وهل هو سبب رئيسي للخلاف بينهم ؟ |
انا اؤيد المصروف الشهري
لانه مريح جدااا مو كل مابغيت اشتري ولو بريال رحت اطلب منه |
تقول لابناءها جينه مو عيالك انت بعد!!
|
ولله يا خوي هو مو مشكله ولا يسبب خلاف بين الازواج
لكن انا من وجهة نظري الشخصيه والي متبعه في حياتي مع زوجتي اعطيها مبلغ شهري تصرف منه تخبر ماتدري وش يصير لازم يكون معها فلوس بالشنطه حتى لو وفرت لها كل شي لازم يكون معها شي بيدها انا من المؤيدين وبشده على موضوع المصروف الشهري حلو تحس ان معها فلوس |
ااااه.. ياليت زوجي يسمع اهمية المصروف..
مع انه الله لايخليني منه مو مقصر ابد.. بالعكس لو اطلبه الف زادها الفين.. بس انا انسانه احب يكون في بوكي مصروفي الخاص.. مو اذا عطاني كني شفقه على الفلوس.. احيانا اذا فتحت بوكي ومالقيت فيه شي اتضايق..مرررة واذا قلت له ابي مصروف شهري .. يقول ما هضمت فكرة انو كل شهر زيك زي راتب الشغاله امد لكم مع بعض..((مع ان فيه اختراع اسمه بطاقه)) اللي تحتاجينه اعطيك اياه.. يااااااارب يقتنع او اتوظف .. واصير حره بفلوسي .. |
السلام عليكم
أعتقد ان أعطاء الزوجه مبلغ من المال كاا مصروف شهري أحسن لعدة أسباب أذكر منهااا أحياتآ الزوجه ودهاا تهدي حق ناس يقبرون لهااا حيانآ تريد تشتري حاجيات خاصه لنساء مو لازم الزوج يعرفهااا أو يسأل عنهاا ( خاصه بالنساء ) أعطاء الزوجه مصروف شهري له مدلول نفسي على العائله وتعطي الزوجه ثقه وترتااح تصرف على قد ماا عندهااا تحسس الزوجه انه ماا ينقصهاا شئ كل ماا تشوف بالمحفظه ان عندهاا فلوس وأن زوجهاا موو مقصر معاهااااا وأشياء واجد أعتقد انهاا أحسن من كل مااا تريد تأخذ شئ تروح لزوج وتقول عطني وعطني ...؟ وفقكم الله |
أنا بالبداية مثلك ولكن اتفقنا على مصروف شهري لها وبيني وبينك وجدته أريح بكثير من إني أشري لها من ناحيتين : 1 - أنها تشتري بقدر مصروفها فقط إلا عند الضرورة 2 - أنها تحس بحرية تامة فيما تشتري ويكون معها فلوس وقت الحاجة . تقبل تحياتي http://www.7m7.org/img101/s0a.p7m7mf...9w38110981.gif |
اسلوب مريح جداااا
وانا زوجي يعطيني مصروف شهري وبكذا حتى احس بعزة نفس مو كل ما بغيت شي رحت اطلبه كأني بزر ..!! وحتى الزوجه تصير تحس بقيمة المال .. مو مثل لما يجيها اي شي بدون ما تدفع هي .. يعني تصير تدبر نفسها على قد اللي معاها .. وفوق هذا تفتك من الاحراج والمشاكل على الطلبات الغير ضروريه .. بصراحه مميزات بلا حدود للمصروف الشهري واريح لراس الزوجين .. |
أنا عن نفسي أحب إنه زوجي يعطيني راتب في يدي
كذه أشعر بأهميتي كإنسانه .. وأشعر إنه يحبني لو أعطاني وخصصلي شيء .. وحتى لو جبلي كل شيء تحياتي |
ادعولي بـِ مصروف شهري
|
انا زوجي ما يمشي لي مصروف وانا اساسا ماطلبت منه ها الطلب اذا بغيت شي قلته وما يقصر اذ عنده مع العلم ان الفكرة في راسي بس اني مراعية ضروفه المادية ولا وشرايكم يمشي لي لو شوي عطوني نصايحكم لو سمحتوا
|
الصراحه اوايد وبشده اعطاء الزوجه مصروف شهري لانه تجي مواقف احتاج فلوس ويكون زوجي غيرموجود مثلا عند اهلي اواقاربي ونطلب من المطعم وتكون قطه كل واحد يدفع عنه وعياله وانحرج اذاماكان معي فلوس واحيانا تجيب وحده اشياء تبيعها واحيانا اظطر اودي العيال لمستوصف اهلي وزوجي في العمل واحيانا وانا اصلح الغدا ينقصني غرض اطلبه من البقاله والعيال يبغون يشترون حلويات ومن هذا القبيل وش رايكم ماستدعي ان يكون مع الزوجه مصروف
|
طبعا كلام الأخوان والأخوات صحيح في أهمية
المصروف الشهري |
انا مع المصروف الشهري ولكن فيه مشكله
انا مخصص مثلاً راتب شهري 1000 ريال لأم عيالي المهم انه كل مره نطلع مع بعض انا اللي احاسب زصارت هي توفر وانا اللي متضرر الشي الثاني ان المرأه تتعلل بالغلاء الموجود في الأسواق ثم ان بعض الحريم لو اعطيتها مصروف 20000الف ريال والله ما يجلس معها اسبوع تجلس الفلوس كأنها واقفه على رأسها تبي تصرفها بأي طريقه مع التحيه |
ضروري اخوي يعني لا تتركها خالية اليدين
ولا تحسسها بالحاجة الماسة في كل امر انها ترجع وتطلب اشوف فيها كسرة خاطر |
المصروف الشهري مههههههههههههههههههههم جدا حتي لو هتشتري لها كل ماتتمناه
فمثلا اذا ارادت ان تشتري لك هدية كمفاجاة او ان تشتري لها اي شيء لتفاجئك به او قد تكون مع صديقاتها ورات شيء اعجبها اوتدخر منه اذا ارادت او تتصدق اوتفعل عمل خيري في السر فليس المفروض ان تعرفه |
أعطيها مصروف وريح بالك
|
والله فكره حلووووووة
يعني حتى ان بغت تشتري لك هديه ، يكون بجيبها شي عشان تشتري لك ،، مش شرط كل شوي ترجع لك فهمت :) وانت خذ الموضوع على محمل اجمل من كذا ،، مش انك مغصوب ترى بيصير طعمها باااايخ |
اقتباس:
انا مثلج يا الكتوم266 مااطلب منه مصروف لكن ولله الحمد مايقصر معاااي ابدا اي شي ابيه يجيبه لي حتى لو مسئلة وقت واشهد والله انه كريم ولوعنده اكثر عطاني يعني حتى لوعطاني مبلغ بسيط بيدي حق الشهر بس طبعا انا بعد اراعيه مااطمع وايد رغم اني كل شي خاطري فيه اشيب راسه مسكين الله يخليه لي ان شاءالله ويزيده ربي من نعيمه وشاكرين لك موضوعك |
السلام عليكم
اعتقد انالمصروف الشهري للزوجة واجب انا زوجي كان مسويلي استقطاع شهري على حسابي بالبنك.. ولكنلظروف معينه وقف الاستقطااع .. و صرنا نصرفمن مصروفي الي مجمعته لان استقال من شغلة وما صار عنده راتب.. يعني زوجي اقتنع ان المصروف ايضا يمكن ان يكون توفير لان كنت مهتمة ان اوفر للايام السوده:) بس هو الحين صار يعطيني كل كم يوم بيدي الى ان يفرجها رب العالمين:) |
المصروف الشهرى للزوجة من ضروريات الحياه
وخاصة لو لم تسألها اين ذهبت به اين أنفقتـــــــــه |
المصروف بيد الزوجه مهم جدا ولو مبلغ بسيط انت ما تدري وش تحتاج وانت بالعمل مثلا اقل شي لو تطلب من البقالة او سواق اهلها شي مو حلوه ما تحاسبهم لين تجي
وبعدين هي زوجتك يعني فلوسك وفلوسها وحده ترى صعبه كل ما بغت شي او مبلغ تجي تقول عطني علشان كذا وكذا وللزوجه خصوصياتها مثلا تبغى تقص او تصبغ شعرها او تبي تشيل او تشقر جسمها يعني مو حلوه على كل كبيره وصغيره تقول عطني 50 ريال بشيل وجهي فتله؟؟؟ والا عطني مشتهيه اشتري لك هديه؟؟ بسالك سؤال انت تعرف تطلع وبوكك فاضي ؟ ؟ فكر بزوجتك واعطيها الثقه وان شاء الله تثبت لك انها زي بومبو وتبدأ توفر الله يوفقك تحياتي دلوعه زوجي |
| الساعة الآن 12:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©