|
أمي في العِده ،، وخطيبي يريد اتمام الزواج،، ماالحل؟
السلام عليكم...
المشكلة يا اخواتي و اخواني اني انخطبت لولد عمي و تمت الملكة على خير لكن بعدها بـــ6 أيام توفى ابوي :( الله يرحمه... فتأخر موعد زواجنا الي كان مفروض يكون بعد اسبوعين من الملكة...و الحين صار لنا شهر من توفى ابويي و زوجي مب قادر ينطر للين ماتطلع امي من العده و كل ماقلتلها اني نبي نتزوج تزفني و تقولي ماتستحين انه لحين ماطلعت من العده....المشكله انه زوجي مو قادر يتحمل.... بس مااقدر اعطيه هالشي الا لمى تصير ليلة دخلتنا رسمية.... ساعدوني شنو الحل مع زوجي و امي؟؟؟؟؟ الاشراف: تم تعديل العنوان ليناسب النص. |
كلام امك صح توه ابوك متوفي وتبين تتزوجين وامك لسه ماخلصت العده عيب تجرحين قلبها وبعدين لازم زوجك يقدر ظروفكم اذا يحبك واذا طلب الجماع منك جيبيله مليون عذر قوليله انه جالسه تفكرين في ابوك ومك واهلك وش يصيرلهم بعد ابوك الله يرحمه وفوق كذا تكبرين في عينه وسيبيك من حار ولا بارد هذه مشاعر واذا بيكرهك بسبب امتناعك عنه يروح ويولي بس بوس واحضان مافيها شئ
اعذريني اذا قسيت عليك بالكلام وسامحيني ارجوك هذا لمصلحتك |
السلام عليكم ورحمة الله وبركاته ..
اختي بارك الله فيك .. الله يرحم ابوك ويصبركم يا رب على فراقه ... اختي الوالدة معاها حق يعني اشلون تسوين عرس وطقطه والوالد ماصار له شهر من توفى .. صح عرسكم ما راح يرجعه لكن يعني اشلون الوالدة بتحضر العرس وهي في العدة.. تعوذوا من ابليس اختي واصبروا شوي .. الدنيا مب طايره .. واذا هالكثر مصرين .. قولي لها بنتزوج ع السكتي لا حفلة ولا شي !!! |
السلام عليكم ورحمة الله وبركاته
اختي الفاضله وعروستنا في البدايه ::: عظم الله أجركم في الوالد وغفر الله ورحمه برحمة.. ثانيا ::: مبارك عليك عقد قرانك.. ثالثا ::: عزيزتي والدتك معاه حق 100 % بأي حق خطيبك يطلب ان يتمم الزفاف وامك في العده شوفي لو كان شخص ثاني اللي توفى غير الوالد الله يرحمه كان قلت الله يرحم ميتكم والله يتمم عليكم الزواج من غير تأخير لكن وضعكم مختلف هذي امك في العده ياناس مايفهم هذا.... الله يهديه بس اسمعي حبيبتي مسألة انه ما يتحمل الانتظار بيتحمل مافيه الا العافيه يعني ايش بيصير قولي له بالهدواه ياحبيبي حط الوضع اللي فيه امي بأمك بسم الله عليكم ايش تتوقع امك بترد تخيل انا اقولك ابغا الزواج وامك هي اللي في العده تتوقع امك بتوافق او بترضى على اتمام الزفاف ياحبيبي اذا كان المتوفى غير ابويا الله يرحمه وامي ماهي في العده يعني لو واحد من اقربائنا كان قلت معاك حق ومن حقنا نتمم زفافنا بس الوضع ياحبيبي هنا مختلف لآن هذي امي وامي في العده ماتقدر))) اهم شي فيميه بالهداوه وبيني له انك راغبه بالزواج ومستعجله لكن ظروف حصلت خارجه عن ارادتكم... لحظه نسيت اسألك كيف بيكون زفافكم يعني حفله كبيره او عائلي اذا عائلي ممكن بكل بساطه تيسروا امر الزفاف وتخلوه اكثر بساطة والله يستر عليكم ام اذا فيه شنا ورنا فأفضل تأجيل الموضوع واذا كل هذا وما فاد كلمي امه وقولي لها ايش رايك في موقف فلان امي في العده وانت بتعرفي ايش يعني عدة الزوجه على زوجها وعليك بصلاة الاستخاره والدعاء والله يوفقكم وينور بصيرتكم ويخترلكم الطيب |
الله يهدي زوجكِ لاهمه الا نفسه فقط ...ارجو ان تسأليه هل لو انه وقع له ما وقع لكِ فهل سوف يُتمم مراسيم الزواج ام سوف ينتظر .... ... |
ابوج توه متوفى و يبي يتزوووج ؟؟؟الصراحه ما اجوفها عدله و خصوصا امج فى العده
الله يهديه و يوفقكم |
السلم عليكم ورحمة الله وبركاتة
المفروض ماتزوجي لما تخلص امك من العدة وهوبعد نسيبك المفروض يقدر الظرف وهو لاحق على اللي يبيه والله يهدي االجميع |
و الله انا مو مستغربة من خطيبك كثر استغرابي منج؟؟؟؟؟؟؟؟؟؟؟ شلون تبين تعرسين و والدج توه متوفي ؟ امر عجيب ؟ انتي مو حزينة؟
|
الاشراف:
اخي الفاضل ارجو كتابة رساله خاصه بأسمي للأهميه (روح الغالي) |
لا حول ولا قوة الا بالله..
هذي اسمها انانيه من زوجك... ما فكر في امك المسكينه.. اصلا كيف العرس بيكون ..؟؟؟ بلا طعم.. وانتي الله يهديك اتروحين اتقولين حق امك نبغي انعرس..!!! المفروض اتصيرين اعقل عنه واتقولين له حدك عاد هذا ابوي وما يصير انعرس شو بيقولون عنا الناس.. اصلا امي كيف بيكون شعورها.. بيتقول ما حسو فيني ولا سوولي اعتبااااااااار.. الله يهديكم بس.. |
والله انتي غريبة بس لان امك في العدة تبين تاخرين الزواج يعني انتي مو حزينة على الوالد الله يرحمة وين احساسك وشعورك واحزانك ما في ؟؟؟؟؟؟
|
اشوف كلمك امك عين الصواب وبعدين هذا ولد عمك المفروض هو يقدر الوضع اللي انتو فيه والله يكتب لكم كل خير
|
لاتعليق
انا متوفي زوج بنت خالتي ومالي علاقة فيها ولا بعمري شفته وانا ماني فرحانة بعرسي كثييير بسبب وفاته وانتي ابووك وتبين تتزوجين؟؟؟ فكري حبيبتي اكثر.. |
شوفي يا ان زوجج يتنازل ... ويصبر لانتهاء عدة امج
عشان ماتجرحون مشاعرها لانها الحين ضايقه فيها الدنيا لان زوجها راح او انكم ماتسوون عرس وطقطقه وعفيسه لااااااا بس البسي فستانج وهاتي مصوره وتصوري معاه ... وسوو عشى للعايله فبيت الوالد وساااافرو لشهر العسل ... وموفقين |
| الساعة الآن 09:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©