|
مشكلتي مع خطيبتي هي جمالها
السلام عليكم
اتمنى انكم تساعدوني في مشكلتي مع الانسانة اللي خاطبها وعاقد قراني عليها ، باختصار مشكلتي اني احيانا اشوفها ملكة جمالها واحيانا شوفها عادية جدا واحيانا اشوفها اقل من عادية بشكل مزعج جدا . طبعا الى الان ولا عمري خليتها تحس بشعوري هذا ابدا وعرفت سبب هذا الشعور ببساطة واللي هو سبب مشكلتي خطيبتي مشكلتها لها فرعين : 1- اكتشفت انها لا تعرف كيف تظهر جمالها باستخدامها المكياج ، يعني اعتقد وكم مرة قلتلها باسلوب حلو بانها بمكياج خفيف جدا احلى بكثير منها وهي بمكياج ، احيانا يصل بي الحال اني اقدم نصائح كأني كوافير او خبيرة مكياج . وحاليا في نقاش كبير معها بسبب اصرارها على قص الشعر لمجرد انها معجبة بقص الشعر واكثر من مرة افهمها باني لست ضد الفكرة تماما لكن الشعر القصير يصلح لشكل وجه معين مو لاي احد وكم مرة اقترح بأنه لازم تغير قصة شعرها لانها راح تطلع احلى بكثير لكن بدون فائدة . وعلى سبيل المثال الاحظها ترسم عيونها واللي اعرفه ان رسم العين يخلي العين كبيرة وهي ما شاء الله عيونها ما تحتاج فصار شكلها بالرسمة له اثر عكسي 2- المشكلة اللي اكبر من كذا اني لمحت لها بأني ما احب الحواجب العريضة والغير مرتبة واللي موجودة عندها بشكل صراحة اكثر من مزعج واعتقد انها تحتاج اقل شيء لتشقيرها وهذا الشيء اقترحه علي وحدة من الناس المقربين لي يوم شافت خطيبتي واللي اثق في ذوقها جدا ولمحت لها انه لازم تجرب التشقير من باب التجربة ولكنها تقول مستحيل لانه مضر ويخلي الحواجب تزيد ؟ فهل هذا الكلام صحيح .وكيف احل مشكلة حواجبها لانها اكثر من مزعجة. يا بنات نصيحة لكم لا تستخدموا المكياج لاستخدامه فقط تراه فن وذوق وكثير بنات بدون اي مكياج ملكات جمال يعني مو شرط الوحدة فيكم تستخدم كل علبة المكياج واداوته الا اللي يظهر جمالها او يخفي عيوبها اتمنى تفهموا هذا الشيء. على العموم اتمنى تفيدوني الله يرضى عليكم لاني ما كنت اتصور انه في بنت الزمن هذا ليس لديها خلفية عن المكياج وكيف احل مشكلتي مع خطيبتي ولحد يقولي ترى الجمال جمال الروح ولا تدقق لانه يهمني اشوف خطيبتي ملكة جمال. تحياتي |
http://www.7m7.org/img101/s0a.p7m7mf...9w33417291.gif اقتباس:
اقتباس:
اقتباس:
http://www.7m7.org/img101/s0a.p7m7mf...9w27952469.gif http://www.7m7.org/img101/s0a.p7m7mf...9w33417291.gif |
شكرا اختي على الرد
وفعلا كان ردك اكثر من مفيد الله يسعدك واذا المسالة فيها 800 ريال لا بلاش باصرف نظر عن الموضوع :25: تحياتي |
لا والله انا بقالي سنين اشقر ولا زاد ولا شيء بالعكس احس الشعر اللي متشقر يقل كثافته بس لازم تكون بشرتها بيضاء
|
انا احس انك تدخل بزياده يعني اكيد من حقك انك نشوف خطيبتك حلوه
بس اشوفك تتكلم عن قصى الشعر ور سمة العين والحواجب اشوف ان كلها امور اكيد البنات تفهم فيها اكثر والتدخل المفرط يشعر الواحده بعدم الارتياح والانزعاج تحياتي |
أنا برضو معك أختي انو التشقير يزيد ..
ومو مقتنعة أبد فيه ... أحس يزعجني الشكل .. ويعتمد على لن البشرة .. وقول لها ياخوي ..ابغاك بمكياج خفيف جدا . لأنو للأسف أنا اعرف بنات تقول انو لازم المكياج يكون بارز مررة عشان يلفت نظر زوجها .. وأخيرا ..خلك ..هين ..لين ..ومو كل حاجة ياخوي تدقق عليها في شغلات مثل كذا .. الله يتمم لكم بالخير ولا يفرقكم بشر .. |
سبحان الله الواحد لما يحب حد بيشوف فيه كل شىء حلو
انت مجرد ماسمعت800 ريال قلت خلاص اصرف نظر اذن انت اصلا مش مقتنع فيها |
أنا حاسة باللي تحس فيه لأني اشوف بنات يفرطون في استخدام الميك أب وأكثرهم في الحقيقة أجمل وأنعم بدونه أو إذا كان خفيف.
مشكلة البنت الخليجية انها تكثر من الميك أب وعلى بالها هالشي شياكة وذوق والعكس صحيح! :d الحين الموضة الميك أب الناعم اللي يبين الواحدة Natural.. بس بناتنا أكثرهم مصرين على الميك أب الثقيل..! وتلقى الوجه لونه أفتح بواجد عن العنق وباقي الجسم وهذا أكبر وأبشع خطأ تقع فيه البنت الخليجية في الميك أب ولاحظته يتكرر واجد. :( البنت اذا بغت تعجب الناس وتظهر بشكل أنيق وجذاب لازم تفهم أن مستحضرات التجميل ابتكروها عشان تبرز مفاتن ومواطن الجمال في المرأة مو تغير الملامح أو تشين الوجه! لذا، لازم على كل واحدة تبي تشتري كريم أساس انها تختار درجة لون قريبة جداً من لونها الطبيعي مو أفتح.. عشان ما تصير مثل المهرج أو كنها حاطة قناع! كريم الأساس مهمته توحيد لون البشرة بإخفاء العيوب مو تفتيح البشرة أو تبييضها! وبالنسبة للألوان الدارجة الحين فهي الفاتحة الطبيعية مثل ما ذكرت سابقاً.. فانصح خطيبتك انها تحط ميك أب خفيف كلش، واذا تبي تقنعها بهالشي جيب لها صورة ممثلة أجنبية لأن الغربيات هم اللي يبدعون بالميك أب اللي يعطي لوك طبيعي. واذا أثرت فيها الغيرة راح تلقى نتيجة فورية! :) وبالنسبة للكحل.. إذا كانت عيونها وساع فاطلب منها ترسم الكحل من داخل العين.. هذي الطريقة تناسب العيون الوسيعة.. أما العيون الضيقة والصغيرة فيصلح لها رسم الكحل من الخارج واستعمال قلم الكحل الأبيض من الداخل عشان تبدو أكبر في الحجم. أما شعرها فأعتقد أن الموضة الحين الشعر الطويل مو القصير.. القصير مو دارج مرة مثل عام 98 أو 2000! الحين اللي الاحظه ان اكثر العارضات والممثلات شعورهم طويلة أو متوسطة الطول. واذا هي حابة تغير ستايل شعرها فانصحها تموج شعرها أو تدرجه أو تسوي له فرد يوكو.. وهذا موضة الحين. والصبغة بعد مهمة لتغيير اللوك، بس لازم تختار لون مناسب لبشرتها وشخصيتها. أما الحواجب فالموضة الحين هي موضة الثمانينات بالحواجب العريضة.. يعني الحواجب الرفيعة الضعيفة راحت موضتها وصارت أولد فاشن! بس اذا هي شكلها بالحواجب العريضة مو حلو، اطلب منها ترتب منها شوي.. يعني مو تشيل منها كثير عشان الموضة مثل ما ذكرت. والتغيير البسيط يحدث فرق كبير أحياناً.. يعني مو ضروري تشيل كثير من حواجبها. والتشقير أفضل من الحف لأن الحف بالخيط أو الملقط يتسبب بترهل الجفن مع كثرة عمل هالشي.إضافة لكونه حرام و"لعن الله النامصة والمتنمصة"... أما التشقير فصحيح يزيد من كثافة الحواجب لأنه يخلي الشعرة سميكة أكثر، بس ما له تأثير سيئ على الجلد المحيط بالحواجب ولا أعتقد انه حرام. وبعدين كل ما طلع الشعر تروح للصالون وتعيد التشقير.. يعني ما في أي مشكلة! أنا أعرف بنات يشقرون وحواجبهم مرتبة كلش كأنهم حافينها. الحين ما في أحد ما يعرف يكشخ ويطلع بشكل مرتب وجذاب.. الفضائيات موجودة والإنترنت مو مقصر.. والأسواق مليانة من الماركات وبكل شارع تلقى صالون تجميل.... كل شي متسهل للمرأة بس اللي عليك انك تقنعها بذكائك وتخليها تمشي على ستايلك اللي تتمناه عليها. وصدقني اذا قدرت تقنعها وشافت انك مستانس على اللوك الجديد حقها بتستمر على نفس الستايل وبترضيك على طول. بس هي الحين شكلها مترددة وخايفة. تمنياتي لكم بالتوفيق وان الله يسعدكم دنيا وآخرة. |
أخوي ما ادري أحس وايد تتدخل! من حقك طبعا انك اتشوف خطيبتك حلوه بس مو بهالاسلوب! في اساليب تقدر اتوصل لها اللي تبيه مثلا اتقولها والله حبيبتي ترا الألوان الفاتحه أحلى عليكي وهي أكيد بتسوي اللي يعجبك لأنها في النهاية تتزين عشان من! مو عشانك؟!
الله يألف بين قلوبكم ان شاء الله |
انا احس انك تدخل بزياده يعني اكيد من حقك انك نشوف خطيبتك حلوه بس اشوفك تتكلم عن قصى الشعر ور سمة العين والحواجب اشوف ان كلها امور اكيد البنات تفهم فيها اكثر والتدخل المفرط يشعر الواحده بعدم الارتياح والانزعاج تحياتي[/QUOTE] أنا أؤيد هذا الرد .. ترى الرجال ما يعجبهم شيئ .. الله يصبر المتزوجات والمخطوبات .. :25: ويرزقنا واحد يرضى بقليله .. :17: أخي الفاضل .. ما دمت أخي الفاضل لك ذوقك الخاص .. فلما لا تشتري لها "كاتالوج" لقصات وألوان الشعر .. :22: وإطلعها على ما تحب من الألوان والقصات والمكياج .. بس بطريقة حنونة بعد .. وليس بالفرض .. كأنك تملي أوامر .. :25: وقول لها .. أنا ألاحظ أن لديك كل الألوان والأدوات والحركات .. يعني أنا ما راح أكلفك شي .. ما رأيك نجرب ألوان من أدواتك .. .. أنا أفضل بعض الألوان .. مثل تلك .. وتشير لما تحب في الكتالوج .. ولماذا لا تجربي تلك القصة .. أعتقد أنها ستزيد من جمال إستدارة وجهك .. جمال عيونك . إلخ .. الكلام الحلو إيييااه .. وممكن تطلب منها تحضر علبة مكياجها .. وإختار الألوان التي تحبها .. وإذا كانت لا تملك الوان كثيرة .. اشتري لها أنت على ذوقك .. وبذلك .. تكون الكرة في ملعبك .. :d بالنسبة لقصة التشقير .. هو فعلاً يعتمد على لون البشرة .. ممكن اللون الأشقر لا يناسبها .. وهناك كثير من كريمات ومواد التشقير التي تؤدي إلى نمو الشعر أغمق وبكثافة أعلى.. للأسف .. وهذا عن تجربة شخصية .. :24: وأرجو أن لا تؤاخذني .. ولكن أتمنى .. أن تكون أنت شخصياً .. مهتم بمظهرك ولبسك ولياقتك البدنية .. مثلما تطلب منها .. هذه الأشياء .. تفرق معنا نحن معشر النساء مثلما تفرق معكم ولكن ليس نفس التأثير .. ولكنها تفرق وخلاص .. والله يتمم عليكما ويرضيكما ببعضكما.. إن شاء الله .. |
انا برأي انو تصارحها وتبدي رأيك فيها ومحبتك للمكياج الخفيف بس بطريقة غير مباشرة مع المحاولة انك تتقرب منها بكلامك مو عن طريق الأمر وهي لو بتحبك بتسمعلك الكلمة وبتمنالك التوفيق اما بالنسبة للحواجب اذا كان عندها زيادة بالشعر ممكن اننو هي تقيم من غير ما تقرب على رسمة الحاجب الأصلي يعني التنظيف الخفيف من أسفل الحاجب وهادا ممكن يحل المشكلة لوكانت سمراء البشرة بس لو كانت بيضا انا بنصح بالتشقير مع انو لو رجعت إلي ما بحب استخدموا والله يوفقك ان شاء الله ودايما تكون خطيبتك حلوة بعينك وانت كمان لاتدقق على كل شي ما بيهم الشكل كتير جنب الأخلاق ... طمنا شو بصير معك
|
اخوي في مجلات في السوق اشتري لها مجموعة وسويلها على شكل هدية يعني والمجلات هاي تشرح كيفية المكياج والرسم وكل شي
الله يوفقكم |
الله يعطيكم العافية على ردودكم واقتراحاتكم
الموضوع ليس موضوع تدخل يمكن يكون اهتمام وحرص ان الواحد تكون زوجته احلا ما يمكن وبعدين لو ما ابديت رايي في مكياج زوجتي اقوله في مين ؟ زي ما تفضلت الاخت مشكلة بعض البنات انهم يستخدموا المكياج بسبب وبدون سبب. يمكن معاكم حق ان الواحد بطبعه ما يحب احد يتدخل في اموره كالملبس والمكياج وغيره بس انا ابدي اقتراحاتي بسبب اني حريص اشوفها احلا ما يمكن ومعتبر انه انا وهي شخص واحد والسبب الاخر اعتقد ان المكياج والازياء فن و علم واحتراف له اساليب وخفايا المسألة ان البنت مهما كان شكلها لا سمح الله مو حلو ممكن توظف المكياج لتكون ملكة جمال بس تعرف الاسلوب المناسب. شكرا لاهتمامكم تحياتي |
ربنا يعينك وتقدر تقنعها بوجهة نظرك
|
السلام عليكم....
أخي الفاضل....انت طلبت المساعده...وبإذن الله ...ربي بيساعدك... لأنك اتقيت الله في هالبنت..و تبيها أحلا بنت بعيونك..وادعو الله أن يسخرك لها ويسخرها لك..ويبارك لكما... يا أخي..أنا ما أشوف أي تدخل بخصوصياتها..لأن انت زوجها وانتوا تكملون بعض..يعني ممكن بيوم من الايام هي تطلب منك تغيير شي معين..الدنيا أخذوعطا.عادي..وبالعكس..انت من خلال كلامك..واضح انك كنت ذوق معاها مره ومتفهم جداً...يعني...ما جرحتها..او طلبت منها بصيغة أمر..ورفض ونهي... يعني...الله يهديها ويصلحها...لك...وترضيك.. دام هذا اسلوبك..بإذن الله ربي معاك..وبيخليها ملاك بعيونك.. وبعدين..هي بعد ما تنلام مسكينه..يمكن ماعندها أحد يعلمها أو ينصحها..أو يمكن..هم كذا يحبون الميك أب كثير... وأكيد تسوي كذا على بالها..انها تبي تعجبك..يعني...كله عشان خاطرك..يا أخي معليش تحمل شوي...وانصحها بنفس الاسلوب الذوق والمعامله الراقيه.. واطلب منها انك تشوفها [[حدد يوم طبعاً]] بميك أب خفيف... يعني تقول لها...انا ودي اشوفك حاطه.......حدد ما تريد لكن بذوق...وشوي مدح.. وصدقني بتستجيب لك على طول بإذن الله..واذا نفذت ماتريد...امدحها وانبهر بجمالها..أكثر من أول وبكذا...خلاص هي بتدخل الفكره براسها...انك كذا تحبها أكثر...وبتصير تخفف ميك أب وبالنسبه للشعر...نفس الشي... لاتنساني...أخي الكريم من دعوه بظهر الغيب...أن يرزقني الله بزوج صالح عاجلاً غير آجل... |
السلام عليكم ورحمة الله وبركاته ...
انا مع الاخ صاحب الموضوع ... هو خاطب البنت... والبنت في هالفترة اهم ماعندها تسعد خطيبها واتبين له جمالها وانوثتها ... يعني صاحب الموضوع ماقال شي غلط .. اقتباس:
وبالنسبة لكلام وحدة من الاخوات الي قالت .. تقدر اتغير من شكلها بصبغة الشعر طبعا هالكلام صحيح .. بس بدون اليوكو .. لاني سويته والحين صارلي سنة صبغته اسود بني... وسويت اليوكو والحين شعري هلكان .. الله يوفقك اخوي ويهنيك مع زوجتك .. |
السلام عليكم ورحمة الله وبركاته ...
انا مع الاخ صاحب الموضوع ... هو خاطب البنت... والبنت في هالفترة اهم ماعندها تسعد خطيبها واتبين له جمالها وانوثتها ... يعني صاحب الموضوع ماقال شي غلط .. اقتباس:
وبالنسبة لكلام وحدة من الاخوات الي قالت .. تقدر اتغير من شكلها بصبغة الشعر طبعا هالكلام صحيح .. بس بدون اليوكو .. لاني سويته والحين صارلي سنة صبغته اسود بني... وسويت اليوكو والحين شعري هلكان .. الله يوفقك اخوي ويهنيك مع زوجتك .. |
بصراحة أول مرة أشوف رجل يفكر بهالطريقة!
الله يعينها عليك من جد00 انا في الآونة الأخيرة بصراحة صرت أشوف البنات يحاولون قد مايقدرون يصير مثل المشاهير بأشكالهم ليه؟ لأن أغلب الرجال حاطين في بالهم انه بنات التلفزيون توب في كل شي ( اقصد في الشكل 00 والله يكرمنا عنهم) وفعلا قدرو بناتنا تغيرو وتطورو بطريقة اللبس والميك اب00 اول كل شي عندهم بهرجة وثقيل00 والآن صرت اشوف النعومة والبساطة كثير انت سولف على زوجتك باأي شي تحبه ولاتنتقدها بأي نقطة00 فيه واحد كل ماكلم خطيبته قال انا احب الوحدة تلبس لي كذا وكذا احب الوحدة يكون شعرها كذا احب الوحدة يكون مكياجها كذا وصارت بالضبط مثل مايبغى وهو مرة مبسوط منها00 جرب هالحركة وان شاءالله تضبط معاك موفق أخوي |
اعتقد ان مشكلتك اخوي بسيطة وتنحصر في شي واحد انه خطيبتك تحط باستمرار مكياج ثقيل او مكياج مناسبات والرجال عموما ما يحبون المكياج الثقيل يفضلون المكياج الطبيعي والناعم وتعجبهم الالوان الفاتحة والهادئة ممكن تبين لها وجهة نظرك بانك ما تحب المكياج الثقيل تقدر تهديها هدية علبة مكياج تكون متوفرة في اغلب محلات المكياج تحتوي على الوان هادئة وناعمة |
أخي في الله
تأكد من حكم التشقير لأني سمعت أنه شبهه وأيضا كذا مرة أشوف نساء مشقرات والله نظن فيها الظنون أنها نامصة ويمكن فيه بنات يحسبونها نامصة ويقلدونها ويكون الأثم عليها وعليك ولا تتدقق لأنه ممكن يفقد ثقتها في نفسهاااااا ومع مرور الأيام راح تكتشف ذوقك لا تستعجل وفقكم الله لكل خير |
السلام عليكم و رحمة الله
قال الشاعر ليس الجمال أثوابا تزيينا **** إنما الجمال جمال العلم و الأدب هذا هو المهم حاول إقناعها بأن تستعمل الماكياج الخفيف و بأنك تفضل هذا النوع من الماكياج |
ياناس الرجل يشكى والمطلوب منى المساعده مو التجريح
اخى العزيز انت من حقك تكلمهااا وتقولها الى بنفسك من مكياج مشعر اذا انتى ماقلتلها اجل من بيقولها شوف ممكن هي تزعل وقتها وتقول وش قصدك يعيني مكياجي مو حلو او تسريحة شعري مو حلوه لكن بعد فتره والله بتشكرك واعرف انه في بنات ماعندهم اي خلفيه بالمكياج او بالاصح الذوق مو موجود انا والله زوجي كان يقولي اللون الاسود للشعرك مو حلو غيريه ووالله غيرته للأشقر علشانه وهو الان كثير مبسوط ويقولي انا احب المكياج الاسود الثقيل وانا احط على رغبته الله يوفقك اخوي |
عندما تكون مع زوجتك و انتو قاعدين جلسة رومانسية و هادئة افتح معها موضوع الحقوق الزوجية
امدحها في البداية للخصال التي عندها من مراعاة حقوقك و واجباتها تجاهك و تكلم عن حقوقك تجاهها و بعدين حاول تحر الحديث و تعرفها بأنه أحد الحقوق للزوجة على زوجها أن تختار ملابسه و شكله و هيئته (بما يرضي الله) و أنك ترجب بأفكار تقترحها هي عليك حول لباسك و شعرك و وو و و من ثم أخبرها أنه من حق الزوج أيضاً على زوجته أن يعطي رأيه في شكلها و أن عليها أن تراعي ذلك و اطلب منها أن تستأذنك في كل شيء تنوي أن تفعله يتعلق بشكلها قبل أن تنفذه أنا متأكدة أن الفتيات تفرح بتدخل خطيبها بشكلها و هذا يعني انه مهتم بجمالها و شكلها و انه هو مو من النوع الي مو شايفها و لا شايف جمالها امدحها دائماً حتى لو ما كان من قلبك لكن حاول تمدحها لما يعجبك شكلها أكثر من الغزل و بالغ به و لما ما يعجبك احرمها من هالكلمات كلها بحيث تلاحظ انك ما مدحت شكلها و بالتالي تنتبه للأمر و تفتقد الغزل و ببهذا الشكل تراعي زوقك و تدخلك في شكلها و أطلعها على هذه الفتوى عنوان الفتوى : من حقوق الزوج على زوجته التزين بما يرغبه فيها تاريخ الفتوى : 26 جمادي الأولى 1426 / 03-07-2005 السؤال زوجتي لا ترغب في وضع الحناء على يديها وتحديداً على أطراف أصابعها وتتحجج بأن زميلاتها لا يفعلنه ولا يضعه إلا كبار السن (العجائز) حسب رؤيتها، مع أنني أغضب عليها إن لم تفعل ذلك لأني أرغب أن تضعه تجملاً لي وهي رافضة لذلك، أرجو مناصحتها بالصحيح وسوف أنقل لها الإجابه على ردكم لي مهما كانت، أرجو إفادتي هل الحق معي في الإصرار على طلبي هذا خصوصاً أنه ليس محرماً، وهل تقدم توجهات ورغبات وطبائع زميلاتها في المدرسه على رغبة زوجها أرجو إفادتي عاجلاً؟ الفتوى الحمد لله والصلاة والسلام على رسول الله وعلى آله وصحبه، أما بعـد: فمن حقوق الزوج على زوجته أن تتزين له بالملبس والطيب، وأن تحسن هيئتها وغير ذلك، مما يرغبه فيها ويدعوه إليها، فعن أبي هريرة رضي الله عنه قال: قال رسول الله صلى الله عليه وسلم: خير النساء التي تسره إذا نظر، وتطيعه إذا أمر، ولا تخالفه فيما يكره في نفسها وماله. فنوصي الزوجة بطاعة زوجها في المعروف، وأن لا تُقدِّم على طاعته ورغبته رغبات زميلاتها وأذواقهن، ونوصي الزوج في حال تعنت الزوجة ورفضها لطلبه بعدم التشدد في هذا الموضوع، فإذا كانت الزوجة تتزين له بالملابس والطيب وغير ذلك من أنواع الزينة، فينبغي له أن لا يجعل من موضوع الحناء قضية نزاع وخلاف مع الزوجة. والله أعلم. المفتـــي: مركز الفتوى أو تكلم لها أنت عنها عندما تجد أنها لا تراعي هذه الأمور و دعها تفهم كم هي مهمة حقوق الزوجين و واجباتهما تجاه بعضهما |
اقتباس:
لما صار الموضوع انك حتدفع عجبك شكلها؟ سبحان الله اذا مو عاجبتك حواجبها كان ما اخذتها |
الله يجملها فى نظرك
|
الله يشغلك بطاعته..
قمة الإحباط إنك تنتقدها بفتره مهمه بالنسبه لها..وتتمنى تحس خلالها إنها أجمل امرأة بنظرك على الأقل من باب (الرحمة) اللي ذكرها ربي سبحانه لاتنغص جمال الوقت الحالي كان أجلت ملاحظاتك بعدين.. وقريبتك حتى لو كانت اختك..ملاحظتها تطفل وتدخل..ويمكن تكون لفتت انتباهك لشي كنت غافل عنه اللهم إنا نسألك علو الهمة والترفع عن التوافه .. |
بالنسبة لوضع المكياج دعها تقرأ وترى المكياج الناعم على الأقل من باب التغيير
ويمكن تقتنع . أما قص الشعر أنت لازم تفهمها بطريقتك (إنك أنت رجل وهي مرأة) إن من جمال المرأة الشعر الذي يميزها عن الرجل . أما عن الحواجب فمن خـــلال رؤيتي للبنات إنها تبقى على حالها (حواجب كثيفة عريضة) أفضل من إنها تلجـــــأ إلى التشقير . لأن ما في حل أفضل من حف الحواجب يخليهم مرسومين ويظهـــر جمال الوجه والعيون خاصة إن حواجب خطيبتك عريضة . والله يوفقكم ويتمم عليكم بخير . |
800 ريال ؟؟ صدقاً اندهشت !!؟ هذا والله تجهيز عروس !!! حتى تغيّر المرأة من اللوك تحتاج إلى كلّ هذا !؟؟ كثيرات أعرفهنّ يكتفينَ بأنفسهنّ عند الذهاب للأفراح أو ما شابه .. ويُسألنَ دوماً عن الصالون الذي عملن الماكياج فيه ؟؟ البساطة لا تحتاج إلى الكثير .. والتشقير ، والمكياج الناعم يحتاج فقط إلى الدّربة وإلى الروح الذوّاقة .. والأنثى بطبيعتها تمتلك هذا الجانب لكنّه بحاجة إلى التّحفيز اهديها بعض مجلات المكياج المتخصصة .. واتبع معها أسلوب النقد بطريقة مهذبة يعني : ما شاء الله الروج مررة لونه حلو ، بس لو خففتي الباودر قليلاً .. لونك الطبيعي أحلى من الفاونديشن المركز وهكذا .. لأنك إن عارضتها صراحةً فيما هو أنثويّ خالص .. سيكون فيه إحراج لها وحتماً ستكابر .. ! |
ياليتك تنضج وتخلي عنك الامور السطحيه .. بالله مو خجلان من نفسك وانت متضايق من حواجبها والا من كحلة عينها ............
ياخي العلاقه الزوجيه اهم من حواجب وخط كحل.. لا زم تحبها مثل ما هي .. والا ابصم لك بالعشره انه من ينظر الي سفاسف الأمور وتفاصيل الجمال .. بكره يمل من زوجته ويدور غيرها ..وكثير من هذي النوعيه من شاكلتك من تقدم لفتاة لسواد عيونها وبكره مل من سواد العيون راح دور وحده خضراء عيونها .. ياليت ما يجي احد من المشرفين ويحذف ردي .. |
لما هي من الاول مش عجباك طب بعد كدا هتعمل ايه لما تتجوزها عجبي خطبتها من الاول ليه اكيد فيها حجات جميله اكتر بكتير من شعر ومكياج
|
أعانك الله
|
اكيد جمال الشكل الكل يحب يشوفه
دام ان التلفزيون مليااان قنوات بنات فل ميك اب واخر موضة بقصات الشعر والصبغات فيحب يشوف هالشي في زوجته ,, حقك اكيد ,, وفي احاديث كلنا نعرفها تحث الزوجه ان تهتم بمظهرها عشان ترضي زوجها ,, الزوجه لما تتعدل اكيد همها الاول والاخير ترضي زوجها بمظهرها واذا ما كان راضي شو الفايدة !! ونا احس ان معظم اذا ماكانو كل الرجال يحبون المكياج الناااااااعم جدا المشكلة عندنا في الخليج مادري ليش يحبون يثقلون بالمكياج وااااااااااااااااااااااايد ونا اكره هالشي وبالنسبة للتشقير اعرف وايد بنات يشقرون ويقصون بالمقص وليس نتف ,, يقصون الشعرات الطويلة وايد فيترتب شكل الحاجب بعد القص والتشقير انا اسمع ان يزيد بس مادري اكيد على حسب البشرة اعرف بنات وااااااااايد يشقرون ما زاد ,, والله يعلم ,, اهم شي ما تتبع كل مرة شكل لتغيير حواجبها على حسب الموضة لان الموضة عمرها ماناسبت كل الوجوه ,, اهم شي شي يناسب ويهها ويعجبك انت ,, وبالنسبة للمكياج انا اشوف ان احسن شي يبرز الجمال هو المسكرا (لتكثيف وتطول الرموش) وترسم عينها بالرسمة اللي تناسب عينها وتبرز جمالها واللي عيونها جاحظة او وايد كبير يفضل تستخدم الكحل داخل العين مع مسكرا وتحط روج او جلوس وشوي بلشر ( احمر خدود) بس عشان يعطي لون بسييييييط جدا وكأنه طبيعي او تقدر تحط على جفنها المتحرك لون من الالوان الفاتحة او بدل ما تحط على كامل الجفن تقدر تحط خط بالاي شدو فوق عينها على خط الرموش العليا قول لها انها وااايد حلوة وانك تحب المكياج الناعم لان يطلعها واااااااااااايد حلوة ,, قول لها باسلوب هادي جدا وحلو ولا تحسسها ان ما يعجبك مكياجها لانها بتتحبط اذا عرفت ان اللي تسويه ما يعجبك بس بين لها انك تحب الالوان الفاتحة ,, قول لها انا احب اللون الفلاني عليج وايد يبرز جمالج ونعومتج وانوثتج ,, واحب اشوفج فيه ,, مع ان كل شي حلو عليج بس مادري هذا يجذبني وايد ,, يعني من هالكلام |
لا تراويها صور عارضات او ممثلات وتقول لها سوي مثلهم ,, احس يمكن بتضايق ,, مسكينه هي تتعدل لك وتحاول تغير بشكلها ولما جي تسوي لها بتحس انك ما تشوفها او ان هي ما عجبتك كل اللي تسوي بدون فايدة ,, يمكن تفقد الثقة بنفسها ,, يعني كأنك تقول لها صيري حلوة مثلهم ,, المفروض بدل هالشي تقول لها انتي احلى منهم وتبين لها انك ما تشوف غيرها واهي بتظل الاحلى بعيونك ,,
لما تشوفها هادية ورايقة ,, كلمها بس بطريقة غير مباشرة يعني كأنك تقول الموضوع بالصدفة ,, مو انك من زمان تفكر فيه ومنتظر الوقت المناسب ,, لا من ضمن السوالف ادخل بهالسالفة |
من قال التشقير يزيد الحواجب!!
انا من زمان اشقرهم ولا زادو ولا اي شي الله يوفقكم بس شوي شوي حاول انت تقنعها ويمكن مثل ما قالوا الاخوات انها مخليه المظهر الحلو لها يوم الزواج .. كثير زي كذا اولهم انا |
صدق والله فيه بنات ..يحطون ميك اب كذا .. زي البقيه
وهم بالاساس احلى .. بدونه او بخفيف انا احب الميك اب والرسمات الناعمه وترتيب ..الحواجب بس الي استغربه انه رجال ينتبه لهذي الامور اذا لهالدرجه مضايقك الموضوع قلها بطريقه لبقه يعني مثلا .. قل انا يعجبني المكياج الخفيف.. , ياقلبي والله عينك احلى بدون الرسمه هذي تو متش وتخرب جمال عينك وماشاء الله عليك عيون كبيره ليه ماترتبي حواجبك معها وتبينين جمالها حرام ..مخبيتهم كذا ويعني كذا ..الخ بالذوق كل شي يجي الله يهنيك |
الله يسخرلكم لبعض
|
نتف وقص الحوجب حراااااااااااااااااااام
ويجوز القص ان كانت الشعره تؤذي العين |
معك حق المكياج له فن مو علبه ولطخ وبس انت حاول تقولها على شكل ان صديق يشكيلك ويبي يأخذ ريأيك قلها وش رايك زوجته ماتحب تشقر تتوقعين فيه احد مايشقر الحين والمكياج ياسلام يقول مكياجها لطخ ووشف رايها او قلها ابي اشوفك مشقره حواجبك اذا يناسبك او خلاص بالنسبه للمضار سألت والكل يقول مايضر قل اخواتي من سنين يشقرون ماشافو شر وفعلا انا الحمدلله من عمري اشقر ماشفت الي تقول عنه وقلها وش رايك نسوي نيو لوك انا اسوي الي انتي تبين وانتي تسوين الي ابي مثل تبيك بسكسوكه او دقن او او وانت تطلب الي تبي والله يوفقك
|
| الساعة الآن 05:12 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©