|
تذكروني!
السلام عليكم ورحمة الله وبركاته
ما ادري تتذكروني ولا لأ... والله وحشني المنتدى.... صارلي مده ما شاركت في المنتدى بس مو بايدي والله.... بس رجعت لكم ببشارتين... الاولى هي اني تخرجت والحمدلله من الجامعه بتقدير جيد جدا ورجعت من غربتي لأهلي وديرتي :22: والثانيه هي اني ملكت الاسبوع اللي مضى وخطيبي تغير ومشاكلنا اغلبها انحلت ولله الحمد بعد تدخل الأهل وما قام يشك فيني مثل اول.... ادعولي الله يخليكم :14: واتحدد موعد العرس بعد شهر ونص وهالشي اللي مضايقني... اقولكم ليش... اولا احس انه الوقت ما يكفي اني اتجهز واخاف عرسي يطلع بايخ لأني راح اجهز كل شي بسرعه واخاف فستاني يطلع مو حلو واتوهق وخصوصا انه ما عندي وقت ابدا وما نقدر انأجل العرس لظروف معينه :( وثاني شي انا لااااااااااااااااااااااااااازم اضعف قبل عرسي! ولا راح اخلي زوجي ينام بغرفه وانا بغرفه والله حيل حيل متعقده من جسمي وما عندي ثقه في نفسي ابدا! دائما اوسوس اذا كنت راح اعجب زوجي ولا راح ينصدم من جسمي.... ما اعرف شو الحل بس مره متضايقه وخصوصا انه هو بنفسه لمحلي اني لازم اضعف شوي :( :29: ما ادري شو الحل ساعدوني.... |
هلا اختي الهم شلون ما نذكرك بل اذكرك تماماً
وبالامارة خطيبك لما كان تاعبك بالغربة ودخلتي المستشفى وكنتتي ترجعي دم وماكان يرد عليك ويطلع مع ربعة :( كدا السالفة والا لخبطت انا :25: :25: هههههههه المهم حبيبتي الف مبروك على قرب الزواج والحمد للة انة صار يعاملك بطيبة واحترام بالنسبة للعرس اشوف انة بتقدرين تجهزي كل شيء بس توكلي على الله اولاً واخيراً اما الرشاقة فصعب شوي بس اعزمي من الآن ولا تتوقفي عند الزواج بل استمري وحافظي على وزنك وما بينصدم بشيء لأن الي يحبك ما راح يأثر فية شيء يارب يسعدك حبيبتي:14: :14: |
الف الف مبروج اختي على كل هذي الاخبار الحلوه
الرجيم عندج رجيم التمر مع الحليب سريع الاخوات يقولون و المشي نص ساعه اقل شيء باليوم يساعد .. ابي انصح نصيحه اختي تره الزوجه اذا ما كانت واثقه من نفسها تتعب الزوج معاها انا ما اقول كوني مغروره بس لا تكشفين عيوبج جدام زوجج كوني واثقه ورده جميله دلوعه .. ممكن انتي ما تشوفين نفسج و لكن مع الثقه تحببين زوجج فيج .. احبي نفسج بلا عقد .. مساله وقت الزواج كافيه اختي .. بنت عمي اعدت حفل بسيط خلال اسبوع !! انتي اشلون ما تقدرين و عندج وقت اكثر !! اختي لا تفكرين انه كل شيء راح يكون مثل ما تبي ساعات في امور تتغير ف خل يكون كل شيء مرن نوعا ما ... سوي الفستان و غيري و صلحي فيه ماكو مشاكل و اشتري مجلات شوفي الملابس و اخذي فكره و الموضه المساله هذي غير معقده كلش و شوفي شنو بلائم جسمج و حلوه عليج اكثر و ابدئ بالرجيم فورا على شان يبدا جسمج بالنقصان .. اشوي اشوي على نفسج ... و اذا تحبين تعرفين شيء اكثر ان شاء الله ما نقصر معاج و الف مبروك ... اهم شيء الانسان الي معاج و ساعدتج الباجي هذي كلها شكليات لا تفكرين بالسلبي فكري بالايجابي و بس ..الله يتمم على خير اختج بني |
اقتباس:
ههههههههههه لا ما لخبطتي.... اي هذا هو خطيبي! سبحانك ربي اتغير ولا اتغير.... من يصدق انه خطيبي ذاك اللي كان يعاملني اقسى معامله يعاملني بطيب اليوم... والله ما يغير شي إلا الدعاء وحسن الظن بالله ادري انه صعب انزل وزني بس لازم على الأقل اضعف شوي! ما ادري أي ريجيم اتبع وما اعرف كم المفروض انزل وكم اقدر انزل خلال شهر ونص أصلا... مشكوره حبيبتي على ردج |
عليكم السلام ورحمة الله وبركاته
عليكم السلام ورحمة الله وبركاته
يــــــــاهلا بالهم <<< لازم تغيرين يوزرك الآن واللهِ يالهم إنك على بالي هاليومين وفكرت فيك وقلت أكيد ملتهية بإختباراتها وكان ودي أعرف وش صار عليك مع خطيبك ، وهل أمك زارتك ببريطانيا وحلت لك مشاكلك يالله ألف مبرووووك والله يتمم لك على خير ويوفقك هذي الأخبــار اللي تسر وعقبال الفرحة الكبيرة وفرحة جميع الأعضاء كل واحد باللي يتمنـــاه الله يرضى عليك ياأختي ويوفقك وين ماكنت ِ |
عليكم السلام ورحمة الله وبركاته
الف مبرووك النجاح و الملجه و ان شاء الله كل شى يصير رووعه لا تخافييين الله يوفقج |
اقتباس:
|
اقتباس:
دعواتج |
اقتباس:
اي والله لو تعطيني ريجيم التمر والحليب اكون شاكره لج... وكم كيلو يضعف هالريجيم خلال شهر؟ وان شاء الله يكفيني الوقت وراح اسوي اللي قلتيلي عليه بإذن الله دعواتج حبيبتي وفي انتظار ردج |
كيف اعرف شنو الوزن المثالي بالنسبه لي؟
|
شوفي ياقلبي هذي المعادلة
الوزن / ( الطول ) 2 إذا كان وزنك بين 20 و 25 يعتبر وزن مثالي إذا كان وزنك بين 25 و30 يعتبر بداية سمنة إذا كان وزنك فوق 30 يعتبر سمنـة أتمنى أكون أفدتــك : ) |
حبيت أوضح لك بالنسبة للمعادلة بكتبها لك كتابة علشان ضيّعت بالكيبورد :D
الوزن تقسيـــم مربع الطول |
ألللللللللللللللف مبروك حبيبتي
لاتخافين إن شاء الله كل شئ بيصير تمام فقط توكلي على الله أولا ثم ابدئي بتسجيل ماتريدين عمله في دفتر وابدئي بالعمل أهم شئ نظمي وقتك بدون ارتباك وفقك الله وجعلك في عين زوجك من أجمل النساء اللهم آمين..... |
وهل يخفي القمر
الف الف مبروك ويارب يوفقك يالغاليه ونورتي المنتدي لازم لازم تضعفين وتهتمين ببشرتك وشعرك وجسمك وصدقيني بنات المنتدي ماراح يقصرون بس اقري ركن العروس وراح تلقين كل الي يسرك وبالتوفيق |
مبرووووووك والله يوفقك ويسعدك ..
فرحت لك من كل قلبي والله يتمم لك امورك على خيررر.. اكثري من شرب الموية ومارسي الرياضة وخففي من اكلك وإن شاالله تخفين ... دمتي بصحة وسلامة .. |
الحمد لله على السلامة وألف مبروك
مبرووووووك والله يوفقك ويسعدك ..
فرحت لك من كل قلبي والله يتمم لك امورك على خيررر.. دمتي بصحة وسلامة :14: :14: :14: |
مبروووووووك أختي والله يتمم لج على خير ويرزقج السعادة بالدنيا والآخرة
بالنسبة لتخفيف الوزن خلال مدة قصيرة فأنصحج بمراكز التجميل عندهم أجهزة لتخسيس ومضمونة وطبية وطبعا سيري المراكز المعروفة بيسوون لج جلسات بهذه الاجهزة ووايد بتلاحظين الفرق في قياساتج وربيعتي جربتها قبل عرسها ونحفت وايد في مدة بسيطة ولكنها بعد خففت أكلها |
ألف مبرووكككك .. ما شاء الله .. والله مشكلتك كثيرر زعلتني .. وكنت كثير صعبانة علي .. قطعتي قلبي عليك .. سبحان الله .. الله يتمم عليكم بخير إن شاء الله .. وبالنسبة لقصة القلق .. ما في مشكلة .. ربك مثل ما حل مشكلتك مع خطيبك .. بيطلع عرسك حلو .. وكله يطلع مضبوط و 100 100 كمان .. :22: توكلي على الله .. وعيشي هذه الفترة صح .. ألف زيليون مبروك .. :14: |
الف مبروك ...............(وبشر الصابرين)
|
مبروووووووووووووك
والتجهيز لاتخافين ..الامارات ماشاءالله مشهورة بمجمعاتها روحي مجمع الامارات موول.. كتبي كل شي تبينه بورقة علشان لاتنسين لازم تطقمين كل شي ,,شريتي تي شريت لازم تلاقين له بنطلون ولا تنرة تناسبله انا ورطت عمري بهالسالفة صرت اشتري وبس والان متورطة ومابقا على زواجي الا 12 يوم.. ماني لاقية الالوان الي ابيها بالنسبة للوزن المثالي في طريقة ثانية مثلا لو كان وزنك 75 وطولك 160 وزنك المثالي بيكون من 55 الى 60 كيلو حاولي تمشين وتشربين موية كثير ..اذا مانتي قادرة تلتزمي بريجيم .خففي اكلك والغي الحلويات والمقلياات ((شوفوا مين تنصح)) بالتوفيق حبيبتي |
ما شاء الله تباااااااااااارك الرحمن.. شو الاخبار الطيبه يا حلوه.. الف الف مبرووووووووووووك اولاً عالتخرج.. وثانياً عالملجه.. يوم قريت انج ملجتي قلت في نفسي الله عوضها عن خطيبها القبلي بس كملت وشفت هو نفسه.. ما شاء الله عالتغير وان شاء الله يتم دوم جيه.. وثالثاً.. مبرووك لانج رديتي البلاد ما بغيتي الغاليه.. الله يعينج ع تجهيزات العرس..بس الفتره شويه شهر ونص.. بس الله ايسر امورج يارب.. عاد ادعي لنا بولد الحلال ^_* الله يوفقج.. |
هلا والله بالهم اي هم قولي فرح سعادة اقول من الحين غيري اسمك
تصدقي فرحتلك من قلبي والله بس خفت من شفت اسمك قلت الله يستر ما ادري شنو بتسوي بحالها هالبنت الحمدالله والف الف مبروك وعقبالي واذا على الضعف لا تحاتين ابد دام قرب زواجك غصب طيب بتضعفين لا تحاتي ابد والله يجعل حياتك كلها فرح وسعادة |
ألف ألف مبروك
وإن شاء الله تطلعي أحلى عروسة الله يوفقك |
دامه لمح
يعني لازم تضعفين شدي حيلك شهر ونص ممكن تضعفين فيها بس عزمي |
الف مبرووووووووووووووووووووووووووووووووووووووووووووووو وووووووووووووووووووووووووووووووووووووووووووووووك
كيف مانذكرج .. نذكرج عدل.. مبروك عالتخرج ... اولا ... ومبروك الملجة .. والحمدلله خطيبج تغير... فرحنااااااااااااااالج وايد .. شهر ونص بتتعبين فيهم .. بس ان شاء الله بتسوين الي تبينه ... انا بين ملجتي وعرسي.. شهرين بس!! وطلع عرسي من احلى مايكون .. بس طبعا كنت ادور من سوق لي سوق.. ومن مصمم الى مصمم ... بس ان شاء الله الوقت يكفيج .. وانا بعد كنت ابي اضعف.. فكنت اروح النادي اسوي رياضة .. وكل هذا بشهرين ...!! الله يسعدكم ويهنيكم |
اكيد نذكرك ... مبروك اختي عالتخرج ... وبعد ومبروك زواجك مقدما :d
الله يسعدك يارب... هموووم |
ما شاء الله تبارك الله سبحان الله ما غلب عسر يسرين الحمد الله والف مبروك التخرج والملكه الله يتمم لكم على خير في امان الله... |
الف الف مبروووووك حبيبة قلبى
دايما والله لما اتصفح المنتدى اتذكرك واتذكر مشكلتك كتير فرحتلك واسأل الله انه يتمملك على خير ويطلع فرحك فرح اسطورى بس لا تنسى تعزمينا انا واخواتك فى المنتدى اتمنى اسمع كل خير عنك ان شاء الله |
| الساعة الآن 05:13 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©