|
وش الحل في مشكلتي مع عمة زوجي؟
دايم اشوف مواضيع من الزوجات يشتكون من خالاتهم(أم الزوج)
أو يشتكون من سلفاتهم(زوجات اخوان ازواجهم) انا مشكلتي تقريباً مثلهم لها علاقه بأهل الزوج ... عمه زوجي .. خالتي ام زوجي وعيالها عايشين عنده جد وجده زوجي في بيت واحد وزوجي عمانه كلهم متزوجين ولا عنده الا عمه وحده هي مربط الفرس.. هالعمه الوحيده بين اخوانها والمدللــه بين اخوانها وهي بال30 من عمرها تزوجت قبل سنتين بس مشكلتها دايم محاربتني وتحب تفشلني قدام الحريم ... اذا شافتني شريت جهاز جوال جديد تفشلني قدام كل الحريم تقول وووووووووع ياشينه هالجهاز مو زين ابداً اذا شافتني لابسه حلو قالت ووووووووع هالموديلات ما أحبها أخرتها كلهم يمدحون لون صبغه شعري الا هي تقول : يا شين هاللون عليك مو حلو شين بشع بنتي ما سلمت منها تشيلها على يديها وبنتي زي باقي الاطفال لسى بالشهر الرابع ترجع شوي حليب تقوووووول وع وش هذا انا ما أحب الأطفال اللي يرجعون خذي بنتك وع الله يقرفها؟! مع أن ولدها يوم كان صغير الى الأن وسخ ويرجع وشيطان ومزعج بس ماعمري قلت لها اي شي مرة تعبت من المعده والقولون ونحفت نحف فظيع بس غصب عني قامت تفشلني قدام الحريم تقول وش هالنحف تخوفين صرتي جلد على عظم؟؟ ولما تشوف بنتي لابسه بدله حلوة ومن محل زين تقول ياشين هالمحل كله ملابس شينه وألوانها شينه بنتي تشبه أبوها تروح تنكر قدام الحريم تقول وش هالبنت الشينه ما تشبه لنا راسها طويل وليش سمرا_*مع العلم انا ما استهزء بس ولدها أسمرررر مرة *_ مع اني والله محترمه معها ومؤدبه ولاعمري غلطت عليها بحرف واحد يوم هي بالنفاس و اهل زوجها زاروها بالبيت أركض واساعدها وألبس لها ولدها وأرضعه ... ودايماً اشتري هدايا لأخو زوجي الصغير عمره 4 سنوات ولا انسى ولدها اشتري له والمصيبه ان قلت لها كلمه لو كنت على حق بتزعل امها اللي هي (جدة زوجي) وما راح اقدر ازور خالتي ام زوجي بحكم انها ساكنه معهم بالبيت... وان سكت مرضت من القولون العصبي وألم معدتي .. تكفون وشلون اتفاهم معها تعبت منها ومن اسلوبها اللي يطفش معي انا بالذات حريم اخوانها ماتسوي لهم كذا .. الا انا دايم تفشلني قدامهم..مدري ليش؟ تعديل بسيط على العنوان ليتضح المضمون |
الله يعينك عليها .....لكن باين عليها غيرااااااااااااااانه منك مرررررررررررره....
انا اقترح عليك لو قالت لك مره ثانيه وععععععع او اي شي .قولي لها ماحد طلب رايك .وخليها تنكتم |
اتغاااااااااااااااااااااااااااااااااار منك .. زيادة عن اللزوم ...
انتي طنشي وريحي بالك .. ولا تهتمين ماعندها سالفة .. ولا تتعب نفسيتك وصحتك عشان وحدة ماعندها شي وباين انها اتغار منك |
طنش تعش تنتعش
ببساطه طنشي وخلي عنك سوالف الحريم :) |
طنشيها اختي و لا تعبريها و لا تهتمي لامرها ابدا
اشعريها انه لا يهمك رايها و انها مهما قالت لن تؤثر فيك اعتقد و الله اعلم انها غيرانة منك لسبب ما هي ادرى به و كان الله في عونك |
أنا أرى والرأي لكم ، بأن تطنشيها وأنتي مشفقة عليها
لأنها تعاني من نقص رهيب أمامك ، لأنها بتصرفاتها هذه بتثبت من غير أن تدري أنك انتي أحسن منها فتكفيكي هذه الشهادة منها . وأدعيلها الله يعينها وتكمل النقص اللي فيها وفي أمان الله |
لا تسمحين لها تهينج انتي انسانة لج كرامتج خليها تخاف منج وقفيها عند حدها واذا ضحكت عليج او شي على طول فشليها ولا تسكتين عنها قولي لها عاد من زين ابنج وعلى الاقل الروس ماتتساوى وخلي الحريم تضحك عليها
واول ماتدخل على حريم قعدي عاد اضحكي عليها وفشليها ولا تخليها تاخذ حقج العين بالعين وهي اللي بدت ويبالها حد يوقفها عند حدهاااااااا لا تسكتين عن حقج |
والله يا اختي هاي اكيد بتغار منك وبتحسدك وانت الله يعطيك العافيه مو مقصره بتردي لها الصاع صاعين باخلاقك الزينه والاصول اللي تربيتي عليها انت خليك الاحسن دائما وخليك على افعالك الزينه ترى انت بتذبحيها بكرم اخلاقك والله يوفقك يا اختي:22: :22: :22: :22: :22: :22: :22: :22:
|
والله الاخوة الاعضاء ماقصروا مافي احلا من التطنيش اسئليني انا وحده مجربته وفي النهايه انا اللي تغلبت عليها وفي مثل يقول(لو تبي يصاحبك يموت عطه السكوت) انت بسكوتك تقهرينها وتكبرين بعينها لانك ماتتنازلين لمستواها اصلا حركاتها حق بزارين :15: اذكر ايام الابتدائي كنا كذا نسوي :)
|
مشكورين على ردودكم
الله يعطيكم العافيه بس حبيت أوضح للأخوات اللي قالوا ردي عليها بكلام يسكتها لا تتركينها تهينك قلت لكم هي دلوعه أمها يعني جده زوجي ولو غلطت على بنتها بحرف ولو انا الصح يتزعل وبكذا ما راح اقدر ازور ام زوجي وخواته لأنهم عايشين عند جدتهم اللي هي أم هالؤذيه.... |
خلج رسميه وياها لا تخذين و لا تعطين ويها سلام و عليكم السلام بس
اذا علقت على شى سوي روحج ما سمعتي سمعي من اذن و طلعي من الثاني اشركه تغار الله يصلحه |
الله يسهل
|
أم الحسين وعمر
مشكورة على مشاركتك وشكلي بحاول أطنشها والله يعيني عليها أظلال الماضيz مشكورة على المرور... |
الحقران يقطع المصــــــــــــــــــــــــــــــــرااااااااااااا ن
طنشي ولاتهتمين كللللللش وخليج انتي الطيبه ادخلي لهم واطلعي من عندهم وخليهم مايشوفون منج الا كل خير |
اختي
الاهمال احسن حل ما تهتمي لكلامها ما دام انت واثقه في نفسك وبزوقك فكلامها ما رح يأثر فيك |
العيون مشكورة على ردك وبأذن الله بحقرها تعبت منها ومن أسلوبها البايخ
Whitemoon مشكورة على مشاركتك والله انا واثقه من نفسي ومن ذوقي بس تقهرني تصرفاتها معي ليش انا بالذات تقهرني وش معنى زوجات اخوانها ما تسوي لهم كذا... |
الله يعينك عليها شكلها غيرانة منك راي اذا مافاد فيها ولاطريقة لاتجلسي في المكان الي هي قاعدة فية والله كلميها بنفس اسلوبها عاما الناس كما تحب ان يعاملوك
|
كلمي امها اللي هي جدة زوجك عن اسلوبها البايخ بطريقة مهذبه بحيث انك تقولي لها ياجدة وش رائك في وحدة تسوي كذا وكذا وكذا وطبعا تقولين تصرفات بنتها كلها وشوفي وش ردها وبعدين قوليلها هذه بنتك وانا طبعا ساكته عليها علشان شاريه رضا الله ثم رضا اهل زوجي وماابغى مشاكل ويارليت تشوفينلي حل . وبكذا تكوني رميتي الكره في ملعب امها وبطريقه مهذبه ..
|
غالييتي ريم
اعملي خير وانسي عامليها بالحسنى واتبعي السيئه بالحسنه تمحوها ينقل للمشاكل الاجتماعيه |
أختي الغالية الله يعينج عليها صراحة بس اخذيها ببرود ولاتعصبين وتحطين الحرة في نفسج وتمرضين ردي عليها بدعاء مثلا قوليلها الله يهديج واذا مب عاجبها لبس بنتج اخذي بنتج واحضنيها وقولي فديت بنتي انا اموت فيها وفي لبسها يجنن وعاجبني حاولي ماتبينين انج معصبة اضحكي وبكل برود خلها تحتر والله معاج ان شاء الله
|
هذي غايره منك وتحسدك والحل في نظري المعاملة بالمثل وعدم الخجل فمثلا إذا قالت وع كذا أو كذا شين قولي له من طلب رأيك احتفظي برأيك لنفسك ومن هالردود اللي تطيح وجهها وما عاد تتعود لها http://www.7m7.org/img101/s0a.p7m7mf...9w38110981.gif |
يعطيك العافية يا اختي
دائما يقول المثل الطيب بيتجازا الخبث ما يتجازا سيري إلى الامام فالناجح محارب |
مشكورين على ردودكم بصراحه بردتوا قلبي
الله يهديها ويصلحها والله اني احبها واحترمها بس مادري ليش كذا يله الناجح محارب الله يعين.. |
فيه قاعدة في الأخلاق تقول
عامل الناس بأخلاقك لا بأخلاقهم خلكي كبيرة ، ولا تهتمين بكلامها |
انا اقولك لا تردين عليها بكلام جارح لان راح يفتح عليك ابواب انتي في غنى عنهاا اسمعي نصيحتي وطنشيهاا وعامليها بكل طيبه والله راح تخجل منك.......وادعي ربك.....وقولي اللهم اكفنيهم بما شئت.....
والله يوفقك ويعطيك على قد نيتك... |
اتطنيش 000زي ما قالو الاعضاء هذه وحده مريضه والمريض لاحرج عليه
|
جزاكم الله الف خير على ردودكم
زوج في المستقبل ..أشكرك على ردك بندوره 2007 ... جزاك الله خير على النصيحه وبدعي ان الله يصلحها ويهديها. حنين الود..بطنشها ومثل ماقلتي المريض ما عليه حرج! |
شكلها غيرانه منك يمكن انتي احلى منها واكشخ منها خلي عندج ثقه بنفسج وما عليج منها واي شي تقوله لك قوليلها بكل برود(( انه ما اذكر اني طلبت رايك )) واخر شي باقوله لج كلمتين((طنش تعش))
|
ردي لكن بحكمة وهدوء أعصاب
أنا لو منك أرد عليها بضحكة بحيث أقلب السالفة عليها يعني مو أفشلها لكن أخلي الكلام اللي قالتة مزحة مو جد يعني لو قالت بنتك مو حلوة قولي معلية بكرة تشوفينها لما تكبر والبنت لها سبع أوجه على مايقولون وإذا ردت عليك قولي لها الايام تحكم وانتي مبتسمة:d يعني لاتردين بحدة وامسكي اعصابك:25: وردي بكل ضحكة وبهذي الطريقة ما تخلينها تتنصر عليك وإذا سويتي هالحركة غيري الموضوع على طول بحيث أنك ماتنقهرين:17: مثل كل مرة بالعكس تسكتينها وتخلينها هي اللي تنقهر :11: أنا كنت مثلك ماارد بس في هالزمن مايصلح اللي مايرد ينوكل حقه وانا هذا رايي وانت على راحتك وهذا أول مرة أرد على أحد بس والله حاسة بمعاناتك والله يساعدك.:22:
|
(اذا وصفك المجنون بالجنون.. لهو خير دليل بأنك عاقل).. فلا تشغلي بالك اختي بهذه المواضيع..فلو تذكرتي مواضيع من هم اصعب لخففتي على نفسك وريحتي بالك..وتقبي مروري..
|
السلام عليكم ورحمه الله وبركاته احتسبي الأجر من الله ..هذا اولا.. الا تسمعي بما يقوله العامه الحقران يقطع المصران ..واللبيب بالاشاره يفهمً . |
ينقل الى عالم الثقافة والتوجيهات الزوجية مكانه المناسب
|
مسكينه عمتكم،، وااااضح انها غايره منك ..
اصحك تردي عليها او تعامليها بنفس المعامله عشان لا تزعل عليك جدتكم،، انتي الغريبه مارح يوقفووا معاكي رح يوقفوا بصف بنتهم فانتي اشتري راحتك وطنشيها.. ولا تنسي دائما القافله تسير والكلاب تنبح.. |
بصى يا اختى العين ما تغار الا من اللى احسن منها واقوللك على شي انا خالة زوجه هى اللى كدا وكانت بتخرب عليا كذا مره بس اهى ست كبيره وبناتها حتى اكبر منى عاد بتجاهلها الحين ومابديها فرصه لتنتقد على اهى ولا بنتها الوسط والله يقوينا على الصفراويين هي دول
|
والله شكلها مره منقهره منك وغايره لان الغيور هو اللي يقول كل شي موب زين وبداخله وده بها الشيء بس مايقدر يعبر غير بالكره والحسد وبعدين قوليلها بصراحه انا اهبل وعاجبني شكلي وما همني من احد وذكريها بقوله تعالى ياايها الذين امنوا لا يسخر قوم من قوم عسى ان يكونوا خيرا منهم 000
|
السلام عليكم الصبر على البلاء حتى يأتى الفرج من عند الله
|
انت مشكلتك انك انت اللي معطيتها وجه وتخدمينها وتعطينها هدايا
انت مو ملزومه فيها عطي ام زوجك وخوات زوجك وناظريهم وماكان اللي موجود بالمكان غيرهم:22: وهي ماكانها موجوده واذا تكلمت على طول تكلمي مع احد جنبك والله لوكان هو طفل عمره4 سنين:15: عشان تراني ماسمعت لكلامك:25: وانا ماتفق مع الاخوات اللي يقولولك ردي عليها:11: |
للأسف لم أجد رد صحيح إلا من قبل الأخت بندورة دون أن تركز عليه
اختي الغالية تعلمي فن التعامل مع الناس من الله عز وجل تعلمي الحوار وأساليبة من الله عز وجل تعلمي كيف تعادين وتحبين من الله عز وجل تعلمي كيف تكسبين الناس من خلال تدبرك لكلام الله عز وجل ألم يقل تبارك وتعالى { ولا تستوي الحسنة ولا السيئة ادفع بالتي هي أحسن فإذا الذي بينك وبينه عداوة كأنه ولي حميم } أي تنقلب عداوته لك مودة ومحبة من أقوى أنواع المودات . -------------------- وقد اقتطفت لك شيئاً مناسباً من قصيدة الأديبة مشااعل العيسى لابنها حيث تقول له بني ... إياك أن تتكلم في الأشياء وفي الناس إلا بعد أن تتأكد من صحة المصدر وإذا جاءك أحد بنبأ فتبين ..قبل أن تتهور وإياك والشائعة لا تصدق كل ما يقال ولا نصف ما تبصر وإذا ابتلاك الله بعدو ..قاومه بالإحسان إليه ادفع بالتي هي أحسن ... أقسم بالله.... أن العداوة تنقلب حباً ...تصور!!!! ---------- وإذا هاجمك الناس وأنت على حق أو قذعوك بالنقد...فافرح إنهم يقولون لك: أنت ناجح ومؤثر فالكلب الميت...لا يُركل ولا يُرمى ...إلا الشجر المثمر ************ بني : عندما تنتقد أحداً فبعين النحل تعود أن تبصر ولا تنظر للناس بعين ذباب فتقع على ماهو مستقذر ---------- اختي الغالية و بالنسبة لتعاملك مع تلك المرأة اجعليه كالأتي: إذا رأيتي عليها لبااس فامدحيها ولا تمديحها لو حدها بل امدحيها امام النساء وكذلك امدحي لباس ابنائها وبناتها , ليس لوحدهم بل عند النااااس ربما اول مرة ستستصغرك , ولكني ثقي أنها ستعود وتسدد لكي هذا الجميل عند من انتقصتكي عندهم (ادفع باللتي هي أحسن) قالت : بنت لبسها وع مو زين (قولي جزاك الله خيرا حتى أنا ماكان معجبني بس البنت ازعجتني عنده) قالت لك وع من عيالك : (قولي أنا آسفة ) ستستغرب هي آسفة على ايش عندها ستشعر أنها مخطئة في تعاملها معك وأنك لا تستحقين ان تعاملك باسلوبها السيء ولا أن تستمر معك به فخذي بهذه النصيحة ودعي عنك الحقراااااااااااااااااان يقطع المصرااااااااااااان (سلامات) هل أنتي تريدين حل المشكلة أم خلق مشكلة ؟ عاااامل النــــاس كمــا تحــب أن يعاملـــوك عذراً على الإطالة |
------------
معقوووووووووووول لسة في ناس كذا؟؟؟؟؟؟ الله يعينك صراااااااااحة بس احسن حللللللللللل طنشيييييييييييييييها واعرفي انها تحس بالنقص والغيررررررة عشااان تقهريييييييها طنشي..هي شكلها بس تبغى تستفزك وانتي ما شاء الله عليك فأنتي اقهرييييييييها بكرم اخلاقك وسكوتك وانك ما تنزلي لهالمستوى من التعامل الله يشفييييها صراحة هي مريضة ترى انا لقيت ناس كذا..بس كنت اسكت واطنش واحمد ربي على نعمة العقل وأحيانا اقول قدامهم (الحمد لله والشكر ) عشان يفهموووووون بصراحة صاروا بعدين يستحون على دمهم الله يعينك يا قلبي واستمري على ما انتي عليه من الاخلالالالاق ورقي التعامل و لا تتعبي صحتك عشانها أسأل الله العظيم رب العرش الكريم في هذا الوقت المبارك أن يهديها سواء السبيل ويعيد لها عقلها ويهدي جميييييييييع بنات المسلمين |
أخي زياد كلامك دررررر
بارك الله فيك وأنا اوافق في كل حررررررررف جزاك الله خيرا |
| الساعة الآن 09:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©