|
أيه هين يا زوجتي العزيزة، تبين اكتب الفيلا باسمك
بسم الله الرحمن الرحيم والصلاة والسلام على سيد المرسلين سيدنا محمد وعلى آله وصحبه أجمعين ليلة امبارح مقنيش نوم:d بسبب رسالة في إحدى القنوات (النسائية) الهادفة تقول إحدى الزوجات (سامحها الله) بأن زوجها كتب (((الفيلا)))) باسمها:eek: قلت الحمد لله على العافية طبعاً ام العيال الله يهديها راسها وألف سيف إلا اكتب الفيلا باسمها أنا زعلت لأسباب أولاً هذا الطلب يشعرني بأنها غير مطمئنة من ناحيتي:25: معها حق:d ثانياً وعلى حسب قولتها أنا لو مت يمكن تصير فيه تقسيم (تركه) وتنظلم طبعاً أنا كمان زعلت لأن المواريث قسمها الله عز وجل فمهما يكن نصيبها فهو ما قسمه الله لها وعليها الرضى به ثالثاً حسب كلامها لو تزوجت عليها راح تشاركها في (الفيلا) امرأة اخرى كمان زعلت:d وعلى فرض اني تزوجت فالمرأة الأخرى ستصبح ايضاً زوجتي ولها حق كالأولى فكيف اجور عليها رابعاً وأخيراً والأهم انا ما عندي فيلا:d :d قلت لها اكتب لك الشقة الغرفتين باسمك (مع انها إيجار) ما رضيت:( إلا مصره على الفيلا:d لكل زوجة هل يشعرك هذا الطلب (لو تحقق) في المشمش يعني بالأمان، وربما خلاك ما تحسبين لزوجك حساب:d لكل زوج هل لو طلبت زوجتك منك تكتب الفلا باسمها وانت ما عندك فيلا راح ترضى تكتبها باسمها:d ولا لا ودمتم |
هههه
اياك ثم اياك تكتب الشقة الايجار باسمها حريم مالهم أمان |
اضحك الله سنك
في هالزمن من يملك فيلا اله الي الله ناعم عليه والي يحوشها اخي الكريم على طول عليه ديون بوركتم انا لو عندي (((( خارج التقطيه الاعلاميه بسجل قفص الحمام بأسمها بووركتم |
هاه وش صار كتبت الفلة قصدي الشقة الايجار باسمها؟؟؟
|
الله يعطيك العافية وبعدين وش يصير لو قلتلها خلاص تم وبعدين إذا جت الفلة يصير خير يعني بالعربي الفصيح حنا الحريم الكلمة الطيبة ترضينا لا بعد أزيدك من الشعر بيت ((( نطير من الفرح من هالكلمة الطيبة ))) فيا أبو الشباب لا تقصر بالكلام الطيب وسلاااااامتك |
:d الله يستر من تفكيركم هاذا يخوف
|
انا والله العضيم ائول الحق هه
اخي الكريم لو انا لي زوجه ومضى العمر معي والسنون على الحلوه والمره ماببخل عليها بفيلاا لو قصر وهاذه الصراحه ان كانت زوجتي وام اولادي معي بسنين العمر لن ابخل عليها وهاذه كلها فيلا لا تسوه تراب رجلها اسجل نص لها والنص الثاني للاولاد بس سطح البيت بأسمي هم وقفص العاصافير هاذا لي هه |
النساء أجناس يا أهل الخير....ولكن كل النساء تتفق على أنها لا تقنع إلا بما تريد....
فإن كانت أصلا قنوعه.. وعينها مليانه...ما راح تفكر تتسجل الفيلا باسمها والا لا...هي ما حطتها في بالها... بس عاد مربط الفرس إن حطتها في بالها...ما راح تسكت ...راح تزن ليل ونهار ..وعلى قولة القايل ... الزن على الودان أمر من السحر.. وراح تستخدم كل الأساليب ..وما راح تخلص المعركه...إلا ورايات النصر تلوح في يديها ولن تمل أو تكل..ولو طال الزمن...حتى تحصل على ما تريد... وإذا ما راح تسجل لها الفيلا.. خلك على الشقه الايجار أحسن.. |
Land storm على قولتك بكرة انا (والعيال) في الشارع:d ما يهزك تستاهل ام العيال كل خير:d Land storm حاولت بس ما رضي راعي العماره:( mm200 أول مرة اعرف ان (الكلمة الطيبة) معناها اكتب الفيلا باسمها تبين تورطيني الله يهداك بس:d ما يهزك شفيك على عشوش العصافير:d :d فوح البساتين شورك وهداية الله خلاص ماني شاري فيلا دام تهاوشنا من الحين اجل بعدين ويش بيصير:d |
ههههههه
اخي الكريم العشوش وانت شايفها غاليه وهادئه صعبه صراحه يمتلكها ايانسان http://www.66n.com/forums/images/smilies2/biggrin.gif |
مستحيل اطلب من زوجي ان شاء الله فى المستقبل القريب
يكتب الى شى بأسمي اذا اهو من نفسه يبي اوكي بس انا اقوم و اقوله يا فلان اكتب البيت بأسمي لا و الف لا الله يسعدك مع المداام |
والله إن طلبت وحطت هالشي في الراس ما راح تهنئ بالنوم إلى أنك تعطيها ولو بكلمة بس انت خلك دبلوماسي في الاجابة على هالطلب بحيث أنك ما تلزم نفسك وشف ضروفكم يمكن يستلزم ذلك اعطائها ..
والله المستعان |
الزوجة الطيبة كنز وحسنة الدنيا
وعنينا لكم ولا تغضبوا علينا وفي الواقع كل شيء ملكم ونحن نكد ونتعب من أجلكم ونحن نرضى جزاء ذلك كله كلمة طيبة ابتسامة حلوة الي تتفضلوا بيه. |
ما يهزك :d وجزاك الله خير ام الحسين وعمر بارك الله فيك وجزاك الله خير خشبور لا توصي حريص:d mtween آسفين ما نقدر:d |
شر البلية مايضحك ..!!
سبحان الله وصلنا لزمن ماصار في ثقة حتى بين الزوجين !! صار كل شي لازم ينكتب على الورق ويتثبت بالعقود !! فعلا راحت ايام ان الكلمة هي كلمة شرف ووعد !! وشكرا لك اخوي لانك طرحت اكثر من فكرة في هالموضوع .. يمكن انت ماتطلب منا شي لانك تصرفت تصرف سليم .. لكن إللي انطرح .. ان ليش بعض النساء وحتى الرجال عقولهم صغيرة لهدرجة!! ليش مازال هناك تقليد اعمى للغير علما بان ضروف الناس غير ضروفنا !! |
اقتباس:
انا مع الاخت ام الحسين و عمر لن اطلب من زوجي ان يكتب اي شئ باسمي لانني و ببساطة لا ارضى لنفسي ان اخد اي شئ من اي شخص حتى و لو كان دلك الشخص زوجي و ابو عيالي و يكفي انه يحبني و يحن علي دلك عندي بكنوز الدنيا كلها |
ماشاء الله عليك اخوي مواضيعك طيبة وتجي في اوقات مناسبه
المشكلة يا خوي اذا كتبت الفيلا باسمها اليوم الثاني تحصلني بالشارع نايم انا وعفشي:d انا اشوفها صعب انك تكتب الفيلا باسمها لكن اذا كنت متخوف انها تنظلم اذا قدر الله اذا توفيت وقتها اكتب الفيلا باسمها وباسم عيالي واحطها عند احد زملائي واامنه انه مايطلع هالشئ الا اذا توفيت ذلك للحرص طبعا هذا كله بدون علمها امكن تقول ليه اقولك عشان ماتتغير طباعها واشياء كثيرة اتوقع الرجال عارفينها وفقنا الله لما فيه الخير |
الحزينة83 خليها على الله وجزاك الله خير farahi ربنا يديم المودة وجزاك الله خير أخي الداعي للحق على قولة المثل يا مأمن الستات يا مأمن الميه في الغربال:d وتصرف زادك الله من فضله وجزاك الله خير |
والله لو شاركتني زوجتي في بناء الفلة أكتب لها الدور العلوي وأنا الدور الأول :)
أعتقد أن هناك نظام جديد يسمح بهذا الشيء لأن لو حصلت أمور مستقبلة يبقى حقها محفوظ لها مهما كان زوجاتنا لهم حق علينا وهم أمهات أولادنا والله يحفظهم لنا لكن أعتقد بناء البيت في هذا الوقت في الأحلام السعيدة لكن الله يرزقنا الجنة |
أنا الصراحه فاجأني زوجي في يوم من الأيام وقالي:- " تعرفي حبيبتي إن هذي الفلا مازالت ملكيتها تابعه لمكان عملي لأنهم ساعدوني في البناء وطبعاً يخصمون من الراتب ...فقلت له نعم أعرف..بعدها وبدون تردد قالي: أول ما تصير الفلا ملكي إن شاء الله راح أكتبها بإسمك "
أنا طبعاً فرحت وطرت من الفرحه.........بس كعادتي ثقيله ماشاءالله علي فبتسمت وقلتله..تسلملي حبيبي أنا ما أبي شئ غير سعادتنا ...وبعد هذا الكلام الحلو سألته .......متى إن شاء الله بتصير ملكك...فقال بعد 27 سنه... أنا هنه ما عرفت أضحك أو أبكي ...فرديت " يالله بعمر" ... وأبشركم باقي 25 سنه والملكيه بتصير بإسم زوجي:) والصراحه ...الصراحه ...حسيت بالأمان لما قالي هالكلام:) وما أعرف ليش! اختي الكريمة .. لفظ المشيئة يكتب هكذا .. وفقك الله . . |
المستشار الأسري
حياك الله انا حتى في الاحلام السعيدة ما عاد اشوف اني ابني بيت مو فيلا وربنا يرزق الجميع اللقى هانت حلها ربع قرن وانتي تسيرين من اصحاب العقارات |
اووووو لاعاد الزوجه تستاهل ...
وانا زوجي قالها لي راح اسجلها بأسمج بس .............<<عندنا ارض للحين الفيلا مانبنت خخخ:d :d يلااا انا مومهمه عندي الفيلاااا ... كثر ماهو مهم عندي ان زوجي حبيب قلبي معاي عالحلوه:22: :15: والمره بهالدنيا الله يخليه ........لي ولايحرمني يارب ..........بس اذا صدق في يوم من الايام اصر انه يسجلها بأسمي .....زماراح ارضى ..لاني راح احسسه اني مو مطمنه له وبخليه يسجلها باسم ولدي عشان بكره تطردنا مرت ولدي ونقعد فالشارع مو يقولون عالحلوه والمره متشاركين :d :d :d |
السلام عليكم ورحمة الله وبركاته وبعد،،، :confused: ( بو بو بوووووووووووووووووووووووووووووو ) هل صحيت من الكابوس الذي أنت فيه ( معك فيلا وبأسم زوجتك !!! ):confused: اتمنى لك رؤية من غير فيلا ومن غير بيت إيجار وزوجتك مو معك كمان :17: ( سترى السعادة والنعيم ):17: (( وتصحى من النوم :eek: وتلاقي زوجتك جايبتلك صك فيلا ويكون باسمك وعلى الواقع مو حلم )):o أسأل الله أن يرزقك فيلا لك وفيلا لزوجتك - لكي تنحل القضية. مع تحيات ( هاي اند قودباي ) |
علي فكره عمر ما الفيلا ولا الشقه الايجار حتي يكونون امان للست الامان للست هو الاستقرار وراحه البال اكتر من اي فيلاربنا يهدينا لانفسنا
|
ماانت معطيها عمرك وحياتك ما بدك تعطيها الفيلا ؟؟؟؟؟؟؟؟
|
وداعاً يا زمن الفغاره مبروك على التغيير <<<<<< توني أدري وبعدين ليه الحسد ياخوي ليه على الأقل تضمن شيء بعد الله لأنكم يارقاله مالكمش أمان مع إنه بهالزمن الرجال هو اللي يطلب من حرمته ( المدرسه) تكتب له فيلا وتشتري سياره ويحملها أقساط تدفعها طول ما هي عايشه إذا ضمن كل شيء يطلقها يعني ياليته يتزوج عليها ويتركها على ذمته ولكن ليس كل الرجال لسه في هالدنيا خير <<<<<<< ولو إنه قــــــــل الله يجعل كل أيامك سعاده ووناسه مثل إسلوبك في طرح المواضيع والله إني أتحمس لقرائتها تحياتي |
والله ما أدري
بس أنتو يالرجال جاوبوني ليش تخافو تكتبو الفيلا بإسم الزوجة إلا لأنكم مسوين مصيبه وعارفين عملتكم ونهايتكم:d بس والله الفكرة مو بطاله يعني حلو لو الزوج يكتب شي لزوجته بإسمها من باب التقدير يعني الزوجه أعطتك حياتها مستخسر فيها حتت فليله هذا رأيي .... بارك الله فيك |
عادي ماشوف فيها شيء ..
المرأة مسكينة وضعيفة بطبعها وتخاف من المستقبل .. و الرجل عموما ماراح يكتب شيء ... العلة والمشكلة اذا الرجل قال اكتبي الفلا بأسمي ؟؟؟؟ او ليش ابوك يعطي اخوانك وما عطاك ؟؟ هنا الخلل في الرجولة والفطرة ؟؟؟؟؟ |
اخوي
حط شقة الآجار بإسمها علشان اذا حل موعود التسديد زوجتك تسدد |
لن أهتم مطلقا بأن أكون مالكة للفيلا على الورق بقدر ما سأناضل من أجل أن أكون المرأة الوحيدة التي تديرها ...
يهمني جدا أن أكون ملكة الفيلا وملكة قلب صاحبها ولايهم أن تكون لي ... هناك بعض الرجال _ هداهم الله_ يتدخلون في إدارة الزوجة للمنزل و يفرضون آراءهم في التأثيث والتنظيم وهذا العمل بصراحة يعد من صميم اختصاصات المرأة ... واخيرا اقول كما قالت ميسون بنت بحدل : لبيت تخفق الأرواح فيه ************************ أحب إلي من قصر منيف |
ياشييييييييييييييييييييييييييييخ الله يرزق زوجي الفيلا ولايكتبها لي ماأبيها باسمي
ومافرقت باسمي ولااسمه كلنا سوى |
وش فيها اذا كتبت البيت باسمها؟!!
<يعني لو تخيلت ان عندك بيت>:23: ماهو الحريم تسلف زوجها ويكتب البيت باسمه وهو يقدر يتزوج عليها ورغم كذا اعطته فليه هو ما يعطيها وهو عارف ومتأكد إن مالها غير زوجها وعيالها!!:( ليه انتو يا الرجال كذا؟! :29: معليش هي تعطيكم بس انتو لا!!:( |
ههههههههههه
اول شيء مبارك عليك الاسم الجديد سبحان الله عرفتك من اسلوبك وقلت اكيد غير اسمه قبل لا اقرا التوقيع عموما يا اخي سايرها الحريم هذيلا يبغى لهم مسايره قل ها تم - ان شاء الله - صار - ابشري - ولا يهمتس واسحب عليها عقب انا عن نفسي سجلت البيت بإسمها وااجرته منها باسم الدوله ولها نسبه من العمليه |
العيون مراحب وبرضه فكره تستاهل مرت الزوج:d هاي آند قودباي الله يسمع منك وحده من الفيلتين هديه لك:d سمسومه اللهم آمين وايت مون انا عارف يعني مش كفاية عمري وحياتي كمان بدها الفيلا ستات ما يملى عيونهم غير التراب:d لحظة فرح زيما يقولوا التغيير سر التوقودم:d وآمين وجزاك ربي خير سمو الأميرة حتت فيلا:eek: انتي عارفه ان اللغلوغ الواحد صاير باربع طعشر قنيه:d فما بالك بالفيلاايه:19: هنادي212 ما اظن في (رقاله) بالشكل هذا:( أنا كذا هذا الكلام الكويس:d وفكرة موفقة وحده ونص يعني الملكية هي المهمة مهما كان نوع هذه الملكية ملكية مكتوبة، أو ظمنية بمعنى لازم تملكون الفيلا:d الألمعية حتى لو كان يفكر يتزوج عليك:25: اتكاءة حرف يعني اذا بعض (الستات) وصل فيهم العبط تبني فيلا على حسابها وتسجلها باسمه نصير احنا عبطا:d من الله في خير افا انكفشت كمان:d يعني ما نفع التمويه:( وحياك الله اخوي وفكرة حلوه وربنا يوفقك |
انا مااشجع الرجل يكتب الفيلا بأسم زوجته
ماله داعي اصلا الحب وكل شي هواللي يخلي الزوجة ماتطلب شي ماتطلب الاسلامة زوجها لها وجزاك الله كل خير |
حياك الله اظلال الماضيz
وجزاك الله خير |
باياااات يا زمن الفغاره :d اهلا بك روح ياشيخ الله يرزقك بدل الفلا فلتين وبدل الزوجه......... ولا بلاش:d الا صدق لو عندك فلتين وش راح تسوي؟! -- الله يغنيك من فضله ويسعدك ما حييت في امان الله... |
:( asser_26 :(
:confused: :confused: بصراحة مش عارفة ليش انت زعلان :( ومتضايق علشان زرجتك تبي الفيلا بأسمها وش فيها مش هاذي زوجتك وام عيالك ومايغلى عليها شي واللة اذا نيتك زينة فيها وعارف نفسك انك مو مقصر معها في شي وانك ماتفكر تتزوج عليها وبعدين تعطيها الأمان ان هذا بيتك وبيت عيالك وانك لها على طول وماراح تسوي شي موب زين وما اتوقع اهي تسوي شي وهي عارفة انك شاريها وما دور الا على رضاها وماتبي الا مصلحة الاولاد وبصراحة اذا أنت تحبها وحاسس انها زينة ومو مقصره معاك وطيبة وبنت ناس مافيها شي قولها بكتب الفيلا بسمك وحتى انا باكتب نفسي بسمك وشوف وشلون بطير من الفرحة بس بمجرد ها الكلام :d :d ....امور المادة ماهي الي بتخلق حياة زوجية ناجحة والله يوفقك في حياتك ويسعدك انت وزوجتك ...:29: |
فاغر باشا
والله ياخوك اعتقد من شباب هاليومين الهشك بشك بيكتبون كل شي باسم المره . من يوم تشوف المره تقووده بالسوق وهو بس وراها . ادر ان الدعوة خربانه يمكن حتى يكتب سكسوكته باسم المره ها ها ها شكرا فهاوي |
أخوي ابو لانا والله سؤال محرج لو عندي فيلتين وحده فيها ام العيال والفيلا الثانية صعبة اخليها فاضية ولو أجرتها يمكن المستأجر ما يسدد :( ولو بعتها يمكن اللي شاريها يعطيني شيك بدون رصيد وتروح الفيلا:( ما لها إلا اتزوج وحده ثانية (مضطر غصب عني):d وجزاك الله خير على جميل دعائك ولك مثل ذلك بإذن الله إحساس حزين ليس الاعتراض على المادة ولكن على المبدأ فزوجتي في عيوني لكن كما ذكرت ((امور المادة ماهي الي بتخلق حياة زوجية ناجحة )):25: وجزاك الله خير على ما دعيتي وكتب لك مثله بفضله حياك الله اخوي فهد بيه معقولة في شباب بالشكل هذا:d انا منصقع قصدي منصدم:d |
| الساعة الآن 06:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©