|
شلون اوصله لزوجي ؟؟؟
صراحه من دخلت هالمنتدى وهو كل يوم والثاني يزيد اعجابي فيه وباعضاءه
احس انه طلع لي اهل ثانيين يحبون الخير لهم ولغيرهم.. وغير كذا المواضيع جدا رائعه واستفدت منها كثييييييير الله لايحرمكم اجرهاااا بس اللي قاهرني ان زوجي تفوته طروحاتكم ونصايحكم وتجاربكم في البداية قلت خليني يابنت اقرى عليه يمكن يعجبة الموضوع ..بس شفت انه مافيه فايده صدق انه عجبة بس كسلان يقرى او حتى اقرى عليه قلتله ياابن الحلال ادخل عالموقع من دوامك وكيفك لاتشارك بس انت اقرى استفيد من هالعالم واذن من طين واذن من عجين بصراحد مدري شسوي فكرت اني انقل المواضيع وارسلها لجواله بس انا عارفه مايتقبل مني ..:( فكرت اني ارسل لاخته عشان هي ترسله بس مايصير تتطلع على كل شي انا ابيه منه حتى فكرت اني ارسل لاخوي عشان يرسله كونه رجل مثله ويسمع منه بس المشكله انه عازب وغير كذا نفس الشي ماابيه يطلع على اي شي ابيه من زوجي..ياليت تكون الفكرة وصللللللللت شاكرة لكم مقدما,,واسفه عالاطاله ساعدوني وشلون اوصله مثل هالنصايح والكلام الحلو اللي موجود هنا:25: والله جهازي مليان مجمعه فيه كل شي يفيده بس الشكوى لله |
انا اتوقع ان زوجك حاط في باله أنه الزوج المثالي
يعني أحسن من أعضاء المنتدى بأفكاره وتفكيره بعدين أنا ما أشوف هنا مشكله الواحد بكيفه وزوجك ربما ما يحب الإطلاع والقراءة أنتي استفيدي من ما يكتب في المنتدى ويكفي هذا الشيء |
حبيبتى ورود الغلا
اجعليه يرى اثر استفادتك من المنتدى افعلى له بعض الافكار هنا وماشاء الله كلها رااااااائعة ونتائجها مضمونة كما يقولو اصحابها:22: (عندمااتزوج اخبرك بالنتيجة ان شاء الله:d ادعيلى ان يعوضنى ربى بما اتمناه) انقلى له بعض الفوائد الطبية التى لا يعرفها هو اى كل جديد واخبريه انه من الموقع هنا .... وهكذا بالفعل حبيبتى الاثر اكبر وبعض الرجال عنيد اذا قلت له افعل لا يفعل واذا تركتيه فعل ما تريدى طبيعة بهم :( ربنا يهدينا ويهديهم ربى يسعدك ويوفقك ويسعد كل ايامك حبيبتى دمت بحب |
لا تستعجلين أختي
ولا تضغطين عليه لان الشي اذا كان مو من النفس مباشرة ما راح يستفيد ويطبق! بالعكس انت قلتي له وخليه على راحته يبي يدخل ما يبي يدخل هو حر.. بس اذا مصرة:29: يمكن تكتبين موضوع عنه!! أو موقف بينكم وخليه يطّلع على الردود ممكن هذا يخليه يتحمس يقرا الموضوع! بالتوفيق عزيزتي |
السلام عليكم ورحمة الله وبركاته
اتوقع ان زوجك يدخل المنتدى من العمل او اي مكان اخر بس لايريد ان يقولك هذه توقعات وشكرا |
قولي له فيه صور:d |
السلام عليكم
اقتباس:
انتي بس عطيه الموقع وقولي له هذا الموقع فيه مواضيع حساسه وخطيره ما توقعته كذا (دعاية صح :) ) وراح يشوف وش هالموقع لان الانسان بطبعه فيه لقافه ويوم يدخل الموقع راح يرجع له مثل ما حصل معي حيث أن زوجتي الله يجزاها الف خير ويخليها لي سوت معي نفس الحركة وجابت الهدف وصرت اتصفح هذا الموقع بين الحينه وفي الدووام ولم ابلغها بأنني ازور الموقع لكي افاجئها ببعض الافكار أو اتحاشى بعض السلبيات التي تحصل في حياتنا اليوميه... انتي سوي هالحركة واصبري مع العلم أنني لا احب القراءه ولا احب أن يرسل احد رسالة مطوله تقريباً نفس حالة زوجك .. والله يوفقكم ويجعل حياتكم مليئه بالحب والتفاهم اخوك |
اكتبي موضوع حلو بالمنتدى وامدحيه فيه وقوليله ابيك تشوف وش انا كاتبه فيك ثم ابدأي دخليه بعد مايقرأ
موضوعك على الطرق الجنسيه فيه وبعض الصفحات الآخرى لاكن لازم تكونين محضرته نفسيا قبل كذا يعني يكون مشتاق لكي بزياده وياليت تكون معك ورده حمرااااء بعد وصدقيني شوي شوي بيكون عضو هنا وعاده الرجل ما يحب اوامر من زوجته حتى لو كان يعرف انها على حق 00000 بس خايف انه يدخل المنتدى ويلقانا قاعدين ننصحك كيف يدخل المنتدى وتكون مشكله كبيره يمكن يحرم يدخل النت ثاني مره |
>>>>>>>>>مثل زوجي ؛<<<<<<<
بس الحمدلله ساعات تجي من باله افكار من غير مايدخل المنتدى اله لايغير علي وعليه ياااااااارب |
نفس التساؤل
|
انا كذا
اولا ..صف النية ..يعني قصدك انه متعالي وشايف نفسه ..وشلون يعني يشوف نفسه انه احسن من الاعضاء...لو كان كذا كان قلت لكم بالبداية انه مكتفي ببنفسه وواثق من حاله ..والله عليك تفكير ثانيا ..انا ماقلت انها مشكلة ..انا قلت نفسي اوصله بعض الموضوعات اللي تفيده حتى يستفيد وثالثا.. يد وحدة ماتصفق يعني بتعب انا كل شي اقراه انا واطبقه وهو على حطة ايدي مايتغير يعني تخيل انت لحالك تستفيد من النت وزوجتك ولاهامها وش راح تسوي ؟؟ على العموم ..شكرا عالتفاعل |
هلا وغلا بطفله كبيرة ...
فعلا انا قاعده اسوي هالشي ...اجيب له افكار..اسوي حركات ..يعني ماخليت شي واذا انبسطت قلتله هذا من المنتدى ...( سويت له دعاية..بقوووه ..) إن شاء الله انتظر النتيجة حتى لو توصل سنه بصبر واشوووف وعلى طاري بهم يختي البهم يطيع الكلام وين ماتوجهيه.. اصلن هذولا الرجال مخلوقات غريبه ...يبيلهم كتالوج خاص وشلون تتعاملين معهم اله يعيننا بس اسعدني مرورك يالغالية اختي الفاضلة .. لفظ المشيئة يكتب هكذا ( إن شاء الله ) ارجو التنبه وفقك الله .. |
اتكاءة حرف
اختي ..انا معك برايك راح اصبرررررررررر اما تبيني اكتب موضوع عنه شكلك تبين يكسر الجهاز على راسي...شياطينه ولا احد يعرف بحياتنا الا اذا كان عارف هذا شي ثاني وراح افكر بالموضوع شاكرة مرورك يالغاليه |
اخوي الشاكي ناصر
لامستحيل يدخل ومايقولي عارفته زين وحتى لو مايعلمني يبان عليه يعني يفضح نفسه بنفسه انت تدري حتى مايعرف اسمي ولااهتم هنا بالمنتدى كيف تقول انه يتابعه من وراي مشكور اخوي على توقعاتك وباذن الله تتتحقق |
asser_26
اقوله فيه صوور طيب واذا قالي وينها ساعتها وش اسوي حلك فظيع صراحه .. |
اخي خشبور راح احاول مرة ثانية واشوف
وعلى الدعاية ماقصرت تقول هذولا وش معطينها عشان تسوي كل هالحملة مشكور وماقصرت .. |
الرياض حلوووووه
والله فكرتك زينه بس وش اكتب فيه ههههههههههه اذا عن الطرق الجنسية انا عن نفسي صراحه مااحب لاني اعتبرة شي خاص بيني وبين زوجي واذا قصدك المواضيع اللي هنا ...الجنسية قريتها عليه.. وانا قلتلكم قبل كذا انه عاجبه الموقع والمواضيع اللي فيه بس كسلان يقرى او يشارك وبيني وبينكم هو مزاجي يحب يقرى اللي يبيه وبس واما عالحركه اني اجيب الورده الحمراء ... مالها داعي لان زوجي مو رومانسي كان يقولي وشوله هذي ( انواع التحطيم) <<مجربة وندمانه شاكرة مرورك وافكارك |
اختي
العيون الله يهنيك بزوجك ويخليه لك يارب |
استكانة شاي
مازلنا ننتظر ؟؟؟ حياك الله |
حتى انا نفسي زوجي يطلع على المنتدى لما فيه من فائده كبيره
بس المشكله ان زوجي مش غاوي نت للدرجه يعني بس شويه كل فتره يشوف الجرايد وبعض الاشياء تبع عمله وخلااص يعني هو حتى لا يعرف المنتدى ولا اعرف كيف ادعوه له يعني لا اريدها تيجي مني وصراحه انا نفسي يطلع على المنتدى لاشياء في نفسي لاني اريد انا اقرأ افكاره و ردوده ومواضيعه ومشاكله اذا عنده مشاكل من ناحيتي او من ناحيى اي شيء لاتعلم اكتر واحسن من نفسي اكتر يعني اعرف طريقة تفكير زوجي اكثر ومايعجبه وما لا يعجبه بس بطريقه غير مباشره حتى افاجئه اتمنى احد يكون عنده الحل |
مثل زوجي بالضبط ،، يقول هاي خرابيط .....
|
يا اختي انت اتركي الجهاز مفتوح على الموقع وسيبيه يشوف بنفسه
|
اقتباس:
انا مع الاخت طفلة كبيرة و ربنا يسعدك و يوفقك لما يحب و يرضى |
اختي الاميرة الحالمة
انتي تلاحظين انهم يتصفحون الجرايد بالنت معناته بمزاجهم اهم ... مو انا زوجي ماصار يتصفح الجرايد بالنت الا لما واحد قاله وشتبي كل يوم شاري لك جريده ادخل النت واتصفح الموضوع اللي تبيه ؟؟ احسن لك واتمنى احد منهم بعد ينصحه بهالموقع كان يسوي فيني خيير. عقبال مانبشر بعضنا بانضمامهم لنا سواء قراء او اعضاء اسعدني تواجدك |
محمد هيا الله يكون بعوننا بس
وياليت احنا اللي نعاني ندور حل بسيط وحليووو شاكرة مرورك عزيزتي |
العقرب العربي
سويتها...خليت الجهاز عنده ..ورحت للغرفه الثانية يوم جيت لقيته قاعد يقلب بالقنوات..وتارك الجهاز على جنب اهلا وسهلا واشكر مرورك |
اختي farhia
جزاك الله كل خير على هالدعوة وربي يتقبل منك وبالنسبة لكلام طفلة كبيرة ..انا قاعده اطبقة واشوووووووف |
انا اقول زياده على ماقالو الاخوان حاولي تكون بينك وبينه ساعاة صفا لو ساعه وحده في اليوم تقرأين له من المنتدى انا وزوجتي نحرص ندخل ااخر الليل بعد نوم اطفالناونستمتع بمواضيع المنتدى مع بعض الله واحيانا نكتب الردود سوا لاكن الامور تأتي بالتدرج الله يوفقكم ويصلح مابينكم
|
مش ضروري يدخل !!
إنتِ بشطارتـــك نفذي اللي يعجبك وتحسين إنه فعلاً راح يرضيه ويرضيك بحياتك معه . صدقيني الشي إذا ماجاء من رغبة مستحييييل تجدين له نتيجة أو فائدة الله يوفقك ويسخر لك زوجك |
اخي الفاضل طبيب جراح
كلامك جميل.. واذا كان على ساعة الصفا احنا وقتنا تقريبا كله صفا...بحكم انه ماعندنا الا طفلة صغيرة ونقدر باي وقت ندخل النت ونقر ى اللي فيه بس اللي ابيه ساعة مزااااج منه صدقني يااخوي طول وقته بحلقه بهالتلفزيون استغرب مايجيه ملل منه... العموم مشكورره عالرد وتحياتي الطيبة لك ولزوجتك والله يتم عليكم |
اختي العزيزة غالية
انا معك بهالشي ... انو مو كل شي بالغصب ومثل ماقلت قبل... قاعده اطبق كل شي بالمنتدى ..وااقول عن القصص والمشاكل اللي تحصل كل هالشي عشان اجذبة تحياتي لك وشاكرة لتفاعلك |
| الساعة الآن 04:10 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©