بنتي وجسمها وحركاتها؟؟هل وضعها طبيعي؟
 

بنتي:15: كملت شهرها الرابـ4 ـع أمس ودخلت في الشهر الخامــ5 ـس:22:


بس مشكلتها:( أحس أنه فيها رخاوه شوي يعني ماتعرف:17: تمد يدها للعبه ولاتعرف تمسك يعني

مسك عشوائي ..وحتى راسها يعني يمكن تجلس 5 دقايق رافعه راسها بس فجأه ترتج

انا كنت عادي احسها ما فيها مشكله بس كل من شافها يقول ليش :30: رخوه؟


عرضيها لأشعه:cool: الشمس ...وقريت بكتاب عن الأطفال:15: المفروض تكون أنقلبت الآن بس هي لا

هي صحتها زينه:22: ماشاء الله تبارك الله بس مادري ليش هي جسمها كذا؟؟؟


المشكله بيتي شقه صغيره مافيها نور الشمس .. وش أسوي فيها :rolleyes: ؟


وعندها موعد الأسبوع الجاي هل أقول لطبيبها أنه يعطيها :20: فيتامينات تقويها شوي ؟



و أنا ناويه بأذن الله أبدأ الاسبوع الجاي:25: أعطيها اغذيه غير الحليب فواكه مهروسه وخضار مهروسه

بس هل بتفيدها والا ماينفع لها :( ؟


محتارة :rolleyes: معها وش اسوي فيها أبيها تثبت راسها زين وتعرف تتحكم بحركه :17: يديها وتعرف تمسك الأشياء

هي الآن بس تشبك يدينها مع بعض وتدخلهم في فمها!!!

والله يا اختي اتوقع وضعها طبيعي لانه انا لي عيال اخ زي كذا يطولون لين يقلبون او حتى يحبوون ومافيهم شي بعد تسع او عشر اشهر بيصير الوضع طبيعي وصحتهم طبيعية جدا

السلام عليكم ورحمة الله وبركاته

إذكري الموضوع للطبيبة وهي ستجري لها تحليل دم للتأكد.

وإذا كانت الرخاوة ناتجة عن عدم تعرضها للشمس فهناك عدة ادوية المكون الأساسي لها هو فيتامين "د"

وهي الحل ان شاء الله.

ولكنني ارى انها لا زالت صغيرة وليس كل الأطفال سواء.

بالتوفيق ان شاء الله

تحيتي.

انا أحس انها طبيعيه


بس كل من حملها يقول لي بنت ليش رخوه؟


مدري وانا احس انها طبيعيه حتى لما كملت شهرين واخذتها لطبيبها عشان التطعيمات


قال لي كل شي فيها طبيعي وسليم وممتاز




بس هالناس حيروني في بنتي وش فيها رخوه ليش ما تمسك راسها زين وليش ما بعد ثبتت؟؟



حتى يسألوني يقولون اخافك ما ترضعينها زين يعني ما تعطينها رضعتها الا قليل او ما تكملها؟


بس انا اعرف نفسي زين أرضع بنتي زين يعني ما أفوت وقت الرضعه عليها واخليها تشربها كلها



واعطيها مويه التمر حتى تقويها شويه..


بس من جد ما صرت أحب أحد يشيلها بيجلس يفتح لي هالمواويل ...

مع ان امي لما تشيلها تقول عاديه ولا فيها شي وأهل زوجي كلهم يقولون رخوه ؟


وانا ضعت بينهم ..

انا والدي طبيب وكان دايما ينصح الام انه تعرض ابنها لا شعة الشمس في الصباح الباكر جدا واذا اختي شقتك ماتوصلها الشمس اخرجي انت وايها لخارج البيت معليش اختي اتعبي لبنتك شوي هم اغلى من الروح وربنا يعافيها

اكيد بنتك طفلك الاول

والاول كل التجارب تسير عليه وكل انواع الفلسفه تنقال عنه

بنتك عاديه وطبيعيه مافي حراره والبكاء طبيعي وتتحرك وتلعب عادي وتضحكلك الحمد لله

والله الناس مايتركون احد في حاله لاتسمعي لهم وتقلقي نفسك

امك اخبر منهم وتقولك مافيها شي

والله انا مارتحت الا بعد ماطنشتهم صدقوني الأم اعلم بأطفالها

ريحي بالك واتركي عنك كلامهم يخلوك تشككين في اهتمامك ورعايتك لبنتك صح ولا لا

الله يحفظلك بنتك ويصلحها لك

الله يخليها ليك ويحميها من كل شر

رسول الغرام صادقه هم شككوني في رعايتي في بنتي أحس اني مقصره في شي معها


والله حيروني..!!

رخوه هذه جديده ما مرت عليه



عادي خوف الجدات

الله يصلحها ويبارك فيها ويرزق كل محروم

السلام عليكم ورحمة الله وبركاته ...

لا تحاتين وماعليك من حد .. والي يتكلم سويله طاف...

بس الصحيح .. انك لازم تعرضينها للشمس.. هذا مايعني ان بنتك فيها شي.. بس عشان تكسب فيتامينات ..

الله يحفظ لك بنتك .. ويخليها لك ..

واذا رحتي للطبيبه هي ان شاء الله بتقولك .. ان مافيها شي..

عادي ياقلبي وسعي صدرك بنتك مافيها الا العافيه

وانا عيالي كلهم كانو الاطباء ينصحوني باشعه الشمس

يعني حاولي اذا رحتي لاهلك تطلعينها بالحوش شوي

وبالنسبه للاكل بالشهر السادس تبدين معاها

ولا تنسين مويه التمر ومويه الرز والله يخليها لك ويحفظها

لا لاتخافين انا زيك كذا الناس واهلي طفشوني صرت مااحب اطلع منهم انا ولدي ماتعدل الا لما دخل سته شهور وكل طفل على حسب صحته وبنيته بعدين بنتك توها صغيرة على شوي شوي انت ابدئي عطيها موية التمر وربع تفاحة كويس مرة لها واذا الدكتور طمنك سيبي كلام الناس على جنب اصلا تعليقاتهم ماتخلص وكل وحده بتجيبلك شئ وبتقيسه على عيالها

طمنتوني الله يطمن قلوبكم


..ومشكورين على الردود والمشاركات..جزاكم الله ألف خير

بنتك نعومه



وبكرى تكبر وتشوفينها عروس

الله يوفقها ويستر عليها ويجعلها من السعداء الموفقين

ما عليها شر ان شاء الله ما فيها الا العافية

مشكورة على الرد يا اختي soo_soo


وجزاك الله الف خير اختي كما الورده

امين ان شاء الله اشوفها عروسه الله يحفظها من كل شر


ويرزق كل محروم يا رب