|
خطيب اختها و انا و المقارنة الصعبة
السلام عليكم و رحمة الله و بركاته ....
اخواني و اخواتي .. قبل فترة قصيرة خطبت بنت هي با اختصار فتاة احلامي .... ابوها صاحب ابوي و امها ما تسمع في عائلتنا ... و انا اذكرها من ايام الصغر :30: .... بس هي ما تذكرني :22: المهم يا اخواني ... خطبتي ما اخذت اكثر من 3 ايام و جاء الرد :14: المهم يا اخواني ... البنت اللي خطبتها وضعها المادي جدا ممتاز ... ساكنة في فلة و ابوها و امها ما شاءلله مرتاحين .... انا وضعي المادي عادي ... عندي شقة ملك صحيح و عندي سيارة ... و راتبي 6400 و بخصم اقساط السيارة = 5000 ريال و يزيد سنويا لاني مدرس .... لكن مقارنة بوضعها المادي تعتبر اعلى مني ... المهم البنت ما شاءلله عليها سافرت امريكا مع ابوها و اهلها و سافرو كذا بلدة ... المشكلة راح تقولو لي فين .. اقول لكم ... المشكلة اني خايف و عندي احساس قوي ان البنت و اهلها اخذين فكرة اننا مبسوطين ماديا ... يعني انا خايف ان البنت ترسم احلام في الهوى ان شهر العسل راح يكون في البلدة الفلانية و و و و خصوصا ان خطيب اختها مبسوط جدا جدا جدا و راح مو يسفر اختها امريكا و بس راح يا اخذها لفة حول العالم ههههههههههههه والله هذا القلق من جد ... احنا اتفقنا ان الزواج بعد سنة .... و طبعا خلال السنة الله يقدرني و اجمع المهر و ادبر عمري بتاثيث الشقة و الوالد ما راح يقصر .... طبعا الان احنا مجرد مخطوبين و عندنا الكلام شبه ممنوع لكن بطريقة و اخرى راح ادبر عمري عن طريق زوجة اخوي اللي ام البنت تصير خالتها ... برئيكم .... هل اصارح البنت و اقولها انا كذا و كذا و كذا ؟ بس خايف تحسبني مادي و ما افكر الا بالمادة مع انه والله العظيم مستعد اتعشى ماء و هي تتعشى ما لذ و طاب بس تكون مبسوطة لكن اهم شي عندي ما ابغى امد يدي لا احد انا كل اللي مخوفني و مقلق منامي هو انه خايف ان البنت تبني احلام في الهواء يعني تقول مثلا شهر العسل في كندا و ما ادري فين .... و انا حاليا يا دوب جالس اضغط على نفسي عشان المهر و تاثيث الشقة .... عارفين فين المشكلة ..... المشكلة ان خطيب اختها الله يرزقه ما شاءلله عليه مبسوط و انا خايف تبدأ المقارنات ... خطيب "أ" اللي هو خطيب اختها جاب كذا و خطيب " ب " اللي هو انا جاب كذا ... و عاد المنافقين بجلسون على راسها :29: و يغنو لها مظلومة البنية مسكينة البنية و الواه واه واه و الواه واه واه علي ..... يعني تعرفو كلام الناس .... انا سالت زوجة اخوي و قالت لي البنت متواضعة الخ الخ الخ .... بس انا ما اصدق كل هذا الا لازم اتاكد بطريقة و اخرى .... خطيبتي عمرها 22 سنة و اختها اكبر منها بسنة اعطوني رئيكم الله يوفقكم و لا يحرمكم الجنة و ادعو لي بالتوفيق اقل شي .... |
اعطوني وجه يا جماعة الخير الكتابة مجانا
|
ههه يا حليلك ،، ايه والله الكلام مجانا ما عليه جمارك..
نعود لموضوعك... والله يا اخي وضعك صعب شوي خصوصا انه مافي اتصال مباشر بينك وبين خطيبتك عشان تعرف رايها وطريقة تفكيرها.. انت قلت انه اهلك يعرفوا اهلها من زمان يعني اهلها يعرفوا وضعكم المادي ولما قبلوك اكيد حطوا هذي النقطه بعين الاعتبار. انت خايف من المقارنات فانا اقولك هذا شر لابد منه ،، مو بس بمسالة الوضع المادي لكن في كل شيء يحصل مقارنات وهذا شي طبيعي خصوصا اذا اتزوجوا اختين بنفس الوقت ،، وعلى اي حال كل انسان له عيوبه وميزاته وخطيب اختها اكيد فيه عيوب وميزات وانت فيك عيوب وميزات وهكذا.. شوف اقولك نصيحه من اخت لاخوها؟ تبغى تملك البنت؟ تبغى تنسيها الوضع المادي وتخليها تحس انها اسعد انسانه بالدنيا؟ السر هو : المعامله الحسنه، الاحترام الاحترام الاحترام، اعطيها حقوقها كامله مكمله واصحك اصحك تخليها تنام في يوم ودمعتها على خدها لانه في هذا الوقت هي رح تبدا تقارن وتستجيب لمقارنة الناس.. بالنسبه لشهر العسل تقدر تروح ماليزيا روح اي مكتب سفريات ووقوله ميزانيتك كم وهو يرتبلك رحله على قد فلوسك... توكل على الله وربنا رح يعينك.. اتمنالك التوفيق في حياتك. |
http://img227.imageshack.us/img227/8900/a254ms6.gif
أجلس معهــا أو مع أهلهـــا و أخبرهــم بكل ما ذكرت ... ورزقك على الله |
كريستالا و نجمة صغيرونة اشكركم على ردودكم ....
بالنسبة لموضوع ان اهلها يعرفو وضعنا المادي .... تعرفي الناس ما لهم الا الظاهر .... هنا المشكلة .... و بالنسبة لمعاملتي انا و لله الحمد معاملتي مع عامل النظافة زي معاملتي مع اكبر مسؤال .... يعني احترم الكل و ما بالك بانسانة من اختياري ..... والله ما هو هامني الا سعادتها و الا كثير يقولو لي انت لي شايل هم اذا مو عاجبها البنات ماليين البلد ... بس يا جماعة الخير هذي البنت و بس ..... يا ليت اسمع المزيد من الاراء |
|
الله يوفقك وييسر امرك
اخي الكريم وصدقني دائما البنت اللي عايشه برفاهيه وطلباتها مجابه حينما تتزوج ترضى بالقليل يمكن لانها ملت عيشة الترف واراهم حولي زوجات صالحات فكن واثقا من نفسك والسعاده ليست بالاسفار نقل للمقبلين |
والله انا اقول صارحها ..
خليك مكشووووووووف على الاخر ..وصريح وواضح .. الله يكتب لك الخير يااااااااارب |
انت تقول ان الوالد صديق ابوها معنى هذا انه يعرف حالكم اكيد مع اني اشوف حالك فوق الممتاز
|
من المهم وضروري انك تعرف كيفية تفكير البنت او طريقة تعاملها مع اللي حولها في ناس كثير عايشين في نعمة والحمدلله لكن مربين بناتهم على القناعة يعني المستوى اللي عايشة فيه في بيت ابوها مو شرط يكون نفسه مع زوجه واي شاب مهما كان عنده من خير في بداية حياته اكيد راح يلاقي صعوبه شوي حاول تعرف طريقة تفكيرها ولازم توصل لها كلامك الله يوفقكم..... |
انا من رايي ان تصارحها بواضعك المادي عشان البنت تكون على علم وزي ما قلت انت عشان ما تبني احلام في الهوا
ونفس الشي عمله خطيبي معي يوم خطبني قبل الملكة يعني صارحني بوضعه المادي و الحمد لله ........ واحترمت هالشي فيه لذالك لا تتردد |
اخي اتمنى لك التوفيق والحياة السعيدة.
بالنسبة لزوجتك انها يمكن تقارنك مع زوج اختها هذا محتمل بس الأكيد ان البنت اذا حبتك وكان تعاملك معها تعامل حسن صدقني مااارااح تلتفت لها الاشياء ابدا , وبعدين ترى اكثر الناس اللي وضعهم شوي زين يكونون اكثر قنااعة من اللي غيرهم .... وبالتوفيق اخوي . ـــــــــــــــــــــــــــــ عاقل بن فاهم اقتباس:
|
اشكر الجميع على المشاركة و الله يسعدكم و ينور طريقكم فعلا انتم اهل الذوق
|
توكل علي الله وربنا يسير لك امورك لا تخف من شيء الي لك نصيب فيه ستلاقيه المهم الصدق في الزواج اهم ميزه وربنا يعينك لا تخف تقدم بقلب
|
اخي الكريم
احب اقولك ان اهم شي البنت تطلبه بزوجها هو ان يحترمها ويحبها ويدللها بالكلام الحلو والغزل ويحسسها انها ملكة جمال الكووون وان عمره ماشاف وحدة احلى عنها ,, وانها اميرته ,, والبنت لما تشوف الريال يحبها يتقدر ظروفه وتتفهمه ,,, وبتعرف انه مابيقصر معاها باللي يقدر عليه وما يبخل عليها طول ما هو عنده ,, وصدقني بعدين هي ما راح تطلب منك شي فوق طاقتك لما تشوف حبك لها وطريقة معااملتك معاها ,,, وغير هذا البنت ببيت ابوها غير عن لما تكون ببيت زوجها في وايد اشي ممكن تتنازل عنها وتتغير فيها ومو شرط البنت اللي تكون عاشية بخير ونعمه تكون من النوع اللي يطلب ويشتري وايد ومايراعي الحمد لله انا عايشة بفيلا كبيرة ولا صيف قعدت بالبلد ,, من طفولتي رحت وايد بلدان رحت اوروبا وامريكا وغيرهم ,, والله لما قريت موضوعك حسيت كأنك تتكلم عني ابوي مايقصر معانا بشي ,, بس هذا مو معناته اني ابي اعيش هالحياة مع زوجي ومابي اتنازل عن هالمستوى من ناحية السفر والله مليت حتى هالصيف قلت لهم مابي اسافر ,, وماقمت اشتري وايد ,, وحتى السوق لما اروحه ماحب اشتري احب اقعد بكوفي ولا اكل ايس كريم والا اقعد بمطعم ,, ترا الواحد يمل لما يتكرر هالشي وايد ,, اهم شي تحسسها انك مابتقصر معاها وبتسوي كل شي يسعدها وهي بتقدرك صدقني ,,ولازم تعرف عن وضعك كونك انت خطيبها وان شالله زوج المستقبل واعرف وحدة ابوها ماشالله ملياردير وتزوجت واحد راتبه متواضع ,, و وايد تحبه ,, لان وايد يحترمها ويحبها ويدللها بالكلام الحلو والغزل ,, |
| الساعة الآن 01:03 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
