|
حب من طرف واحد !!!!
السلام عليكم و رحمة الله و بركاته :)
كيف الأحوال يا شباب :25: شباب انا عندي سؤال محريني :29: بصراحه انا احب وحده تصير لي بس المشكله ابي اعرف اذا اهي تحبني ولا لا :25: لان ودي اتزوجها لكن ما ابي اتقدم لها خوفا من الرفض:24: ردو علينا ما عليكم امر:17: |
لمح ليها ببعض الكلمات او بعض الحركات
|
شلون يعني ؟؟؟؟؟
|
وعليكم السلام ورحمة الله وبركاته
اخوي بوخالد اذاكان عندك اخوات خليهم يكلمونها بطريقه غير مباشرة بحيث انها تفهم انك تحبها وانك باغيها على سنة الله ورسوله وشوف ايش ردة فعلها <<والله يسهلك امورك معها وتحقق امانيك يارب>> اختك طيف سحابة |
لما ييت اكتب شفت ان طيف سحابة كتبت اللي كنت ابي اقوله ,, :)
|
انا منو النوع الخجول :D
يعني بصراحه استحي اكلم خواتي بهالموضوع :D |
يعني اذا تستحي تفتح الموضوع مع خواتك كيف بدك تفتح الموضوع مع البنت ؟؟؟؟؟؟؟؟؟؟؟؟
|
انا كتبت الموضوع لان ابي الحل
بصراحه انا انسان خجول بشكل غير طبيعي يعني لو ابي شغله من احد ما اقوله لو تنخفس الأرض :D أقل شي ما كنت اخذ من ابوي مصروف لاني استحي اقوله ... :D |
الزواج يبغيله جراءه والمرأه ما تحب الا الزوج الجريء نوعا ما
يعني لازم تتغير يعني بتستنى أهيى تخطبك ولا تبتدي تكلمك هذي أول خطوه هي الخطوبه وما عنك جرأه يعني شنو بتسوي في الزواج اللي محتاج لجرأه أكبر |
الاخت طيف سحابه كفت ووفت وما بعد كلامها كلام وهذا هو كلام العقل والخلق الكريم والدين كلم البنت بطريقه غير مباشره عن طريق اخواتك وشف رايها واللي بيستحي من خواته وش خلا غير الله يوفقك
|
ياخوي الزمن تطور تستحي تقول لخواتك
انك تحبهااا نحن في عصر العولمه طرش مسج لاختك وقول لها انك تحب البنت وخل اختك (((تجيس نبضها))ع قولتنا....<<=تعرف رايها وقول لها انتظر الرد خلال اسبوع ............. واذا تستحي بعد ياخي توكل على الله واخطبها وعيش ايامك معاها وبالملكه صارحها بحبك ... وخليها تنجن فيك وموفق ملحوظه ... مافي رجل يقول اخاف انرفض.......ترى الدنيا قسمه ونصيب |
بكل بساطة كلم هلك ((مفكر بالزواج وحاط عيني على بنت فلان )) وخلص الموضوع ,,
|
اخي بوخالد مافي كيف الصراحة نهائيا صارحها بحبك واذا رفضاتك وانت تحبها افضل من ان تتقدم لها انت واهلك وتكون سبب خلافات
اخوك نور |
اهلا اخوي
اعذرني مسالة مسج وما مسج هذي حركات ما تصلح للزواج تصلح لأصحاب النص كم!! موضوع أختك فكرة ممكن بس بصراحة اعذرني انا مع الاخت اليسا.. اذا كان الرجال يخاف يخطب ويردونه كيف بيتزوج؟!!! اعذرني أخوي. صدقني البنت وخصوصا في مثل هذا العصر تبحث عن الرجل الجريء القوي مو الضعيف المتردد!!! صدقني اخوي انا أنقهر من بعض تصرفات زوجي ليش يتردد فيها مع انها ضدي!! بس انقهر لاني أتمنى يكون زوجي واثق من نفسه وقوي.. وبعدين وش فيها لو ردوك؟! وش صار؟ انتهت الدنيا؟ انت رجل قبل الخطبة وبعدها ستبقى رجل لا قبولهم لك يثبت هذا الشيء ولا ردهم لك ينفيه! معليش اخوي لا تحطمك مثل هذا المواقف بالعكس خلها تقويك.. طبعا هذا كله في حال حصل رفض!! يعني شوف في حال انك صار ورحت ووو وان شاء الله ما يصير الا الخير.. \ بشرنا عن أخبارك |
بصراحه امس كنت قاعد مع اختي و طبعا انواع الإحراج و انواع الرزه و الكشره الخفيفه و قتلها السالفه
بس بكل بساطه ردت عي و قالت لي : ما تصلح لك !!!!!!!!!!!!!!!!!!!!!؟ ليش شنو السبب تقولي تقوي ما اقدر اقول السبب و بس !؟ للحين مادري شسوي و مشكوري يا جماعة عى ردودكم قريتها عقب ما كلمت اختي و ابي الحل لزمت على اختي و ما تكلمت |
ايش معنى تقوي؟؟
|
اقتباس:
|
الله يكتب لك الخيره أينما كاااااااااااانت
|
إذا واثق من اختك إنها لن ترفض لسبب سخيف فخلاص
يمكن انت تحس انا تناسبك وتتوقع انك لن تسعد بغيرها بس ما تدري يمكن تلقى السعاة مع وحدة ثانية وفعلا في البنت سبب فعلا يستحق انك تبتعد عنها أو ما يخليك سعيد معها ما أدري اذا اختك ثقة -أقصد عندها وعي وثقافة وحكمة فلا تهمل نصيحتها بالتوفيق |
اخوووي..اللي يستحي مايعيش بالهزمن خخ
حاول تخلي وحدة من خواتك تسال البنت افضل من تقول لاهلها على طووول..واذا فيه نصيب الله بيسر لك توكل على الله.. |
اخوي
مع احترامي لاختك اعرف طبيعه البنات الغيره وانا بنت ربما بسبب الغيره قالت لك اختك انت اذا تحب فتاتك فعلا اول شي ادعي الله بان يرزقك ايا ها ان كانت خيرا لك راقبها بنفسك هذا الزمان لا تعتمد على كلام احد لأن الغيره منتشره كالسرطان انا صحيح ما حد تقدم لي جد بس ياما شباب صرفو النظر عني لأن اما اخواتهم يغرن مني لكوني اكثر اخلاقا او جمالا او بسب شباب طائش لم اعطيهم ما يريدون الزبده اخي يا تصارح البنت بنفسك او تخطبها يا اخي اللي يحب ما يتخاذل حرام عليك تضيع حبك تقدم لها اذا فعلا تريدها ثم لا دعاي للخوف لورفضت تاكد انها خيره من الله واختيار رب العالمين افضل وسامحني كن اقوى لا تعتمد فقط على سماع كلام الآخرين راقب البنت تعرف عليها احكم بنفسك لا تقيم علاقه غير شرعيه معها اخطبها اخي |
| الساعة الآن 06:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©