|
أول مشاركة لي لا تفشلوني .. مشكلة حياويه !!!!!
السلام عليكم ورحمة الله وبركاته ..
كيف الحال .. عساكم ع القوة .. أولا : الله يبارك جهود القائمين على هالموقع .. وجعله في موازين حسناتهم .. ثانيا : الله يعطي العافية جميع الأعضاء اللي لهم بصمة وتفاعل في المواضيع .. بصراحة شديدة .. موقع تحسدون عليه .. حتى من خلال الردود كنت ملاحظة جهود الإدارة في تصحيح الأخطاء أو الألفاظ الغير مناسبة والرد ب(اللون الأحمر ) على أسباب التعديل .. بصراحة ... أنا متابعة مواضيعكم .. أو خلني أكون دقيقة .. أتابعكم بشغف من فترة لفترة .. وكان لي نك غير هذا النك بس ما شاركت فيه .. ولأني نسيت كلمة المرور والإيميل غيرت النك .. ندخل في صلب الموضوع : بصراحة مشكلة أختكم حياويه مشكله .. الله يسلمكم .. حياويه هذي انسانه عاشت في بيت أهلها حالها حال نفسها .. شخصية نعم :30: .. لكن تقضي معظم وقتها في هواياتها وكتبها وفي عالمها الخاص .. وبالتالي تكونت عندها شخصية شبه انطوائية .. هذا غير إن أختنا حياويه الله يهديها عندها شي اسمه الخجل .. وتستحي من الناس وحتى لمن تتكلم مع الناس تتكلم كأنها وحده عمرها 10 سنين .. نظراتها .. ميلان راسها .. رفعة كتوفها .. ابتسامتها .. تميعها في الكلام !!!! اللي يشوفها يقول قمـــــــــــــة في البراءة .. :15: المهم .. أختكم هذي تزوجت :14: .. وتزوجت من رجال غاية في الجرأة :25: .. لدرجة إنها في بعض المواقف تحس بدوخة لو شافت جرأته في تعامله مع الناس .. يعني لو واحد بياع مثلا غلط عليه .. بيعرف كيف يخليه يحترم عمره .. وما بيستحي من الموجودين .. طيب وبعدين ؟؟ وبعدين الله يسلمكم .. أختكم هذي من كثر دلعها ورقتها وشفافيتها .. حساسة للغـــــــــــــــاية .. أبسط كلمة تزعلها .. وأبسط نظرة عتب تزعلها .. ولو زوجها دخل وما عبرها تصيح .. ولو ما كلمها تصيح .. دمعتها في طرف عينها ما تقدر تمسكها .. طبعا لا تقولوها وقفي بكا .. لأنها حاولت بس ما قدرت .. لأنها كانت عايشة في وسط جدا جدا مسالم ويتعامل معاها على رقتها ويقدر حساسيتها .. وطبعا أبو الشباب مضايقتنه هذي الحركات .. والنتيجة : إنه على هذا الطبع في اليوم تصير كم من مشكلة .. وحياتهم كلها مشاكل.. وكل واحد شايل في قلبه جراح مظلمه عليه دنيته .. .. حتى لو مسافرين لااااااااااااااازم تصير مشاكل .. لدرجة إن الزوج كاره نفسه .. والزوجة كارهه نفسها .. لأنها تحس إنها غلطانه .. لأنها المسكينه عايشة في بيت أهلها 18 سنه على هالوضع !!!! ولأنه بعد انتقادي على كل ما هب ودب .. وللعلم هو بعد حساس وأبسط كلمة تزعله .. ممكن ما يبين مثل اختكم حياويه .. بس وقت المشاكل كافي هذاك اليوم قلتي كذا واللي قبله سويتي كذا مع اني والله ما كنت قاصده ,, ولو ادري ان هذا الشي بيزعله ما كنت سويت!!!!!! مو بس هذي المشكلة في مشكلة ثانية : ألا وهي ....... إن زوج أختكم حياوية ما يحب المرأة الخجولة واللي صاكه على عمرها .. طبعه يحب الحرمة الشقية .. الشيطونه ..يريد حرمة تسوي جو في البيت .. وتولع البيت .. وقالها لها بالحرف الواحد .. أريد حرمة تسويلي إغراءات .. أريد حرمة تتمحرش فيني .. حتى لو كانت شهوتي -100 تخليها عندي 100% !!!!!!! حتى إذا كلمتني في التلفون تخليني أرجع لها ركض حتى لو كنت ورا الشمس من قوة كلامها وجرأتها !!!!!!!! طبعا هذا بالنسبة للأخت حياويه كأنك تقولها أريد من العصفورة لبن !!!!!!!!!!! :eek: كيف تغريه ؟؟ ما تعرف !!!! هو الله يطول في عمره عطاها الحل .. قالها شوفي أفلام اباحية :14: << جاب العيد المطوع وطبعا أنا سألت من هالناحية وقالوا حراااااااااااام .. " وقل للمؤمنات يغضضن من أبصارهن " وأنا ما اعرف في هالحركات .. أصلا كل قبيلتي نفس طبعي ما عندهم هالحركات .. مب من النوع اللي أطالع أفلام ولا من النوع اللي لي رباعات وصديقات من هالسوالف .. يا غير وحده لمحت لها بس حسيتها متحرجة بس قالتلي حاولي !!!!:rolleyes: ما شاء الله عليه رغم انه متدين .. إلا انه متفتح .. ومتفتح بصورة رهيبة .. يبا زوجته تكشخله بطريقة جنونية .. وتدلعه وتقوم فيه أحلى قومه .. يريد حرمة فريره وملحلحة على عكس أختنا حياويه .. طبعا أنا أقولكم هالكلام بعد زواج عمره الان اربع سنوات !! ومن ثماره طفل عمره ثلاث سنوات !!! بصراحة النتايج مروووعة : 1. زوج حياوية صار له سنتين إنسان تقريبا محطوط ع السايلنت .. ما يتكلم إلا لو يريد غرض معين .. بيسأل عن الأكل .. عن ملابسه بس .. حتى طلعته دخلته ما يقول لاحد !! أو إذا حب يتكلم في موضع ثاني انتقد .. يا كثر انتقاداته .. أول ما اسمعه يناديني افرح واركض له .. وأول ما أوصل يسمعني كم من انتقاد .. ليش هذا جذيه .. وليش هذا حاطتنه هنيه .. وليش وليش وقسم بالله ألف من عنده وعيوني تقطر دموع .. ودي أقوله يا تتكلم عدل وتوازن في كلامك .. يا خلك سايلنت في كل شي .. حتى الانتقاد لا تنتقد .. 2. ما يقولها كلام دلع ولا رومانتيك ولا حتى يقولها أي كلمة حب إلا في السنة مرة أو مرتين !! حتى صارت المناسبات السعيدة ما يتذكرها ولا يفكر فيها .. 3. إذا نام في السرير يعطيها ظهره .. حتى لو كانت له حاجه بيقضيها وبيلف ظهره !! 4. قال لزوجته بالحرف الواحد .. انتي مب حرمة .. ما فيج معنى الأنوثة .. فاااااااااشلة .. ولا تراني أنا سهل بس انتي ما عرفتي تكسبيني .. << المشكلة انه كتوم .. حتى لو عجبه الشي ما يصرررح .. يسوي نفسه عادي يعني ولا شي يأثر فيه .. أبسط مثال في طبخة أنا طبختها قبل سنتين وطبختها له أمس .. تخيلوا شو قال ؟؟ قال من سنتين وأنا نفسي تسوين هذي الطبخة !!! أنا انصدمت قلت له طيب ما قلتلي والا كنت سويتها .. قال المفروض تعرفين بروحج !!!!!!! بعرف من وين .. ليش أنا ينزل علي الوحي وأنا ما ادري .. مع أني اسأله ترا اذا هالطبخة عجبتك قول عشان اسويها لك مره ثانيه .. يقول سوي أي شي !!!!! ولا تقولوا لي ليش سنتين ما طبختيها .. لأني أنا آخذ الوصفات من النت أو من الكتب وأجرب كل يوم شي .. وحتى هذي الطبخة طبختها أمس وأنا ما اتذكر اني طبختها قبل .. حتى لمن قالي قلتله أول مره اطبخها قال لي لا طبختيها قبل سنتين !!!!!! هو كتوووووووووووووم وأنا بهالطريقه ما اعرف شو اللي يعجبه وشو اللي ما يعجبه !!! 5. بصراحة قبل شهر ونص اتفقوا هو وياها ع الطلاق .. بس بعد الاستخاره عادت حياوية لزوجها لأنها حست إنها بعدها تحبه رغم الدوامة اللي تعيش فيها وعدم الاستقرار النفسي .. وحست إنه أبو الشباب يحبها لأنه تقبل هذي العودة وعلى طول صالحها وهي تعرفه لو كان يريد يطلقها وكارهها بيطلقها حتى لو جابت له كل اللي على سطح الأرض يستسمحون منه !! بس شو فايدة هالحب .. 6. لا تقولون إنه إنسان مب مثقف .. تراه صاحب ماجستير في علم النفس !!!!!!!!!!!!!!!!!!!!!!!!!!!!!!!!!! بس للأسف ناجح في تخصصه وفاشل في تطبيقه على زوجته .. وللعلم هو مطلع على هالمواضيع بس شسوي فيه ؟؟؟؟؟ شو الحل فيما يلي ؟؟؟؟؟؟؟؟؟؟؟؟؟؟؟ 1. حساسية أختكم حياويه وبكاها .. والله صار لها كم شهر تحاول وتدعي .. وبعدها على هالحال .. وبعدها متحسسه !!!!! 2. كيف الوحدة تغري زوجها وشو تسوي له وشو تقوله .. تراها تقرا في المواقع ولا خلت موقع ما دشته .. بس صعب عليها التطبيق .. لأنها تحس إنها سخيفة .. ولأنه متفتح .. يعني لو لبست شي واستقبلته .. أول ما يشوفها يقولها غلط ما يلبسون هذا القماش على هالقماش .. ولا يلبسون هالاكسسوار على هالموديل !!!! يكسر فرحتها وتحس بالفشله !! مع إني أنا في وسطي وربعي وحتى أهله أكشخ وحده !!!! 3. صمته اللي بيجننها و وحاجتها إنها تسمع كلام غزل .. والله مرات تقول يا ليت لو اللي تكلم شباب بس في التلفون مب محاسبة .. لأانها محتاجة هالكلام ومحرومة منه .. أرجوكم ساعدوني وخصوصا زوجي بدا يقولي يالله الفتره الحين مناسبة انج تحملين وانا خايفة اني أحمل لأن الأوضاع مب مستقره ونفسيتي محطمة .. أحس إني صعب استمر وياه على هالحال .. للعلم : كل هالكلام أنا صارحته فيه أكثر من عشرين مرة .. بس شكلة مو مستوعب السالفة !!!!!! وآآآآآآآآآآآآآآآآآآآسفة عالاطالة .. لولا الحاجة .. والا ما كنت صدعت راسكم بهالكلام .. وإن شاء الله يكون العلاج من عيادتكم .. عيادة الحياة الزوجيــة .. وأتمنى الرد يكون من الرجال .. لأنهم يمكن يفهمون شو اللي يحتاجه الرجل وشو المقصود من كلامه .. وكذلك ردود من الأخوات اللي لهم في هالحركات والسوالف .. وجزا الله كل من قرأ وكل من رد وكل من دعا لي بكل خير في الدنيا والاخرة .. |
طيب حبيبتي حياوية انتي طرحتى مشكلتك وطرحتى الحل معاها حبيبتي الزوج يحب زوجتة تتجرأ علية يحب زوجتة تشيل كل القيود عندة اوكي خليك حياوية بس معاة لا ....
مااقولك شلى الحياء مرةوحد كل مرة حبة وانشاللة مع الوقت تنفك عندك العقدة وحتى لو كان ماجستير علم نفس لاتضيقين خلقك ياما اطباء علم نفس يحلون والمشاكل للناس وحياتهم اكبر مشكلة المهم حبيبتي شوفي مفضلة المتزوجين فيها حركات تخلي زوجك ان شاءللة يرابط عندك واللة يكتب لك الخير وين ماكان ويرضيك بة . http://www.66n.com/forums/showthread.php?t=71269 |
اساس مشكلتج اسلوب الحياه اللي عشتيه ف بيت اهلج
.................................................. ..................... انتي ماشاء الله واعيه وفاهمه جميع النقاط اللي معكره صفو حياتك .................................................. .................... الحيا مع الزوج صدقيني يكرهه الزوج الا في الفراش يحبه بس بقله يكون الجرأه فالتعامل مع الزوج مطلوووووووووووبه يعني عطيه كلام حلووو لي طلع طرشي له مسج اشتقت لك لي رجع البيت اركضي وطوقي ذراعيك على عنقه لين غلط عليج او ماتجاوب معاج قولي له بالرغم من تطنشيك بعد احبك اذا غضب ابتسمي في وجهه وسوي نفسج مثل الطفل البرئ وقولي له ((تصدق انك تجنن وانت معصب)) حطي على مخدته ورده حمرا ومعاها ورقه مكتوب عليها الوعد الليله وتزيني وتكشخي وانتي اللي ابدئي بالحركات واللمسات احذري ((ترى الرجل يزهق من المراه التي تريده هو الذي يبدا في كل شي))) تراه مخلوق حساس وبحاجه لكلام حلوو يروي ظمأه حاله حالج ف لاتبخلي عليه.... اذا كنتو مع بعض فالصاله امسكي ايدينه وضميها لصدرك طول الوقت اذا كان واقف بالصاله او بالغرفه تعالي وضميه من الخلف .................................................. ........................ طبقي هالاشيا وصدقيني بيستانس من الفرق اللي يشوفه لاتقولين تستحين ترى حيائك سيجبره على انتقاء زوجه اخرى جريئه اختي لاتخجلين لان هذا زوجك .......شوفي البنات العاهرات والساقطات ماذا يفعلون بالتلفاز مع غرباء وكيف هي جراتهن لاتتركي فراغاا بقلب زوجك لانه اكيد سيفكر مرارا بسد هذا الفراغ الذي يحتويه الحقي على زوجك قبل فوات الاوااااااااان لان للصبر حدود وحيائك مرض ان لم تستطيعي على هذه الامور البسيطه ........................................ اعرضي نفسك لطبيب نفسي..............ولاتخجلين من هذا الشي انا اعرف ناس اصحاء اكثر عني وعنك ومواظبين على زيارة الطبيب التفسي |
اقتباس:
|
التوت
العيــون العقرب العربي أسعدني مروركم وتعليقاتكم أسعدتني أكثر .. بس يالغلا أنا لاحظت إني يوم اسمعه كلام غزلي يصد عني أكثر .. ويكون اليوم الثاني معصب وانتقادي بشكل يخليني اتهستر .. الشغله واحد من اثنين .. إنه ما يريد يبين لي انه تأثر بالكلام .. ويرويني فيها إنه ريال واني مب بهالسهولة قدرت عليه .. أو انه يتكبر ويشوف نفسه ويصدق عمره ويبدا يتدلع علي !!!! والله احترت !!!!!!!!!! |
استمري حتى لو انتقدك خليه يشوف انه مو رخيص عندك خليه يحس بوجوده في حياتك
وبعدين ليش تقولين كتوم وهو قالك كل الي يبيه يصل الموضوع للطلاق علشان شي سهل وتافه000000ياختي فكري بعقل شوي يعني معقوله ماتعرفين وشلون تستقبلين وتغرين وتلبسين واهم شي العطر فكري زين قبل مايطير الرجال منك وياخذ وحده اجنبيه00ويحط في باله ان كل بنات جنسه كذا |
الصراحه ماتتخيلين وشلون قهرتيني 00000ورفعتي ضغطي
|
الختي العزيزة
الخطا من اوله الى اخره خطا حياوية الرجل صرح ماذا يريد بالحرف الواحد انا رجل ووالله العظيم اكثر ما يسيئني في زوجتي حيائها مني في الوقت الذي لا يطلب فيه الحياء قولي لصاحبتك تعيد حسابلتها مع زوجها التبرج بالبيت مطلوب وانا من مؤيديه وبشده الجرأة في التعامل والمبادرة بالطلب من الزوج انها ترغب في لقائه لانها من كثر شوقها اله مو قادرة تتحمل ودايما تحسسه انه وجوده وكل شي فيه مغريها يعني تشعره اانه بودها يضل بالفراش نعها طول العمر والله يا اختي احنا الرجال طلباتنا بسيطة ومفهومة وما هي فيزيا ولا كيميا يعني شوية دلع على شوية غنج مصاحبها لبس شبه عاري مع شوية كلام مغري وهمس ومن الامور تلك يصير اكبر شنب مثل الخاتم باصبع زوجته طبعا انا قصدي داخل غرفة النوم لاتفهموني غلط |
اقتباس:
|
حبيبتي انا في بداية زواجي كنت خجوله وخجلي كان يعجب زوجي لكن مع مرور الوقت لم يتقبله
وكان يقول لي بالحرف الواحد نفسي أنت اللي تجين وتطلبين مني الجماع مع الوقت تعلمت من نفسى وهي امور بديهيه تعرفها كل امرأه بالفطره وواضح انك فاهمه المشكله الان أنت بيدك الحل واعتقد انه يتمثل بمحاولات عده تبدأ بالبس ثم الكلام والاحتضان حتى لو انتقد وابتعد انت اقتربي أكثر وفي اثناء النوم انت أحضنيه حتى لو أعطاك ظهره وتحسسي كل جزء في جسده لا تخجلي فهذا حلالك حتى لو لم يجامعك يكفي الاحتضان وبعض الكلمات الرقيقه مثل أحبك أموت فيك رائحتك تثيرني قد تتصبيبن عرقا من هذا الامر لكن حاولي مره ومره الموضوع ليس بالصعب وزوجك أخبرك بما يريد وصبر كثيرا أربع سنوات يعتبر نفسه محروم عاطفيا وحتى لو عنده دكتوراه يبقى رجل محتاج للحب والعاطفه حبيبتى حاولي وبيدك الحل والله يوفقك |
اقتباس:
لانه يتمنى هالشي دايما منج مو دقايق تعدي وخلاص وهو يصدج لانه يحس انج بس دقيقه تكونين جيه وبعدين تطنشين هالامور بالعكس اصررررري على رومانسيتك وجرأتك خلي يتيقن انج تغيرتي عشانه .................................................. .. حطي ف بالج دايما انج تتنافسين معاه .. الين تخليه يذوب بايدينج ولاتستسلمين تحت اي ظرف.... خليها بالنسبه لج مسألة حياه او موت ...:29: :29: :29: وصدقيني النصر فالنهايه بيكون حليفج:17: :14: |
حبيبتي حاولي وحاولي واصحي
قبل لا يطلقك أو في أحسن الأحوال يتزوج عليكي وشوفي عااد أي الحلين أسهل على قلبك والله الحياء يروح والخجل يختفي والحب يشتعل وفيضان من الكلمات العذبه بمجرد لو تتخيلي مجرد تخيل إن زوجك مع واحده غيرك وعيونه وقلبه معاها ابدئي واستعيني بربك واكثري من الدعااااااااء بأن الله يعينك على اسعاد زوجك ويشعل قلبه بمحبتك اعتقد أن رسائل الجوال أرق بدايه لمشوارك الجديد وانتهزي أي مناسبه وصرحي بوعودك الغراميه لبدايه عهد جديد من الحب والشغف والرومانسيه على فكرة اسلوب طرحك للمشكله مرتب ورائع أرجوا ان يكون أسلوب معالجتك لها أكثر روعه وجمالا وفقك الله ياغاليه ملأبك قلب زوجك وعينيه ......... تقبلي تحيااااااااااااااتي ............... |
يا هلا ...
اختي حياويه .. انتي واضح من اسمك حياويه ... كلنا كنا مثلك في اول زواجنا حياويات ... لكن بعد ذلك صرنا شوي شوي جريئات ... اختي ما شاء الله عليك انت فاهمه زوجك زين لكن مو عارفه كيف تطبقين ... اهم شي خليك واثقه من نفسك .. بعدين لازم تعيدين التفكير في كيف تعاملين زوجك .. و تضعين خطه تمشين عليها و تتخذينها اسلوب حياة ... اعملي اللي يطلبه زوجك و حاولي تاخذين الجانب الايجابي في انتقادات زوجك ... اما الجانب السلبي فلا تاخذينه بحساسيه زايده يعني طنشي .. حاولي انك تكوني طبيعيه في التعامل مع زوجك يعني دلليله و تغنجي عليه لكن بدون مبالغه .. و شوي شوي ان شاء الله راح تتحسن اوضاعكم .. وربي يسعدك .. اختك اميرات .. |
اااااااااااااااااه والله حطيتي ايدك ع الجرح الحياء اللي نتربي عليه مشكله بس مع الدعاء ربنا بيغير الحال من حال الى حال .
|
يزاكم الله خير كلكم .. من أول واحد فيكم رد إلين آخر وااحد ..
كلامكم استفدت منه .. بس حبيت أوضح بعض النقاط .. ألا وهي .. * مسألة اللي قال لي كيف تقولين انه كتوم وهو قالج كل شي .. أقولك شو أقصد .. 1. إنا أصلا من النوع اللي اسويله حركات وتغيير ديكورات من فتره وأخرى ( شموع .. ورود .. هدايا ... إلخ ) 2. أنوع في الملابس وفي الموديلات من الطويل للقصير إلين البناطلين .. 3. أنوع في المكياج والطبخ وغيره .. يعني أحاول أغريه باللي اعرفه .. بس في مسألتين .. الأولى : إنه إذا عجبه شي ما يصرح .. ما ادري انتوا فاهميني والا لا .. يعني ما يظهر أي سرور أو فرح أو يعلق تعليق حلو .. يعني على أقل القليل يقول شهالكشخه .. ولا شي .. حتى عيونه ما يحطها علي .. والله إني أرتبك .. وبطبعي إني حساسه على طول يبين علي كأني وحده متكلفه ومب واثقة من عمرها .. وبالتالي أنا ما اعرف هو عجبه والا لا !!!! وبالتالي في وااايد أشياء أنا ما ارجع اسويها له لأني أخاف انها مب عايبتنه بس هو ما يبا يفشلني .. ومثل ما قلت لكم هو من النوع المتفتـــــــــــح وذويق من الدرجة الأولى .. بس لمن أسأله اشرايك في هذا .. يقولي اللي يعجبج اشتريه والبسيه !! والله احترت َ!! المسألة الثانية : لمن قالي أغريني عطاني مثال بصراحة .. قالي مثلا وانتي تكلميني افتحي أزرار القميص .. .. أو حكي منطقة معينة بطريقة عفوية تثيرني يعني شي من هالحركات .. طيب هالحركات أنا ما أعرفها .. وقسم بالله لمن قال لي هالمثل راسي لف بس ما بينت له .. لأني لو أقعد 100سنه ما بيخطر في بالي أسوي هالحركة .. أصلا حركة ما خطرت في بالي .. ولا توقعت إنه في حريم ممكن يسوونها ..إلا لمن قال لي ترا في حريم في وسط السوق يسوون هالحركات بطريقة هادية وعفوية تخلي اللي ما في في باله شي يتهيج .. قلت له ما اعرف علمني .. قال ما بعلمج شوفي أفلام .. واللي يبا الصلاة ما تفوته .. كم بشوف !!!!!!!!!!! أنا مشكلتي في حساسيتي إني لو شفته ما عبر احس إني قزمه وتافهه .. وما عندي سالفة .. ولو علق على لبس معين أو قالي الموديل اللي انتي لابستنه غلط ما يلبسونه بهالطريقة .. أو إذا لبست ملابس نوم يقولي غلط هذي الملابس ما يلبسون تحتها أندر وير وإذا ما لبست في ملابس نوم ثانيه يقولي غلط هذا النوع يلبسون تحته !!!!!!!!!!! هو يفهم في لبس الحريم وكشخة الحريم أكثر مني .. والله اتفشل إنه هو الريال وفاهم في هالأشياء اللي المفروض أنا أفهم فيها !!!! والله حتى الرقص .. أذكر مره قاليلي ارقصيلي .. ورقصت اللي أعرفه .. تم ساكت .. ربكني .. قلت له عجبك .. قال لو تعرفين تهزين مصري أو ترقصين رقص غربي أحسن !!!!!!!!!!!!!!!!!!! والله وهقه ..والله صرت أخاف أسوي أي حركة خوفا من تعليقاته .. وخوفا من إنه تزيد أغلاطي في عينه .. والمشكلة إنه شغله كله مع حريم .. وأعرف في بعضهم مايعات وماصخات .. صوتهم حطيط .. ونغمة صوتهم ناعمة وهاديه .. وحلوات .. وماادري شو يسوون بعد .. وأعرف إنه صرنا في عصر قمة الفتن .. بس أنا ما أعرف ولا عارفة كيف أوصل للي يعلمني .. والله أعصابي تعبانه .. ودي حد على أقل القليل يعطيني جدول مفصل من نوع العطر اللي أستخدمه إلين اللبس اللي ألبسه إلى الحركة اللي أسويها .. يمكن مبدئيا أطبق الجدول اللي عندي وبعدين أعرف الطريقةوأكمل .. وبجذيه أكون مسكت أول الخيط .. والمسألة الثانية إني وحده قمة في الهدوء ما أعرف أفتح سالفة .. وهو يعجبه اللي يسولف معاه وايد .. لأنه مره كان مسافر مع ربيعه ويوم رجع قالي ربيعي هذا روعه مونسني طول الوقت راعي سوالف .. والمشكله أنا لمن أتكلم معاه يقعد وايد ينتقد .. يقول هذي السالفة غلط .. وهذي السالفة مبالغ فيها .. وهذي انتي ألفتي نصها من عندج .. ولاني حساسه أزعل وأسكت وما أكمل .. ولا حتى هو يقولي كملي .. وطول الوقت ساكتين ..يعني حطوا في بالكم.. عادي نقعد شهر كامل ما نتكلم ولا كلمة واحنا عايشين تحت سقف واحد 24ساعة !!!!!!! وهو يريدني أكلمه طووول الوقت بدون ما أطلب منه إنه يتكلم .. وبعد يباني أسوي نشاطات في البيت وحركة وأكشن وفرفشة .. هذا شي عكس شخصيتي تماما!!! ما أعرف الناس لمن يتكلمون شو يقولون ؟؟ وكيف يسوون جو في البيت ؟؟ ياليت الرجال يقولون شو السوالف اللي يبون حريمهم يتكلمون فيها طول اليوم .. والحريم يقولون كيف هم يحركون بيوتهم ؟؟؟ والسمووووووحة ومالكم جزا مني غير إن الله يجازيكم الجنة على اهتمامكم بالموضوع .. |
اقتباس:
|
ماشاء الله البنات ماقصروا
اهم شي خليك وااااااااااااااااااااثقه من عمرك تراء الرجاجيل مايحبون المتردده وخلك على طبيعتك مع شوية دلع وغنج والمنتدى ماقصر في حركات المتزوجين وعليك بالقراءه والله يسخرلنا اجمعين ويجملنا في اعين ازواجنا |
زوجك كتاب مفتوح
يحب الدلع يحب الكلام الرومانسي يحب اللبس العارس طبعاً له وحده يحب الأكلات وانتي تعرفين ما يريد زوجك ولكن ربما حياؤك يمنعك من مكافأته والله ما اشوف مشكله صعبة كلها اشياء بسيطه تحتاج الى قوة إرادة وعزم وفقك الله لما يحب ويرضى دمتي بخير |
ترددك وعدم ثقتك في نفسك هو السبب اللي خلاه يتمادى في انتقاداته...
وإذا سويتي شي لاتنتظرين ردة فعله أهم شي أنه عاجبك أنتي.. ليه محسسه روحك أنه أفضل منك وانه ذوق وأنتي لا!!! أكيد هو اللي حط هالفكرة براسك!! تدرين..ذكرتيني بأخوي وزوجته لكن عكسك... هو ماشاء الله أنيق وهي عادية جدا لما تزوجها حتى ذوقها أقل من عادي.. خلال سنوات وبقوة شخصيتها واكتشفنا بالصدفه .. مفهمته أنها أحلى وحده وأنه دائما بالزواجات تنخطب!! وأنه الكل يسألها عن مكياجها وين بأي مشغل مسويته!! لدرجة اخوي يقول ليه ترحون للمشاغل خلوا فلانة تعلمكم!!! وفوق كذا ياخذ برايها في لبسه وإذا قالت مو حلو يغيره حتى لو قلنا العكس!! وفوق كذا إذا عصب عليها قدامنا ماتزعل تضحك أو ترد عليه بمزحه (مثل هين بالبيت أوريك شغلك) وهي تضحك!! يعني سوي مثلها قوي شخصيتك واستعيدي ثقتك بنفسك... |
رحنا فيها ..
الله يستر !! |
مصيبة زوج يطالب زوجته بمشاهدة فيلم اباحي ..؟
والله مفروض ما جلستي معه ولا دقيقة بعد هالطلب القذر. مشكلة الرجال الآن وللاسف اصبحو انفتاحيين غير مبالين بازواجهم وما سيحصل من تبعات هذا التحرر والانحلال الخلقي .. اعوذ باللله صدقيني الزوج دائما وابدا يحب المرأه الخجول اللي راح تصون بيته ولا يحب الزوجة اللي جرئتها ممكن توقعها في اشياء محظورة. صدقيني استمري على شخصيتك فهذة الشخصية رائعه جدا |
من يطلب من زوجته تشاهد فيلم أباحي ..
ليس رجل وليس له علاقة بالرجولة , عبد الفرج والشهوة ولا يحمل من الشهامة والرحولة شي قال صلى الله عليه وسلم ( لا يدخل الجنة ديوث ) وماذا أن يطلب الرجل من زوجته مشاهدة رجال غيره في في عملية جنسية , والله ما يطلبها الا عديم الرجولة , ومسلوخ الكرامة من يجعل شهوته وفرجه سيده ومولاه الذي يأمره , ما اتعس هذه الزوجة بهذا الرجل .. |
أشكر تواصلكم واهتمامكم .. جزيتم خيرا وبارك الله فيكم دنيا وآخرة ..
ردود أعجبتني .. وردود أوقفتني .. وردود لي رجعة للرد عليها .. ولكن حالت بيننا بعض الظروف التي أمر بها حاليا .. بدأت في بعض المحاولات .. أسألكم الدعاء وأن يفرج الله كربي .. أختكم .. حيـــاويه |
اقتباس:
ترى دائماً ضدة بس عاد هالمرة ما قالة صحيح اختي والله العيب بزوجك قبل ما يكون فيك إذا كان مشكلتة إنة يريد زوجتة تعمل لة الي يشوفة بالحرام فانا ارى الخلل فية قبل أن يكون فيك خلية يبطل هالافلام الماجنة وشوفي كيف بيتغير |
يا الغلا .. أنا ما أشوفه يطالع .. ولا هو من النوع اللي يتابع مسلسلات أو أفلام .. ( عالأقل جدامي ما ادري إذا بينه وبين نفسه يطالع أو لا )
وأنا أتوقع إنه قالي هالكلام من باب دبري عمرج .. يعني زلة لسان .. ما ظنتي كان يقصدها .. بس أنا قلت بسأل إذا من الناحية الشرعية تجوز أو ما تجوز لأني مليت ما اعرف شو اسويله وكيف أغريه ..وطبعا الجواب هو لا يجووووووووووووووووووز مشاهدة هذه الأفلام .. .. |
| الساعة الآن 09:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©