|
زوجي خائن ...
السلام عليكم .....
ادري وش اقووول ما اقول الا حسبي الله ونعم الوكيل اقول السالفه..... انا ما عمري افتش جوال زوجي ولا فكرت في حياتي و اعطيته الثقه في كل شئ المهم انا اروح عند اهلي كل شهرين او3 بحكم بعد اهلي اخر مره كنت فيها عند اهلي ورجعت حسيت ان زوجي عليه تصرفات غريبه يطلع يكلم او يقفل الباب ويكلم والادهى والامر انه تعامله معايا ما تغير حب وشوق ووله ......كلام فاضي .. المهم فتشت الجوال اكتشفت المصيبه وواجهته واعترف وضربني على حسب اتهاماتي له غير صحيحه خلاص اتفقنا على الطلاق مااقدر اعيش مع انسان غشاش يقول احبك ويكلم غيري مع العلم اني جميله ونظيفه ومرتبه وكل مايتمناه اي رجل ومتدينه وعندي طفل ولنا 4سنين وعلى فكره هو انسان مايصلي .....تعبت معاه مره في هذا الشئ كل يوم بقول الله يهديه ومافي فايده ادعولي وقولوا ايش اسوي .... |
الله يعينك
بس ما اقول الا الله يهديه كيف وافقتوا عليه وهو مايصلي |
كان الله في عونك اختاه والله ما ادري و ايش اقولك غير الله يهديه و فرج الله همك و يسر امرك اللهم ءاميين
|
الصلاة الصلاة وما ملكت ايمانكم
من لا يعرف الله لا يستحقك اللهم اجعلنا ممن يسمعون الحق ويتبعون احسنه الله يهديه الى طريق الحق |
الله يبارك فيكم فعلا احتاج انكم تتدعولي لا تسيبوني الله يخليكم ......
|
انا الومك اختي
يعني عشتي معه وهو ما يصلي بدون مشكلة اما لما عرفتي انه يكلم بنت غيرك صر في مشكلة ووصلت للطلاق ؟ الاجدر اختي انك هددتيه بتركه لما يصير يصلي وتاكدي لو صار يصلي صلاته رح تردعه عن تصرفاته المشينة برايي الغلط غلطك من الاول انتي تحملي النتيجة لازم هددتيه بانك تتركيه لو ما صلى والتزم واتوقع انه من حق المراة الملتزمة هجر زوجها غبر الملتزم ((في سبيل انها تهديه وتفهمه انه هي ما بتعيش مع انسان مو متجه الى الله)) راجيا منك قبول رايي اختي الكريمة |
بصراحه الي ما يعرف ربه ولا يصلي اشلون عشتي معاه
كان الله بعونك |
كلامك صحيح صاحب الظل الطويل بس حاولت كثيييير مع زوجي وهو من النوع العنيييد لو اقوله اتركك علشان الصلاه يعند راسه...
قلت في نفسي اخذها بالطيب احسن وكنت انتظر منه غلطه وربي جابها |
نقل للمتزوجين
|
الله يهدي زوجك ويسخره لك ويذهب عنكم الهم والحزن
دعواتي لك |
الله يهديه
ويفرج كربتك |
اشكر جميع من دعالي وساندني
بارك الله فيكم |
أخيتي الغاليه...
اشتكيت لما خانك وتكلم وغازل....فلم لم تشتكي عندما لم يصلي ؟؟؟؟ أليست هي البلية الاعظم؟؟؟؟ إذا ‘أردت الاستمرار واصلاح الحال... حاولي اصلاح حاله مع ربه...ومن ثم سينصلح الامر الآخر..ان شاء الله.. وفقك الله. |
ماله اب كبيييير تكلميه أو اخوان يكلموووه ؟؟؟؟!!...............
والله يعينك حبيبتي.................. |
أختي الغالية مثل هذا الإنسان مايستاهل إنك تعيشين معاه
هو أصلا ما عرف حق الله عشان باقي يعرف حق زوجته عليه المفروض إنك اتخذتي موقف صارم معاه من أول ما عرفتي إنه مايصلي على العموم مثل هذا الكلام ماينفع الآن ومالنا إلا ندعي لك يالغالية الله يفرج همك حبيبتي ويكون في عونك وعليك بالدعاء |
اقتباس:
قالت ماأردت قوله.. ألا فكرتي بأنه ماحدث لك ربما عقاب من الله لتهاونك في عدم صلاته؟؟!! |
أنا مع الاخ صاحب الظل الطويل بانك شريتي الدنيا بالاخرة لذا لا تلمي الا نفسك
|
ادعي له الهداية
|
الله يعينك اختي ويفرج همك
مايصير تتطلقين ولديكم طفل صبري والله يفرجها |
لا اله الا الله يااختي
انتي ماعرفتي سيئاته الا لما غلطت بحقج شوفي حسناته شوفي ابنج وشوفي العشره اذا هو ماقدرها حاسبيه بس باسلوب يقتنع فيه مو تفتيش من وراه وتهديد وصراخ هو تنرفز اولااا لانج اكتشفتي سره ثانيا لانج ماعرفتي كيف تتفاهمين معاه اختي انا مو معاااه ابداااا بس بقول لج نقطه وحده ............................. لاتقولين ماقصرت معاه باي شي ...................................... مافي زوج ينجذب لبرى البيت الا اذا في شي ناقص بحياته الزوجيه في البيت في الملبس في المعاشره في الاهتمام من ناحيتج اكيد في فراغ عنده .................................................. ...... اختي حاولي وبكل هدوء تحلين مشكلتج معااااه واستري عليه واتمنى ان هالشي بس قلتيه لنا وماقلتيه ل امج اختج صديقتج او اي حد من هذا القبيل ((من ستر على عبداا ستره الله يوم القيامه)) .................................................. ..................................... ضعي النقاط على الحروف معه حاولي مره مرتان 3 للمليووووووون ل حل المشكله بينكم وابدااا لاتضعي من بين حلولك الطلااااااق ابدااااا تذكري حسناته لعل ان تصبر قلبك يااختاه المشكله مهما كان حجمهاااا صدقيني ...اهون بكثير من طلااقااا ...ثم .. وحدة في ركن من اركان منزل والدك...ثم نفسيه تعبه جدااا اختي اظنك مازلت فتاه صغيره لاتعرفين مامعنى الحياه الزوجيه .. او مامعنى التعاون والصبر والاصرار على حل المشاكل بالحياه الزوجيه .................................................. .................. وياللاسف تضايقتي لانه خانك ولم تتضايقي لانه تارك للصلاه ..رضيتي بالعيش معه وهو تارك للصلاه تارك لدينه تارك للشئ الذي يعصمه عن الغلط ....لقد ضعف عنده الوازع الديني من تركه لعبادته ...... افلاا تظنين انك مذنبه ايضاااااا لانك سكتتي عن شيئا اسمه صلاه لم تهدديه بالطلاق ولم تهجريه لهذا السبب >>وتهجرينه لانه خانك فقط اللهم اني اسالك العفو والعافيه الله يهدي زوجك ويهديك ويرفع من قلبك الحزن والضيقه |
,ومن سمعك يا قلبي مين فينا في هذا الزمن ما يشتكي ويعاني بنات الحرام ماخلو لبنات الحلال شي اللة لا يسامحهم لا دنيا ولا اخرة حسبي اللة علي كل واحدة تهدم حياة غيرها والرجال حسبي اللة عليهم
|
الله يهديكم كلكم
انا اشوف انه غلطة خيانته مقارنه بتركه للصلاة صغيره لان تارك الصلاة كافر اجلسي معاه جلسة مصارحه .. وقولي اذا بتصلي وبتخاف ربك وبتلتزم بحقوقي كزوجه ولا تخوني والا فالفراق اولى لازم يتعرض زوجك لصدمه تصحيه من سباته وبعده عن الله اذا فيه خير والله رايد له الهدايه بينتصح ويراجع نفسه .. وذا ما صلى وهذا الاهم اتركيه غير مأسوف عليه عزيزتي غلطة الخيانه ممكن تتعالج لكن المشكله العظمى بعده عن الله وتركه للصلاة لانه كذا لايؤمن جانبه ابدا .. |
لا خير فيمن لا يصلي
|
السلام عليكم اختي العزيزه انا انصحكي بصبر لان الصبر مفتاح الفرج وعشان هيك حاولي انك اتسامحي صدقيني انو راح يصير ودايمن ادعي الله انو يهدي ويصلحو والله يجمعكم على خير
|
اقتباس:
الله يبيض وووجهك ع هالكــلام ... صــادق بكل كلمــهـ .. أختي ما فيه احد معصوم عن الخطأ لا تهدمين حيـاتك عشــان هالشي ... والصــلاة هي المشكلهـ أتمنى انك توااجيهـ مثل ما قالوا الأعضاء وان شاء الله ربي بيهديه |
| الساعة الآن 09:05 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©