|
ابغى حل مع زوجتي!!!
السلام عليكم
والله يا اخوان اني احبها وزوجتي جميلة جداً وكذلك ماعندها برود جنسي ولا انا ولكن العيب في جسمها حاولت اقنعها لعدت مرات وسافرت لمنطقة غير منطقتنا لمدة 4 شهور وتوقعت اشوف نتيجه للأسف مازالت بنفس الجسم زوجتي من النوع السمين جداً وانا الحمدلله جسمي عادي والعب كورة يوميا تقريباً حاولت ما اجرحها بالاول مره صارحتها وقلت نفسي يكون جسمك اخف و و و ... الخ لحد ماطفرتي وقلتها بوجهها انا ما احس باي ممارسة جنسية معاك دامك على الوضع هذا وزعلت مني وابتعدت عنها وكانت فترت اختباراتي قربت ورجت للمعهد اكمل وقعدت تقريبا شهر وشوي ويوم رجعت على نفس الوضع وصلت فيني اقل لها لاتقربين مني ولا تتوقعين مني جماع دامك على هالوضع وحتى الجماع مابغااااه خلاص ماعاد احبه بسببها يمكن بعضكم يقول فيني شي سحر او برود لا انا عادي جدا وحتى لما اناظر لأي امراة جسمها نحيف تغريني ولكن زوجتي بين عيوني واقعد مرات ادعي على زوجتي لأني احبها ومابغى اخونها علموني وش اسوي معاها ؟ زعلت وابتعدت وقلت لها بصريح العبارة دامك كذا خلاص مابغى الجنس وبنساه وماعندنا لا اطفال ولا احد يشغلها عن اهتمامها بنفسها وهي جميلة ومافيها اي عيب بس جسمها خلاص مو قاااادر اتحمل علموني الحل الله يخليييييييييكم |
يااخي
انت شجعها سجلها بنادي تروح تعمل رياضه ورجيم.. اشتر لها جهاز رياضه بالبيت..وشجعها انها تعمل رياضه.. ان شاءالله تضعف..وقول لها انك تحبها وماتبقى منها شي غير انها تضعف..وان شاءالله تقتنع.. |
مافي نادي حريم قريب وكل شيء تطلبه عن الرجيم البيه بأسرع وقت ماتركت لها اي حجه وربي عملت لها بلاوي وخساير ولكن دون جدوى :(
انا اعملها وعارف بالنهاية مافي نتيجه لكن مابغاها تقول لو عندي كذا وكذا او لو عملت لي كذا كذا |
قولها ابتزوج عليك ترى تصيبها حالة نفسية وراح تخس او سولها تقويم اسنان ترى فيها نتيجة
|
اقتباس:
مثل ماانت مريحها لازم اهي تريحك..انت مو طالب المستحيل هذي شي بسيط من حقوقك.. طيب اهي شنو السبب الي يخليها ماتعمل رجيم؟؟ |
طيب امكن يكون فيها غدد مو الاكل السبب روح وديها عند دكتور
|
ماهكذا تورد الإبل
كيف تزوجتها وانت راضي عن شكلها وبعدين رفضته ؟ حد الآن انت عبرت عن نفسك وماسمعنا الطرف الآخر شو رأيه ؟وكم وزنها ؟ يعني هي ماعندها استعداد تنحف ؟ او حاولت ولكن بطرق غير سليمه شوف أخي : هناك عدة حلول بدون رفضك لزوجتك 1- دام مافي نادي عندكم جيب لها سير 2- الكشف لدى دكتورة تغذية لعمل رجيم 3-الصبر والدعاء والله معاكم .. |
هي عجازه وتحط اي حجة عشان توقف عن الريجيم
وثانيا تاكل واجد مبين هو السبب وثالثا رد للاخت سابرينا هي كل مالها تسمن اكثر وزنها الحين 105 تقريبا وطولها 171 |
الله لا يبلانا ............
يا اخوي حرام عليك وقسم المتينه لها جاذبيه غير طبيعيه يمكن هي تشوف نفسها ما تقدر عالرجيم مثلي انا قطعني ولا تقلي سوي ريجيم ..... بعدين انت اخذتها وهي كذا ليش الحين تقعد تندب ..... خلاص اخوي هذا نصيبك ,, بعدين انت تقول انها جميله وطيبه واحمد ربك قليل بهالزمن تلقى الاخلاق والجمال متجمعين سوا فـ شخص واحد حاول لا تلتفت للشئ هذا ,, تناساه وصدقني بعدين بتنساه وبعدين على فكره ودها للطبيبه مثل ما قالوا الاخوان اللي قبل يمكن يكون شئ مرضي ,, واذا كان لا سمح الله يمكن يأثر عليها في الحمل.... استغفر ربك ولا تخلي الشيطان يلعب براسك.. تحياتي |
أخي الكريم أنصحك توديها لطبيبة تغذية وترى المتان إذا حد قالهم لازم تسوين رجيم وزن على راسها ترى بتعاند وهذا شي طبيعي وبتزيد في الاكل بعد انت لاتحن عليها سوي ريجيم سوي رجيم لانه بتكون ردة فعلها عكسي... وإبدا معاها انت انك تشركها في( الدايت سنتر) Diet Center احنا عندنا في قطر وموجود فالسعودية ولبنان وعمان و هو مثل مركز وتسجل في لمدة شهر او اكثر على حسب الحاجة مبلغ معين وفي اخصائية تتابع الحاله ويجيبون الاكل الدايت لحد البيت ريوق وغدا وعشا وماتاكل غيره ممنوع لاتخلي اكل في البيت ولا تروح عزايم ولا انت تاكل جدامها استحملو لمدة شهر وشوفوا النتائج والاكل هاي بروحة يضعف كثير ومع ساعه او نصف ساعه مشي او رياضة التاثير بيكون اسرع ...
وإذا ماتواجد هالمركز في ديرتك لازم تروح عند دكتورة وتسوي لها تحاليل لازمة وتعطيها الدايت وتخليها تمشي عليه وانت اكل معاها نفس الاكل واهم شي ماتشوف الاكل الي تحبة وممكن تشتهيه وتخرب الرجيم ... والله يوفقك ويسعدك ولاتعصب وشوي شوي عليها وذكرها دوم انك تحبها وخاطرك تكون اهي ضعيفه علشان تقدرون تنفذون حركات رهيبه في الجماع مابتصير الا مع وحدة رشيقه وكذا انت اغريها وحرقصها وقولها مافي ولا حركه الا بعد ماتصيرين رشيقة .. والله يسهل ان شاء الله |
فاضي حدي، أعتقد أن البدانه الأن .. ليست بالمشكله المستعصيه الحل يمكن لو تابعت برنامج الرابح الأكبر تشوف الإراده عندهم شلون ..!:22: أهم شئ إنك تحبها .. وهي تحبك .. وبناء عليه لابد لها أن تعمل كل جهدها لإرضاء فطرتك لحب الجمال ..،:11: أعتقد أن الرياضه لها دور مهم .. بالإضافه إلى أن اللجوء إلى طبيب مختص بهذا الشأن ..! والله يا أخي الكريم .. أهم شئ هي يكون عندها نيه تنزل وزنها .. لو إختفت النيه .. إنسى الموضوع ،:25: ألق |
اول شيء يجب ان تتقبلها وتحبها على وزنها الي هي عليه
وترضى فيها بهذا الوزن وبعد ما تشعرها انك راضي عنها وتحبها قولها اشتركي بنادي رياضي ودخلها النادي صحي جيب لها اشرطه فيديو او كسيت واسمعوا مع بعض عن مضار السمنه فهمها انك انت تحبها وتخاف عليها ودها الطبيب سمنه وبدانه ياخذ تحاليل كامله لها السمنه مرض زي كل الامراض وعشان تتعالج منه تحتاج المساعده داخليه من نفسها ومساعده خارجية من الكتب الي انصحك فيها كتيب صغير تلقاه بالعبيكان اسمه على ما اظن" استطيع ان اجعلك نحيله" يتكلم عن سلوكيات لو غيرنها نقدر ننحف فيه طرق سلوكيه تتوائم مع نفسيتها وقدراتها أنها تنحف وتحافظ على جسمها وبدون رجيم الأطباء النفسين والأطباء البدن ضد الرجيم والقسوه على نفس والتجويع يسمن اكثر لكن كخطوه أولى تقبلها على ما هي عليه هي امرأه واكيد فيها اشياء مغريه عاملها بحب وحنان حتى تستجيب لك وتحس انك خايف على مصلحتها ثم بعد ذلك احضر افلام فيديو وثائقيه تتكلم عن مخاطر السمنه او كتب من المكتبة تتكلم عن مخاطر السمن روح إلى طبيب يتكلم عن مخاطر السمنة أسأل الطبيب عن مرضى بسبب السمنه وابحث عن مرضى يعانون من السمنى حتى تشوفهم هي وتدرك مدى خطورت الوضع .....خلها تشوف كبار في السن يعانون من مرض السمنه وكيف حركتهم تكون معدومه من السمنه ثم دعها تشترك بنادي رياضي يكون فيه مسبح يكون افضل لانه يناسب الي يعانون من الوزن الزائد بحيث لا يكون هناك ضغط على المفاصل والركبة من السمنه خذها معاك امشي على الكورنيش كل ما نحفت كيلو كافئها بشيء انت اللحين كيف خليتها تطيعك بأشياء كثيرة زي الاهتمام بالمنزل وفيك اكيد تقدر تخليها تقتنع بموضوع انها تنحف و تخسر وزنها قولها انا رجيم ما ابيك تسوين رجيم للللللأ نظام غذائي منتظم قولها انا لم اشوفك تعانين من الجوع تكسرين خاطري عشان كذا ابيك تتبعين نظام الي اعطاكي الدكتور والدكتور بيختار من نوعية الاكل الي هي تحبه عشان تتشجع تنتظم مع ملاحظة طبيب السمنه والبدانه يختلف عن اخصائي التغذية اخصائي التغذية يقوم بأخبارك بنصائح فقط ام الطبيب فلازم تحاليل دم لان يمكن يكون فيها الغده او شيء من هذا القبيل وإكل معها نفس نوعية الأكل الي يكتبه لكم الطبيب يعني انت بعد اهتم بنوعية غذائك حتى تشجعها وتستفاد صحياً لأن الاكل الصحي يولد النشاط ويبعد الكسل والخمول وضيقة الخلق شوف تقبلها وحبها انزع من بالك فكرة ان سمنتها هي سبب نفورك منها وتقبلها على ماهي عليه انت الآن تحقق نجاح في زواجك كونه ستمر سنة كامله ولم تجد إلا موضوع السمنة لتتكلم به هذا نجاح فحافظ عليه فهناك من تزوج بنحيفة القوام والنتيجة انه طلقها وخسر علاقة فاحمد ربك ان المشكلة بسيطة وهينه ما عليك إلا ان تتقبلها على ماهي عليه اكيد فيها مزايا كثيرة تجعلك تحبها وتتمنى لها ان تحصل هي على جسم نحيف كل زوج لابد يمر بختبار من هذا النوع سواء سمنه او مشكلة اخرى هذه العقبه البسيطه التي تمر بها هو اختبار لمدى قدرتك على المحافظه على بيت الزوجية وانت قد هذا الأختبار بأذن الله تخيل انك انت الي صار فيك مرض ما او فجئة سمنت ماودك انها توقف معك مو المجتمع والعالم والناس كلهم يعيبون على الي تترك رجلها عشانه تمرض او حتى انشل اوقف معها وساعدها وبتتجاوب معك لو حست انك عشانها قاعد تسوي كذا تحتاج إلى ما يقارب سنة كامله حتى تقدر تنحف وتوصل للوزن المثالي لان النزول السريع مضر جداً جداً ويمكن يجي بعده ارتفاع في الوزن والله يجملها بعينك ويجعلها من اجمل نساء الارض في عينك ويفقك فيها ويرزقكم الذرية الصالحة آمين |
عندي سؤال : قبل الزواج كنت عارف وزنها ولا زاد بعد الزواج؟
والله يصلح حالكم |
استهدى بالله
وحااااااااااااااااااول معاه مرة واثنين وميه |
اذا هي جالسه في البيت وما تطلع
وماهي موظفة سوي لها ريجيم بالغصب عبي البيت خضار وفواكه بس |
| الساعة الآن 04:00 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©