|
مصروف الزوجة الشهري ... أفكار جديدة ..
السلام عليكم ورحمة الله وبركاتة سؤالي يا إخواني هو: وش رايكم أن الرجال يخصص لزوجته مرتب شهري من راتبه وكلن على قد راتبه .. يعني من ال500 إلى 1000 ريال شهريا وإذا كان ما يقدر ممكن أقل خاصة اللي زوجته مو متوظفة وش راايكم حلوووه الحركة ولا لاااااا؟؟؟؟ لأني أشوف زملائي بالعمل يقولون انهم يخصصون للزوجاتهم راتب شهري ؟؟ لأنهم يقولون لأنها مو كل شهر بتروح السوق بس هذا الراتب حسب دبرتها تعرف توفره حسب حاجتها للمبلغ يعني يوم ماتبي تطلع للسوق ما تتعبك أبي فلوس ثم لا عطيتها تقولك ماااايكفي المبلغ أشتري فيه لي ولا بناتي ولا لعيالي؟؟؟ وكذا بتضيِّق بشهرررررررررر وااااااحد تطلع فيها عيونك من مصاااريف السووووق .... لاكن ربعي وجهة نظرهم انه لا صاار انك مخصص لزوجتك مبلغ شهري تحتفظ فيه لين تحتاجه خلاص ماتضيِّق مره وحده .. أما إذا كانت ما عندها دبررره ولا تعرف توفر تصير على مسؤليتها !!!!!!! ذيك الساعة إذا جت تطلب منك مبلغ تسألها والفلووووس اللي كل شهررررررررر وين رااااحت ؟؟؟ لانه فعلا السوق مولازم كل شهررررررر ... واحد من ربعي يقوووووول اني خصصت لأم عيالي راتب شهريا قدره 1000 ريال .. ويقول سبحان الله ماتضيع أحيان هو ينحرج (خبركم خراب السيارات وتصليحها في الورش والصناعية ياكلنا أكل ) يقول ألقى أم العيال محتفظه بالمبلغ اللي عنده ولا صرفته وتجي تعطينيياه عشان أصلح سيارتي يقول هالطريقة نافعتني مرره كل ما طحت بتضيِّقه ألقاها قدامي تطلع لي اللي قد عطيتها لها تصرفه عليها .. وتقوووول جمعتها ولا صرفتها وحلالك يابوعيالي ...... واحد يقوول لي أن المبلغ اللي يعطيه زوجته بالعكس هو المستفيد منه لأن زوجته تشتري فيه حاجات للبيت من تحف ومناظر حلوه تشرح النفس ولا لبس حلو لها تلبسه عندي يعني ما طااار خسااااره ولا هو حسااافة عليهااا أبد ... لأني أنا المستفيد سواء راح بتحفه فهو لبيتي أو راح بلبس فهو لأم عيالي وعيالي وبناتي ... وصديقي الثالث يقول أفضل أعطيها راتب شهري عشان إذا جت مناسبة زواج ولا أعياد ما أنحرج يكون معهامبلغ محترم يقضي لها كل حاجاتها هي وبناتها .. لأن اغراض الحريم غالية سواء في فساتين السهرات ما يتكلمون أصحاب المحلات إلا من 500 ريال وفوق أو من ذهب وإكسسوار كل شيء يبي له مبلغ محترم والحرمة بطبعها تحب تلبس ولا ودي تكون زوجتي أقل من غيرها ... عاد وش رااايكم هل هذي الطريقة تنفع مع كل الزوجات ولا بعضهم ؟؟؟؟؟؟؟؟ عاد أنا أشوف انه حسب الزوجة إذا كانت زوجة سنعة عرفت كيف تتصرف بالمبلغ ولا تبذره ... فهي نااااااافعة جدا أما إذا كانت الزوجة ماعندها دبرة ولا حسن تصررررررررررف فاقول الله يعين الزوووج !!! عاااد انتم هل أنتم تأيدون تخصيص جزء من الراتب للزوجة أو لا؟؟؟؟؟؟؟؟؟؟؟ ولا تفضلون انه تعطونها المبلغ اللي بتشتري فيه مررررررررره وحده ... تم تغيير العنوان تناسباً مع المحتوى كما أتمنى منك الأبتعاد عن اللهجات المحلية / الإداره |
ينقل الموضوع لعالم المتزوجين مكانة الانسب
تحياتي |
انا مجربته وعاجبني
لكن الحين ماصار يكفي لان زوجي كل مره مدخل شي في المصروف اول كان لي بروحي ثم دخلوا البنات معي ثم دخل السوبر ماركت وحاجات البيت واليوم قال بيدخل فاتوره جوالي يعني مستحيييييييل اوفر منه قرش |
أنا مع الموضوع تماما.................
|
أحس إن هذي الفكره تنفع للزوجة المبذره اللي ماتمسك يدها وأي شيئ تشتهيه تشتريه بدون مراعاتها
لظروف زوجها أهم شيئ تحصل على اللي تبغاه .. أنا أحس إن الزوجة اللي تراعي ظروف زوجها وما تطلب إلا وهي محتاجة فعلا وهو يعرف إنها متعاونة معاه أحس إنه بيعطيها عيونه إذا طلبته لأنه يدري مثلا إنها ما طلبت السوق إلا وهي محتاجة مو تلعب.. أما إذا حس إنها كذا بس تحب تطلب أي شيئ وهي ماهي محتاجة بيقعد الزوج يماطلها ولايتسنع لها إذا طلبت أي شيئ مرة ثانية .. الزوجة توفيق من الله للزوج إن أحسن إختيارها والعكس صحيح .. |
أنا زوجي مخصص لي مصروف شهري وبصراحة مرة مرتاحة
طبعا منه أشحن جوالي - بس مو فواتير الفواتير تاكل بصراحة - وهذا المبلغ مخصص لي يعني ولدي ماني ملزمة فيه إذا شريت له براحتي وإلاأبوه يشتري له بس بصراحة غالبا مايجي آخر الشهر إلاأنا مخلصته إلافي حال أكون عارفة إنه في مناسبة قادمة أوفر نفسي لها وأنصح الرجال بها لأنها مريحة للزوج والزوجة بس هاه مو تجربونها مرة مرتين بعدين تبطلون تراه الحريم يكرهون هالحركة جــــــــــــــداً وبالتوفيق للجميع |
ياخوووي
من المفروض اصلاا الزوج يعطي الزوجه مصروف شهري اما انا بالنسبه لي زوجي لايخصص مبلغ يعني ساعات يعطيني الف او الفين ونص الشهر يحط بمحفظتي فلوس زياده واذا طلعنا للسوق مايرضى اني ادفع وهو اللي يدفع فديت قلبه الله لايغير علينا يعني حلو تحسس زوجتك انك تدللها وتعطيها الفلوس تاخذ منها للحاجه والباقي تخليه لهاااا ان احتاجته لان بعض الزوجات يستحون يطلبون من ازواجهم فلوس يعني تخيلني رايحه لزوجي اقول له عطني ريالين عشان الدكان >> موحلوه او مثلااا احتجت لمبلغ وزوجي غير موجود ماذا افعل ساعتهااااا .................................................. ...... |
الله يجزاكم خير على الردوووود يا خواتي بس ماني شايف أحد من الأخوان رد على الموووضووع
ولا ما عجبهم الموضووووووووع .. دام في الموضوووع فلوووووس ... عموما كل الشكر للي ردوا وننتظر آراء الأخوان .... |
المهم :
أخووي جيمس الهيئه بالنسبه لأي مرأه لا بد أنك توفر لها نفقتها شهريا ..، أنا أؤيد هذا .. أفضل من أنها لو حتى تبي تشتري شئ . أعطني وأعطني من هينا انت تقدر ترتب ميزانيتك .. خلاص عارف ان زوجتك مو ناقص عليها شئ .. ويا ريت كل شئ يتحدد له مصروف .. ترى ما في أجمل من التنظيم مو أفضل ما يجي نص الشهر تدور سلف:27: خالص تقديري[/CENTER] |
بصلااحه من ناحية المصروف فهو (حق ) للمرأه ان شاء الله موظفه هذا مايمنع انه يخصصلها
مصروف شهري على طول ينزل على حسابها اول ماتنزل الرواتب لين يصير شي متعود عليييه..وبعدين مايحطلها 200 ولا 300 ليش وين حنا احنا الحين بوقت كلش غالي وبعدين ليش يبخل عليها او يقول كثير ؟مو زوجته؟ المفروض يسوي هالشي من غير ماتقووله |
طيب وإذا كان زوجك يالله يالله بمصروف البيت يعني
( محتيجات البيت من اكل شرب تنظيف ) والفواتير والاقساط حق البنك وما بقى لك شيء شو بتسوون ؟؟؟؟ |
تخصيص مصروف شهري
طريقة رائعه وانا مجربها بس لاتقول لها هذا راتبك الشهري لانها بتحس انها تعمل عندك وفقك الله لما يحب ويرضى |
اقتباس:
يا أختي كل العالم .. يبدأون حياتهم من الصفر :18: الله يوفقكم ويرزقكم ويزيح عنكم كل هم أعتلاكم ..، |
هلا والله فيكم وحياكم الله أشكركم على الردووود والتفاعل ...
بالنسبه لك يا أخت حنين 1 لازم تصبرين مع زوجك دامك تلقين قوت يومك تراك بألف خير ونعمه غيرك ما يلقى قوت يومه العيشه صارت صعبه وان صبرتي جزاك عند الله وبيعوضك ربك جزاء لصبرك وما بعد الضيق إلا الفرج والله سبحانه وتعالى يقول في كتابه ((إن مع العسر يسرا)) لابد يجي بعد العسر يسر ... فعليك بالصبر فهو مفتاح الفرج .... أخوي أنا كذا صدقت فعلا ما ينفع نسميها راتب حتى ما تحز بخاطر الزوجه لأن خبرك الجنس الناعم حسااااس جدا .... خاصة في المسميات وهذا حقها المصروف الشهري .... وتحياتي للجميع .... |
زوجي مطبق هالفكره معي من اول ماتزوجنا من قبل سبع سنين وكان يعطيني مبلغ 300 ريال بعدسنه ونص زاد وصار 500 وبعدين يوم جبت اطفال وكبروا صار المصروف 1000 ريال لي ولعيالي .. مع اني الحمدالله عندي مالي الخاص لكن مايقصر كل شهر يعطيني وصراحه احس ان فلوسه غيررررر .. والحمدالله على النعمه والله يحفظها من الزوال .
|
شكرا على مرورك يا أخت نيداء .....
والمصروف هذا حق شرعي لكل زوجة ...بغض النظر إن كان عندها مال خاص أو متوظفة الله يوفق بين الأزواج إلى ما يحبه ويرضاه |
بصراحه انا زوجي غير كل الناس "ماشاء الله " ... أول ماتزوجنا كنت أنكسف أطلب منه مصروف شهري .. رغم إن الكل كان يقوللي : إذا ماطلبتيه من البدايه مستحيل راح يعطيكي مصروف بعد سنين ..!! وماصدقت لحد ماجربت كان مو مقصر علي كل ما احتجت لشي ينزلني السوق ويخليني أشتري حتى من دون ماشوف السعر حتى ...!! بس بعد طفلين .. الوضع تغير شوي كان ممكن يعطيني مره كل كم شهر وبعد محايلات كتييره ... يعطيني 100 أو 250 بالشهر ويعتبره هوه دا مصروف الشهر وكنت عادي أمشي على حسب ظروفه .. مره يعطيني إياها ومرات لا ... بس الشي اللي شوي متعجبه منه ... من أول ماتزوجنا كان يعطي أمه 500 كل شهر من عنده لها ... وبعدين كانت تزيد شوي شوي .. حتى صار يعطيها 1000 كل شهر ... وبعدين 200 للشغاله ... وكل ماطلبت شي يعطيها بغض النظر عن الظروف اللي ممكن نمر بيها .. يعني حتى ولو كانت ميزانية الشهر دا قليله .. لازم وإجباري عليه يعطي أمه الفلوس بدون ماتنقص ولا ريال ..!! وإللي أستغربه كمان بوقت حاجتي أنا للشغاله بالبيت ماكانت ميزانيته تسمح حتى شغاله بـــ500 لقيت بس مو راضي عشان الميزانيه ...!! وإللي دايم يخطر على بالي إنه أنا اللي أتعب معاه بالبيت وطوال الشهور والسنين أنا إللي أصبر على حلو الحياة ومرها ... وبنهاية كل شهر أختاج شي يبرد على قلبي ... أفرح بشي من راتب زوجي إللي رايح لأمه ومصاريف البيت والحياة ... أما أنا لا ... !! كأني ما أستحق مصروف لأنه هذا واجبي بالحياة ... بس الحقيقه إنه لازم الزوجه يكون لها مصروف حتى ولو كان بإعتبارها شغالة بالبيت ...!! تكرف طوال اليوم مع أولاد وبيت وزوج ... لازم يجي آخر الشهر تلقى شي يفرحها بتعبها ... ولا إيش رايكم ..؟!! لأنه الراتب كدا كدا راح ينتهي .. فـــــليش مايفرح الزوج قلب زوجته براتبه تشتري إللي نفسها بيه وحتاجته.. وبالذات إذا كانت متعوده على مصروف شهري ببيت أهلها .. وأنا معاكم إنه صحيح الام لازم يبرها ولدها ... لكن وين الزوجه ومكانتها عند الزوج ..!! زي ما لأمك عليك حق إنك تفرحها وتعطيها كمان الزوجه لها حق وكمان أكبر لأنها هي اللي عايشه معاك ومتحمله كل شي عشانك ...!! وبالنهايه أتمنى صوتي وكلامي يوصل لقلب زوجي .... وآسفه على التطويل .. بس الموضوع جا ع الجرح ..!! |
أنا زوجي الله يرضى عليه دنيا و اخرة كل شهر يعطيني محفظته ويقول ما تردك الا يدك;) ....... بس انا استحي من اسلوبه......ما أخذ الا 300 واذا احتجت شي قلت له اسحب لي من حسابي << بطاقتي معاه على طول>> بس هو ما يسحب يعطيني من حسابه << الله يخليه لي>> |
اقتباس:
الله يرضا عليج اختي نسيتي رضا الوالدين؟؟ مهما يصير هاي امه ربته و اتعبت عليه و انتي عايشه معاه يعني مو مقصر |
أختي "ام الحسين وعمر" أنا قلت أول إنها أمه ولازم يبرها لأني ماطلبت لا بقطع الراتب عنها أو عدم برها ... لكن أنا أنادي وأبحث عن مكاني أنا وإحتياجاتي ....؟!! ولو دا الشي أحسه غريب كان ممكن ما أطلب منه مصروف ... لكن هذا المصروف أشوف كل الناس أو 90% منهم بياخدوا مصروف ويكون على حسب راتب الزوج... ويبدأ هذا كله من بداية الزواج .. يعني بنات لسه بأول مشوارهم وعندهم مصروف خاص أقله يكون 500 وهذا بالميت كمان ... مابال زوجه لها كم سنه وعندها أطفال وماعندها مصروف شهري وكل ماتبغى شي تطلب...؟؟؟!! وإحتياجات المرأه " ملابس زي الناس .. هدايا سواء للزوج أو الناس .. مكياج .. إكسسوارات .......الخ " أعتقد كل إمرأة تحتاجها .... ولا تضحكوا كمان لأني ماأملك محفظه أصلا من زمان ...... ولي شهر مشتريتها...!! " باركولي " |
| الساعة الآن 08:52 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©