|
ادخلو حلو قضيتي
صباح الخير
بصراحة عندي مشكلة وهي اني احس مو راضية عن زوجي مررررررررره لة غايب عني اسبوع ويوم جا سألني تبين شي من مكان سفرة قلت انت وذوقك قال وشو طيب قلت لو وردة تكفي قال يكفي انا بجيكي وظل يضحك وانا مقهورة عمره ماجاب لي شي ويقول انا قلت لك انا مااهدي الا بذكرى والزواج بس غير كذا لاتنتظرين انا اعطية بس هو يقهرني يعني مستخسر فيني وردة؟؟؟؟؟؟ وغير كذا احس ماني طايقتة حتى بالعلاقة احس غصب علي اسويها ولااشتاق له بمعنى اخر اكذب علية مااعرف وش جاني وقلت لة مره صراحة انت ماتشبعني وماقال شي سكت بس هذا اللي احس فية وش اسوي صارحتة بعد ماتعبت 9 شهور وانا ساكتة مليييييييييت وااذا يبي يجيب شي الاكل مهم عندة جدا يقول جبت لك عشاء ماابي اكل ابي شي محسوس يزززززهق مره بديت اكرهه احب غيابة وعادي لو قعد 20 سنة معاد احبة مثل اول مع انو احس مو مقصر معي بس مدري وش فيني علية الحب انطفى عندي . للعلم انا حامل واقول يمكن لاني حامل بس توي احس هذا الشعور ليش اول لا؟ ودي اقعد عند اهلي ومرات اقول لا ..مااعرف وش اسوي |
يا هلا ...
اختي استهدي بالله و اتركي عنك وسوسة الشيطان ... اول شي احب اقول لك مبروك الحمل .. و جعله ربي من مواليد السعاده ... ثاني شي ... ليه تحطين اهميه كبيره للهدايا ... انا زوجي اذا سافر يسألني و ش تبين اجيب لك ؟؟ اقول له ابي سلامتك .. رجعتك لي بالسلامه تسوى الدنيا و ما فيها .. لكن بيني و بين نفسي اشتهي انه يجيب لي هديه ... اثناء السفر يتصل يتطمن علي و على العيال .. يكلم بناته و يسألهم وش تبون اجيب لكم من السفر و يعطووونه قائمه طويله من الطلبات .. واذا كلمته انا يسألني ما تبين شي .. بصراحه انقهر شوي واقول سلامتك .. واقول في نفسي اللي بيجيب هديه ما يسأل .. مع اني اعرفه لو اطلب عيونه ما يقصر .. لكن ابغاه من نفسه يشتري لي شي .. ويوم يرجع من السفر يفتح الشنط معبيه هدايا لبناته وانا ما لي ولا شي من الاشياء .. لكن اقول دام انه ما قصر و جاب اللي يبونه البنات هذا اهم شي .. و طبعا يناظري و يضحك و يقول مسكينه امك ما جبت لها شي ... اقول له اهم شي انك رجعت لي بالسلامه .. لكن اول دخلت سوق معه اخذ كل اللي في خاطري ... و مايقول لي شي .. عسل على قلبه الشي الثالث الاحاسيس و المشاعر اللي تحسيها من ناحية زوجك تأكدي يا اختي و تطمني هذا كله بفعل الحمل .. انا مثلك امر في نفس المرحله وانا حامل .. احيانا اقولها له على شكل مزحه تراني مو طايقتك و هذا بسبب الحمل و تغير الهرمونات .. و حتى بعد الولاده مع الرضاعه اصاب ببرود شديد هذا يا اختي كله طبيعي .. ابد لا تقلقين .. و لا تعملي منها مشكله .. كلها فتره و تعدي .. وربي يقومك بالسلامه و يسعدك و آسفه على الاطاله .. أختك أميرات.. |
حبيبتي اميرات مشكورة على ردك بس اختي انا موظفة واصرف على روحي ومرات اشتري يقول لية المخاسير اللحين حلالي ولا حلالك ؟ هو طيب وتغير وعكس مع اهلة وحالتة المادية مو مرة لانة توقف عن العمل واللحين رجع بعمل اقل راتب ساندتة وهو مايطلب مني مبالغ فقط مره لان ناقصتة فلوس وبعدها خلاص وطبعا انا اكرهه لانة يووم يبي يدلعني بس مطاعم وخلاص بجد بديت ازهق مليت ماعندة رجولة ابدا |
لا تعطي الهدية اكبر من حجمها
ولا تدعيها تشكل مشكلة ثم ما انتي فيه من عدم احتمال زوجك يمكن يرجع للوحام و لأنك حامل تاكدي انها ازمة وراح تمر ان شاء الله خصوصا ان ما في سبب يخليك تتعاملي معاه بها الطريقة |
طبعا انا ما بقدر ازيد شي على كلام الاخوات وخصوصا الاخت اميرات مفت ووفت وانا بعد صار لي نفس الشي وعلى فكرة زوجي مثل زوجك يعني ما يهديني الا في المناسبات اما انا ما اقصر لازم اهديه هدايا بين فترة والثانية هم الرجال جدي وعادي ترى اكيد هو ايحب بس تعبيره عن حبه ضعيف وطبعا النساء هم عاطفيات وتعبيرهم عن الحب اقوى بس اكييييييييييييييييد يحبك وكل اللي يصيدك من برود اتجاهه تراها من اثر الحمل وان شاء الله بتتعدل الامور ولا اتضايقين نفسج ، والله يقومج بالسلامة حبيبتي وغاليتي :17:
ونبارك ليج بقدوم المولود وجعله الله من مواليد السعادة:14: اختك بنفسج :o |
اختي انا ما عندي خبره بس قولي له الصراحه حاولي مرة ترتبي جو رومانسي و خليها جلسة صراحه بينك و بينه و قولي ليه انا سويت هالجو عشان كل واحد يقول الشي الا مضايقنه من الثاني و انشاءالله ادعي لك الله يفرج همك يارب
|
السلام عليكم
لا تضلمي الرجل ولا تكوني قاسية معه ..فلرب بسمة من القلب احب الى قلب المرء من قنطار من الهدايا .... ...ايجب علي كي ابرهن حبي بأن اجلب هدية لمن احب هذا قنون الماديات ...حتى وان كانت وردة فهي مادة .......اما ما يحس به المرء فهو الباقي بينكما ...... اما عن الاشباع الجنسي فلعله الحمل يقذف بافكارك كل الموج ............و حسبما سمعت ان المرأة عند الشهور الاولى للحمل لا تطيق زوجها و قد تضطر الى ان تذهب الى بيت اهلها للعيش بعض الوقت حتى ترجع الامور الى حالها في بدايت الشهر الرابع او الخامس ................................................ الله يفرج همك و لا تملي هم كل شيء فاءت مادم هناك من الحب ولو الشيء القليل ........قبل ان انسا الله تم بخير(الBB).......فيما يخص الطفل ..اي انثى فوق الارض عندما ترا ان الاب(اول لقاء بين زوجك و الBB في عيادت التوليد) يحب ابنه ففطرتها تفرض عليها حب ذلك الرجل .......مع السلامة اعلم اني طولت .. |
اختي مو كل شي بالهدية كفاية انه يحبج .... ولي اتمرين فيه فترة واتعدي ان شاء الله ....
|
اقتباس:
ماشاء الله لاقوة الا بالله الله يسعدك اخت اميرة مع زوجك واولادك ......... ويختلف موضوع الهديه من شخص لاخر ........انا من النوع مااقول لزوجتي ويش اجيب لك معاي وهي من النوع اللي مايطلب الا اذا كان البلد اللي بروح له في اشيا موموجوده عندنا ..تطلب مني لكن بنفس الوقت اجيب معاي اي شي حتي لو مافي وقت اشتري من المطار .. اي شي مرة اشتريت لها شباصه شعر .....:d :d او عطر او بروش ......في اشياء خفيفه وتنحط في الجيب اذا كانت الشنط دخلت الشحن .. وبعدين مو معقوله الزوجه تطلب من زوجها هديه في الروحه والجايه وتجعل جل اهتمامها بالهدايا طيب ويش رايك واحد من اخواني يموت في زوجته ولا عمره جاب لها هديه ومستحيل يتزوج عليها اقوله ليه ...يقول مابي اعودها علي الهدايه ..وجهة نظر سقيمه :d ........بس والله اشوف انه اكثر واحد يحب زوجته من بين العائله....... وكلهم يقولو انها حاطته زي الخاتم بصباعها .......وهو معطيهم الخامس ولا يفكر بكلام احد .....................طيب استاذن انا ..موفقين ان شاء الله |
الله يفرج همك
|
حبيبتي زوجك مسكين ويحبك ويكفي انه يوديك مطاعم احمدي ربك في ناس والله العظيم مايشوفوها
الهدايا مو كل شي وترى ماتجي في بال الرجال كثير عاادي يكفي انه يحبك ويحب يطلع معاك مو مخليك ورايح لوحده او مع اصحابه مطعم انا بصراحه يسعدني بان زوجي يقول مااقدر اروح مطعم الامعك والملل الي انت فيه من الحمل والوحم بس تولدي بيروح كله ان شاء الله حتى انا مع الحمل اكره زوجي علما باني احبه بجنون لكن لازم تساعدي نفسك اذا مااعطيتي نفسك فرصه باانك ترجعي تحبيه راح فعلا يتطور الاكره لاتقولي ماعنده رجوله لان اي كلمه تقوليها راح ترسخ في بالك وتحسيها عقده عندك من رائي جيبيها مزحه قولي نفسي يوم تجبلي هديه من حالك كذا من غير مناسبه مع اني ارجع اقولك الحمدلله انه يفتكر في المناسبات يعني نقطه مهمه برضوا المهم خدي لك اجازه اسبوع روحي عند اهلك ريحي وغيري جو فيها تتحسن نفسيتك وتشتاقي له الله يهدي سركم |
عزيزتي مبروك الحمل
لا تقهري نفسك يمكن زوجك يحبك كثيرا لكنه لا يعرف التعبير عن ذاته وموضوع الهدايا ليس له معنى ذات اهميه وليس سبب لمشكله فلا تقلقي نفسك بهذه الامور وحاولي ان تقومي بفعل كل شي يحبه زوجك واهتمي بجنينك |
يااختي الهدايا مو كل شئ ف هالدنيااااا
ياما ناس تزوجو وعاشو جابو عيال وماحصلو هديه من ازواجهم وعاشو متهنين يعني عشان هديه تكرهينه وتقولين مستخسر فيني ورده لو زوجك مستخسر فيج ورده ماكان صرف عليج ولاكان خلاج عايشه وموقاصرج شئ احمدي ربك على هذا الزوج وبالنسبه لعلاقتكم تصارحي معاه وشوفي شو اللي مو عاجبك بالعلاقه ولاتتركين مجال للشيطان يهدم بيتج وحياتج امنحي نفسج فرصه وحطي النقاط عالحروف وشوفي شو اللي متعب نفسيتج بعلاقتج معااااه وحاولي بمصارحتج معااااه تحلين هالضيق اللي عايشه فيه وموفقه |
اختي اسمحيلي اعطيك توجيه قد اكون اصغر منك او اكبر ولكن اسمحيلي
تاكدي من ارتكابك خطا كبير عندما تتكلمين بهذا الكلام عن زوجك تعترفين بانه يحبك وتعترفين بعدم تقصيره ولكن موضوع الهدايا برايي موضوع مهم للمراة لانها تشعر باهتمام زوجها بها خصوصا في غيابه انتي امراة وتعرفين التغييرات التي تحصل للحامل لا احد يلومك بها ولكن ان تجعلي عدم اهداء زوجك لك عائق امام حياتكما هذا تصرف ابدا غير مقبول يجب ان تراعي حقوق زوجك اذا قصر معك بشيء صارحيه سيما وانك لم تذكري بانه يهينك مما يعني انه سيستمع لك انصحك بعدم التلكم عن زوجك بسوء فلو علم هذا او شك به صدقيني سيكرهك واله يا اختي لا يجرح مشاعر الرجل اكثر من عدم احترام زوجته له خصوصا اذا كان كما ذكرتي غير مقصر انتظري انتهاء حملك وحاولي لربام تتصلح احول زوجك والمراة الذكية هي التي توجه زوجها كما ترغب واقبلي الاحترام اخوك صاحب الظل الطويل |
يااختي الله يهديكي
ترى تفكيركم غير تفكيرنا إحنا الأزاوج نرى أنه تحملنا لكم (هذه الحقيقة المرة ) مع انكم انتم متحملينا في نفس الوقت ، ونرى انه لو عزامناكم في مطعم أنها اكبر هدية لأني فرغّت من وقتي من أجلك وريحتك من الطبخ والتنظيف والغسيل وجعلتك كالأميرة تتطلبين وتتدلعين في المطعم . ولكن هذا يرجع لعدم معرفتنا لطبيعة المرأة ، لذا أختي حاولي بعدة طرق أن توصلي له أن يحضر لكي أي شيء (ركزي معاي - أي شيء حتى لو قارورة موية بريال ) . أول مرة راح يجيبلك أي شيء ولما يشوفك تفرحي فيها راح يفكر بعد كذا في شيء أحسن ، ودرجة استجابة الرجال تختلف من رجل لآخر . وبالتوفيق وإن شاء الله تولدي لنا بالسلامة |
صدمــني كلمــة قلتيهــا..
و هو بأنه زوجك ما عنده رجــولة..و هل الرجولة بالهدايــا:29: ..عجبي..! |
اختي العزيزة كل من همه في الاكل لا يكون له اي اهتمامات اخرى حاولي انك توصليله انك لست من هذا النوع الذي يعشق الطعام صدقيني شويه بشويه ممكن يفهم انه مش كل مايسعده هيسعدك ولكن كل ما اطلبه منك هو طريقة العرض او الطرح بمعني يوم مايجي يقولك مطعم او غيره ممكن تقوليله ( ياحبيبى انا قعدتي معاك في اي مكان بالدنيا بس انا مش جوعانه دلوقتي لو عاوز انت تاكل ممكن تاكل حاجه تيك اواي و نروح نقعد في مكان هادي ده بيسعدني اكتر) صدقيني الهجوم في العرض ليس من ورائه الا العناد معلش حاولي تخلي اسلوبك هادي حتى لو بالكدب و مفيش مانع من انك شوية بشويه تقوليله في وسط الكلام انك مش من اهتماماتك في الحياة الاكل بس ياريت لو تكونو بتتكلموا في موضوع تاني علشان متحرجيهوش وبالحكمة ممكن تغيري طباعه و من ناحية العلاقة الزوجيه 100% الحمل مأثر عليكي شوية بس حتى لو تحبي تقوليله انك مبتشبعنيش ميكونش بالطريقه دي حاولي تقوليهالو بشكل افضل لان اكثر ما يطعن الرجل في رجولته هو احساسه بعدم رضا زوجته من ناحية العلاقة الخاصه و من ناحية الهدايا بصراحة انا شايف انك مزوداها شوية وصدقيني يوم ما ترضي عن العلاقة الخاصه مش هتفكري تاني بالهدايا ولا بالبطيخ
|
اختي
كثير من البيوت يدخل فيها الشيطان خطوات فيبدا بصغار الامور ثم كبارها لاتهدمين بيتك من اجل هدية اجعلي عقلك اكبر من ذلك الرجل يغلب عليه العقل اكثر من العاطفة ولذلك تجدينه يعبر عن حبه باداء واجباته تجاهك كالنفقة والعلاج واعزازك عن الناس بتوفير كل ماتريدين وغيره اختي لو استمريتي بالتفكير السلبي هذا فسيسيطر الشيطان على طريقة تفكيرك حتى يفرق بينكما واعتقد انه نجح في ذلك لانك تقولين انك بداتي تكرهينه اختي اشغلي نفسك باشياء اعظم وانفع اقراي في كتب تربية الاولاد فطفلك في الطريق احفظي كتاب الله وانشغلي بالذكر والطاعات حتى يمتلا قلبك حكمة ونورا فكري بالاشياء الايجابية دائما وحاولي قدر المستطاع طرد الافكار السلبية لان عقلك الباطن مع الوقت سيبدا بطريقة لاارادية يفكر بايجابية احظري ورقة واكتبي ايجابيات زوجك ثم اقلبي الورقة واكتبي سلبياته وسترين الفرق لاتكثرين الهدايا لزوجك حتى يبقى لها طعم عنده فاللي ياكل الحلوى كل يوم مو زي اللي ياكلها مرة في السنة لان طعمها راح يكون احلى وراح تبقى في ذاكرته واخيرا اقولها لك ناصحة لاتقولين لزوجك انك لم تشبعني لان ذلك سيسيطر على تفكيره ومن ثم سيقصر اكثر واكثر في اداءه معك واجعلي قاعدة في حياتك مع زوجك او حتى مع اولادك ان التشجيع يرقى بمن امامك والتحطيم لاياتي الا بالشر والتقصير اكثر واكثر ادعو الله ان يوفقك لما يحبه ويرضاه |
ا لحل فى يدك انت يااختى
اذا وجدت الراحه فى بيت اهلك اثناء غياب زوجك .روحيلهم مع تحياتى............................ |
| الساعة الآن 04:18 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©