|
طول عمري عافة نفسي وآخرتها تجي هذي وتلعب بسيرتي حسبي الله ونعم الوكيل
السلام عليكم ورحمة الله وبركاته .. اكتشفت مؤخرا ن قريبة لي .. تكلم شاب من تلفوني وترسل له مسجات من تلفوني ..واحيانا في بيتنا تنام عندنا وتسهر معاه عى التلفون حسبي الله ونعم الوكيل .. مو المشكلة في نصحها ولا هدايتها لأني لما كنت شاكة في سلوكها كلمتها ونصحتها بأسلوب ام وأخت .. وابوها صاد عليها شي وضربها لما طلع روحها .. فترة ورجعت لنفس الطريج أنا فاقدة الأمل منها ..غاسلة أيدي منها .. لكن المصيبة انها استخدمت تلفوني في سواد وجه .. يعني اللي كلمها عرف رقمي وانتو عارفين شباب هالوقت اذا عرف رقم بنت نشره بسرعة والخوف الحين تطلع علي سمعة اني بنت راعية مغازل وانا الوحيدة في البيت مافي بنت غيري ..يعني يمكن انعرف رقم البيت ..واذا انعرف يعني اكيد انقال مافي في هالبيت الا بنت وحدة وأكيد خربانة . طلعت علي سمعة حسبي الله ونعم الوكيل فيها .. كلمتها وهزأتها وهددتها والحين اول شي بسويه ..بغير رقم موابايلي مستحيل اعطيها جهازي تكلم او تطرش مسجات .. لكن رقم البيت شسوي شلون أغيره ..مو من حقي مو انا الوحيدة في البيت ومابي حد يعرف وتصير فضيحة خاصة انها من الاهل .. ادعو لي الستر خاااايفة والله .. الله يعلم اني عمري ماسويت الغلط يارب تسترني بسترك يارب.. |
لا ان شاء الله .. ماتوصل لدرجة .. انهم يعرفون رقم البيت ..
هي ماعندها تلفون بالمرة ؟؟ يعني اهلها شايلينه عنها ؟؟ مادري والله بس لو انا بمكانك .. الي بسويه .. باني بروح للاتصالات (عندنا اقدر احول رقم التلفون باسم اي احد اذا عندي صورة جوازه) وبحول رقمي باسمها .. واتكون عارفه بالموضوع طبعا .. بس عشان ماتخرب علي سمعتي.. وبعدين بقطعه .. وبطلع غيره .. وماعطيها لا الرقم ولا الجهاز .. واذا بغت شي اتكلمني من تلفون بيتهم على تلفون بيتنا .. |
الله يكون في عونك بس كيف كدا تاخذ جوالك و تكلم شاب و انت ما تدري عنها شي كيف انا مو فاهمة انت وينك عن جوالك؟؟
يارب يستر عليها و عليك و مدامك ما سويتي شي غلط و انت نيتك صافيه انك ودك تستري عليها فالله غور و رحيم و ساتر على العباد و ما راح يصير لك شي لانك واحد محافظة ما شاءالله |
اختي قول يحق بيتكم
انا مقهزره على روحي زدي اكتب اكثر ادعي حسبي الله والنعم الوكييل من قلب انا وايد صار لي نفسج بس يارب ياخذ حقج عذرريني بس تعبانه |
لا تستغربين ياام داوود هي بنت اختي ..وتجي تنام عندنا هي مراهقة..وتاخذ تلفوني وتقول بتكلم صديقاتها وانا ياغافلين لكم الله ..
تبات عندنا اخر الاسبوع وتسوي سواتها امها درت وابوها درى وكفخوها وعلى بالهم تابت هي تكلمه من بيتهم ومن بيتنا بعد لما تكون بروحها..ومحد يشوفها .. واكيد قايله له ان موبايلي مو رقمها.. حسبي الله ونعم الوكيل ..مشكورة على دعواتج .. همس المطر :الله يجزاج ويستر علينا دنيا واخره |
لا تستغربون انا صديقة اعذروها ودخلت بيوزرها بعد مااستأذنت منها ..لأسباب خاصة
|
غريبة .. داخلة بكم اسم أنتي ..؟؟!!
عـ العموم بالنسبة للموضوع ما أعتقد انه بيوصل الى هذه الدرجة .. يكفي انك تغيري رقم موبايلك وبالنسبة لرقم البيت عادي .. لا تشيلين همــه .. أهم ما في الموضوع انك (( تنسيـــــــــــــنه)) نعم غيري رقم موبايلك وانسي السالفة .. ولا ترهقين نفسك بالخوف والقلق من شئ لم يحصل بعد .. وتأكدي انه ما راح يحصل شئ .. لأنك بالأساس بريئة وما سويتي شئ غلط ..!! والسلام .. |
يؤيؤ يؤ يؤيؤ يؤيؤ
كيف النك نيم يتغير مافهمت شلون عموماً ماتوصل لهذا الامور ان شاء الله خير حصلت معي قبل ما اتزوج وكانت من صديقة تستخدم تلفون بيتنا وتقول بكلم وحدة والحية تكلم واحد بس كلمت اهلي بالسالفة كلها عشان ماتوقع على رأسي بالنهاية |
أفضل تقولين لرجل المنزل او على الأقل أمها
علشان لاسمح الله يصير شي يكونون على درايه أنه مو أنت أحسن . |
ابو سلطان انا داخلة بيوزر اعذروها ..
عموما ..جزاكم الله خير .. والله اني مقهورة ..لما الغلط يطلع من موبايلي ..ومن بيتي ,, لما احس ان هالمراهقة استغفلتني ,,واحس ان واحد تافه قاعد يلعب براسها وهي اتفه منه حسبي الله عليهم والله انا قررت اقاطعها خاطري اتفل في وجهها ( اسمحولي والله مقهورة) دعواتكم لها ولي بالستر والهداية.. جزاكم الله خير |
يعني الحين وانتي بروحك ... وهي مو معك .. توصلك ارقام غريبة ؟؟ انتي ماتعرفينها ؟
يعني ممكن الي اتكلمهم يتصلون بك .. وهي مو موجودة؟! اذا لا فصدقيني هي ماقالت ان الرقم رقمها .. لو قالت كان يتصلون على مدى اربع وعشرين ساعه .. يعني ياخذون راحتهم ... واذا قالت .. واتحسين انهم يتصلون .. ورديتي على الارقام .. وطلعو شباب وماسلمتي منهم .. انا انصحك اتروحين عند ابوك .. واتقوليله ترا في ارقام غريبة توصلني ... ياريت اترد عليهم وتوقفهم عند حدهم ... وبعدين روحي لبنت اختك وغسلي شراعها وهدديها .. عشان تخاف وتتادب.. ولو تبي اتسوي شي كيفها بتلفونها وفي بيت اهلها هي حرة .. بس لا تبيع ضميرها واتضرك انتي .. وانتي ماتدرين عن شي.. |
اختي مدامك ماعملتي شي ثقي الله راح يحفظك
وتاني شي غيري رقم الموبايل وتالت شي احكي لامك انو هيك صار للاحتياط عشان لو صار ما صار تكون عارفة الحقيقة وماتوقعي بالمشاكل انتي الله يستر عليكي يارب ويحفظك ادعي دايما اللهم استرني فوق الأرض وتحت الأرض ويوم العرش و اللهم إنا نعوذ بك من شرورهم ونضعك في نحورهم اللهم اكفيناهم بما شئت الدعاء الاول للستر والدعاء الثاني لمن خاف من شر قوم ودعا هالدعاء فالله برد الشر عنو وبحميه الله يحميكي يارب |
انا فهمت انها تستعمل جوالك طيب تقدري بس يجيكي مكالمه من رقم ما بتعرفيه توقفيه انتي عند حده \وتنهي الموضوع بانك ما تسمحي لاحد يستعمل جوالك\
ولي سؤال كيف ممكن انه رقم البيت ينعرف ؟والنت بتستعمل الجوال يعني لو توضحيلنا الرابط اختي ممكن نقدر نساعد |
اختي خبري اهلك عن الموضوع بكرا تطيح براسك المشكله
لالالالالالالالالازم تقولين لو لامك اعذريني بس خلاص اذا طاح الفاس بالراس ماينفعك قولة ياليتني قلت لهم قبل لالالالالازم تقولين لاحد بالبيت قبل ماتصير اي مشكله الله يكون بعونك |
لا حول و لا قوة إلا بالله
أحسن شئ زي ما قلتي إنك تغيري بسرعة رقم الموبايل ،، و اعملي عليه كود سري علشان ما في أحد يستخدمه من وراكي ،، أما تليفون البيت فعلى الأقل قولي لأمك بالموضوع علشان يكون عندها فكرة علشان لا قدر الله إذا الموضوع تطور (إن شاء الله يكون الموضوع انتهى على هذا الحال) ،، أو قولي لأحد أخوانك المهم لا تفضحي البنت و تخليهم يعملوا لها مشاكل ،، لكن بس يكون حد من أهلك عارف بالموضوع |
أختي اولا: غيري رقم الموبايل00 ثانيا :خبري امك بسالفه كلها علشان تكونين مرتاحه00 ثالثا:اجلسي معها وكلميها وقوليلها اني كشفتك اتكلمين من جوالي كلميها بهدوء وانصيحها واعرفي وش لي ناقص فيا يمكن محتاجه كلام عطف وحنان ودلع ماهي لقيته في بيتهم حاولي اتقربين منها وحاولي اتفهمينها ان كل الشباب يضحكون على البنات00 المراهقه هي اكثر وحده محتاجه احد يسمعه وينفذ كل طلبتها لا تنطشونه حررررررام 000 خليكي دائما على اتصال فيها اهتمي فيها اكثر 00 انصحي اختك الي هي امها تكون جنبها تهتم فيها تحسسها بالمسؤليه تعتمد عليها تجلس معها وكانها اختها
الله يهديها ويهدي شباب وبنات المسلمين يارب امييييييييييييييييييييييييييييييييييييييييييييييمتقبلي مروري : حنين الود |
لاتخافين ياقلبي طالما انتي مو مسوية شيئ غلط في حياتك وصدقيني ربنا حيكون معاكي في كل حال
|
لاتخافين اختي ان شاء الله فتره وتزول
وصدقيني حنا الشباب اذا جفنا صاحب الرقم مطقع لنا نطنش ولا علينا لاتخافين ولاتديرين بالج المهم الحين انج ماتسمحين لاي حد مثل هالبنت انه يتصرف باغراضج الشخصيه |
الله يساعدك وان شاء الله ماتوصل رقم البيت
انا قبل صار موقف زي كذا بالجامعه وحده خذت جوالي قالت بكلم وانا وحسن نيتي عطيتها الجوال وفي الاخر اكتشف انها داقه على 20 واحد تكلمه جوالي صار مايسكت واضطريت اشرح الوضع لماما وزوجي ولا بيشكون فيني فانتي صارحي الوالده او الوالد اللي تحسينه قريب لك اكثر بحيث ان الموضوع مايطلع برا عشان لاصار شي لينك عامله احتياطك كم وحده راحت واطي بسب حاجه مثل كذا وانتي ماتدرين عنها يمكن قريبتك تثق فيه ولا شي وعطته معلومات عنك بحسن نيه فانا رايي انك تقولين لاهلك والله يوفقك ويستر عليك وعلى بنات المسلمين |
لاتخافي أختي .. بما إنك ماوطيتي أرض الشر أبدا ولاعمرك نويتي ذا الشي .. إن شاء الله إنك بحفظ الرحمن ..لأن كل شخص يرزق ع نيته ..
وبعدين إن شاء الله إن إسمك ماراح ينتشر ..بس المهم غيري رقمك وهذا ألغيه نهائيا.. ونصيحة لاتطلقين موبايلك حتى بيد أقرب الناس إليك من البنات أقصد.. وشكرا.. أختك براود.. |
| الساعة الآن 05:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©