|
هل الجأ للمحاكم؟!
السلام عليكم ورحمة الله وبركاته
ادري اني تعبتكم معاي .. تعبتكم بمشاكلي الي ماتنتهي بس والله مالي غيركم اشتكيله .. ماقدر اشتكي لاهلي ولا صديقاتي لان كلهم بيقلبون علي وبياكلوني بقشوري.. وماقدر اكلم زوجي.. لاني بوضع مايساعد بدل مانصير يد بيد ... صايرين ضد بعض مع ان بقرارة انفسنا انحب بعض.. توني قبل شوي.. قبل دقايق كنت قاعدة مع امي وبنتي... وامي كانت تسالني وهي معصبه انتي تبينه؟! تقصد زوجي.. وبهالوقت اخوي جا وسمع هالكلمة .. وعصب علي وصارخ .. ودار حوار بين امي واخوي وانا مالي رااي... كنت قبل فترة بنلجا للمحاكم لكن اهل زوجي قالوا صبروا شوي.. (اهل زوجي: عمامه وحريمهم) قالوا صبروا شوي عشان كل ماتطول مدة وجود ام وداد في بيت اهلها كل مايصير الوضع لصالحنا.. فصبرنا.. وجت اجازة الصيف .. خواتي سافروا وانا وامي واخوي وبنتي قاعدين هني .. يعني اتفرقنا.. واهل زوجي سافروا بقينا بس احنا في البلد .. الكل يشوفهم انانييييييين .. ويفكرون بانفسهم لان بالاخير سافروا وعلقونا هنا.. انا عن نفسي بعد تدخل بنت عم زوجي بيني وبين زوجي.. بديت احاول اتراضى ويا زوجي.. وطبعا كل مابينا مسجات وبس.. لا شوف ولا مكالمات .. وصليت استخارة كثير.. وادعي ربي بان انا زوجي تتصلح امورنا ونرجع لبعض ... وامي ماتدري.. لانها كارهه زوجي كره العمى .. حتى خالاتي وخواتي يتمنون اني مارجع لزوجي.. واعيش مطلقه مع بنتي اعيش في بيت اهلي.. مستسهلين الطلاق كثيييييييير.. الي صار بين امي واخوي .. ان اخوي جا وقال اهل زوجها انانيييييين سافروا وخلونا لحالنا هنا.. وانتو كثير باردين وماتتحركون .. ام وداد ماعندها لا شغله ولا مشغله .. قاعدة مجابلة بنتها لا شغل ولا دراسه .. صارت فاشله .. ماعندها حياة .. والسبب زوجها الي هاجرها ومايسال فيها ولا في بنتها ولا يصرف عليهم .. وامي طبعا كارهه زوجي واستانست على عصبية اخوي وحماسه وقالت لا خلاص يوم الاحد بنتحرك .. (لان اجازتنا الاسبوعية يوم الجمعه والسبت) وبنروح للمحامي وبعدين للمحاكم ومن هالكلام.. وانا قاعدة محد ياخذ برايي ولا شي.. وبعدين بالاخير عقب ماقرروا كل شي .. سالني اخوي انتي شاللي تبينه .. قلتلته انا مخي مشوش .. واساسا مابي محاكم ومشاكل..وعصب علي وصرخ.. قال لي القرار قرارج .. لكن في حال قررتي تستمرين مع زوجك .. انا مالي دخل فيك ولا راح اوقف معاك اذا صارت لك مشكله ... ومن هالكلام الي يخوف.. والحين الصراحة انا مادري شو الحل .. ولا اعرف شو اسوي .. قلبي يتقطع .. ودموعي ماسكتها مابيها تنزل... وامي اتشوفني.. لكن الي اعرفه اني احب زوجي.. وبنفس الوقت مو واثقة منه .. مادري هل بيتعدل ولا لا مع انه وعدني بهالشي.. ويحلف دايم انه يحبني واني حبه الاول والاخير.. والحين والله ماعرف اتصرف قلبي يعورني .. وراسي .. وميته من الخوف .. متخوفه من سالفة المحاكم .. مابي اروح للمحاكم .. ولا ابي مشاكل.. ابي كل شي يمر على خير.. سواء استمر مع زوجي ولا لا.. ابي الهدوء.. ادعولي الله يخلللييييييييييييييييييييييييييييييييييكم .. ادعولي بان حالي يتصلح .. ودلوني .. لاني صدق مشوشه وماعرف شو اسوي .. وماعرف وين الصح من الغلط .. |
أسأل الله أن يعجل بفرجك يا ام وداد
نصيحتي لكي: أن تعودي إلى زوجك فهو المسؤول عنك في الأول والأخير بما انه وعد انه يعتدل فأرى انه من الافضل الرجوع لزوجك وبما انك تحبيه وهو يبادلك نفس الشعور وقد رزقكم الله ببنوته أموره , فمالها لازم محاكم وتضييع عمر البنت في مشاكل لا تنتهي عموما : الرأي الأول والأخير لك , وأكثري الاستخاره وانا أقول : ارجعي لزوجك ولكي منا خالص الدعوات |
اختي العزيزه اشكركج على وقفتج معاي
خاطري اساعدج بس انا مو قاهمه الموضوع لنتي اذا تحسين تبين زوجك ليش خايفه شنهو سلبياته يارب يجمع بينكم انا محرومه واحس معناه فقدان حنان الزوج والأخوان ساعات احس انانيين لاتزعلين مني بس ما يبون مشاكل مايحسون بخاوتهم انا مشوشه فاعذريني |
هذا روابط لمواضيع أختنا أم وداد تتعلق بنفس المشكلة لمن أراد أن يقدم لها النصح و المشورة :
ساعدوني... حياتي في خطر!!!! أريد زوجي... أعانك الله أختي الكريمة و وفقك .. |
اقتباس:
انا ودي ارجع لزوجي انا ودي اعيش معه اليوم قبل باجر.. بس ابي ارجع والكل في بيتنا راضي عني.. لانهم احتووني لما كنت وحيدة ومتضايقه .. وزوجي وعدني كثير من قبل بس مانفذ وعوده .. ويقول انه حاول بس مو كل شي قدر عليه .. بنتي مابيها اتعيش من غير اب.. والله ان قلبي يعورني لما اشوفها احس قلبي يتقطع عليها .. ادري انها ماتفهم الحين .. لكن لما تكبر بتسالني.. وشو اقول لها .. ؟ والله ماتفقنا.. صحيح هالكلام.. بس الحين زوجي وعدني بان نطلع في سكن بروحنا .. ووعدني وبنت عمه الكبيرة شاهدة على هالكلام.. انا عشت سنه مريرة من امر سنين حياتي.. لكن كنت في بيت اهله والحين في بيت اهلي.. وللحين ماجربنا السكن المستقل.. وزوجي طلع روحي والحين بيطلع سكن .. اخاف اتطلق واسمع كلام اهلي وبالاخير اندم لاني استعجلت بالطلاق قبل ماجرب السكن .. الله يعيني.. مشكور ياخوي لانك اهتميت |
اقتباس:
يا بعد قلبي والله يا نايت انا واقفه معاج .. وبوقف معاج على طول ان شاء الله ربي ارزقها بالزوج الصالح والذرية الصالحة .. وان شاء الله يارب يجيج الزوج الطيب الي يحبج واتحبينه والاهم اهله يكونون طيبين ويحطونج على راسهم من فوق... ان شاء الله ربي بيعطيج لانج صبرتي.. وربي يحنن قلب امج عليج ... ان شاء الله الحرمان ما يطول.. الزوج مهم صحيح .. بس والله انا من زود المشاكل الي حصلتلي ..صرت ماتذكر عدل كيف كانت حياتي مع زوجي.. المشاكل الهتني عن احتياجاتي للاسف... اخوي خوفني لما قال ماراح اوقف معاج اذا قررتي ترجعين له بهالسهوله انا احتاج اخوي خصوصا ان ابوي شايل ايده مو متواجد في حياتنا.. اهلي مستسهلين الطلاق.. للاسف.. وانا مابي اتطلق احس سنة وحدة ماتكفي... وامي بنت حياتي كلها على استنتاجات .. والسبب ام زوجي النسرة (اسفة على هالكلمة) بس والله اذتنا كثير ياريت بس انا .. لكن لا اتدخلت بين امي وابوي وادت الى طلاقهم .. والحين امي خايفه من تصرفاتها .. وتبي تنتقم منها عن طريقي.. واتقول تبي تبعدني عنها وانا مالومها ..بس اخاف اندم اذا لجات للمحاكم لاني حتى لو بعد المحاكم رجعت لزوجي .. بيصير فيه عناد .. وشوية حقد .. اتوقع ومابي هالشي يصير.. ادعيلي يالغلا وانا بدعيلج .. |
اقتباس:
مشكور اخوي على الدعاء وعلى الروابط .. وهذا بعد رابط مهم .. فيه التفاصيل.. سوف أطلق من زوجي.. أحتاج لكم http://www.66n.com/forums/showthread.php?t=130597 |
لاتزعلين مني بس بعد مافهمت امج اشدخلها بعلاتج بينج وبين زوجك
لج دعوه مني وانا بعد اترجاك لان انتي احسن مني انا سويت ذنوب الله يغفرها لي الله يجمع بينج وبين زوجج الأهل صاير عندهم كل شي عادي البنت تم بلا زوج وتطلق عادي احس فييج والله اقري سوره الكهف وبعدين ادعي لنفسج مباشره وصلي على النبي 100 مره وبعدين ادعي ياربي ياذا الجلال والأكرام ياديانالسماوات والأرض اجمع ام وداد بزوجها وسخر لها القلوب العاصيه كما سخرت البحر لموسى الله يبعد عنج كل شر ادعي بالدعاء اللي كتبته ياربي يستجيب لج وتصدقي وانا انصحج ترجعيين لزوجج بصراحه |
سامحوني يا جماعه ادري اني وايد أشتكي بس والله مشاكلي مستمرة ...
ماودي اسوي افلام .. بس والله هذا الي يصير معي.. اتمنى تنتهي مشاكلي.. واخلص من الهم .. امي مصعبه علي الامور كل ماتشوف خلقتي تتكلم عن زوجي واتطيح فيه سب.. واتزيد همي.. تحسب ان بكلامها بكره زوجي.. وبصمم على الطلاق.. |
اقتباس:
امي تتدخل لاني طلعت من بيت اهل زوجي وانا تعبانة نفسيا .. وكنت حامل .. وفيني فقر دم وبلاوي.. ولاني قاعدة عندها فترة مو قصيرة .. ايه وانتي الصادقه كل شي عادي صار بهالايام .. يعني مادري امي في بالها اني اذا تطلقت بتزوج مرة ثانية بسهولة .. خصوصا ان معاي بنت مو بروحي.. ان شاء الله يالغلا بقرا سورة الكهف.. وبسوي كل الي قلتيلي عليه ياربي ياذا الجلال والأكرام ياديانالسماوات والأرض اجمعني بزوجي وسخره لي كما سخرت البحر لموسى وان شاء الله يارب ارجع لزوجي .. واتكون كل الامور تمام |
عليك بالدعاء الصادق الخارج من صميم القلب خاصة ونحن في يوم فضيل يوم الجمعة أدعي ربك مرارا وتكرارا وربي يختار الذي فيه الخير لك ولزوجك
|
أختي أبنتك بعد الطلاق ستعيش كاليتيمة لا أب حنون ولا أم رؤؤم لأنك سوف تتزوجين وتكرهين كل شيء يذكرك بزوجك السابق 000وهو سوف يتزوج وسوف يكره كل شيء يذكره بزوجته السابقة والضحية هي تلك المسكينة (ابنتك) نصيحتي لك إذا المشكلة بسيطة عالجوها بشتي الطرق سواء تدخل المحسنيين من أهل الخير من أقاربك وأقاربه لكي يعودوا المياه الى مجاريها فكري جيد قبل الأقدام على طلب الطلاق يا أم وداد ، يمكن زوجك محسود أو مسحور حاولي إيجاد حل سريع لمشكلتك مع زوجك وعليك بالدعاء ثم الدعاء وأكثري من الأستغفار والله يكون في عونك 0
|
يابنت الحلال لاتلتفين لكلام أحد سواء أهلك أو اهله..
أنتي فكري بالموضوع زين وفكري بسلبيات وايجابيات زوجك..وإذا هو يبغى يرجعك ارجعي له والله اهلك مو نافعينك بكره إذا حملتي لقب مطلقه وكأني اشوفك بقسم المطلقات تندبين حظك!! |
وانت الصادق ياخوي.. المشكله اني احب زوجي وان رجعت له بعد سالفة المحاكم .. ماراح انكون نفس قبل..
وبنتي .. بعد عمري مابيها تتشتت .. احبها واموت فيها وابيها اتعيش عند ابوها .. وعلى طاري السحر والحسد .. انت نزلت موضوع عن السحر.. وبيني وبينك الصراحة اتمنيت ان زوجي يكون مسحور.. عشان امي تعذره .. لان امي اتخاف من السحر وبلاويه ... وقبل ما انت اتنزل موضوع السحر.. خذيت رقم احد المشايخ من جوال امي.. واتصلت فيه وقلتله .. هو يعرف ان في مشاكل بس سمع وجهة نظر امي لان امي كانت عندها جلسات عند هالشيخ .. فقال لي اقترحي على زوجك دامنه يخاف من الحسد .. اقترحي على زوجك تجون عندي هنا.. عشان اقرا عليكم .. وان شاء الله لو في شي يروح .. زوجي يخاف من الحسد كثير .. اشوفه قبل يوم نطلع.. يمسكني .. ويقرا علي وعليه .. يخاف من العين والحسد ... ففكرت اكلمه واقوله .. ياجماعه الي عنده ارقام وايميلات لمشايخ .. نزلولي اياهم .. لاني احتاج استفسر.. واسال واطلب المشورة منهم بعد |
صدقتي ياختي كل الغلا ..
ادري اني بندب حظي.. وادري اني بعدين بحضر اعراس.. صديقاتي ولا اي احد .. وقلبي بيعورني على حالي.. بس انتي اتشوفين عادي لو رجعت لزوجي وزعلت اهلي؟ لان امي ممكن تزعل مني حيل |
أختي أم وداد أنا أعرف رقاة كثير من أهل الخير والصلاح لكن بما أن إدارة المنتدى تمنع أظهار أرقام الأشخاص فعليك بزيارة موقع (منتدى الخير للرقية الشرعية)وأطلبي منهم أسماء رقاة في بلدك أظن أنك من الكويت وسوف يعطونك أسماء الرقاة وأرقامهم وإيميلاتهم وهو على العموم منتدى ممتاز والقائمين عليه إن شاءالله من أهل الخير ، البحث عن الموقع عن طريق مؤشر البحث (قوقل)000أنا أشوف أنك تحبين زوجك لذلك إياك والعجلة تريثي وأدعي ربك والله يكتب الذي فيه الخير لك 0
|
ايه والله احبه... ههههههههه لا انا من الامارات .. بس اتكلم جذي لان امي كويتيه ..
خلاص اوكي الحين بسوي بحث.. ماكنت ادري ان ممنوع ننزل ارقام مشايخ .. يعطيك العافيه |
الله يفرج همك ويختار لك الخيره الصالحه بالنسبه الامك واخوك لازم يقتنعون خلي طرف من اخلر تثقين فيه يكلمهم على رواقه ولازم ماتطلعين من بيت اهلك الابعد مايرضون عنك تمام
|
ايه والله ياختي القانته هذا الي اتمناه اتمنى رضى اهلي.. عني..
فكرت اكلم شيخ .. واقوله الموضوع كامل بكل تفاصيله .. واشوف رايه .. وبخليه يدلني للطريق الصحيح .. وبعدين بكلم زوجي.. بندبر لنا روحة للشيخ عشان نتاكد ان مافينا شي... وبعدها بخلي الشيخ هذا يكلم امي.. بطريقته وباسلوبه .. وبخلي بعد زوجي يكلمه ويقول للشيخ وجهة نظره .. عشان مايصير الكلام من صوبي انا بس.. شو رايكم ؟ بس باقي اختار شيخ اثق فيه .. وزوجي يوافقني عليه ... |
السلام عليكم ورحمة الله وبركاته ..
الله يفرج همك يا أختي .. والله انه قلبي معاك ودوم يوم اتأخر عن المنتدى لازم اسوي بحث باسمك اقول يمكن اختي ام واداد رجعت لزوجها .. بقول لك وجهة نظري وان شاء الله يارب تفيدك .. بس اول شي ابي اقول لك كثري من هالدعاء : اللهم أرني الحق حقاً وارزقني اتباعه .. وأرني الباطل باطلاً وأرزقني اجتنابه .. أختي الغالية .. من رايي انك تكثرين من الاستخاره كما تفعلين ... وتشوفين مميزات زوحج وسلبياته .. وتشوفين شنو الي يطغى .. وفي شي ابي اقوله لك وابيك تقكرين فيه .. لو طغت سلبيات زوجك على حسناته ..هل انت ممكن تصبرين وتستحملين .. عشان انك تحبين وتدعين ربك ليل نهار انه يخليه احسن وتعملين كل الطرق عشان تطورينه !! اذا كنت على اتم الاستعداد لهذا كله .. وراضيه تعيشي مع زوحك على الحلوة والمرة .. فنصيحتي لك اختي .. ان تضعي اول شي في بالك انك مب قاعده تسوين هالشي لاجل زوجك وبنتك فقط لا .. ولكن لوجه .. فبهدايتج له بتوفيق رب العالمين اجر كبير .. وبيصير كل مايعطف عليكم ويحبكم اكثر ياخذ اجر من رب العباد .. وينضاف لميزان حسناتك . لانه انت السبب ف هدايته بعد الله .. بالنسبة للوالدة الله يحفظها والله اني ما ألومها .. لانه الام ماترضى انه بنته تنذل وتتعب وهي اللي تعبت عليها طول هالسنين .. عشان ماتخلي عليها قاصر .. وبقول لك شي .. لا قدر الله لا قدر الله .. حطي نفسك مكان امك وبنتك وداد الله لايقول قاعد يصير فيها نفس اللي يصير لك بعيد الشر بس عشان اوضح لك يعني .. امك والله تحب لك الخير وماترضى عليك بشي .. عشان كذا تبيك تتطلقي .. عشان تعبشين معززة مكرمه عندها ... عموماً انت اقعدي مع الوالدة .. وقولي لها يا امي انا حاسه فيك وادري انك ماترضي باللي قاعدين يسوونه اهل زوجي .. وهذا من حقك انتي الي ربيتني وانتي اللي تعبتي علي كل هالسنين عشان ياخذني ولد حلال يسعدني ويهنيني مش يذلني هو وامه .. بس يا امي ابغض الحلال عند الله الطلاق .. وانا ابي احاول .. مرة 2 .. اعيش معاه لكن في بيت ابروحي عشان يوم تكبر بنوتي الحلوة ان شاء الله في المستقبل ماتقول ليش ماحاولتي مع ابوي لين النهاية وليش انا بدون ابو .. واهم شي بيني لها انك تبغين رضاها ودعاءها الصادق .. لانه مثل مانعرف انه دعوة الام مستجابة .. اخيراً .. الله يهنيك ويسعدك وييسر أمرك يارب .. ويجعل لك من كل ضيق مخرج يارب العالمين .. اختك أم فطومه :) |
اقتباس:
حاولي ترققين قلب أمك على زوجك قولي لها الشئ الايجابي فيه وأنه يحبك ويقول كذا وكذا.. أيضا كلمي زوجك خليه يكسب أمك في صفه وأنها تحبك وتقول كذا وكذا... |
اقتباس:
مشكورة يالغالية على مرورك .. والله لا يحرمني اهتمامك |
كل الغلا ياحبيبتي.. هذا الي انا قاعدة اسويه .. والمشكله مابقى ليوم الاحد الا بكره
|
ادعوووووووووووووووووووووووووووووووووووووووولي يا طيبين ..
امي خلاص واخوي لهم النيه بانهم يكلمون المحامي.. غداً وانا قلبي يعورني.. ادري غثيتكم بس عندي سؤال : المحامي لو انا طلبته .. او استشرته .. يسمع بس من طرفي انا؟؟ يعني ان شاء الله بكره اذا كلمت محامي.. بقول لامي واخوي يطلعون برا .. ويخلوني انا اكلمه بروحي.. اقدر اقول له كل شي.. واقوله له وجهة نظري ووجهة نظر زوجي.. هل ممكن يحاول يحل الامور .. ويصلح وضعنا من غير ما نلجأ للمحاكم ؟؟!! ولا المحامي ماله دخل ولا يقدر يصلح الامور بيني وبين زوجي؟ |
ارجوكم ساعدوني.. والله مابقى لي وقت
|
الله يعيينك والله يا اختي ويفرج همك يارب ..
والله انا ماعرف ياحتي بالضبط في هالسوالف .. بس من رايي تحاولين لين اخر لحظه .. وتجربين كل شي .. حاولي تقنعين امك واخوك .. وحاولي انك تكلمين المحامي لعل رب العالمين يجعل الخير عن طريقه .. مالي الا اني ادعي لك الله ييسر امورك .. ويرجع لك زوجك بالسلامة .. ويهدي امك وام زوجك يارب .. |
الله يكون بعونك ياأم وداد ويارب يسر أمرك ويكتب لك الخير في حياتك
قريت أغلب مواضيعك وأحس إني عرفت شوي من شخصيتك إنتِ طيبة كثير ويهمك رضى كل من حولك حتى لو كنتِ تعبانة ومتضايقة أهم شي ماأحد يزعل عليك أو ينتقد فيك أي شي <<< مجرد إستنتاج أنا أشوف إنك لازم تكونين جادة مع نفسك أولا ً وتشوفين بينك وبين نفسك كل النتائج اللي تترتب على رجوعك لزوجك والنتائج اللي ممكن تصير لو جلستي في بيت أهلك وطلبتي الإنفصال شوفي أهم شي نفسك وراحتك بتقدرين تعيشين مبسوطة في بيت أهلك لو انفصلتي ؟ بتقدرين تربين بنتك وتصرفين عليها من غير ماتحتاجين أي أحد ؟ أخوك بيوفي بوعده معك وبيوقف معك بعد الإنفصال وببيساعدك ويصرف عليك ؟ كل هذي الأسئلة حطيها في إعتبارك وفكري فيها كثييير وحددي موقفك وإسألي نفسك في حالة إنك رجعتي لزوجك وعشت معه كيف راح تكون حياتك معه برأيي ياأم وداد إنك تكونين جادة أيضاً مع زوجك حاولي تتفقين معه وترسمين حياتكم مع بعض ودائما ً ضعوا بنتكم أمام أعينكم بغض النظر عن أهلك وأهله ، هذي حياتكم أنتم فقط أنتم اللي تعرفون عن بعض وعن رغباتكم ماله داعي يدخل أي أحد بينكم أبـــداً إنتِ تكلمي عن رغباتك ورأيك لأنها حياتك لحالك ، ليش ساكتـــة ؟! وتنتظرين أحد يتكلم عنك ؟ أدري فيك متوترة الآن ومتضايقة لكن الحياة مرة وحدة لا تغلطين مره ثانية وتخلين مشاكل أهلك وأهل زوجك تأثر على علاقتكم أتمنى تكونين أكثر حزم برأيك مع أخوك ومع زوجك أيضا ً والله يبعد عنكم المحاكم والمشاكل والله يوفقك وطمنيني عنك لأني كثييير شاغلة بالي حالتك الله يعديها على خير ويطمن قلبك ويريح بالك . |
اقتباس:
أنا ماعندي خبرة بهذا الشي لكن أشوف فكرتك كويسة ، أكيد المحامي شغلته يبحث لكم عن حلول كلميه لوحدك وقوليله كل شي وإن شاءالله يكون رجل فيه خير ويحاول يصلح بينكم على خير وماتوصل للمحاكم أهم شي لاتسكتين وتخلين أي أحد يتكلم عن رغبتك ورأيك وأسعي لإنقاذ حياتك الزوجية مادمت تحبين زوجك ويحبك لاتضعفين لكلام أمك وأخوك ، زوجك هو الأهم الله يوفقكم ويسخرلكم الصالح من خلقه |
الله يسر امرج و يكتب اللى فيه الخير
|
اقتباس:
مشكورة غناتي والله اني شاكرة لك وقفتك معاي ... انا هذا الي بسويه بكلم المحامي.. على الله ماتفشل .. بقول له كل شي.. كل شي بتفاصيله .. لو قلتله عن اغلاطي انا بعد مافيها شي صح ؟؟ !! عشان يكون بالصورة.. وان شاء الله امي واخوي مايدرون .. لان لو قلت كل شي بالتفصيل المحامي.. بيحاول يصلح مابيننا .. في اشياء ذكرتها عندكم محد من اهلي يعرفها ايه والله يالغالية ادعيلي .. لا تحرميني من دعائك .. عسى الله يوفقك ويسعدك .. |
اقتباس:
أنتي ليه مستسلمه لأمك وأخوك؟!! ليه ماتواجهينهم وتقولين ماأبغى محاكم وابغى ارجع لزوجي!!!ليه تنتظرين الى ان تقع الفاس بالراس!!إذا دخلت المحاكم بينك وبين زوجك خلاص كل شي بينكم بينكسر!! زوجك يبغاك وانتي تبينه وين المشكله طيب؟!!!! |
اقتباس:
ان شاء الله يارب مشكورة يالغالية للاهتمام .. |
اقتباس:
المشكله اني قبل كذا مرة .. قلت لامي هذي حياتي وانا بتصرف فيها .. وبعدين طحت بمشاكل.. وزوجي خيب ظني.. والكل لامني في بيت اهلي.. اخاف هالمرة بعد زوجي يخيب ظني .. واهلي يزعلون مني.. |
اقتباس:
ايه بقول لامي واخوي يخلوني لحالي وبشرح للمحامي كل شي.. |
اقتباس:
ان شاء الله يارب.. دعواتج لي في صلاتج يالغالية .. |
الحين قبل شوي كلمت امي بجديه ..
وقلتلها انتي ليش تبين المحاكم تبين تخسرين اهل زوجي الطيبين ؟؟ قالتلي كل من يفكر بمصلحته .. خصوصا انهم سافرو .. كلن سافر .. وخلونا في هالورطة بروحنا.. قلتلها انا مابي محاكم .. قالتلي بيلعبون علينا .. وراح انروح للمحاكم ومالنا دخل في حد .. قلتلها خلاص عيل.. انروح المحاكم .. بس انتي لو تبين اتكلمين المحامي اتكلمينه بروحك .. وبعدين انا بكلمه وبقوله كل الي اعرفه .. وماراح يصير تضارب في الكلام .. (لاني انا اعرف تفاصيل اكثر منها) شو رايكم ؟ تتوقعون المحامي يقدر يصلح بيني وبين زوجي.. |
اختي اناااا ابدااا لا اشجعك على سالفة المحاكم
ابداا لا لا لا لا وحطي عليها الشمع الاحمر المحاكم خصيصااا وان انتي وزوجك بينكم موده .. ولكن المشاكل تقف حائلااا بينكم انا انصحك نصيحه اتفقي ان تلتقي مع زوجك بمنزل احد اقاربك او منزل احد اقارب زوجك من غير علم امك واجلسي معاه وتفاهمو بكل هــــــــــــــــــــــــدوء وشوفو اذا تقدرون تكملون ... ارجعي لبيتك واقنعي اهلك بانك تسعين لحل مشكلتك بنفسك من غير محاكم واذا قررتو انكم لاتستطيعون الاكمال ............لاتتطلقوو لا بل تريثو وليبتعد كل منكم عن الاخر حتى يراجع كل منكم نفسه .............................بس ب شرط.................................. (((لااحد من طرفك او من طرفه يتدخل من بينكم))))))))))))))) لان المشكله اذا صار لهااا طرف ثالث >>> تعقدت وصعب حلهااااا ف حذاري يااختاااه فكري ثم فكري واستخيري مره مرتان ثلاثه ولكن حذراي ان تضعين الطلاق حل من الحلول ابدااااا صدقيني عيشي في كنف زوج ظالم ولاتعيشين تحت ظل كابوس ...اسم مطلقه فالحياااه تتطلب قليلاا من الحكمه ف حاولي ان تنهين الامور بينك وبين زوجك ولاتدخلين احدااا فالمشكله واكررها حذاري من المحاكم>> لان المحاكم والله تجعل في قلب زوجك نقطه سوداء لك غداا سيعاتبك انت ولن يعاتب من حرضك على المحكمه ف كوني ودوده لزوجك حتى وان ظلمك بتصرفاته اللهم اني اسألك بكل اسم سميت به نفسك ان ترفع عن اختي همها وتيسر امورها وتودد بينها وبين زوجهااا وترجع الامور ل سابق عهدهاااا يارحمن يارحيم وموفقه ياام وداد اتمنى ان نسمع اخبارااا طيبه |
أختي أم وداد هل أعطوك أرقام لرقاة في الامارات أم لا؟
|
العيون ..
امي تدري اني مابي محاكم .. واتقول لي انتو صليتو استخارة .. ف انا قلت الاحسن .. اكلم المحامي بروحي... عشان انا اتصرف..واذكر كل التفاصيل الي امي ماتدري عنها .. وبقول له يحاول يصلح مابينا .. ادعيلي يالغلا والله لا انا ولا زوجي نبي حد يتدخل .. حتى قال لي اخر مرة ياريت انهاجر ونفتك .. الكيسائي.. كتبت مشكلتي.. وعطوني اسئلة تشخيصيه .. ومافي مكان .. اجاوب على هالاسئلة .. |
اختي العزيزة
فهمت من كلامك انه في مشاكل بينك وبين زوجك وانك زعلانه منه لتصرف سيء ما بتحبيه منه اختي الكريمة ضعي الامور التالية بالميزان واحسبيها جيدا وبالنهاية ساعطيك ملخص ما انصحك بعمله 1-انتي امراة متزوجه وعامل الحب منك ومن زوجك موجود - لا تنسيه - 2- تذكري ابنتك لوحدك لا تستطيعين القيام بواجباتها بالشكل الذي تقومين به انتي وزوجك 3-الخاسر الاكبر من عملية الطلاق هي المراة نظرا لنظرة مجتمعاتنا الدونية للمطلقات وبالدرجة الثانية الابناء فهم ضحية هذا التفكك الاسري ولكن مصير الابناء يكبرون ويعيشون حياتهم وتبقين انتي تصارعين نتائج الطلاق 3- من حق الاهل الاطمئنان على استقرار حياتك ومراقبة سلوك زوجك في حال صدرت منه اهانه تجاهك فمن واجبهم تجاهك التصرف نصيحتي لك لا تعتمدي على راي والدنك به كون والدتك تكرهه لذلك فهي تتمنى انفصالك عنه فقط لكي تشفي غليلها منه وانتي الوسيلة ملخص الكلام عودي لبيت زوجك نصيحة لا تستمعي لارائهم نعم انا معك موقف صعب للغاية اذا تركت زوك انتي الخاسر الوحيد واذا عدت له ستقفين بمواجهة اهلك اذا كنت متاكده من قيمتك في حياة زوجك ومتاكده من حبه لك لا مانع من المحاولة في اصلاح حاله انتي قلتي ان اهلك احتووك عندما كنت وحيدة باختصار هذا واجب عليهم وحق لك لا احد يتمنن عليك به فانتي بالنهاية كنتي في بيت اهلك ليس ببيت احد غريب حاولي افهام اشقائك هذا الامر وضع المطلقة في المجتمع وضع صعب ولديك طفلة لا تريدي لها ان تعيش بعيدة عن ظل والدها \ فلا احد يحتمل الاطفال مثل ابائهم لا تقللي من قدر اهتمام عائلتك بك واصرارهم على طلاقك منه ولكن من الافضل ان تكون نظرتهم الى ما بعد الطلاق وانتي صاحبة القرار الاول والاخير حاولي قدر الامكان ان تكسبي اهلك الى صفك قبل اتخاذ قرار العوده وانتبهي للسانك ولا تشعريهم انك انتي من هي بحاجة زوجك ابقي همك بان تعيدي ابنتك الى عشها الدافئ وبعد ذلك انصحك على جميع الاحوال اتخذي قرارا بالعودة الى زوجك افهم صعوبة موقفك ولكن انتي ذكرتي بان هناك فرصة لاصلاح زوجك لانه يحبك وانتي تحبيه استثمري هذه الفرصة قبل فةات الاوان وان عاد الى سلوكه تاكدي من ان اهلك لن يتخلوا عنك بهذه السهولة وان تخلوا فطالبي بحقك بالعودة الى المنزل الذي خرج منه وبعدها لن تخسري المزيد اقبلي تحياتي واحترامي اخوك صاحب الظل الطويل |
| الساعة الآن 04:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©