|
قال لاتتزوج
بسم الله الرحمن الرحيم قال لاتتزوج قلت اتزوج واجرب ربما اتغير بعد الزواج وان لم اتغير اطيعها من الاولى وابحث عن غيرها حتى اتعلم فانا لم اظلمها مادعاني لكتابة هذه الموضوع اني تحاورت مع صديقي المتزوج باحاديث الزواج حتى وصلنا الى كلمة الطلاق فقال لي ستسمع من زوجتك كلمة طلقني طلقني عدت مرات قلت اطلقها واللي خلقها خلق غيرها قال راح تظلمها قلت هي اللي طلبت ! قال هي تقوله لا شعوريا ماهو من قلبها ! قلت وانا عاد ادري وش الخافي بالقلب ... تبيني اشتري جهاز كشف الكذب وكل ماقالت طلقني قلت تعالي على الجهاز وقوليها مره ثانيه ابي اشوف انتي كارهه من قلب والا تغلي .. وبعدين حتى التغلي مايكشفه الجهاز ويمكن تطيح على راسها وقتها وبالثلاث ! قال لا يااخي كل شي بالتفاهم .. قلت وكرامتك يوم تقول طلقني وين راحت ..؟ قال مافيه كرامه بين الازواج .. وبعدين بنات الناس ماهي لعبه عندك تطلق كل ساعه ...! قلت انا ماطلقت من كيفي .. هي من طلبت والا على بالك اني بعيش مع وحده قالت طلقني تقل اني ساكن بالمريخ لحالي انا وهي بس ومجبور عليها .. قلت لا يحبيبي اعز ماعلى الرجال كرامته وخير ياطير لو كانت جميله غيرها من بنات المزايين كثير ... المهم قالي طرق كثيره واساليب للتعامل بمثل هذه الحالات بسسسسسسسسسسسس مااقتنعت ! قال احسن لك لاتتزوج ! قلت ليش ؟ قال بس ! فهموني ليييييييش قال الكلام هذا ؟ |
معاه حق
|
اخوي
لا تستغرب ولاشي اللي ما يختارون صح او اللي غلطو قبل الزواج بعلاقات يصير عندهم عادي قول هالعباره او التفكك من الزواج او الزواج كل يوم توكل على ربك واختار انسانه لأخلاقها قبل شكلها لاتختار وحده من ذيلين اللي تلاحق الشباب باساليبها وتسوي روحها طيبه ولما تصيد الرجل تطول لسانها وكل ساعه قالت طلقتني بعدين بتقول لربعك تزوجو ربي يرزقني واياك |
وأنا بعد أقول لاتتزوج ..
لكن اتوقع إذا جربت الزواج والمصاريف وكسر الظهر بمتطلبات الزواج اعتقد لو تقول طلقني بكل اللغات ماطلقت.. |
صوتي مع صوت صاحبك ياساري
إذا إنك بتطيييير مع كل كلمة تقولها زوجتك وبتمشي معها من غير تفكير ليش العصمة حطها ربي بيدك ؟ قال الله تعالى “الرجال قوامون على النساء بما فضل الله بعضهم على بعض وبما انفقوا من اموالهم..” وعلشان نعرف معنى الآية أكثر .. " الرجال قوامون علي النساء " أي قائمون عليهن بالامر والنهي ، والانفاق والتوجيه كما يقوم الولاة علي الرعية " بما فضل الله بعضهم علي بعض وبما أنفقوا من اموالهم" أي بسبب ما منحهم الله من العقل والتدبير وخصهم به من الكسب والإنفاق ، فهم يقومون علي النساء بالحفظ والرعاية والإنفاق والتأديب والتفضيل للرجل لكمال العقل وحسن التدبير ورزانة الرأي ومزيد القوة ولذلك خصوا بالنبوة والإمامة والولاية والشهادة والجهاد وغير ذلك . والله يرزقك باللي ترضيك وتسعدك وترضيها وتسعدها . |
ياعروس ليش معاه حق هو انا ظالمها ... والا لا يحق لي الزواج حتلى يعرف عني باستخراج شهاده اني لن اطلق . نايت صاحبات العلاقات لا يدمن مع ازواجهن هل تعلمين كيف ينظرون اليهن ..؟ ينظرون اليهن كجاريات ... لا الجاريات افضل بكثير .. بل يعاملونهن كانهن سلعه اشتروها .. هذا من غير الشكوك على ادنى فعل والضرب والاهانه كقول اخذتك من سلك ! الجمال تعاسه في كثير من الاحيان وعكسه سعاده اذا وجدت من سعد بها .. غلا الاموال وكسر الظهر الذي تقولين لن يرد عن الطلاق الا مكسور الظهر خلقه .. ياغاليه قوامون ماقلنا شي لكن كيف يعرف الشخص انها تكذب ولا تكرهه وتريد فراقه .. لاني اعتقد ان الاشخاص لا يعيشون ماداموا متنافرين |
عندما اسمع مثل هذا النوع من الكلام
اشعر ان كوني بنت هذا ذل لي واهانه لاني صعب اتزوج وسهل اتطلق الحمد الله على كل حال عموماً الحياة كبد والجنة هي الي فيها السعادة |
ههههههههههههههههه
بكره تتزوج وتتغير نظرتك وكلامك .. راسك لسى ماطاح ياخوي .. مااقول غير الله يرزقك بالزوجة الصالحة الجميله العاقله اللي تعقلك |
لو كان زوجي مثلك كان من زمااااااااااااااااااااااان اطلقت
المراة دائما وخاصه خلال المشاكل تقول لزوجها طلقني وهذا ابعد شي عن تفكيرها فقط حتى تشعر انها مرغوبه عندما يقول لها (ما اطلق) وتقبل مروري |
اخوي ساري تخيل لو العصمة بيد المرأة كان كل يوم طلقت نفسها :d لسبب بسيط ان للمرأة عاطفة تطغى كثيراً على صوت العقل بعكس الرجل اذكر قصة زوجة كل يوم تزن على زوجها طلقني طلقني ومرة سوى نفسه عصب وقام زعك فيها خلاص انتي (طارق طارق طارق) هي ما سمعت الكلمة تمام وتفكره طلقها بجد قامت تبكي وتقول حرام عليك ويش سويت لك:d شي ثاني عندما تقول المرأة لزوجها طلقني فهي بكل تأكيد لا تعني ذلك ولكنها تتكل على ما تعتقد أنها جمعته من رصيد في قلب زوجها فتتورط أحياناً لأن ذلك الرصيد يكون غير كافي بالدرجة التي اعتقدتها :d فالحمد لله الذي اسند الأمر لمن هو أحق به وأجدر |
فراشة جميلة والله ماني فاهم شي من اللي قلتيه .. ربما هناك امر خاص لم استوعبه يا nedaa راسي والحمدلله لين وعسى الله يسمع منك ويتغير التفكير جزاك الله خير على الدعوه white_moon77 نورتيني بشي لعل وعسى يمكن يستفاد منه في القريب شكرا لك على طرحك asser_26 اليوم طايح مابراسي كثير واحد قالي ان زوجته قالت طلقني قال خلاص بكره ان شاء الله قالت له لا الحين قال اقولك بكره باذن الله راح اطلقك .. قالت وعد قال وعد رجال المهم يوم جاء بكره ورجع من دوامه الا والدنيا غير والبيت غير والدعوه تنكيت وسوالف .. وهي تضحك قال يالله شيلي عفش بوديكي لهلك واسوي وعد الرجال .. بعد الضحكه صارت شلالات دموع وتاسف قال مقدر انا وعدت ووعد الحر دين المهم في الاخير قال لا تتعودينها ويقول لي كم سنه ماقد سمعت الكلمه ذيك ... لكن ياخوك من كثر ماتسمع عن الحريم اللي تقول طلقني وهي براسها عشيق من قبل توسوس ... تبي تقول خذ المعروفه ذات وذات .. كل اللي سمعنا عنهن من ذات وذات وش طلع ... آخرتها الله لا يبلانا توه متزوج ماكمل شهر العسل ماكمل شهر العسل ماكمل شهر العسل الا وتقول له طلقني طلقني طلقني وطنش حسبها دلع وهم في الفندق واعدت عشيقها وحجز غرفه جنبهم وراحت له يوم زوجها طلع برا شوي يجيب اغراض يوم رجع دورها الا وهي عنده بالغرفه الثانيه طعنهم كلهم نسال الله العفو والعافيه |
ببساطة لأنك تفتقد إلى صفة الحلم ..
تحياتي |
اقتباس:
الحلم اوقات وليس صفه مكتسبه او موهبه هي هدايه من الله نسال الله الهاديه للجميع |
عندما تقول المرأة لزوجها طلقني
فهي بكل تأكيد لا تعني ذلك ولكنها تتكل على ما تعتقد أنها جمعته من رصيد في قلب زوجها فتتورط أحياناً لأن ذلك الرصيد يكون غير كافي بالدرجة التي اعتقدتها كلام الاخ صحيح 100% يعني لازم الرجل يكون عنده حكمة وتصرف في اي موقف تضعف فيه الزوجة وتطلب الطلاق |
بعض الحريم الله يهديهم كل ماصارت مشكله قالوا حق ازواجهم طلقني طلقني بس مب قصدهم شي يمكن يكونون معصبين حدهم ومحترين من الرجال بس اللي في قلبهم شي ثاني
وانت الله يهديك تفكيرك مب احسن منهم لازم تكون صبور شوي والله يهديك ان شاء الله |
اقتباس:
تبقى هذه حالة نادرة اجارنا الله وإياك ولا تعني ان كل من قالت طلقني في رأسها خطط بديلة وعشاق ويبقى حسن اختيار الزوجة هو الحل بعد توفيق الله عز وجل اعاننا الله وإياك ولا تسمع قصص كثير لأنها راح تأثر على نظرتك وقراراتك |
انا باقلك ليش ..
لاانك لازالت غير مستعد لحياة الزوجية وحلاوة مرها ( بهارات الحياة الزوجية النقرة القوية ). |
أخوي
صحيح إني زوجة وأعرف كثير زوجات ماأخفي عليك إنه أي زوجة خاصة في أول أيام زواجها عند أي مشكلة لاأقل من أن تفكر بالذهاب إلى بيت أهلها ولكن صدقني العاقلة منهن مستحيييييييييل تجي هالكلمة على لسانها لأنها تعي تماما معنى الحديث (أيما إمرأة طلبت الطلاق من غير ضر حرمت عليها رائحة الجنة) أوكما قال عليه الصلاة والسلام والحمدلله العاقلات كثيييييييييييييييير والله يوفقك بوحدة منهن وفي نفس الوقت ياما سمعنا عن رجال كلمة الطلاق على لسانة24ساعة لاتسوي وإلاترى طــــــــــــا.......... إن رحتي طــــــــــــــــــــــا.......... إن مافعلتي طــــــــــــــــــا........ لكن هذي الدنيا والله المستعان |
اقول نصيحه لاتتزوج اذا تفكيرك بهالطريقه
الزوجه يبي لها صبر ومداراه لاجل تستمر الحياه ويستمر بناء الاسره الصبـــــــــــــــــر وتنازلات يقدمها الزوجان لبعض من اجل ان تستمر الحياه بينهم |
مي تو اقولك لاتتزوج شكلك انسان متسرع في الحكم
او يمكن لانك ع قول المثل .. اللي ايده في النار مش زي اللي ايده في الماي بكرا لما تكبر وتفهم ان الزواج مسؤلية بالدرجه الاولى ماهو كرامه لمجرد كلمه بتضحك ع نفسك :) |
اول مرة قرأت موضوع ..
خرجت .. بدون ماشارك .. واليوم : قرأت العنوان .. خطر في بالي خاطر .. قلت اكتبه .. واسمع رأيك فيه : .. اللي خطر في بالي : سوال: قبل خمسة سنوات من اليوم .. هل كان تفكيرك ووعيك وادراك .. مثل ماهو اليوم !!! وسوال يتبعه : هل تعتقد انه تفكيرك راح يتغير في القادم من الايام .. خصوصا بعد ( كما يقال ) انعطافات في الحياة : مثل ( التخرج العمل الترقية الزواج والاولاد ( او لاقدر الله وفاه شخص ما او مصيبة ... ( اجارك الله وعافاك .. وسدد خطاك .. اخوك .. |
مهاه حق
ما في كرامة بين الأزواج بس فيه احترام والمره تحب دايم تعرف قدرها عند رجلها وتقوم تطلب الطلاق وانت طبعا إذا كنت تحبها ما راح تطلقها عموما عشان تتفدى مثل هالحالات حاول تعبر عن مشاعر حبك لها دايما عشان ما تقلب عليك بمثل هالطلبات البايخة ( قال قال طلقني ) تحياتي |
اقتباس:
كتبت فأجدت . . الإدارك وتفهمك وإتساع أفقك كلها تؤدي لمصب واحد .. مزيداً من الوعي .. ساري أنت بالذات إن تزوجت سكتون وفياً هذا ما أعلم أنني سأجده فيك غداً .. أسأل الله لك من يطيب بها قلبك ويوفقكما وإن قالت طالق ستطلقها من بيت أهلها لتكون سيدة بيتك .. بقي أن أنا والهنا رغم أنه شاب مثلك إلا أنه يكبر بما أقرأه له دائماً .. تقديري ،، |
ايه اخي اذا هيك تفكر لا تتزوج
|
| الساعة الآن 05:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©