|
تعالوا شوفوا وش صار فيني
سلام
سبق وعرضت موضوعي هنا وكنت متزاعله مع زوجي لانه بخيل قررت اروح ببيت اهلي واخذت عيالي اللي بعد مشورتكم تمسكت فيهم حطيت شروط وزوجي وافق على بعضها وانا الحين متردده ارجع او لا تعبت نفسيا جدا عند اهلي قررت اني اطلع ببيت بروحي ابوي عطاني شقه من عمارته عشان ارتاح .. والله ما ذقت طعم الراحه نفسيتي حاستها جدا تعبانه تعبت من مسؤولية العيال وهمي مصروف البيت قليل علي جدا .. وزوجي يرسل لي مبلغ ما يكفي الحين انا وش اسوي ارضى ببعض الشروط وارجع بصراحه تعبت جدا احس اني ببيتي مع زوجي ع الاقل مرتاحه اكثر من ناحية المسؤوليه والمشكله اني مو طايقه زوجي .. حاسه بنفور منه واخاف ارجع واتعذب من جديد يارب فرج همي وارزقني من لدنك رزقا ورحمة واسعه زوجي طيب بس سليط لسان اكثر الاحيان بس يرجع احيانا انا صرت لي سنه سلبيه معاه ومو طايقته بصراحه لي نفس اطلق لسبب واحد اني ارتاح من المشاكل والله تعبت من كل شي ما ودي اصير كذا بس خلاص حاسه نفسي عايفه كل شي حتى اختلاطي بأهلي مو طايقه احد ولا احد يدري منهم عن مشاكلي لاني اقولهم اني بس جايه تغيير جو وانحلت مشكلتي مع زوجي وهم حاسين انه فيه شي وش اسوي مالي الا الله ثم انتم انصحووووووووووووووووني بالحق وش اسوي ارجع او اطلق او اغير من شي بنفسي بالفعل حاسه بهم وحيره |
يا اختي استهدي بالله
شو طلاق ما طلاق واولادك شو يصير فيهم انتي وانتي عند زوجك راكبك هم... كيف لو تطلقتي خصوصا انك تقولي انو زوجك طيب... ولكنه سليط اللسان انتي ممكن تغيري هالطبع في اعرف انو صعب لكن حاولي يعني كل ما طول لسانه عليكي... جاوبي اجابة طيبة ومؤدبة... يعني طنشي كلامو القبيح وجاوبيه باللتي هي احسن بما انو طيب... اكيد مع الوقت رح يستحي على حالو... ويحاول يغير من طريقة كلامه معك... انتي حاولي احسن ما تخسري بيتك وولادك ودايما توجهي الى الله بالدعاء والله يهديلك اياه |
وعليكم السلام
اختي العزيزة اول شي انتي غلطانه تاخذي عيالك تطلعي من بيت زوجك لان هذا حرام وانتي على ذمته وثاني انتي ليش تبين الطلاق علشان زوجك بخيل وا علشان مشاكل مافيه بيت في الدنيا بدون مشاكل ومسالة بخيل في شنهو هل مقصر في مصروف البيت ادا كان مقصر في مصروف البيت لا تطبخي له اي شي واذا قالك وين الاكل قولي له خلص او يمكن زوجك عليه ديون او يمكن انتي طلايبك كثيرة لان بعض النساء طلايبهم كثيره والزوج مايقدر يوفرها واذا قال لها طلايبك كثيره تقول اني ماطلبت شي اختي مس بربلم انا انصحك ترجعي بيت زوجك وتتفاهمي معاه على كل كبيره وصغيره لان المسؤليه ما يتحملها شخص واحد وحتى لو كان زوجك بخيل اهم شي يجيب مصروف البيت للمعيشه ونصيحه مني ارجعي مع عيالك لان انتي ماتقدري على مسوليتهم لوحدك ولو قدرتي اليوم مابتقدري بكره واذا كان ابوهم موجود يكون احسن وانتي لك حرية الاختيار واهم شي مصلحتك ومصلحت عيالك وطنش تعش تنتعش والبيت الى مافيه مشاكل مايعتبر بيت تدري ليش الانه مايكون في تسامح وتفاهم وتغيير روتين |
واسف ادا طولت عليك بكلامي او جبرتك على شي انتي ماتبيه
|
بسم الله
عليك الرجوع لبيت زوجك فزوجك وإن كان فيه بعض الأمور التي لا تحبينها فيه فهو سكن لك، وبيتك أستر لك من أي بيت آخر وكان الله في عونك |
ام عبد الله واثير
الله يجزاكم الجنه ع الرد لكن فعلا ما ادري هل احساسي فيه تجني او لا هو غني ومعيشنا بدرجات اقل من وضعه والكل ملاحظ هالشي وهو ما همه احد الحين اقوله ارسلي مصروف لي اسبوع ما عندي ويقولي ولا تؤتوا السفهاء اموالكم انا طالعه من بيت عز وكرم وبلاني الله بهذا الرجل وربي كرهته وحاسه نفسي مو طايقته ابدددددددااا كل يوم مشاكل خلاص ما اتحمل منه شي صرت اقوله تعال خذ عيالك ما عندي شي اصرف عليهم منه الله يكره البخل وايامه هم وربي وحرمان الوالد كريم معي ويعطيني لكن ليه زوجي لا ليه ؟؟ انا استاهل اللي احسن منه بألف مره ما انكر اني مغروره بكل شي عندي من شكل وحسب وعائله لكن على هذا كنت اشوفه كل شي واحبه وادلعه ولا فيه فايده ما يشوف الا بالجاانب السلبي وبخيل .. يعطي حق واحد راتبه خمسه آلاف وهو راتبه اضعاف هالمبلغ وعنده عقارات وغني ليه الحرمان قرر يعطيني مصروف شهري بس اعرفه راح يذلني فيه ويمن علي كعادته وربي مليييييييييييييييييييت ولا فيني صبر فيني غضب كبييييييير |
اختي مس بروبلم
شوفي وانا اختك انا اعاني من نفس مشكلتك ومثل ماقالولك بالاول عصبت وتعبت نفسيتي ورحت بيت اهلي وزعلت ورجعت وشرطت علية ولانفذ اغلبها بس بعدها فكرت ليش اتعب حالي كل شي يقولة قولي طيب وانتي تضحكين ولاتعصبين ادهري بعمرك تزيني وافرحي وطوري نفسك وعيالك واذا قال ليش ماسويتية قولي من وين لي فلوس اخلق ؟ ماعندي وانتي تضحكين ولاعليكي من شي . لاني نفس الشي اسوية بس بطريقة ثانية لان اللي عندي له اسلوب غير حدية على قصاه ولايهمك منة شي ابدا وخليكي مبسوطة ودائما تفائلي ترا مو انتي لحالك اللي متورطة كلنا وياكي وعندنا وعندك خير المهم نفسيتك لاتتعب ولا تعصبين لانو بيرجع عليكي اهتمي بنفسك وبس اشبعي وقولي ماتعشينا كسفي علية هو بس وانتي وعيالك لا خلية ينقرص شوي ولاتطلعين وتخلين بيتك ترا كلة ولاطلعة البيت اهلي دلعوني بس احس فاقدة شي لين رجعت وغير كذا اذا فية مشاكل خلية هو اللي يطلع وانبسطي ببيتك ولو انتي عند اهلة اكلي ومشي يدك بالطوفة انتي وعيالك وقولي هو المسؤول ولاعليك لاتفكرين لبكرة ابداااااااااااااااا دلعي نفسك ياحبيبتي اتمنى تبشريني باخبار حلوة :) |
مشكور اخوي عسير ع الرد والنصيحه
طيب لو رجعت ورجعت المشاكل كيف اصبر .. الحين انا مو طايقه اسمع صوته وشلون بقابله واجلس معاه للامانه هو احيانا يحاول يسترضيني بطلعه او عشا يقول انه يحبني بس شكله كلام لان الماده عنده اغلى ودي اشجع نفسي واقنع نفسي فيه بس المشكله بالنسبه لي نفسيا احس بنفور ورغبه كبييييره بالطلاق والعزله ما ابغى زوج ولا عيال حاسه ودي اجلس بدون اي مسؤوليه اذا ما راح يعاملني بأحترام وكرم ولا يهاوشني ابد او ما ابغاه وربي حاسه قدرتي ع التحمل واحد ع الميه ربي يفرج الهم .. |
البخيل يعيش عيشة الفقراء في الدنيا ويحاسب حساب الاغنياء في الاخرة
كان الله في عونك... |
اقتباس:
ما شاء الله عليك يا سلام الله يرزقني طولة البال والهدوء ودي اطنش واعيش حياتي بس انقهر احس انه يظن انه غلبني بسوء اخلاقه والله تورطنا ن جد يالله الزواج اكبر غلطه وورطه دخلتها اطنش .. طيب انا انقهر من نظرة الناس لنا بأنه بخيل وانا اهلي كلهم اهل كرم اشوف اخواني ما شاء الله مره كرماء مع زوجاتهم طيب وليه انا زوجي بخيل وفظيع ما ودي اقارن بس ما قدرت لو اهلي وضعهم عادي كان قلت مو مشكله بس قهر استغفر الله ليه الحرمان وهو عنده ؟؟؟؟ الله يرفع عنا البلاء ويهدينا |
انا عندي لك شي ابي اقوله
الفلوس ترى وسخ دنيا الفلوس ماتجيب نتيجه اهم شي تعيشي اهم شي يصرف على البيت واذا انتي تتوقعينه بيتقبلك وتقدري تتفاهمي معاه ارجعي لها واذا ماتتوقعين تجيبي نتيجه خلي ابوك يتفاهم معاه وكل مشكله لها حل انشاء الله والله يهدي لك زوجك انشاء الله |
مشكوره اثير ع الرد مره ثانيه
وجزى الله خير الجميع الله ينزع هالدنيا من قلوبنا ودي اقتنع فيه الله يبعد الشيطان عننا عيالي يستاهلون اني احاول معاه عشانهم بس الله يهديني ويعيني اني اتحسن معاه لان اخلاقي معاه صارت شرسه حداااا صرت هواش معاه ع اقل حركه لاني مو طايقته يارب اصلح شأني كله ولا تكلني لنفسي طرفة عين |
اقتباس:
هذي مشكلة اغلب الزواجات تحس أنها أفضل من زوجها وأنها تستاهل اللي احسن منه.. فكري قبل تطلبين الطلاق لو تطلقتي هل تظمنين أنك ستتزوجين من هو أفضل!! فكري بعقلك .. احصري سلبيات زوجك وايجابياته وشوفي أي الكفتين ترجح.. اعلم أن البخل شي مقيت وأكره ماأكره الرجل البخيل لكن.. يمكن اللي تشوفينه حرص مو بخل.. فيه فرق بين الحريص والذي يخطط للبعيد وبين البخيل الذي يحرم نفسه من ملذات الدنيا ولا يخرج الريال إلا على روحه.. وفقك الله |
كل الغلا شكرا ع الرد
انا خلاص ما ابغى زواج ابداااااا انا فعلا تعقدت وكرهت كل الرجال من هالبلوى اللي عندي شخصيتي للاسف تغيرت للاسوأ كنت مره طيبه وهاديه والحين احس قلبي كله غضب وقهر للامانه زوجي فيه كل شي اوكي ما عدا انه بخيل وسليط لسان لكن وش ابغى بالاشياء الباقيه اذا كانت هالصفتين فيه يمكن بخله بالنسبه لغيري حرص لكن انا عندي الحكم على وضعه الاجتماعي والمالي ابغاه يبين اثر نعمة الله عليه وعلينا او ياخذ عياله والله لا يرده اذا كانت عشرتنا راح تكون على شر ,, نفسي عندي اغلى منه .. لما اكون معاه راسي دايم مصدع من الضغط ولما ابعد اروق اكثر مشكلته مشكلجي ونكدي ولا يطلع من البيت الا للدوام بالله هذا كيف يتعاشر الله يعين عيالي بس على هالحياة النكد |
المشكله انه لزقه ويصر انه نقعد بغرفه وحده بالبيت يعني ممنوع ارح الصاله وهو بغرفة المعيشه والسبب المكيف .. يقول ليه الاسراف .!!!!!!!
يعني لازم اقابله واتحمله عشان اوفر حق التكييف .. ياربيه رحمتك .. لو يصير لي غرفه مستقله ع الاقل بالبيت تهون اعرف ابعد عنه واروق بعيد عن نكده لكن يرفض هالفكره نهائي |
اقتباس:
يعني تقدرين تستغنين عن عيالك؟!!! |
اختي المال ليس كل شىء في الحياة لو انه طيب واخلاقه مميزة يمكن فيه عيب متل ما قلتي صليط اللسان ودا ربما يتداوىبكون عدم معاندته و كلما تفوها بكلام مش في مستوى كوني متال للزوجة الحكيمة ان تردي عليه بكلام طيب او تحاولي ان تهدئي من روعه باحسن معاملة
صدقني بكلمة جميلة تكسبي ناس وبكلمة قبيحة نفري منك ناس حافضي على زوجك وبيتك بعيد عن النظرة المادية حسالك سؤال اختي هل تزوجتي زوجك بدافع الاستقرار ام بدافع المادي واعدريني عن سوال الله يوفقك ويسعدك |
السلام عليكم ...
اسفة على هالكلام .. بس انتي اتقولين انه غني ماشاء الله عليه ... واتشوفينه بخيل.. والبعض يقول يمكن حريص... لكن يقول قعدي معاي بنفس المكان .. عشان انوفر للمكيف؟!!!! هذي شوي صعبة ... بس اذا هو طيب واتحسين انه يحبك ويغليك .. ومستعد .. يضحي عشانك .. وعشان زواجكم .. طولي بالك عليه .. وهدي اعصابك وفكري بتروي.. وحاولي تاخذين منه الي تبين شوي شوي.. واتقولين انه يحب يقعد معاك .. الحين اذا رحتي معاه للسوق او شي.. وعجبك كذا شي.. اشتري شغله وحدة ... بس!! وبعد يومين طلعي مرة ثانية ومري جنب المحل الي شفتي منه شي عجبك ... واشتري شي ثاني.. يعني شوي شوي عليه عشان مايحس ولا تتعب نفسيته لما يصرف.. لعبي بعقله شوي... ولهيه .. بالنسبة للمصروف.. يعني مصاريف البيت والعيال .. هذي لازم تتفقون عليه ... وعلى مبلغ معين .. ويوعدك انه بكل شهر يعطيك نفس المبلغ ... ومايغير رايه ابدا لو شو ماكانت ظروفه او خليه يفتح لك حساب خاص... بحيث ان كل شهر ينسحب من رصيده المبلغ الي اتفقتو عليه ويتحول لحسابك ... فما يضطر هو يعطيك المبلغ بايده .. وتتتعب نفسيته والله يعينك ويهدي زوجك |
اقتباس:
عيالي لكن تعبت نفسيا حاسه طريقة تفكيري صارت انانيه جدا بسبب التعب اللي فيني الله يهديني يارب ويكتب اللي فيه الخير ... |
اقتباس:
يا اختي يشهد ربي اني كنت قمه بالاخلاق معاه ومع اهله ومع الكل لكن تعبت ترى انا بشر وقدرتي لها حدود جاني اكتئاب لمدة سنتين وتوني اخف شوي واطلع من الاكتئاب من كم شهر تقريبا لاني قررت اني اتمرد عليه ولا اكون معدومة الشخصيه بسببه وربي هدفي من الزواج كان العفه اول شي والاستقرار والعيال لكن بحياة كريمه وعلى مستوى بيت اهلي وعشان كذا رفضت الكثير من الخطاب وكان شرطي انه يكون كريم ومستواه المادي زين عشان ما اتعب بحياتي لاني متعوده ع الرفاهيه ببيت اهلي جاني هالرجل اللي فيه كل طلباتي لكن طلع بخيل وش اسوي .. صبرت وصبرت ولا فيه فايده يمكن تحسن شوي صار يعطيني مصروف شهري ويجيب الضروريات فقط مظهره يفشل سيارته تفشل مو عايش حياته ليه يحرم نفسه ويحرمنا والله استحي من نظرة الناس له ودقهم بالكلام على بخله عندي لدرجة انهم كرهوني فيه من كلامهم بس وش اسوي عيالي ارحمهم الله يعين |
راح أسألج سؤال واحد بس ولما تحصلي على إجابه مقنعه أخذي قرارك وبكل ثقه: والسؤال هو: شو استفادتك لما تآخذي الطلاق؟
كتبي كل حاجة بس لا تكوني أناية وتغكري في نفسك وبس |
الله يفرج همج ويصلح حالج ويهدي زوجج وييسرلج كل امورج اللهم امين
|
صباح الخير
مس بروبلم كيفك ؟ شوفي بقولك على شي صار البارح وهو انو طردني زوجي لما سألني عندك فلوس قلت لا قال اجل لمي عفشك وعلى بيت اهلك ؟؟؟؟؟؟؟؟؟؟؟؟؟؟؟؟؟؟؟؟؟ وللاخ راقي في التعامل لو تفتكرني مادية انا بالعكس طالعة من بيت عز وصبرت علشان القى بس لقيت انو انا بنك بس اعطي ويوم ماكان عندي طردني بالامانة ياراقي في التعامل لو احد يبيك علشان شي وش تسوي؟ هل بنظرك هذا يستاهل احد يعيش معاه العمر ويكون شريك حياتة الحمد لله من اخذتة وانا اصرف على نفسي وكان ايام ملكتنا يقول كل واحد يصرف على روحة لكم النظر في مشكلتي ................................. |
ام الكل ..
بصراحه سؤالك خلاني افكر كثير وش استفيد من الطلاق ؟؟؟؟ هم وغربه ونظرة المجتمع اللي كلها شك وريبه .. هذا غير مرمطة عيالي والاكيد اني مستحيل الاقي احد احسن من زوجي .. مع انه بخيل بس فيه طيبه وحنان ما انكره ابداا هذا غير حبه لعياله وحنانه ودلعه لهم لانه للمعلوميه كريم معاهم ويدلعهم بس مدري وش فيه احيانا يقلب علي انا .. الله يكتب اللي فيه الخير لكن شكلي برجع ان شاء الله لاني مليييييييت من حياتي هذي هنا وحاسه نفسي زي الهم على قلب اهلي .. الله يعين .. |
يمكن أحد صكش عين ولا شي لا قدر الله
|
همسات مشكوره ع المرور ..
كويمسي .. الله يعينك يا عمري .. بس برضه ترى انتي لسى ببداية حياتك .. وممكن يصير بكرا افضل .. مع ان مسألة طرده لك كبيره لازم توقفينه عند حده مو لهذي الدرجه .. انا شكلي خلاص برجع ان شاء الله .. بصراحه لما شفت مميزات حياتي مع الزواج وبعد الطلاق عرفت انه نفسيتي راح تنهار اكيد .. وعيالي حرام اضيعهم .. كنعمبر ... الله يستر والله مدري .. بس حاسه انه فعلا حالي تغير ميه وثمانين درجه وكأني وحده ثانيه عصبيه جدا ولا اتحمل منه اقل حركه ومو طايقته مع اني كنت احبه ومهتمه مره فيه .. الله يكفينا الشر واياكم ويهدينا .. الله يجزاكم الجنه وييسر اموركم بعد نصايحكم وكلامكم اقتنعت انه بيتي وزوجي وعيالي ارحم من طلاقي .. والله يهدي زوجي لي الله كفيل بتسخيره لي ان شاء الله .. |
| الساعة الآن 05:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©