|
تعبت يقولون موسوسه
طلعت انا واهل زوجي لمنتزه كبير والناس فيه واجد
المهم انا ماجلست تعبت وانا اركض ورى بنتي عمرها سنه وتوها باديه تمشي واذا مسكتها ورجعتها للجلسه بكت وبقوه اسكتها شوي وتسكت ...........يقولون مدلعتها......خليها تمشي براحتها...او يقولون ياساتر على هالحرص ريحي نفسك شوفي كيف جسمك نحيفه. وانا اخاف عليها الارض فيها بقايا ناس علب بلاستيك مناديل او الشارع او تمشي على جلسات الناس وبين الحريم. لما ركبت السياره قالي زوجي مااسمح لك تقومين كل شوي قلت وبنتي قال اذا شفتيها بخطر قولي لي انا اقوم....قلت واستناك لما تسمعني وتقوم تكون بنتي راحت فيها.....انا اقول المنتزه هذا مااروح له خلاص واهلك اشوفهم بمكان ثاني...قال مو انت الي تحددين لنا المكان وتروحين غصب.... ساعدوني مين الغلطان فينا |
والله الناس ماينسلم من السنتهم خصوصا مع اللي طفلها الاول
اذا حرصت عليه قالوا مدلعته واذا تركته قالوا ماتعرف للاطفال مسكينه هذا غير التوجيهات اللي تجيك من الصغير والكبير الكل يدلي بدلوه جوعان- فيه نوم- حر عليه -برد-الخخخخخ والحل انك تطنشينهم كلهم وتسوين اللي براسك واللي يريحك ويريح طفلك وما تتكلمين مع زوجك بهالموضوع ابداا |
شكرا ام خالد كلامك صحيح,,,,,لكن شرايك بتصرف زوجي معي.؟
|
زوجك اكيد سامع كلمه من احد من الموجودين
عشان كذا عصب وقال لك لا تقومين لبنتك الاولى انك تسكتين وماتردين عليه وبنفس الوقت تنتبهين لبنتك وما تتركينها على خطر |
يعني يااختي الغاليه تشورين علي اطلع للمنتزه واطالع بنتي واذا صار شيء اناديه يقوم زي مايقول والا كيف؟
|
كيف يعني انتوا ما تجتمعون مع اهل زوجك الا بالمنتزة ؟؟؟؟
بالصراحه اي وحده مكانك و حريصه على بنتها بتسوي اللي سويتيه وانا مع ام خالد اكيد زوجك سامع شيء مع احد او تعليق ما عجبه و عصب عليك انتبهي لبنتك بكره اذا صار فيها شيء كاحد بينفعك و طنشي اي تعليق ما يعجبك |
مشكوره ياعمري ام المهدي الله يخلي لك المهدي.
انا مقتنعه باللي اسويه كأم ومافي احد مسؤول عن بنتي كثري لكن الكلام الكثير والتعليق يأثر على زوجي كأني غير هالحريم موسوسه كذا يقولون !!!! |
لا حبيبتي لا تتركينها قومي وانتبهي لها
واي وحده تعلق خزيها بعيونك وانا متاكده لو صار لبنتك شي لا سمح الله اول من ينلام انتي وماراح يرحمك زوجك من لومه وزعله عليك والناس بتعلق بيقولون ماانتبهت لبنتها |
كثرة قيامكِ وإسراعكِ خلف صغيرتكِ هنا وهناك، رُبّما جعلكِ نهباً لبعض العيون المتلصصة، التي لا همّ لها سواء استراق النظرات إلى النساء يُمنة ويُسرة.
يبدو أنّ زوجكِ غار عليكِ من أعين الناس، فلا لومَ عليه.. وفقكم الله، عبدالله،،، |
عزيزتي ادعي لي بالذريه الصالحه
فالمهدي لم يأتي بعد :( |
زوجي وجهة نظره مايبيني أقوم قدام الرجال لانهم كثير حولنا
وبنفس الوقت يقول ليش تقومين وانا معك بنفس الفرشة ويقول لاتقومين كلنا بنتابعها واذا تبيني أقوم بأي وقت قولي انا حاضر .. بس تقومين لا؟ الرجال حولك يخزونا ولفتي انتباهم.. ويقول صعبه نقطع بأهلي عشان هالموضوع.. لان أكثر طلعاتهم بالصيف في المنتزه ارجوووووووووووكم عطوني رايكم وخلوكم مع الحق؟ انا غلطانه أو لا؟ |
والله انا اشوف انك اتابعين بنتك وين تروح واذا اي شي صار على طول كلمي زوجك واذا ما تحرك انتي على طول تقومين لبنتك ......
واعتقد ان كلامه صحيح اذا هو معك على نفس الفرشة كلميه وهو يتصرف .وعيون الرجال ما ترحمك كل شوي قايمة بتصير مطمع لكل طامع ..وبعدين لو مثلا احد الشباب رمي عليك كلمه او رقم بيقولوا منك عجل وشو له كل شوي رايحة رادة علشان تلفت الانتباه |
اشكركم يالغاليين على تفاعلكم معي
لكن هل تأيدون اني انا اطالع بنتي وقلبي معاها واذا صار شيء لاسمح الله اقول لزوجي قوم البنت شوفها هناك صار فيها كذا وكذا.........بالعقل يمدي البنت راحت علي....والا اذهب للمنتزه فتره قليله جدا او اقطع بالمنتزه واشوف اهل زوجي بيتهم او اي مكان ثاني غير المنتزه.....دلوني اي افضل الحلول |
السلام عليكم
حبيبتي ما فيها شيء انك تقومين ورا بنتك اصلا كل الامهات هيك ، والزلام بقوموش وجوزك غلطان لانه بيقول لك بتروحي غصب وانت ما لازم تقوليله ما بدي اروح لازم تناقشوا الامر نفسه وتحلوة يعني تنظرو لامر الركض وراء البنت ، هل حرام ؟ عيب؟ ليش؟ شو الحل المنطقي؟ وهكذا وقوليله انت لا تستطيع يا حبيبي ان تمنع ام ان تحرص على ابنتها فهذه فطرة طبيعيه |
شكرا حبيباتي...
غدير الابرار ياقلبي بسألك انا لما اقوم مااشوف الا بنتي وعيني عليها واذا الناس مابترحمني وممكن يصير شيء لي فمن باب اولى ممكن يصير شيء للطفله الي اكيد راح تغفل عيني عنها وهي بعيده عني او انا اكلم زوجي عشان يقوم لها. والا شو رايك حبيبتي |
الحمد لله منيب متزوجه
بس لو كنت متزوجه بخليهم يقولون اللي بخاطرهم وانا بسوي اللي براسي مب عناد لكن العقل يقول انا الصح تابعيها ولو علقوا عليك التزمي الصمت ولو طعتيهم وجرى لبنتك مضره لاسمح الله انتي الملامه الأولى في نظرهم |
اقطعي السنتهم
وحطي بنتك بعربيه واربطيها فيها وخلي معها العاب وكل مابكت اشغليها بشي حلوى لعبه جديده لين تخلص الجلسه وترجعين لبيتك وانتي مرتاحه على بنتك وعلى نفسك ولو طفشت البنت من العربيه نزليها وخلي ابوها يمشي وراها فتره ورجعيها للعربيه ولاتحرمين نفسك من الطلعه استمتعي بوقتك وارضي زوجك واهلك الله يخليها لك |
والله انا اقول انك لو تقوليله انه هو اللي ياخذها معاه وينتبهلها يكون احسن من انه يلقي باللوم عليكي
واذا قال لا قوليله خلاص انا بنتبهلها على كيفي. هذا هو رايي بصراحه ما ادري اذا كان صحيح او لا |
يااختي ماقصر زوجك قال لكِ خبريني وأنا حاضر بقوم وراها
خلاص خبريه وإذا ماقام قومي أنتِ وإذا المكان مافيه سيارات وخطر فخلاص اتركيها تلعب وتابعيها بعيونك وخليها تستكشف هنا وهناك وتصير معتمدة على نفسها ومثل ماشارت عليكِ همسات حطيها بعربية وريحي بالك وأعطيها كل شوي شيء يشغلها يأما بسكويت أو لعبة أو حلاوة علشان تتلهي وخلي أحد من الأطفال العاقلين يدورون فيها وهي بالعربية أمامكم والله يسعدكم |
أختي أكيد أنتي اللي حق أنتي في مكان عام
والبنت صغيره وينخاف عليها لو تركتيها ممكن تبعد عنك وتضيع أو يمكن ياخذها أحد من اللي مايخافون الله أويمكن تتجه جهة السيارات أو أو أو....... الله يسلمها ويخليها لك يارب وبعدين هذا مايمنع أنك تطلعين مع أهل زوجك طلعي معهم ولا تسببين لك مشاكل واللي يقولونه يقولونهمع تحيات شمس وراء الغيوم |
عزيزتي أهل زوجك لازم تستحملينهم وزوجك لازم تستحملينه وتتغاضين عنه وترى الموضوع تا فه ومايستاهل المهم حاولي تكسبين زوجك وتطنشين .
|
في البيت هاليهال ومو سالمين
شلون عيل في مكان عام ! احسن شي جربي المره اليايه تخلينها عند ابوها طول الوقت وتحججي انه هو طلب انج ما تقومين لها وخليه يعرف انج ما كنتي قاعده تتدلعين ولا موسوسه |
انا مع همسات فى كلامها لو مكانك حطيتها بالعربه وريحت راسي بتصيح شوى بعدين بتتعود
الله يصلحها ويخليها لك |
| الساعة الآن 09:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©