|
للأسف هل انا طفل ؟
السلام عليكم .. اكتب الموضوع و آنـآ ( زعلان + متضـآيق لـ أبعد حد ) .. قصتي .. عمري .. تقريبـآ ( 16 سنة ) .. و المشكلة كلهـآ " في أبوي " عندي عيـآل عمتي .. هذولي من يوم اعمـآرهم ( 10 سنوآت ) و اهلهم مخلينهم على راحتهم .. يعني يطلعون يروحون و يرجعون .. مـآ يقولون لهم شي و آنـآ على العكس " تمـآآآآم " .. عمري وصل الـ ( 16 و زيـآده ) و آنـآ لـ الحين في البيت مـآ آطلع و اذا طلعت اروح لـ اهلي مع امي .. :( :( :( :( :( :( !!! يعني نظـآمي باقي ايام الأسبوع ( انوم .. اول مـآ آصحى انترنت .. اتغدا اتعشى بعدين ارجع لـ الكمبيوتر ) و بعدين انوم .. !! يعني لـو لا الله ثم الكمبيوتر كـآن انا معقّد نفسيـآ .. من الوالد .. :19: يعاملني زي اخوي اللي اصغر مني ( 10 سنوات ) .. لا اخفيكم " سرّا " إن فيه نـآس يقولون لي .. " انت محظوظ بـ أبوك " .. !!!!!!!!!!!!!!!!!!!!!!!!!!!!!!!!!!!!!!! و الف علامة "! تعجب ! " على راسي من كلامهم يعن ليه انا محظوظ ,, ..؟؟ وش سووا ابوي لي ؟؟ بعد سنه راح يجي العمر اللي احمل فيه " تصريح " عشـآن " اقود " السيـآره .. و لـ الحين مـآ علمني لي تقريبا الـ 3 سنوآت اطلبه " جهـآز لاب توب " و لـ الحين و هو يصرفني !!! سبحـآن الله .. " كم انا محظووظ " :rolleyes: و كل مـآ رحت لـ أهلي ولا شي يقول لي " انتبه من الشـآرع ، انتبه من الأولاد و الكلام الفاضي "!!!! اقسم لكم بـ الله ان اللي في قلبي مـآ يجي [ 1% من اللي كتبته ] ... اكتب لـ كم الموضوع على امل القى حل عندكم .. اخوكم .. سلطـآن .. :( |
و صدقوني إللي خلاني اكتب الموضوع " كلام الناس " !! اتذكر فيه واحد قال لي .. " وش رايك تلبس نقاب و تروح لـ العروس " رديت عليه بأبتسـآمه و اللي في قلبي اكثر :( |
السلام عليكم ورحمه الله وبركاته ما شاء الله اسلوبك وطريقه السرد لمشكلتكِ تدل انك في الثلاثينات من العمر وصاحب خبره وثقافه عاليه ..شي جميل ما يفعله والدك بك..عزيزي ان كتب الله لك عمرا وتزوجت ورزقت الذريه سوف تعرف لماذا والدك حفظه الله لك وامد بعمره سوف تعرف لماذ فعل ذلك... |
اقتباس:
مشكور على " مرورك و مدحك لـي " :) بس انا اشوف " الأصحـآب يتواعدون و يطلعون و يوسعون صدورهم " و انا اعتبر اني شخص " انطوائي " !!! شـ الحل بـ نظرك :( ================== و صدقني اذا الله اراد و تزوجت و جبت ذريه .. رآح اصلح غلطت الوالد ! يعني معقولة مـآ يحس فيني ؟! هل هو اناني .. ؟ |
من خوفهم وحبهم لك اخي
بس يصير عندك اولاد تفهم هالشئ ولا يهمك من كلام الناس الله يحفظك لاهلك |
اقتباس:
اقتباس:
طيب لو الله مـآ كتب لي " الزواج " !!؟ |
يا عزيزي لا انطوائي ولا متمدد
أنت رجل متربــي أروع تربية وأحسنها , وأنا مع الوالد حفظه الله يا عزيزي , بيتك وبقائك مع اهلك أفضل لك من الدوران في الشوارع أنت الآن في الانترنت تتثقف وتتعلم وتستفيد مئات المرات من اللي يستفيده زملائك من الشارع بل على العكس , هم يتعلمون القذارة والوساخة , ويضيعون أوقاتهم وأعمارهم فيما لا فائدة منه وأنت ماشاء الله تبارك الله (حتى اسلوبك وثقافتك تنم عن عقلية جيدة) ثق أنك في المستقبل سوف تقدم الشكر لوالدك على تربيته لك , لكـن لدي سؤال بسيط إذا ذهبت مع أهلك لأقاربك أو خرجتم من المنزل من الذي يقود المركبة الوالد أم السائق؟ |
بدآية .. اررحب بـك !
و كلامك منطقي .. بس لـ الحين .. ليه انا غيرهم ؟! النـآس توسع صدرهـآ .. و آنـآ في البيت !؟ لـ درجة ان ( الوالد + الوالدة ) يقولون شوي شوي على عيونك و انا احرجهم بـ سؤال ( خليتوني اطلع ) ؟ .. كلهم يسكتون و يروحون ! حـآليـآ امي تقول لـي ليه مـآ تسجل في نـآدي صيفي ( سبـآحه ) بس انا عندي مشكلة مخفيهـآ عنهم .. و صعبه اقولها .. و رفضت و بقووة عمومـآ .. اقتباس:
|
كلام الاخوه شافي ووافي يابني الشارع مليء بالمصايب والافات وجلوسك في المنزل اثمر رجل يسبق سنه بمراحل ماشاء الله تبارك الله ثقافتك ووعيك واسلوبك يجعلني احذو حذو ابيك في تربيته لك لاني اراه احسن التربيه وفقك الله لكل خير
|
السلام عليكم
اخوي الكريم سلطان\\\ الله يسعدك ويصونك والله ثم والله ثم والله ولد اختي عمره 21سنه الي دحين ماعند ه سياره شوفه يدرس ويتدرب 12 ساعه ،، عندنا بالرياض واهله بجده ايام تدريبه يطلع بالتاكسي ولما يخلص مكافأته يجلس في البيت ولا يطلع مع اصحابه ولاحتى يفطر في العمل وابوه يعامله كأنه طفل صغير:15: وغيره وغيره وغيره لكن كل هذا الحمدالله احسن من غيره فأخوي الله يرضا عليك ابوك اكيد شايف بلاوي الدنيا وانت شاب اكيد عارف بلاوي الشباب وبنات الحرام الله يكفينا شرهم فهو خايف عليك ويبغا يحميك حاول تتفاهم مع الوالد قوله ياابوي انا موعاجبني حياتي كذا طول وقتي نفس الروتين قوله ابوي ابغا اشترك في نادي رياضي على الاقل اجلس ساعتين ثلاثه بالرياضه والسباحه اقضي وقتي واطلع طاقاتي انا راح اقولك افكار فكر فيها وحاول تطبقها 1_ حافظ على صلاتك في المسجد اطلع كل فرض وروح صلي قبل الاذان بـ5 دقائق 2_ اقنع الوالد يسجلك في نادي .. 3_ اشتري لك طاولة بالياردوا او تنس طاوله... وجيب اولاد عمك واصحابك او حتى انت واخوانك والعبوا تحديات ((( اخويا لما كمان اصغر بعد وفاة الوالد امي خافت على اخويا يطلع من البيت فأشترت لنا تنس طاوله وكان كل يوم يجمع اولاد الحاره ويجلسوا تحديات بالساعات حتى الجيران كانوا ينبسطوا لما يشوفون اولادهم عندنا بدل مايدورون في الشوارع بعدها اشترك في احد النوادي كمال الأجسام وتدرب ومن كم سنه اخذ دوره في التدريب كمال اجسام واخذ شهادة مدرب والحين عنده نادي كمال اجسام خاص فيه)))) حاول مارح تخسر هدي نفسك شوي وانتبه على نفسك ولاتزعل ولا شي الحمدالله احسن من غيرك على الاقل عندك كمبيوتر غيرك ماعنده كمبيوتر ولا شي الله يسعدك ويوفقك ويحنن قلبك الوالد عليك حصنتك بلا اله الا الله |
اقتباس:
انا ايضـآ أقول .. اقتباس:
|
السلام عليكم
أبو الشباب / سلطان لست طفل ، ولكنك أصبحت في أول طريق الشباب . والديك يحبونك جداً ، ومن يحب إنسان يخاف عليه من أي شيء . فأعتبرني أخ كبير لك ، فأنا في ضعف عمرك وأزيد . وعندي أولاد وبالرغم من ذلك أجد والدي حفظه الله إلى الأن . يعطيني التوجهات والنصح ، بل وإن إختلفنا في الرأي أحياناً يعصب . والدك حفظه الله ، يخاف عليك من إندفاع الشباب والطيش والإنحراف ويخاف عليك من أمثال من قال لك إلبس النقاب . كن فخور بوالديك ، لخوفهم عليكِ ومراعاتهم لك . وكما ذكر لك أخي العازم فعندما يرزققك الله بالأولاد ستعرف لما فأخبرني أيهما تفضل عندما تكون أحسن الناس وأفضلهم بأخلاقك ،:22: و ترفع رأس والديك عالياً و فخورين بك .:17: :17: أعزك الله وأكرمك ، أم يهربون ولا يظهرون أمام الناس من أفعال أنت ارتكبتها ، :( :( :24: ! ! ! ! ؟ ؟ ؟ تقبل منِ أخوك / أبو محمد |
اقتباس:
رد جميل و نفس الشي " ارعبني " :24: يعني لو بـآستمر لـ 21 سنة كذآ راح انجن .. :( عموومـآ .. انتم زرعتوا " الأمل " فيني .. :) بس بـ إذن الله إذا مـآ قيت الحل الأنسب رآح اتكلم " و اللي يصير يصير " اذا وافقوا " زين " و اذا مـآ وآفقوا " عـآدي " بالنسبة لي " متعود " :( اقتباس:
اخووي .. طيب انا عطيت الموضوع ابي " حل " لان روتيني طفش ملل كـئـآبه خصوصـآ آذا صـآر عندك ناس تطلع يعني " عيـآل عمتي + خالي يكبرني بـ عـآم " .. و غيرهم الكثير من العـآئلة !! |
يأخ سلطان هذي غريزة الابوة وأبوك خايف عليك من مصايب الدنيا
وبعد هذي معاملة الوالد لولده مهما كانت الاعمار اذكر كنت عند جدي وعنده امه ( أم جدي ) وكانت توصيه وتقول له لا تتأخر في النوم ، لا تاكل كثير يوذيك ياوليدي ..الخ فوالديك احرص عليك وبعدين عندك اكبر من الشارع ( الانترنت ) فهم قد وضعوا كل ثقتهم فيك |
اقتباس:
و الله يخلي لك الإثنين .. و يطول بـ أعمـآرهم :) --=--=--=--=--=--=--=--=--=--= لـ الحين مـآ فيه حل .. :( |
اخوي
ماجربت الابوة ولا الامومة لكن لوجربت تخاف على اولادك من الهواء انا اوافق الاخت روح الغالي في كتابتها ولاتسمع كلام الناس تحياتي |
^^
إن شـآء آلله نجرربهـآ .. ! |
السلام عليكم اخوي المتميز ...
ماشاء الله عليك .. شوي شوي على اهلك .. انت شو ترتيبك بين اخوانك ؟؟ يمكن انت اول ولد في الاسرة عشان جذي مشددين عليك .. ومايصير اتلومهم .. خايفين عليك .. فانت عطهم الامان .. لا تلح على الطلعه لوحدك كثير... اول شي قول مثلا ابي اروح بيت عمي.. وبعدين اتصل بهم قول ابي اطلع مع ولد عمي شوي .. وشوي شوي يتعودون .. انت ماتدري شو يدور في راسهم .. يعني يوم يشوفونك تبي تطلع .. ومتحمس.. اتجيهم افكار ويتخيلون يصير بك شي.. ولا تحتك بشباب مو شي... |
اقتباس:
|
عموومـآ ..
الوآضـح ان الموضوع مـآ لقيت له حل ! اشكر كل اللي حاولوا يساعدوني .. :) |
لو وصل عمرك 50 سنة , سوف تظل في نظر ابويك طفلا .. هذه الحقيقة
واعلم أنك لن تدرك حقيقة نعمة عاطفة ابويك , الا بعد أن تتزوج ويكون لك ولد عندها بتحس بشعور أبويك .. وهناك حالة ستجعلك تحس بنعمة عاكقة أبويك وهوي لو كنت محروم منهم وترى كيف يرعى الأبويك ابنهما .. عندها ستقول في نفسك , يا ليتني مثلهم ولو كان يرتني رضيعا وليس طفلا |
الله يصلحك كل هذي الحلول
والاقتراحات وتقول مافي حل:29: اولا واخير الحل بيدك انت وبس احنا مجرد مساعده لك ووضحنا لك طرق معينه الحين اللي عليك تكلم الوالد بنفسك وتحدد رغباتك انا متأكده انك ساااااااااااااااااااااكت وكاتم بنفسك والين دحين مافتحت الموضوع مع الوالد اليوم اجلس مع الوالد وقوله ابغا اشترك في نادي:11: وشوف رده واصر عليه واكيد راح يوافق والله يوفقك |
اقتباس:
كلهم يقولوون " اصبر لين تتزوج " خخ خخ خخ ! :D عموومـآ .. أنا ذكرت في احد الردوود .. " عندي مشكلة في جسمي " مـآ آقدر ولا كـآن دخلت نادي سباحة قبل !! و الحقيقة احب اشكرك لانك مهتمة بالموضوع .. :) و الله يحفظك و يخلي لك الـ " غـآلي" :) |
طيب خلينا
نفكر بأكثر صراحه ولاتزعل مني طيب عشان نقدر نساعدك اتفقنا:22: 1_طيب ايش ممكن رياضه ممكن تمارسها تناسب صحتك ؟؟؟ حددها وشوف هل امكانية توفيرها او الذهاب اليها في احد النوادي 2_ ليه ماتطلب انك تشتغل في احد مكاتب خدمات الطالب روح لهم واطلب منهم العمل عندهم ولكن عن طريق المنزل بحيث انك تاخذ البحوث وتطبعها بحكم معرفتك بالكمبيوتر؟؟ 3_ طيب ليه ماتفتح الموضوع مع الوالد بأنك تفتح مشروع صغير وهو انك تفتح مكتب خدمات الطالب مجرد تصوير وتغليف والله مايبغالها شي استأجر محل صغير مع شراء مكينه تصوير ومكينى تغليف ووفر اوراق A4 ملون وحركات واشتغل فيها والله مكسب ماتتخيله وانت مكانك جالس كل مافي الموضوع اخوي لازم تصارح الوالد لازم تتكلم وتعبر عن مشاعرك ليه كاتم في نفسك وزعلان اختار وقت مناسب وفاتح الوالد بالموضوع طيب ممكن اسألك سؤال انت ايش تبغا بالضبط من الوالد 1_ انهم يسمحون لك بالخروج وقت ماتبغا ؟؟؟ 2_ طيب اذا طلعت فين بتروح وايش راح تسوي؟؟ حدد اهدافك حدد الاهم فالمهم حدد لكل هدف حلول بعدها بساعتين ارجع اقرأ الورقه وشوف هل تحديدك لأهدافك هو نفسه ولا حاب تغير بالترتيب اللي حطيته بالسابق |
اقتباس:
اقتباس:
يعني تقدرين تقولين .. شخص غير منظم في الوقت .. توقعي انهم يطلبون مني البحوث في وقت .. اصير انا مـآ آقدر اعطيهم البحث تسألين عن الأسباب .. " مـآ معي سيـآرة .. الوآلد ممكن يكون مشغول او يكون بالخارج " ! اقتباس:
اقتباس:
اقتباس:
اقتباس:
2/ اطلع مع الأحباب .. الأصحـآب .. :) بالنسبة لـ " ايش راح تسوي " .. صعبة اجـآوب .. مو عشـآن فيها خصوصيـآت لا والله .. بس يعني مع اصحـآبك وش راح تسوي .. " نتعشى نمزح نسولف نتكلم نروح مكـآن نلعب فيه " بليـآردو " بلاي ستيشن .. و غيره :) اقتباس:
مـآعـآش من زعلـك .. و آلله اعتبرك اختي الكبيره .. لانك الوحيده المتجـآوبه مع الموضوع .. الله يسعدك و يوفقك يـآآرب :) |
أخي المتميز
يسعدني وجودك بيننا و كما قال أحد الاخوة أشعر و بانني أمام رجل بمعنى الكلمة أريد أن اسرد لك قصتي كنت في السابعة طفلا ........ أقول متى سأصبح رجلا ........ قالوا لي عندما تصبح في المرحلة الاعدادية يعني 12 سنة ,,, انتظرتها على مضض صرت 12 و دخلت الاعدادي الان انا رجل ...... سأذهب كما أريد و أفعل ما أريد و أذهب مع اصدقائي قالوا لاااااااااا لم تصبح رجلا ستكون رجلا عندما تحصل على الهوية "بطاقة الهوية" و تصبح مسؤولا عن نفسك ....... صبرت كثير صرت 16 كل أصدقائي يلعبو في الشارع و أنا كنت أعمل في مشغل خياطة منذ سني 7 سنوات و يزورون بعضهم و بعضهم يقود السيارات بدون رخصة وهكذا قالوا .......... لا سن الرشد عندما تصبح 18 ..... قلنا أعاننا الله صرنا 18 أنهيت الثانوية قالت لي امي رحمها الله انت الان ستدخل الجامعة و نحن مسؤولون عنك ...... لذلك احذر و بدأت أتفلت و صرت زعيما طلابيا في الجامعة و تفوقت و دخلت الماجستير و قالت لي أمي و كذا أبي ستبقا ولدا إلى أن تتزوج .. و تستقر في بيتك و تكون مسؤول عن نفسك و تزوجنا ,,,,,,,,,,,, و لي 4 سنوات و أنا أضع أبي على ررأسي و أفخر بتربية امي الشهيدة أولا رحمها الله و من ثم أبي الذين جعلونا رجلا بحق لي مكانة و وضع اجتماعي ....... لست من الزعران ........ صحبتي طيبة محبوب من الجميع و غيري من الذين كنت أحسدهم على حياتهم ......... مشردون أو مكروهون و إن كان منهم من هو مليونير إلا أنهم منبوذون و أنا أشكر الله على نعمته بوالداي الذان جعلناني رجلا حقيقيا و إن كنت أحسب نفسي طفلا و كان الناس يضربون المثل بأولاد أبو محمد الذين منهم الموظف المحترم و القائد الاجتماعي و النقابي و منهم الاسير المجاهد و الشهيد القائد و الأم المجاهدة الشهيدة و الأسرة المنصنفة بأنها ارهابية صهيونيا |
اهلين اخوي ابو محموود
قصتك كلها " عبر " !! و ان شاء الله اعتبر منها .. و الله يرحم " والديك " و يدخلهم جنـآته يـآرب و " هم السابقون " و نحن " اللاحقون "! |
صحيح انك عمرك 16 سنه والمفروض انك تطلع وتروح وتجي بس مو على كيفك بعد مع رقابة الام والاب
ولا تلوم ابوك اكيد انه يخاف عليك، الدنيا اسباب ورفاق السوء وايد ومنتشرين في كل مكان،،قبل لما كنت في سنك كان تفكيري مثلك كنت اذا ابي شي واهلي يقولون لا احمق واشيل الدنيا والحين لما تزوجت وجبت عيال عرفت ليش اهلي كانو يتصرفون معاي بهذي الطريقه ،،انت اقعد مع ابوك كلمه قوله انك كبرت وانك على الاقل تطلع شوي مو لا زم اليوم كله وخله يوثق فيك وخلك قد الثقه بس تأكد تصرف ابوك ناتج عن حبه الشديد لك وخوفه عليك |
^^
اهلين اخووي الحمد لله اني لقيتك .. و كنت نفس مشكلتي بس بـ جد تشوف العالم اللي بعمرك تروح و تجي محد يقول لهم " لا " ! و ربي يحزز في خـآطري .. :( |
ياحليلك عمرك 16 سنه معناه أصغر عضو بالمنتدى ... الله يصلحك الموضوع بسيط جدا ماياخذ منك وقت المهم العزيمه (جلسه صراحه ونقاش) مع الوالد وينتهي الموضوع بالحل المثالي لك وله وكان الله غفور رحيم ولعلمك أنا أم طفلين والى الان أهلي يعاملوني على اني طفله ومازعلت لأن هذه مشاعرهم ومن حقهم يخافون علي واذا متزوجه..المشاعر ماتعرف زواج أو عمر أو غيره... الله معك...
|
انت تشتكي من اهتمام ابوك وخوفه عليك قد تكون في نعمة يتمناها كثيرين غيرك
الحياة والمتعة ليست في الخروج مع الاصدقاء والتنزه ومع ذلك كن شابا صالحا وملتزم بدينك حتي يبعث ذلك الثقة في نفس ابيك ويطمئن الي خروجك فكم من شباب افسدتهم صحبة السوء فان ابيك معذور وحاول تنمية قدراتك والتعرف علي صحبة صالحة من خلال المسجد واقترح عليك ان تصاحب اباك في خروجاته |
أخوي المتميز .. السلام عليكم ورحمة الله وبركاته أحب اشارك المشكله وأقف معك لكن قبل كل شي لاتنسى " بر الوالدين " أنا حالتي كاااانت مثل حالتك إن ما كانت أشد أشوف الأولاد أقاربي نفس عمري وأصغر مني يروحون ويجون بلا حسيب ولا رقيب يخرجون من البيت وهم مايعرفون وين رايحين أصلاً دواران بالشوارع تضييع وقت وتضييع فلوس من غير فايده يرجعون انا باقي لحال بالبيت يضحكون علي ويتكلمون عني ... إلخ الآن ... عمري 25 سنه في آواخر المرحله الجامعيه مازال أبوي متحفض علي بعض الشيء بس تغيرت معاملته لي لأني أثبت له اني رجل في أكثر من مره وفي أكثر من موقف كل اقاربي اللي كانوا يقولون لي أبوك شديد وأبوك مايخليك تطلع برى البيت الحين ولا واحد منهم مكمل دراسته اللي توضف وضيفه على قد شهادته واللي للحين بدون وضيفه وبدون دراسه والحمد لله أقاربي كلهم ( كلهم ) إذا ذكر أسمي ولا اسم احد أخواني ( لأنه نفس الطريقه مع أخواني ) قالوا مشاء الله ولد فلان مربيه أحسن تربيه .. والله حتى اني معروف من ناس بعيدين لا يقربون لي أبد إذا شافني الواحد منهم مع الوالد سلم علي ويسأل عن الأحوال والحمدلله هذا من فضل الله ثم فضل أمي وأبوي الله يطول لي أعمارهم الزبده والخلاصه : إذا كت محتاج شي تروح له نادي صيفي أو مراكز ترفيه أو أي شي تنفس فيه لا تخلي بينك وبين ابوك حواجز كلمه بكل صراحه وشفافيه راح يمنعك مره ومرتين وثلاث بس بالاقناع والمحاوله راح يوافق بس( انتبه ) لازم تكون عند حسن الظن وتكون رجل وتتحمل المسؤليه ومكان ثقه لأنه أول مره تطلع فيها من البيت يعني |" راقب نفسك "| وعندي ملاحظه أنت تقول ( ابغى مكان نروح فيه نلعب بلياردو وبلايستيشن ) الأمااكن هذي والله أنها مليناه بلاااااااااوي ولاتخفى عليك أرجو اني ماطولت عليك ولا على الأعضاء الكرام بس حبيت اساعدك لأني مريت بالمرحله هذي تقبل أرق تحيه من أخوك صالح |
اقتباس:
مـآ آخفيك " اني جيد جدا في دراستي " :25: و هذي شهـآدتي .. + .. شهـآدة ولد عمتي !! يعني كلهـآ سوى .. :d ! عموومـآ مشكور ! |
اقتباس:
هههههههههههههه لا يالغالي .. مو لـ هالدرجة !! اطلع بس نـآدر بس مو لـ درجة اني انتبه و آخـآف .. ألخ ! |
والله فعلا كلام اختنا غالية الروح درر ثمينه
|
وش بلاك معصب!! وضعك عااادي جدا و مو أنت الوحيد مثل كذاااااا
غيرك ألف .. ومنهم أخواني اعتقد يبدأون يتطمنون عليك اذا خلصت ثانويه ودخلت الجامعه لكن لا تتأمل كثير في الحريه المطلقه _ أطلع متى مابغا و أدخل متى مابغا_ لأنها مستحيله وبعدين كان بودي لو سألت احد الشباب من الي تحسدهم ... اذا رجع البيت متأخر كيف استقبال أبوه و أمه له ؟ و هل هم راضين عن طلعاته و دخلاته ؟ ولا هو مسوي فيها رجال وطلع غصب عنهم ؟ |
صارح ابوك باللى بنفسك
|
الي اقدر اقووله ياليت اخووي مثلك..
وربي لما تكبر راح تقدر كل الي يسوويه.. انا مع غالية الروح افكارها حلووة كلم الوالد وبالتوفيق ولا يهمونك الكلام الي يقلوه لك...انا قلت لك اياها بالبداية وارجع اقلك لو انك اخووي كان افتخرت فيك.. الشطارة مو بالروحة والطلعة الشطارة بالاخلاق والتربية |
اخي الكريم
اجلس مع الوالد وقول له تراني كبرت يابا وابي اطلع واوعدك ما اطول او اجلس مع عيال يخربون اخلاقي هذا اعتقد اكثر شي مخوف الوالد عليك لكن اذا حس بالأمان من طلعاتك بسير الوضع عادي يعني صاحب اصدقاء صالحين وقول له نبي نروح مسبح نورح نلعب كره من هالكلام وصدقني اذا بتفهم ابوك بتخليه يفهمك في رعايه الله |
ابوك حريص عليك ومارح تحس بقيمة هالحرص الا لما تكبر
الآن تحسها قيود لكن هي حمايه لك من الانحراف لاقدر الله كثير من الشباب يطلع ويروح على كيفه لكن يتمنى من يسأل عنه متى بتجي وكنت مع مين؟؟ اتذكر قبل فتره شفت حلقه من برناج على قناة اقرأ أو الرسالة كانو مستضيفين شباب واحد منهم ابوه ما يسأل عنه (رحت- جيت -ذاكرت- نجحت .... ) أو أبسط الأمور وكان يقول اتمنى ابوي يسألني ويمنعني من الخروج لأن كل شي بدون حدود ماله طعم وان ابوك مثل ابوي الحمدلله يعني اخواني ماعندهم طلعات كثيره ومافي سياره الا بعد التصريح ونفس الشي الكمبيوتر والفلوس كله من حرصه عليهم الله يجزاه خير ويجزاه بالجنه وكل آباء وامهات المسلمين |
| الساعة الآن 06:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©