|
مشكلتي فوضويه :(
ابدخل فالموضوع على طول لأني زهقت وصرت شبه يأسه
انا عمري 21 ومخطوبه ومشكلتي حوسسسسسسسسسسسسسسه انا اكثر وحده بالدنيا فوضويه ليش مادري وش مشكلتي ماقدر احافظ على ترتيب اشيائي كتبي دايم حوسه وملابسي في كل مكان طايحه نادرا اجي اطلع والقى ملابسي اللي خاطري البسها مرتبه ياوصخه ولا مو مكويه ونظام البيت عندنا قاسي شوي ماعندنا خدم ابد وكل واحد يسوي شغله بنفسه انا طبعا مقتنعه انو حياتي كذا حلوه بس مني قادره اسوي كنترول وش مشكلتي كيف هالعالم الي محافظين على بيوتهم واشيائهم وش مشكلتي ليش مااقدر اصير مرتبه المصيبه خطيبي مررررررررررررررررتب جدا جدا لدرجة محتفظ باشياء من سنين طويله كأنه توه شاريها امس امي دايم تضحك علي وتقول والله مايتحملك فلان(خطيبي) ساعدوني وعطوني نصايحكم مني قادره ادير غرفه كيف بيت كامل :( كيف جدولكم بالترتيب عطوني افكار ونصايح وشكرا:d |
انصحك أن تأخذي ورقة وقلم وتكتبين أيام الاسبوع كلها
وتقسيمين الجدول فترات زمنية مثلاً من 4-5 صباحاً صلاة فجر وقراءة أذكار من 6-7 قراءة جزء من القرءان من 8-9 (خــاص) بالغــسالة والملابس من 10-11, فطور وراحة من 12-1- ترتيب غرفة النوم من 1-3 قيلولة من 4-5قهوة وشاي مع الاهل من 6-7-ترتيب وتنظيف البيت كمساعدة للأهل من 8-9 خــاص بالمطبخ من10-2 نوم من 2-3قيام ليل من3-4- نوم وهكــذا والأفضل هو أن تكتبي احتياجاتك كاملة من غسيل ملابس وطبخ وصلاة وقراءة قرءان وقراءة وكتب وجلسة مع الاهل من الافضل ان تكتبيها في ورقة خاصة ثم بعد ذلك تنسقين الجدول على حسب احتياجاتك في ورقة اخرى ربما في بداية الأمر يكون فيه شوشرة نوعا ما لكن بعد فترة يكون التنظيم جزء أساسي في حياتك |
مشكور زياد النجدي مره مره شكرا بجرب ان شاءالله ينفع بس يعني اذا جتني طلعه فجأه بيتلخبط الجدول خصوصا اني اغلب وقتي برا البيت من الكليه للنادي وبالليل اطلع تقريبا كل يوم
والله مشكله بس شكرا (ان شاء الله) تكتب هكذا.. |
والله جنج تتكلمين عني و على فكره اذا البس عبايتي حتى لو جديد بعد 5 دقايق تعالي جوفي العبايه
و الحين اتحدى اي احد يجوف كبتي بتصيحون والله مب جني بنات ام 20 سنه(بعد شهر ان شاء الله بدش ال20)) |
اقتباس:
طبعاً يا اختي الجدول , هو نوع من انواع المساعدة على قضاء الاعمال فقط ليس إجباراً اتباع كل ما فيه من تنسيق إذا رأيتي أن المصلحة في خروجك للكلية وأنتي مثلاً مخصصة تلك الساعة للغسيل وقد اتميتي الغسيل فما المانع ان تخرجي للكلية ؟لأنه لن يتعكر الجدول الجدول يا اختي الغــالية للإنجاز المرتب, وليس لترتيب الانجازات بمعنى , ربما يتهيأ لك الذهاب للمشغل الساعة الرابعة عصراً وأنتي قد كتبتي في الجدول أنه الساعة التاسعة ليلاً عندها قومي بعملية تبديل سريعة على الورقة بين عمل الساعة الرابعة والتاسعة وصدقيني بالجدول تعيــشي فــي راحة نفسية , بعد فترة لا تحتاجين لجدول لأنك تتأقلمين على التنظيم وبالنسبة للخروج فجأة هذا لا يعارض الجدول ولا يسبب مشكلة كبيرة لأنه يا اختي العزيزة أنــتي لن تغسلي ملابسك كل يوم كل يوم ولن ترتبي الغرفة كل يوم كل يوم فبالطبع سيكون عندك وقت فراغ , فعليك بإيجاد البديل وإلا فاجعلي الفراغ للزيارات المفاجئة |
شكرا زياد النجدي من جد من جد حمستني الله يجزاك خير والله من الحين انشالله ببدا مشكور الله يحفظك :)
|
الله يعينــــــــــــــــج
أنــاا مششكلتي تقرريبــــاا مثل مشكلتــج بس اانتــي بزيــــــااده ههههههههههههههههههه أنـــاا قدررت أتحكم في نفســـي بس في البدايــة أقنعت عقلي البااطنــي بأأني قاادررة والفوضويــة صاارت من المااضــي ... أول شــي أنظــف حجرتيــه في الأسبووع مررة <<< يعنــي تنظيــف كاامل وخليـــه يووم الجمعـــه قبل الصـــلااة حااولي تحافظيــن على نظاافــة غررفتــج يعني خلي (( زبــالة )) الله يعززج في غرفتــج واسسستخدمييهاا قددر الاإمكــاان <<< رح تسسهل عليــج عملية التنظيــف في اليوم التــاالي ... كل ماا تشووفيــن في خربطــة بسيطــة في حجرتــج استعجلي في تررتيبهاا ولاا ترراكميــن الأأشـيــااء على نفســــج ... أمــاا عن الملاابــس : 1) الملاابــس التي ارتديهاا ولاا تحتااج إلى غسل ضعيهاا في سلة الكووي 2) الملااابـس التي تحتااج إلى الغســل ضعيهاا في سلة الغسيل 3) الملاابــس التي لاا تحتااج لكلااهمــاا رتبيهم وضعيهم في الكبت بتررتيب بحيث تقسمين الكبت إلى منااطــق تضعين فيهاا الملاابــس (( فالقمصــاان والتي شرتاات والجااكيتاات في مكاان مخصص والتناانيرر في آخرر والبنااطلييين خصصي لهم مكاان آخرر)) وغيررهاا من ملاابس النووم والمنززل وبماا أنه لاا يووجد خدم في منزلكــم فهذاا يسسهل عليــج العمل فأأنتي من ســووف تنظــم ملاابسهاا وتضع الملاابــس المغسوولــه في الكبت .. حاافظــي على التررتيب قدرر المستطـــااع ومن الطبيعي أن التررتيب سيحتااج إلى إعادة تنظييم لكن سيكــوون على الأأقل بعد اسبووعيــن أوو أكثـــرر .. كاافئي نفســج على أاي تنظيــم أوو ترتييب تحاافظيين عليـــه .. ولاا تنسسسين تعطررين وتدخيين الغررفـــة << هذاا سبب يعطيــج النشااط وايخليــج مااودج الغررفـــة يختلف تنظيمهــآآ .. والسسسمــــــــووحه طوولت عليــــج |
والله يام الحسين وعمر مشكلتنا صعبه بس انا لازم اصيطر عليها وضعي حساس
والله يعين الجميع |
Jooolie جد جد مشكوره ومشاركتك ساعدتني على ترتيب افكاري وحمستني كثير
:) شكرا لتفاعلك |
المشكلة جد عويصة بس حاولي ونصيحة الجدول جداً مفيدة وعملية
ودربي نفسك والله يعينك على فكرة انا من الناس المنضمين جداً مع ان نظام بيتنا صارم بعض الشيء وما عندنا خادمة وانا موظفة الصبح وطالبة بعد العصر ومطالبة باتمام الاعمال المنزلية بالتساوي مع اختي الجالسة في البيت لا دراسة ولا عمل وهي فوضوية بعد |
كما قالو الاخوان
حددي اشغالك جهزي جدول بهذه الاشغال يعني جدول زمني بعدها ستتعودين على النظام وستشعرين براحة نفسية و الله لا اخفيك انا احيانا تجيني حالة كسل امل من البيت مع اني احبه وامل من المطبخ و و لكن كما قلت بالجدول و التنظيم سامحيني انا الحين مشغوووولة بارك الله فيك |
ما قصروا الأخوان والأخوات يالله خلي الرباده عنك وسوي الجدول اللي قالولك عليه وعلى شان تتشجعن سوي تنافس بينك وبين أحد ثاني مثلاً بينك أنت وأم الحسين وعمر يالله بنات ترا هالسوالف تزعل الرجال وشدوا حيلكم :18: |
اقتباس:
|
مشكور اخوي زياد jooolieواختي للافاده استفدنا شوي من نصايحكم
|
الله يعينك
رتبي نفسك قبل لا تتزوجين لانها مصيبه تتزوجين بهذي الحاله انا قمه في الفوضى والحوسه حطمت الرقم القياسي ولما تزوجت انواع الطقاق انا وزوجي عشا هالموضوع .... |
الله يعينك
|
عاااااااااادي ليش مكبره الموضوع أنا فوضويه درجه أولى وزوجي مرتب درجه أولى لما تزوجنا انعكس الوضع صرت مرتبه وهو فوضوي لاتخافين بعد الزواج الوضع بينكم بيصير عكس الرجل مهما كان مرتب الى انه بعد الزواج عارف ان زوجته هي اللي بتنظم له حياته وماراح تتحمل الفوضى فبالتالي راح يعتمد... الله معك وبالتوفيق ان شاء الله..
|
بعد اذن اخوي زياد النجدي:
عندي اضافة : بخصوص جدول ترتيب الاعمال : بحيث يصبح مرنا ( يسمح بالطوارئ والامور الغير متوقعة : والطريقة كالتالي : نحتاج ورقتين : الاولى : قائمة الاعمال التي يجب انجازها .. ابدأي بكتابة كل ما يجب عمله وانهاءوة ( بغض النظر عن موعد انجازها .. بل تسرد سردا :: مثلا : غسيل ملابس تنظيف غرفة قراءة كتاب مسح النوافذ الخ .. .. الامور التي تتم يوميا لا تكتب : مثل : الصلاة ، المدرسة ، الكلية ، زيارة الوالده ( مثلا .. ... بعد الانتهاء من هذا الجدول .. اهم شي في هذه القائمة يوضع بجواره رقم 1 ثم الذي يليه رقم 2 الخ .. ننتقل للجدول الثاني : يقسم حسب الايام : وكل يوم يقسم الى فترات ..( زي جدول المدرسة تماما :.. لكن بدل الحصة الاولى والثانية : توضع على شكل : من الساعة 8 - 10 ، 10 - 12 .. وانا شخصيا افضل ( بعد صلاة الفجر ، بعد صلاة الظهر ، بعد صلاة العصر ... ... اخر مرحلة الان : سوف نقوم بتخطيط ليوم غد ( يوم واحد فقط ... وذلك باخيتار بعض الامور من الجدول الاول .. ووضعها في الجدول الثاني ..( في يوم الغد فقط ! نظع العدد الذي يمكن انجازه .. في اخر اليوم : يتم مراجعة الجدول الثاني : فالامو ر التي تم انجازها تشطب ( وتشطب كذلك من الجدول الاول .. والتي لم تنجر ( لسبب طارئ .. تنقل ليوم غد .. .. وبعدها يتم نقل بعض الامور من الجدول الاول الى الجدول الثاني (لنتظيم اليوم التالي .. .. وهكذا .. وكل ما طرأ عمل ما يضاف الى القائمة الاولى ( وليس الجدول الزمني الثاني .. ... طولت ؟؟؟ بس ان شاء الله اكون افدت .. واي اسئلة : حاضرين ! |
الله يعينك على نفسك وعلى الشيطان
|
اقتباس:
ووولكم ووووولكمووو حيـــــــــــــــآآتي ؛؛ إن شالله تسسستفيدين ..؛؛ وخبرريني بأأي تطووراات تصيــــــــرر وياااج ^_^ :25: اختــج جوووولي |
صرااحه انا اتفق مع (انا والهنا)
كلاامه جداا راائع وعملي.. جربيه وان شاااء الله تتعوودين عالنظاام.. وصدقيني لما تتعوودين عالنظاام بتكرهين كيف كنتي عاايشه بحووسه... انا والهناا كفيت وفيت اسلووب راائع الله يعطيك الف عاافيه... الله يوووفقك أختي ان شااء الله ويحقق لك اللي تبينه.... |
أختي الكريمة
بقولك قصة أختي يمكن فبها سلوى لك وأمل أختي طووووول عمرها معفوسة مرررررة ومتأكدة ما في أحد زيها والله إنا ما نقدر نمشي في غرفتها كلها ملابس على الأرض وكل شي مكركب ما تميزين الإكسسوار من غيره من الأشياء حتى أخوي الكبييير كلمها في الموضوع أنا أكلمها دايما الكل يكلمها مافي فايدة ...ومرت السنين والبنت ما تغيرت (حتى الوالد الله يحفظه مع إنه حبوب وعسل بدا يتهدد ويتوعد) و لما صار عمرها تقريبا22 قالت خلاص أنا بتغير وبصير مرتبة قلنا مبرووووك ... قالت بس بشرط تشترون لي غرفة جديدة+الصبغ+الثريات ....إلخ وما بقى أحد ما قط عليها فلوس االوالد وإخوي الكبير والي أصغر منه وأنا و أختي الثانية وسافرت وشرت الي تبي لغرفتها (والحقيقة إني لما عطيتها الفلوس كنت شاكة فيها كثيير إنها تتتغير) لكن أبشركم الحين لها ؟أكثر من سنة وهي ما شاء الله عليها غرفتها مرتبة. الي تستفيدينه عزيزتي من قصة أختي: *إنك بتتغيرين (بإذن الله) *الأثاث الجديد له دور كبير في الرغبة في التغيير وإذا تزوجت بإذن الله سيكون أثاثك جديد حتما. أخيرا:أهم شي أهم شي أهم شي عشان ما تحتاس غرفتك إذا استعملت الشي رجعيه مكانه ولا تقولين بعدين(أنا مستعجلة) هذا الي يحوس الغرفة. والله يوفقك وسعدك. |
أول شي رتبي الغرفة وقسميها بطريقة تسهل عليك إيجاد القطعة المطلوبة
تقسيم أدراج الغرفة بالطريقة الصحيحة هو اللي يحمسك على التنظيم ويسهل العملية ثاني شي عودي نفسك كل شي يرجع مكانه أول بأول مثل المكياج ولفافات الشعر والاسشوار قبل تطلعين من الغرفة كذا بتكون الغرفة دايم منظمة |
| الساعة الآن 03:11 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©