|
كل مازعلت راحت بيت اهلها
يااخوان مشكلتي باختصار انه كل ماتخاصمنا انا وزوجتي راحت بيت اهلها والمشكلة الاكبر اني اشتاق لبناتي كثييييييييير ( وحدة سنتين والثانية شهرين)
والحين لها اكثر من اسبوعين عند اهلها . حتى اني بديت اتعود على بعدهم هي والبنات . ايش رايكم ارفع عليها يمين الطلاق . لاتنسون الشهوة والشيطان لاني صاير شهر عزوبي وشهر متزوج علما اني لي ثلاث سنوات متزوج . اخوكم راكانوفا |
الله يوفقك
مشكله تريد حل من ذوي الخبره |
هلا اخوي....الله يعينك على فرقا زوجتك وان دل على شي يدل على انك تحبها وما تستغني عنهاا..
بس استغربت من انك تجيب طاري الطلاق أعوذ با الله ان شاء الله الامور ماتوصل للطلاق والله يخليكم لبعض. ان كنت انت الغلطان فمعها حق تبيك تحس بقيمتها وتدلع عليك شوي ولا هي انا متاكده انها تنتظرك تجيهاا وتفاجئها بدخولك عليها وتراضيهاا..... لاتنسى بينكم اطفال...... والمرأه مسكينه الكلمه الحلوه تطيرها فوق.......عليك با المعامله الزينه..... ونصيحتي لك اشتر لها هديه عليها القيمه واكتب عليها عبارات االحب وكلام حلووووو وتفاهم معاها وانا متاكده انها راح تقدرك وترضى عليك....... الوحده منا مالها الا زوجها خصوصا اذا بينهم اطفال...... الله يوفقكم ومعليش اذا كنت خليت الغلط منك بس انا حاسه فيهااا واكيد اهي تحبك وتموت فيك بس تتغلى عليك؟؟؟؟؟؟ وانت شيل من بالك فكره الطلاق لانه مو حل هذا يهدم بيوت لا تستعجل... والله يوفقك..:17: |
اسأل الله لك التوفيق والسداد وتفريج الكرب والضيق
أخي كل ما استطيع أن افيدك فيه هو أن تناقشها وتبين لها خطأها بهدوء والله معك |
ممكن تذكر لنا سبب المشكله حتى تتضح الامور اكثر
لا استطيع ان انصحك بشئ قبل ان اعرف السبب فلا اريد ان اظلمها او اظلمك |
خبرها بنيتك بالطلاق
او لمح لها بالزواج عليها وبتجيك وهي مغمضه وامسح فكرة الطلاق من راسك |
ما هي سبب المشاكل ؟؟ هل هي كبير تحتاج الى الذهاب الى منزل والدتها ...
|
شي بديهي , لأنها عارفه أنك راح تركض وراها .. فأنت السبب الرئيسي في ذلك .. فتحمل ما يأتيك ..
خلها أخوي بيت أهلها واياك انك تسأل عنها .. وخلها هي اللي تجي .. بل وبشروط صارمه جدا .. خذها فرصة لا تعوض لتأديبها .. حتى يكون نكال لما يديها وما خلقها .. لقد فرطت في شخصيتك حتى عادت زوجتك لا تفكر فيك اذا خرجت من بيتها ولا تعبرك .. وهذا أنت تتحمله .. فمن اهان رجولته وشخصيته ..لا تتوقع أن زوجته ترفع من قدره .. |
السلام عليكم ورحمه الله وبركاته اخي الكريم ...انت السبب في ذلك ...يأخي اذا حدث وان وقع شجار بينكما عليك بالخروج من المنزل واتركها(اقفل جوالك) واياك ان تذهب بها لبيت اهلها مهما كان ... وبعد ان تهداء النفوس ويذلف الشيطان ارجع لمنزلك...لابد ان تعودها على هذه الطريقه انه مهما حدث من نزاع لن تخرج من منزلها ..... . |
طيب هي ليش تزعل.
اخي الكريم لا يمكن ان تحل مشكلة مبنية على مشكلة اخرى. ابدأ من الاساس......... ماهي المشاكل الي تخليها تتركك وتروح بيت اهلها ؟ عندي احساس انك بتاخذ الموضوع بحساسية بس انا عندي شعور انك غلطان !!!! وان المشكلة منك انت لأن زوجتك والله اعلم ما هي مغفلة عشان ترتكب الخطأ وتزعل .... لا وتروح بيت اهلها بعد. صارحها .... و تغير تغير تغير والتغير اهم من المصارحة تحياتي للجميع |
بالهداوة اخوي ولازم انك تكون حازم في الامور مع زوجتك
اكيد زعلاتها الكثيرة وخروجها من البيت بسبب تعاملك غير الجدي مع زوجتك . في مثل هذه الحالة يجب ان تجلس معها وتعيد الموازين من اول وجديد . وتحاول انك تحاسبها وتحاسب نفسك على اي مشكلة من البداية عشان ما تكبر .. |
اخي الكريم استهدي بالله
وجيب حكم من اهلك واهلها وتناقش معاهم وبينلهم سبب المشكلة وان شاء الله تنحل المشكلة وجلس انت وزوجتك وكل واحد يكشف اوراقة وقولو اللي في قلوبكم عشان تصفى النفوس وان شاء الله ما يكون في داعي للطلاق وادعو الله ان ييسر اموركما ويسعدكما |
لا تخليها تطلع من البيت .. قول لها تجلس في البيت وانت الي اطلع منه ..
قل لها هذا بيتك وانا الي المفروض اطلع انتي وبناتك اجلسو في البيت .. اذا حسيتها تلم ملابسها بتروح لبيت اهلها .. قل لها انتي اجلسي انا الي بأطلع .. اطلع عن البيت يوم يومين لحد ماتروق تعال وراضها .. راح تستحي على دمها مع الوقت وتترك عنها هالعادة .. اما تفكيرك انك راح ترمي عليها يمين الطلاق عشان الشهوه ياخي كبر مخك .. |
وين اهلها عنها مايكلمونها ماينصحوها عن خطائها كل مازعلت تركت البيت وجات عندهم ..
شوف يااخوي اذا مشاكلكم تافهه .. خليها في بيت اهلها تتأدب فترة عشان تتعلم قيمة الزوج وتتحمل مسؤلية محافطتها على بيتها .. وراح هي اللي تدور عليك وعلى رضاك .. طبعاً هذا اذا ماكنت انت غلطان ومسوي شيء احنا مانعرفه .. |
يعتمد على حسب اسباب زعلها اذا هي تستاهل فانت الغلطان واذا هي ما تستاهل فحاول تكلمها بالموضوع
|
اخوي
استكانة شاي شكرا على مرورك اخت بندوره2007 شكرا على مرورك انا فعلا احبها لكن هي مي فاهمة الشي هذا وفعلا الفراق والوحدة واشتياقي لها وللبنات متعبني بس بصراحة بديت اتعود على الوضع وانا اشوف انه هذا مو في صالحها لانه هذا يقسي قلبي عليها وحتى على البنات , في الماضي كنت مااقدر ابعد عنهم يومين والحين يمر الاسبوع وعندي استطاعة ان ابعد اسبوع ثاني وثالث. بالنسبة للطلاف انا فكرت فيه بجدية لكن قلت ابصبر واعطيها واعطي نفسي فرصة لاني بصراحة ما ابغى اكسر خاطرها واخلي الحاقدين يشمتون فيها ولا ابغى اشتت بناتي وان شاء الله كل مامر الوقت نفهم بعض اكثر . الغلط في المرة هذه على وحاولت اراضيها واقدم لها رضوة بس هي طلبت رضوة فوق استطاعتي ورفضت لكن مو كل مرة اكون انا غلطان من يوم ماتتزوجنا خرجت من البيت حوالي خمس مرات معقول فيها كلها انا غلطان وانا بصراحة اشوف ان الزوجة المثالية تختبر في مثل هذه المواقف اذا زوجها غلط عليها وصبرت فهذا دليل على انها تحبه . الاخ او الاخت نبض القلب111 شكرا على مرورك وفعلا هذا اللي بسويه بس على الله يجيب نتيجة. الاخت عناد شكرا على مرورك بصراحة مااقدر افشي اسرار بيتي حتى لو ماحد عارفني بس المشكلة الاساسية تكمن في انها مثلك عنادية وعصبية جدا المرأة الصالحة هي اللي تطيع زوجها مو تحط نقرها بنقره. الاخت ام خالد شكرا على مرورك بالنسبة للطلاق والزواج من الثانية هي متوقعته في اي وقت وهذا الشي محسسها بقلة الامان والمصيبة انها تسوي العكس بدل ماتتمسك فيني وترضيني عشان لا افكر اطلقها او اتزوج عليها تقوم تغضبني وتهجرني لكن ايش نسوي ناقصات عقل. الاخ محمد هيا شكرا على مرورك والله المشكلةبسيطة وما تستاهل لكن روحتها لبيت اهلها تكبر المشكلة وتزيد الفجوة بيننا . الاخ رادع شكرا على مرورك وفعلا انا اللي عودتها على هذا الشي لكن يصير خير ان شاء الله لو جات خارجة ثاني مرة بقولها لو خرجتي مالك رجعة يعني لو خرجت فهي طالق. الاخ العازم شكرا على مرورك والله ياخي في جميع المخاصمات اللي مرت لو انها ماخرجت كان تصالحنا لكن خرجتها لبيت اهلها تعطي الشيطان فرصة انه يكمل مشواره في الوسوسة ومباعدة القلوب بس ايش نقول وايش نخلي. الاخ فهد هاشم شكرا على مرورك بصراحة في المرة الاخيرة انا اللي كنت غلطان وفعلا المشكلة مبنية على مشاكل قبلها وانا ان شاء الله احاول انهي المشاكل من جذورها واغير نفسي واغيرها كمان وهذه احد الوعود اللي وعدتها بها يوم اتصلت اراضيها بس هي حطمتني لما ردتني وخلت معنوياتي صفر. اخ فهد - الجبيل شكرا على مرورك ...انا والله حازم جدا ويمكن هذا اللي مزعلها مني . بس فعلا زي ماتفضلت لازم نجلس ونرتب اوراقنا من جديد ونحاول ننسى اللي فات والله يكتب لنا اللي فيه خير ان شاء الله الاخ corazon شكرا على مرورك وصدقني جبنا حكم من اهلي وحكم من اهلها وحكم دولي كمان ولا في فايدة لانه ماحد بيحل مشاكلنا الا احنا لانه الاهل لهم الظاهر . الاخ او الاخت ياربي لاتحرمني شكرا على مرورك بس اطلع اغيب يومين وين اروح الله يهديك ماعندي دوام اليوم الثاني. الاخت ندا شكرا على مرورك مشكلة اهلهاانهم يشوفونها انها هي صح وانا الغلطان بس لو يفكرون بعقلهم يلقون انه مومعقول في كل مرة انا غلطان الله ماشفناه بالعقل عرفناه. الاخ او الاخت هضبة من الجهل شكرا على مرورك والله المشكلة ماتستاهل لكن الشيطان شاطر وانا اخوك. محبكم راكانوفا |
[ان من خلال تجربتي ارى ان الزوجة اذا راحت بيت اهلها لن تجد الراحة هناك .
مرة زعلت من زوجي ورحت بيت اهلي كم يوم حسيت اني بتجنن ...اخواتي المتزوجات يجون زيارة ويروحون وانا جالسة والبنات والعيال يروحون مدارسهم وانا مقابلة امي اللي قتلتني بنظرات الشفقة المهم ماصدقت زوجي اتصل يسال عن ولده على طول حليت المشكلة وقلت توبة وصدق من قال البنت في بيتها اميرة وفي بيت اهلها اسيرة. لكن اذا استمر وضعك كما هو عليه ارى انك تتزوج لان الغرض من الزواج هو الستر وصيانة النفس . واذا ودك ترى عندي لك عروسة ههههههه امزح.. بس اذا قررت انا ممكن ابحث لك عن انسانة طيبة. بالتوفيق ان شاء الله[/QUOTE] |
شكرا لك اخت زوجي بموت فيني .........اسم جميل الله يديم لك حب زوجك فيك وانا والله اموت في زوجتي لكن هي مي عارفة الشي هذا .
بالنسبة انك تشوفين لي زوجة انا اشكرك على الخدمة هذه بس بصراحة ماودي اكسر خاطرها واجيب لها ضرة وان شاء الله هي ماتجبرني على الشي هذا . |
السلام عليكم ...
أخي الغالي // أختي المتزوجة , لا يعطيها زوجها مصروف أبداً ... لها او لعيالها ... ماستدعا ... نومها عندنا لمدة شهر كامل ... مع كذا ماستطاعت , لان أطفالها عنده ... وهي تشتاق لهم وله .. مهما يكون حاول تكون أنت رجل ولا يعيبك شي ... كن حازم ... حتى لو أستدعى الأمر أن تتزوج ثانية ... أنت الان تهدم بيتك بيدك ... حاول تتفاهم معها ... أنك تحبها والمشاكل لابد في الحياة الزوجية فلا يستدعي كل مرة نزعل فيها تذهبين الى بيت اهلك ... أنتي تقتلين الحب الذي بيننا ... كن حازم ... وهددها ... لانك قد تفكر في الزنا والعياذ بالله ..! والله يحفظك . |
الاخت زوجي يموت فيني
انتي حكمت على المساله على طول واعطيتي الحل انه يتزوج وبتساعدينه على العروس انتي قاعده ساهمين في هدم بيته ولاتنسين عنده بنتين الشي الثاني ذكر انه هو الغلطان موهي وماندري اش الغلط يعني لو مكانه انتي اش بتسوين؟ واتمنى تتقبلين كلامي بصدر رحب اخوي راكانوفا اتمنى انك ماتستعجل ولاتنسى عندك بنتين يعني المفروض يكون الطلا ق اخر الحلول وبما انك انت الغلطان المره هذه انا من راي تراضيها وبعدين تفهمها ان اللي تسويه غلط المفروض ماتطلع من البيت هذا راي |
شيل الطلاق من راسك .. لانه المه اشد
كلمها .. وفهمها بالهداوة .. مو كل ماتتزاعلو تروح لااهلها وقولها انه فضحيتنا بتصير بجلاجل وكل الناس تدري اننا متخاصمين .. وتصير سمعتنا عن كل لسان << ترا القصد بكذا تخويفها من كلام الناس الله يهديها شكلو تفكيرها شويه محدود .. هاذا دورك انت تعقلها وتفهمها .. وحط ببالها البنات وكيفية تأثير هذه المشاكل على نفسيتهم .. ونفسيتك انت كمان .. وانه ممكن تصير فجوه بينك وبينها واذا مانفع كلم ابوها .. او كلم المتفهم من اهلها .. لكن الطلاق شيله من راسك لانه اثاره اكبر .. |
لاتعتقد أنها مبسوطه في بيت أهلها أنا متأكده أنها تعد الدقايق والساعات تنتظر جيتك لها..
لهذا اتركها في بيت أهلها إلى أن تتصل أو يتصل طرف من أهلها... |
اقتباس:
|
اقتباس:
|
اقتباس:
ثانيا اشكرك على النصائح اللي قدمتيها وفعلا انا يبغالي اجلس معاها واحاول افهمها مع انه هي انسانة رزينة لكن وقت الغضب تتغير الله يهديها. |
اقتباس:
انا متاكد انها ماهي مبسوطة عند اهلها وفوق هذا كله يوم اتصلت اراضيها صدتني حاجات غريبة تطلع من بعض الحريم والمشكلة لين يطلقونهم ازواجهم ( هذا بعد صبر ايوب ) يقعدون يتبكبكون والوحدة تقول لزوجها انت ماتحبني لو تحبني ماتطلقني . سبحان الله يكفرن العشير:19: :29: |
ياخي المفروض مااتخليها كل مازعلت اطق الدرب وتروح بيت اهلها حتى لو زعلت زعله جايده
بعدين انتوا عندكم عيال يعني بالعقل المفروض مااتخلي بناتك يبتعدون عنك ويشوفون هوشاتك مع زوجتك انا اقول رجعها وحط لها حد قول لها مو كل زعله تاخذين قشارج وعيالج وتطلعين فهمها هي بعدين مره كبيره مو ياهل على كل شي تزعل الله يوفقك |
اقتباس:
|
يا هلا ...
الله يعينك اخوي على هالعيشه ... وانا مع الاخ راد في كل اللي قاله .. لكني اتسائل .. ليه اهلها راضيين باللي عاملته فيك .. كلم اهلها بشكل حازم وقول لامها وابوها سنعوا بنتكم والا ترى ما راح تشوف شي يسرها .. وربي يعينك .. أختك أميرات .. |
الطلاق خراب بيوت وظلم للأطفال
لكنة يكون حل في ظروف صعبة وانا لارى مشكلة ظاهرة لابد من حل المشكلة الي تخليها تروح لبيت اهلها قبل ما تفكر بالطلاق ومثل ما تفضل الاخ الي قبل بقولة ابدأ من الاساس......... ماهي المشاكل الي تخليها تتركك وتروح بيت اهلها وياما بيوت فيها مشاكل لكن كل مشكلة ولها حل بأذن الله |
الله المعين
الله يهدي زوجتك عليك صالحها يااخي باذرمباذرة طيبه يمكن تلين وتنكسر وتعود المياه لمجاريها لاتفكر ابدا بالطلاق مهم يكون لان عندك بنات منها فحرام هذوول البنات يتعذبوون وربي يصلح حالكم |
يأخي طلع رجولتك على زوجتك وولا تكون هي المسيطرة وبعدين مين الي يدويها بيت أهلها غيرك أنت !!!!!
وقفه عند حدة وراح تشوف النتائج بأذن الله تعالى |
اسأل الله لك التوفيق والسداد وتفريج الكرب والضيق
|
لالالالاااااا ما انصحك بالطلاق ابدا وليس حل !! تعوذ من الشيطان بإمكانك ان تجبر زوجتك على الجلوس في بيتها وهي زعلانه منك او غاضبه بدون الذهاب لبيت اهلها ..
وايضا يمكن لك التفاهم مع والدها ان يخبرها ان لا تأتي لهم عندما تحدث مشاكل بينكما او زعل و خصام واغلب البيوت فيها مشاكل زوجيه إلا من رحم ربي .. واخبر زوجتك ان هالامر مزعجك وانه هالامر في غير صالحها ولا صالح اطفالك .. لامانع من النقاش والحوار بكل صراحه حاورها وخذ مابخاطرها .. يمكن هي تبي تحسسك بقيمتها وانه لها سند وانها بتروح لبيت اهلها بسبب انها زعلت منك وتبيك تراضيها وممكن انها تبي تروح عشان يهدأ الامر والزعل وماتكبر السالفه صدقني الامر بسيط لكن خليك اكثر حكمة وذكاء وحاول تصرح لها وتقول ان هالتصرف مو لايق بزوجه عاقله ناضجه كل مازعلنا تروحين بيت اهلك !! وايضا اخبرها قول ماتخافين علي وانا اجلس الساعات والايام لوحدي طيب ماتخافين ادور على غيرك زوجه تهتم بي وما تتركني حاول تحسسها بأهميتها بحياتك وانا ماتبي غيرها ويمكن تتغير لانه بعض الزوجات تخاف على زوجها.. وان صارت مشاكل مافيه امل تتركه لوحده وتغار عليه ودائما تتنازل من اجله .. والله يوفقكم ويسعدكم ويجمع بينكم على خير و لابد من جلسة مصارحه وحوار بينكما |
عزيزي ابعد سااااااااااالفة الطلاق من مخك والله ياكثر الي كذا وطلقوا وندموا
وش ذنب بناتك يعيشون في عذاب نفسي وأذا كبروا يحطون اللوم عليك في تشتتهم الحل اتركها عند أهلها ولاتسأل عنها ولاتكلمها وبناتك لك حق أنك تشوفهم خذهم معك كم ساعه بعدين رجعهم لها وحاول انه ياصلها انك تدور حرمه ثانيه(لا تصدق بس اشاعه عشان تخاف) وتشوف أذا ماجتك بس انت اثقل عليها شوي اذا كانت تدلع عليك هذا دواها بس أذا انت الي غلطان فتستاااااااهل الله يصلح شانكم ويخزي شيطانكم وتقبل مروري |
انا مع الاخت بندزره 2007 في كل ما قالته
بالتوفيق أخي العزيز ما للهوى داعي اذا اللي تحبه ما يراعي |
اقولك تبا رأيي خليها في بيت اهلها سنه سنتين ان شاءلله 10 سنوات لين ماترجع بنفسها
لانها لازم تتأدب هذي مدلعه وماتراعي حقوق الزوج والله وين الحريم اللى يصبرون على ازواجهم وعاقلات خلها ابوي انت لك الحق تروح تشوف بناتك وبس وقولها انا جاي اشوف العيال واذا بتقعدين عشر سنين مكانك اقعدي انا اعرف واحد كذه زوجته كل يومين رايحه بيت اهلها بعدين شوفي يابنت الناس خليكي في بيت اهلك للأبد انا مش مستعد اجيبك بس بجد حست انه مستغني والله بعد فتره بنفسها راحتله ومن يومها خلاص لصقت في بيتها لصقه سوبر جلوخ هخههههههههههه |
| الساعة الآن 08:52 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©