|
شلون اقنعه؟؟! ,, ساعدوني وقتي ضيق
السلام عليكم ورحمة الله وبركاته
مساء الخيرات ابي رايكم ونصيحتكم ومشورتكم في امر صغيرون جذيه انا واحده راح اتينن من قرارت زوجي المتقلبة السريعة السالفة ومافيها قبل اسبوع كان زوجي عندي وهو على طبيعة الحال متعود كل نهاية اسبوع او كل نهاية اسبوعين ينزل عندي اتفقنا انا وهو انه ماراح ينزل الا بعد 3 اسابيع يعني في اجازته الاسبوعية الي احتمال تصادف 16/8/2007 لانه نهاية الاسبوع هذا راح يصادف ليلة الجمعة زواج بنت عمي والاسبوع الجاي ليلة السبت راح يصادف زواج بنت عمي الثانية الحين ابو الشباب البارحة كلمني ويقول انا هالاسبوع بجيك انا تفاجأت:eek: وصار بيني وبينه كلام شلون بتجي احنا متفقين يقول بس بجي ماصبر عنج 3 اسابيع مدة طويلة قلت له وعرس بنتي ؟ قال من اهم انا ولا الزواج؟ عيل وين اتفاقنا ؟؟؟!! طبعا مثل ماتعرفون هي بنت عمي يعني اكيد بصير روحات وجيات معاها وغير جذيه انه يوم الخميس تعرفون حوسة الحريم بكون في الكوافيرة ومو بروحي معاي ضرتيني (اختي "8 سنوات" + بنت عمتي"10سنوات") :23: طيب الزواج الثاني اخس لانه بنت عمي اقرب صديقاتي هذي وراح اكون معاها انا بالكوافيرة اساعدها وجذيه ومعتمده علي في تجهيزها بأشياء وااايد يعني راح اكون على الاقل يومين معاها مافارقها علشان ترتيب الزواج والكوافيرة والتصوير وانا قعدت معاه وتناقشنا حول هالموضوع وكان راضي ومقتنع جدا بس البارحة انقلب رايه لما اصريت ابي اعرف سببت تغيير رايه قال الراوتب بتطلع الاربعاء وانا اقدر اجيكم ليش ماجي؟ طيب والحل وين اتفاقنا قال مالي شغل ابجي :29: وترى المسافة مو قليلة من الرياض للبحرين بروحي قلبي يشب نار على روحته وجيته من الخوف عليه اذا يى ماراح اكون معاه بنشغل عنه وايد وبصير عتاب وبيتضايق البارحة صار حديث مطول بيني وبينه وكل هالكلام قلته له الي الحين كتبته بس مو مقتنع وانا يادوب اجهز لي ولاختي وبنت عمتي واروح واجي باقي يومين بس لزواج بنت عمي الاولى شلون اتصرف وشلون اقنعه؟! انا مابيه يجي بصراحة بتقيد مابعرف اكون في الزواج ولا اكون معاه ولا مع اهلي |
الله يعينك
انتي حاولي في الطيبه بس تراء مايجزو لك انك تمنعينه او تعارضينه ممكن الرجال يبغي شي ؟؟؟؟؟؟ او مشتاق لك او او بس انا اقول حاولي معاه واذا مافاد وجاك استقبيليه استقبال طيب وصدقيني راح يطلع اثر هذا الاستقبال عليه وراح ينفذ كل طلباتك تحياتي لك |
حاولي تتنازلي عن أحد الزواجين..
خاصة إنه جاييك من بعيد.. وأكيد أهلك بيعذرونك إذا عارفين السالفة. هذا زوجك والناس مابتفيدك. والصراحة زوجك أولى. أتخيلي نفسك تكوني مشتاقتله وااااااايد ويجي ويقولك والله عندي عرس.. بالله مابتنقهري؟!!! فكري في الموضوع عدل ولاتخسري رضى زوجك عشان مناسبات.. قدمي الأهم عالمهم.. |
اهلين اخوي عبادي
تشكرات على مرورك الطيب اي مو هو الرجال يبغي شي اكيد وحاط اباله انه 3 اسابيع بينحرم طيب مو احنا اتفقنا وخلاص على هالشي علشان لا احرمه ولا اكون مقصرة معاه وكان راضي المفروض يثبت على قراره طيب والحل معاه |
اقتباس:
اهلا احساس المحبين شكرا للمرور ماقدر اتنازل عن اي واحد فيهم موعدلة علي صح اولى من الدنيا كل ابوها بس احنا متفقين وخلاص وخلينا جيته الاسبوع هذا الي الحين طاف جاني ليلة الخميس قعد الاجازة الاسبوعية وعطيته كامل حقوقه وماخليت عليه قصور الحمدلله ومشى واتفقنا على كل شي ووادني وتقضيت كل اغراضي على اساس انه خلاص برمجت نفسي انه جيته راح تكون بعد 3 اسابيع بس في لحظة وحده غير قراره طيب وين الاتفاق؟؟ يعني لو ماخبرته مثلا بمواعيد اعراس بنات عمي ولا كان على علم على عيني وعلى راسي انا اتحمل الذنب بس بمثل حالتنا خلصنا وقفلنا على الموضوع يسبب لي توتر وقلق من قرارته السريعة الغير مستقرة:( شلون اتصرف بمثل هالحالة مابي اتعصب لاني عصببببييية وولحد الحين متحملته واكلمه بالطيب مابي شي مايسوى يخلينا نتعصب اهدوني لطريقة اقناع |
زوجك اولى بك من بنت عمك او ختك
اختي في الله ارجو ان تتقبلي ردي بصدر رحب |
اقتباس:
وتقدرين تنسقي مع زوجك لذهاابك مو من بدري |
باختصار شديد لو زوجتي تحاول تمنعني ماجي مادري وش اسوي فيها .
باختصار كلامك مع زوجك خطأ يجي وانت حاولي توزعي وقتك بينهم وهو ماراح يرفض وجودك مع بنات عمك ولكن في الاول اعطيه حقه .... اخوك البدوي . |
قوليله بعد الحفله تعال و انتي بكامل زينتج بعدها احتفلو انتو :d
|
يا قلبي انت خلي الرجال يجي
ارجال متحمل مشقة السفر وانت تبي تقنعيه ما يجي لاو الله حرام:29: :29: لو ما اجا كان عملتي له زفة بلا معازيم :25: لا تعودي زوجك ع بعدك بكرا يتعود وانتت الخسرانة حاكييه قولي له عم استناك بنت عمك ما تفيدك اذا حصل شئ بينك وبين زوجك ام وليد |
انا معاهم الاخوات ماقصرو
اتقي الله في زوجك اختي ومثل ماقالت الاخت لك خليه يجي اخر الوقت وانتي بكامل زينتك دمتم |
انا لست معك انك تمنعيه يجي وفي نفس الوقت لابد انه يتفهم وضعك بالنسبة لبنات عمك وانشغالك معهم يعني بتشوفيه مساء الاربعاء والخميس وهكذا وهو الله لا يهينه يدبر له صرفه في اوقات انشغالك يا يروح للربع او يشوف له صرفه
انا كرجل لو مرت بي هذه الحادثه بتكون هذه معالجتي ابجي لكني لن امنعها انها تساعد قريباتها |
اختي بنت عمج مو اهم من زوجج حاولي تيينه بشي ما يحسسه انتي ما تبينه يي الغاليه ترى الزوج اهم من بنت عمج وحتى اهلح هو الي يظل وياج هو شريك حياتج لازم انتي تقولين تعال انا اشتاقيت لك مو تقولين له لا تيي حرام جي تحسسينه انج ما تهتمين فيه والسلام عليكم ورحمة الله وبركاته
|
اقتباس:
اقتباس:
بالله عليك هل هذا كلام منطقي ؟ هل هذا كلام يصدر من امرأة تحترم زوجها هو حر يأتي بالوقت الذي يريد ويغيب بالوقت الذي يريد ويمنعك بعد من حضور الزواجات وهو في الرياض .. فعلا ً امرك غريب ... الله يهديك ويصلح بالك ... نصيحه لاتخربين بيتك بيدك اخوك البدوي .. |
يا هلا ...
اختي اوعي تقولي لزوجك مثل هذا الكلام .. اوعي .. اوعي ... بدل ما تتفقين مع زوجك انه ما يجي .. اتفقي مع العرايس و خواتك انهم يشوفون وحده ثانيه غيرك تدبر امورهم .. هذا زوجك و من حقه انه يجي و يلاقيك تنتظرينه في البيت ... اعطيه حقه .. تراه يقدر يمنعك انك تحضري الزواجات و ذيك الساعه وش بتسوين ؟؟ اعيدي ترتيب حساباتك و تنظيم وقتك مع بنات عمك و فهميهم ان المخطط تغير قليلا .. اكيد راح يعذرونك .. لكن اذا زعل زوجك منك تراها مو حلوه بالمره .. خليه يجي و استقبليه و اعطيه حقه الشرعي صدقيني راح يرتاح لانه مشتاااق لك و راح يسمح لك ان تروحي و تجي و تقضي امورك وانت مرتاااحه .. وربي يبارك لكم افراحكم .. اختك أميرات .. |
عادي مدام هو يبي يجي خليه يجي وروحي العرس ولاتطولين والله يحل هالمشكله على خير
|
وحده يقولها زوجها ما اقدر افارقج 3 اسابيع وتقوله لا !!
والله لهد العرس باللي فيه بس خخ صدقيني راح يتفهم الوضع وراح يعذر غيابج |
اقتباس:
اتقبل النصيحة وعلى عيني وعلى راسي لو ماتحبيني مانصحتيني الله يخليج لي خيه وتنصحيني دوم الدوم اقتباس:
مشكلتي كنت ابي ارائكم قبل العرس مو بعد ماصار العرس بس يلا الحمدلله في ناس تهتم لانها تنصحني بالخير لا حرمني الله منكم ومن ارائاكم النيرة وهو بالفعل هذا الي صار اقتباس:
ههههه وش اتسوي فيها تتفاهم معاها :24: بس بشويش هذا الي صار الرجال جى واخذه حقه بالتمام والكمال ورحت متأخرة شوي العرس وكل اشوي اتثائب :29: اقتباس:
ههههههههه يااااريت فاتتني بصراحة وينكم قبل لا يصير العرس تشورون علي هو رحت له بعد الحفلة خخخخ بس ماصار احتفال صارت هوشة خفيفة وانتهت بنفس الليلة الحمدلله بس يلا شنسوي غاليين علي الحين ابي نصيحتكم لعرس بنت عمي بعد 10 ايام ويبي يسوي مثل السالفة الاولية الله يعيني على قرارته السريعة لا هنتي اختي تسلمين لي على ردج اقتباس:
هههههههههههههههه ضحكتني هالعبارة لو ما اجا كان عملتي له زفة بلا معازيم :25: اي والله وانتي الصاجة ام وليد نبهتيني لهنقطة الخوفة بكرا يمل مايجي نصيحتج على عيني وعلى راسي يعني برايج اخليه يجي اسبوع زواج بنت عمي الثاني لانه اليوم يلمح على باله مادري انه ناوي متضايق حده ولا متفاعل في الضيق انه بداوم عشرة ايام ويلعن في الدوامات وفي عمله ويقول لي يبي لي راحة تامة ومساج من ديدينج الحلوين يعني مفاد كلامه : افهميها انا ناوي وخلج على بينة احتمال اجي يسلموو ام وليد على المرور لاهنتي يالغالية |
اقتباس:
تسلمي لي على المرور اختي الغالية وعلى النصيحة ان شاء الله اخليه اولى اولوياتي وخلاص هو جى وعدى العرس الاول واستأذنت من بنات عمي وزوجة عمي ورحت له بكامل زينتي بس مو بفرحة بهوشة لانه سوى لي حركة كلش ضيقت صدري ورجعني العرس مرة ثانية كل هذا بسبة توتر اعصابي والوقت الضيق الي خلاني فيه بس الحمدلله عدى الموضوع على خير وانتهت المشكلة يسلمو على المرور خيتي اقتباس:
هذا الي هو سواه يوم الخميس صرت معاه الين المغرب وبعدين رحت الكوافيرة انا واختي وبنت عمتي وبالليل هو طلع للسينما مع اخوي ويوم الجمعة رحت شقتي له حاولت كثر ماقدر ادخر وقت له الله يهديه بس اقتباس:
ان شاء الله تشكرات على النصيحة الزواج الجاي راح اسوي جذي اذا عند وقال يبي يجي اقتباس:
فالك ماقبلناه وشو طلاق ماطلاق صلي على النبي اخوي كلها اختلاف رأي وعلشان لا تتطور المسائل واتصرف تصرف خاطئ حبيت استشيركم وانا ثانيا ماقلت هالكلام له انا قلته للاعضاء الي يبيون يساعدوني اشرح حالتي علشان لا تكون الامور غامضة يعطوني اراء مثلا ماتناسب حالتي من حق العضو اني اطرح مشكلتي كاملة وجوانب من شخصيتي علشان يقدر المسألة ويقدر يعطيني الرأي الصائب والمشورة السديدة تتفق معاي اخوي اولا ؟ ماقلنا شي يمنعني ويجي ويروح وقت مايريد بس بالتفاهم كل شي يزين الحمدلله انه زوجي مو من طبيعتك كان رحت وطي من زمان وشكرا على نصيحتك اخوي انصحني مرة ثانية باللين :) ترى تجيب راسنا الكلمة الطيبة وهي صدقة تراها :) ان شاء الله ماخرب بيتي بيدي والحمدلله انه الموضوع عدى اقتباس:
على تعقيبج ان شاء الله احاول ارتب اموري وارضي جميع الاطراف بس صار على حسابي طبعا الله يهديه بس ماقلت شي لانه واعليه متعني وجاي من الرياض واخلي زوجي رأس الاوليات الله لا يخليني من ردودج يالغالية :) وييخليج لي وينور لج يالخير كل لياليج اقتباس:
عدى الموضوع الحمدلله على خير بس بعد ماانهلكت وصرت بالعرس عيوني حمر من قلة النوم بس بصراحة طولت وليلة العرس مانمت معاه رجعت مع اهلي وهو اخوي نام عنده بالشقة ويوم ثاني كنت معاه لا حرمني الله منكم اخواني وخواتي أظل احتاج لكم دايما اقتباس:
هههههه هدينا نص العرس :d علشان خاطر عيونه الحمدلله عدى الموضوع على خير لا يسوي روحه عذر غيابي وكل شوي يرسل لي مسج بالعرس غير شكل الحين حب الحين شوق الحين عتاب الحين ضحك الحين وله يبي يستأثر فيني واطلع واروح لعنده تسلمين على المرور خيوتو |
اخواني
قبل لا تتكرر نفس المشكلة بعد 10 أيام هو اليوم كان يلمح يبي يجي لانه راح يداوم عشر أيام متواصلة بدون اجازة علشان بداية الشهر وبعد هالعشر ايام راح تكون الاجازة 3 ايام وطبعا راح يكون مهدود حيله واحنا الزواج يوم الجمعة ليلة السبت وهو اجازته راح تكون ثلاثاء وأربعاء وخميس والاسبوع الي بعد الزواج راح يكون مثل الشي 3 ايام هو يقول يبي يجي هالاسبوع قبل الزواج معا انه متفقين مسبقا انه يجي في اجازته الي بعد الزواج وراح تكون بعد الزواج بس ب 3 ايام جيني بس اعرفه يرد بكلامه ولحد الحين اقنعته انه يجي بالاجازة الي بعد الزواج علشان اكون جاهزة وماعندي شي ومتفرغة له وعلشان اهلي مايدمون فيني وفيه ويقولون والله ترى زوجها مانعها حتى مننا وياخدون منه موقف بس هو سكت عني اخليه يجي او احاول معاه ؟؟؟؟ اذا اقنعته مايجي ولا جى راح كل شوي يلوم ويعاتب انتي ماتبيني انا مبيوع يبتديها بمزاح بس ويكثر منها يوميا ويطلعني غلطانة واراضيه بعد بس من جد انضغط والله لا جاني وعندنا زواج |
[CENTER]يااختي ليش انتي مكبره المشكلة فية مثل مصري يقول
<< بسطها متستصعبهاش >> <<<< الي يقدر يكرر المثل هذا عشر مرات بسرعه له مني جائزة ... نرجع للموضوع : ياختي كل الي يبيه زوجك منك ساعتين في اليوم وبعد الساعتين هو راح يطلع من البيت مو فاضيلك يبي يروح مع اصحابه وبعدين المفروض انك انتي الي تطلبي منه وتصري انه يجيلك في اجازته مو تحاولين تقنعينه ما يجي . الي يسمعك تتكلمين عن زواج بنت عمك والاستعداد له يقول انتي العروس مو بنت عمك شايلة هم غيرك وناسيه زوجك وبيتك .. ...................................... الإشراف/ يمنع ذكر جنسية بعينها .. |
السلام عليكم ورحمة الله وبركاته
لي سؤال لو سمحت!!!! لم لستما في نفس البلد؟؟؟؟؟؟ وهل سيبقى الحال على هذا الشكل يأتيك في الإجازات فقط؟؟؟؟؟؟؟ أم ان هذا وضع مؤقت؟؟؟؟؟؟؟ بالتوفيق ان شاء الله. |
اقتباس:
لا ماني ناسية زوجي واحد ينسى روحه؟؟!! زوجي مو من النوع الي ماعنده صداقات واصحاب فقط زملاء عمل وعلى قولتك ساعتين وبعدين بيطلع غلطان زوجي يادوب يجوفني هاليومين مايتركني لو الود وده اتم مجابلته اربع وعشرين ساعة وادا كان عندي في بلدي يطلع بس مع اخواني او ابوي بس اذا كنت مشغولة وبالزور يخليني لازم بكل مكان معاه انا ماصريت عليه علشان انه على طول بيخلص دوام ومشغل السيارة من مقر دوامه الى عند باب بيت اهلي او شقتنا وبيكون عشر ايام مداوم يعني هلكان والدرب مو شوية مايقارب اربع ساعات وهو الله يهداه يطويها بساعتين ونص يعني تعب+ سفر ويومين وراجع انا يعور قلبي جذيه بس على رايك مااقول له لا تجي علشان لا اكسر فرحته بالجية ولا اخليه يمل الشوق يسلمو على المرور اقتباس:
لا مو نفس البلد اانا من بلد وهوا من بلد حاليا نعم وسبحان مغير الاحوال من حال الى حال وضع مؤقت ان شاء الله ادعي لي اختي بجمع شملنا عاجلا غير آجل برحمتك ياأرحم الراحمين لا تنسيني من دعاج يالغالية والله كريم شكرا اختي على المرور |
سامحيني على ردي
زوجك ثم زوجك ثم زوجك فرج الله همك |
جمع الله بينكم على خير
في الدنيا والاخرة وقرب بين قلوبكم اللهم امين |
اعذريني اختي على كلامي فربما كان به نوع من القسوة ولكنها اختي قسوة محبة لبيت مسلم يحوي اخ واخت لنا ويهمنا استقراره ... الله يهنئ زوجك فيك فردودك تنم عن سمو اخلاقك وخفة دمك ..والله يخليكم لبعض..
اخوك البدوي . |
زوجك أولى صعبه تقولين له لاتجي!!!
إذا لازم تروحين حاولي ماتطولين و لو زوجك منعك من حضور الزواج من حقه... |
اقتباس:
اقتباس:
الله يخليج ويبقيج وينور لج يالخير كل لياليج يالغالية الله يسمع منج يااااارب ان شاء الله اختي زوجي ثم زوجي ثم زوجي ولايهمج :) مسموحة يالغالية شدعوة مادخلتي الا علشان تساعدين والله لا يحرمج ثوابي وثواب زوجي وجزاج الله الجنة وربي يستر عليج ويوفقج يارب أحبج في الله اخيتي لا تنسيني من دعاج في صلاتج اقتباس:
مسموح يااخوي والله يجزيك اجرنا مشكووور ماتقصر كلك خير وانا بعد سامحني بس انفعلت لما جفت كلمة طلاق عورني قلبي الله يخلي لي كل اخواني واخواتي الطيبين والقاسين اذا كانت قسوتهم لي خير :) اظل احتاجكم دوم وربي يخليك ويبقيك وينور لك يالخير كل لياليك ويوفقك دنيا وآخرة ويسهل لك امورك ويجعل لك من كل مخرج فرج دعواتك ياخوي اقتباس:
اي اختي انا ماقلت له لا تجي بوجهه جذيه انا كنت ابي وسيلة اقناع وكنت اتذمر على الاتفاق الي ماتم بس بيني وبينكم اي والله اختي كان لازم اروح والعرس الجاي لازم اروح لانهم بنات عمي اما اعراس اهلنا الباقية ماروح الا نادرا اذا ماكان موجود عندي اعرف من حقه بس الحمدلله متفاهم وطييييب بس اجازة نهاية الاسبوع ماتكلم له عنه في اعراس او مشاوير يصير عنده جنون اذا قلت له عندي زواج او مشوار الحمدلله عدى الموضوع والله يستر على الزواج الثاني بعد 10 أيام بس لو اصر شكلي بسمع نصايحكم ولاحتى بكلمه او احاول اقنعه خلاص ادا قال بيجي برحب فيه دعواتج لي بجمع شملنا ونرتاح من طول الدروب وعناها الله يخليكم لي ياااارب ولا يخليني منكم ومن مشورتكم |
| الساعة الآن 02:03 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©