|
غيرتي من صديق الطفوله لخطيبي سببت لي مشاكل كثيره ... ساعدوني ..
السلام عليكم ورحمه الله وبركاته ...
صباح الخير .. من اول اسبوع من عقد القران ... واول طلعه لي مع خطيبي ... طلعنا من البيت ومرينا على بيت صديقه وحنا طالعين ... شفناه على باب بيتهم واقف ... واول ما شافني معاه ... قام يصارخ ويصفر ويصفق .. انا صراحه تضايقت كثير لكن ماتكلمت ... ومن يومها كل مايشوفنا بمكان ... لازم يسوي هالحركات البايخه .. كلمه خطيبي وقال له لا تفضحني بتصرفاتك قدام الناس عيب ... وهالادمي مو راضي يفهم ...وزودها بعد اذا دقيت على خطيبي وهو معاه .. يقول قفل الجوال دامك بتروح لها مستعجل على ايش!! وحتى اذا طلعنا لازم يدق وهاتك ياتحقيق وين بتروح متى بترجع وليش ... ولازم هالتحقيق كل مره ... انا صراحه طفح الكيل منه ... اول شي كلمت خطيبي بهدوء ... وفهمته ...وكلمه لكن مافيه فايده... وزاد بتصرفاته بعد ... وصرت اكلم خطيبي وهو يعصب على طول ... ويتضايق لمن اجيب سيرته .. مع العلم اني ما اجيب سيرته الا اذا سوى هالحركات .. لكن كل مره ننتهي بهواش وزعل ... يقول انا كلمته ومافيه فايده ... وهو مايقدر يتركه لانه صديقه من هم صغار .. بس هالتصرفات انا ما تعجبني ولا خطيبي تعجبه .. لكنه بنفس الوقت مايبي يبتعد عن صاحبه ... بهالحاله انا وش اسوي ... والله صرت اكرهـ اطلع والسبب هالصديق ... وبرضو انا مابيهم يتفرقون عن بعض ... صرت اكره سيرته واسمه ... واعصب لمن يكون خطيبي معاه وازعل منه بس لانه معاه ... احيانا احس انني مزودتها بغيرتي واقول هو صاحبه قبل مايخطبني ... واحيانا اقول برضو هو لازم يحس فيني ويقدرني لانه هالتصرفات ماتعجبني ...والمشكله اني عصبيه ... شورو علي وش اسوي ... هموووم |
والله اختي ... حتى صديق زوجك تصرفاته تصرفات طفل يعني مايقدر الرجال وزوجته...
لكن خلي زوجك يسأله اذا تزوج هو (( اقصد صديقه)) زوجك بيسوي هالحركات الطفولية معه...؟؟ |
الحل والد خطيبك ....................
الحل هو كلمي والد خطيبك يكلم صديق ابنه
الآباء في هذي المواضيع حكيمين ويقدرون المسائل والأفضل انو خطيبك يحاول أول بأول يحجم العلاقة مع هذا الصديق فهذا التصرف ينم عن حاجات كثيرة غير مرغوبه في طريقة تعامل صديق خطيبك مع الناس |
معليه حبيبتي تحملي .. هما كذا الاولاد دفشين ومايعرفوو الذوق الا من رحم ربي ..
لاتنكدي على نفسك بسببه .. ولاتزيدي هم خطيبك لانه بنفسه متضايق من تصرفات صاحبه وانتي بكذا تزيدي عليه وهو بيجلس بين نارين .. انسي الموضوع وخليه عادي وان شالله تخف حركاته .. |
اسمحيلي اقولك خطيبك شخصيته ضعيفه جدا
وبتاكدين من كلامي بعد الزواج |
ممكن صديقه يغار منك لانك شغلت صديقه عنه بس مايقدر يوضح الشي هذا لانه يعرف انه مش من حقه.
حاولي انك تتجاهلي الموضوع, ولا تحسسي خطيبك انك متضايقة من صديقه, واطلبي من خطيبك انك تحب تتعرفي على اهله وتكوني صداقة معهم, بهذة الطريقة سوف يشعر بأهميته عند صديقه وسوف يشعر بالمسؤلية تجاهك لكونك صديقة العائلة, |
واضح من كلامك
إن السبب غيرة منك ومن ترك صديقه له بعد الزواج لكن حاولي تقوين خطيبك وتقوين شخصيته أو أحد يتدخل في الموضوع عشان يعقل صاحبه تحياتي |
اطلبي من زوجك وانت معاه اذا اتصل مايرد واذا شفتوه بمكان غيرو اتجاهكم
لا تكبرين الموضوع طنشي |
أمحق صداقه والله شيء يبط الكبد لكن يا أختي أنتبهي من هذا الصديق المزعوم أنتبهي يا أختي ولا تسكتين بل حذري خطيبك منه
|
الضوء .. انا قلت لخطيبي من اول حركاته بس قال لي ماعليك مزح مو جد ... تسلم عالرد ..
ــــــــ الخير ... أنا كلمت ام الولد وخليت حتى عمتي الي هي ام خطيبي تكلمها ...وامه صراحه ماقصرت فيه بس هو مافيه فايده ابد .. باخذ بشورك وأشوف الوضع كيف ... تسلم عالرد .. ــــــــ العام ...أنا اشوفه متضايق كثير حتى الايام ذي يقول ماراح اطلع وياك .. مع انه لازم نطلع علشان تأثيث الشقه ...ومثل ماقلتي مابيه يصير بين نارين انا بس ابي صديقه يعقل شويه ... تلسمين عالرد ... ـــــــ اخوي قزم ... خطيبي مو ضعيف شخصيه ابدا ... لكنه مايبي يخسر صديق عمره ولا انا بعد ... بس ابيه يعقل عن حركاته الي مالها داعي ... وشخصيته قويه وانا متاكده منها ... لكنه يتصرف بعقل مو بعصبيه ويخسر الي حوله ... تسلم عالرد .. ـــــــ الليث ...اخوي انا اعرف اهله عز المعرفه ... تسلم عالرد .. ــــــــ المها ... خطيبي ماتركه بعد العقد .. بالعكس مثل ماهو ماتغير شي ابدا .. بس يمكن هاذا احساسه .. تسلم عالرد ... ـــــــ مها الكويت ... المشكله اذا شافنا بمكان يسرع ويتجاوزنا... المهم عنده يسوي هالحركات ... تسلمين عالرد ـــــــ الناصر ... هاذا صديق عمره انا مابيه يخسره ...انا ابي هالحركات يتركها ... تسلم عالرد ... ـــــــ اشكركم جميعا عالرد والمشوره ... يعطيكم العافيه ... همووووم |
الصراحة لازم زوجج يتخذ معاه موقف حااااازم جدا ويكلمه بمنتهى الجدية
لانه حركاته ابدا مب حلوة وتضايق.. اذا هو فعلا يعز ريلج المفروض يستحي على ويهه ومايسوي هالحركات خل يقوله عيييييييييب انا مع الحرمة .. الريال المحترم لما يشوف صديقة مع اهله حتى يستحي يسلم عليه وهذا حركاااااااات واصوات الله يهديه ويعقله ... وريلج المفروض ما يتنازل عن الطلعة عشان بس هالحركات.. لازم ما يعطيه مجال .. مثل ماتقولين لازم تأثثون الشقة يعني اذا مافادت معاه كل الطرق خليه ريلج ما يكلمه .. يومين ولما يسأله صديقة شوفيك خليه يقوله عن هالحركات سببت مشاكل بينج وبينه وانج وايد تضايقتي وزعلتي من زوجج والسبه هالحركات لازم يكون حازم معاه ويوضح له ان هالحركات سبتت وايد مشاكل معاج .. |
صديق خطيبك عنده ميانة زايدة جدا ً
لواني في محل خطيبك كان لخيته لين يعقل ويصير رجال .......... أعوذبالله ...... والله أحس أن هالحركاااات بايخة جدا جدا أعذريني على هالرد ,,....,, الصراحة أنا متفهم الموقف أنه محرج جدا بالنسبة لك ياهموووووم الله يصلح صديق زوجك ويهديه ..................... . . . . ومبرووووووووووك وبالتوفيق ان شاء الله تقبل مروري بصدر رحب |
أنا رأي خليك ما تسوي شيء
هو يمكن لما يعرف إنك تتضايقي يزيد بحركاتة لذا إعملي كأنك ما شايفة شيء ومسالة وقت وبيبطل |
والله يا اختي لو يكون صديق زوجي عاملها ... غير زوجي :29:
انا زوجي ما عنده مزح بهيك مواضيع صاحبو على عينو وعلى راسو.... بس لحد حرمة بيتو .... ممنوع الاقتراب ولا حتى على سبيل المزح اسمحيلي اختي زوجك اللي ما حطله حد من اول كلمي زوجك... واحكيله انا زوجتك .... ما ترضى بعد الزواج اكون ماشية لحال يجيي ويكلمني عادي اشحني فيه المرؤة والنخوة :18: وشوفي النتيجة بس لازم تحطوله حد تحياتي لكي |
الصداقـة على عيني وعلى راسي
لكن كل شي له حـــدود أولاً : العصبية مش من صالحك نهائياً بهذا الموقف وأنا ماألومك عليها لكن موقفك يتطلب شوية حكمة وتطلعي من الموضوع برضى جميع الأطراف كلمي زوجك بهدوووء وبسياسه ولا تتكلمي على صاحبه بأي سوء علشان مايعاند وذكريه إنه بكره راح يتزوج صاحبك وماراح حتى يسمح لك تتكلم لأنه كل إنسان يحب يحافظ على ممتلكاته الخاصة .. لاتضعين تصرفات صاحبه على بالك وتكون هي المسيطرة على تفكيرك لأنها يوم بعد يوم راح تحسينه وكأنه عدو لك وتكرهينه أكثر وماتعرفين تتصرفين إلا بعصبية ويصير هو حكايتكم كل يوم خذيها بدلع وبمزح مع زوجك إذا كلمه ولا سأله قبل يرد مثلاً قوليله أنا أبيك لي الساعتين هذي كلها أول ماأرجع كلمه وطبعاً بمزح مش أمــر وهكذا كل المواقف وهي فترة وإن شاءالله يلهى عنه لما تكبر المسؤولية عنها وويضع للصداقة حدود معقولة . |
الجمال الآسر
مرعش هدب حنين 1 أم عبدالله غاليه .. جميعكم اشكركم عالرد ... قبل ثلاث ايام كلمه خطيبي وقال له .. ترضى لمن تكون مع زوجتك اسوي هالحركات .. رد عليه لا كذا تحرجني قدامها ... قال له اجل ليه تحرجني انا دايم قدام زوجتي !!! صديقه فهم السالفه وسكت ... وأمس طلعنا وشفناه بس سلم بدون حركات .. الحمدلله ... لكني خايفه يكون عاقل كم يوم وبعدها ترجع ريما لعادتها القديمه ... يعطيكم العافيه .... هموووم |
| الساعة الآن 12:35 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©