|
مغازلجي،من الاقارب،هل اقبل به كزوج؟
السلام عليكم ورحمة الله وبركاته حبيت استشيركم اخواني واخواتي بموضوع مهم وابي مشورتكم ورايكم وياريت ما تبخلوا علي بالرد بكلمكم عن نفسي شوي انا عمري 23 خلصت دراسه وجلست بالبيت و مستوانا المادي جيد والحمد لله هذا اللي اقدر اقوله عن نفسي الحين .. الله يسلمكم فيه شخص من قرايبي كلمني انه يبي يخطبني صفات هالشخص اللي اعرفها عنه انه اكبر مني بسنه يعني عمره 24 ويشتغل وراتبه عادي جدا في حدود 2500 ريال المشكله ان انا مو متقبله فكرة اني اتزوج واحد من العائله هالشي ماخطر على بالي ابدا وانا من سنه تقريبا اسمع طراطيش كلام ان هالشخص يبغني وانا كنت اطنش وماخذه الموضوع بمزح ولا فكرت فيه بطريقة جدية الاشياء اللي مو مشجعتني اني اقبل فيه عدة نقاط : الاولى انه من النوع المغازلجي والشي ذا اللي مو مشجعني ابدا لاني اعرف بسوالفه .. :11: وثاني شي ان اثنين من اخوانه يبغوا اخواتي الثنتين وحده اكبر مني وحده اصغر مني يعني تخيلوا معاي ثلاث اخوان ياخذوا ثلاث اخوات والاحتمال الاكبر انهم بيسكنوا فبيت واحد .. :( كأنه ما فيه بنات الا نحن في العائله لازم وحده مننا توافق لان اخوهم الكبير كان يبغي اختي الكبيره بس اختي رفضته والحين كل واحد فيهم تزوج وله حياته والله يهنيهم ... والنقطه الثالثه والاهم مثل ما قلت قبل اني مو متقبله فكرة اني اتزوج من اقاربنا بغض النظر سواء كان هو او غيره ... انا كلمت اخواتي الكبار الكبيره قالت لي فكري هذي حياتك وانتي حره فيها والثانيه قالت لي انصحك لا توافقي لانا نعرف بسوالفه انه راعي مغازل وما اعتقد انه بيتغير مع الزمن لانه بو طبع ما يصبر عن طبعه وما شجعتني ابدا بالاتباط فيه :( وانا قلت لها اذا تم موضعك انتي واخوه وكل شي صار تمام انا برفض لاني ما ابغي اتزوج واحد اخوه او اخوانه ماخذين اختي او خواتي انا الحين مو قادره اخذ قرار بس بيني وبين نفسي رافضته بس ما اقدر اقول له لاني ما ابغي استعجل في مثل هالمواضيع وقالي انه يبغيني من زمااااان وكنت في باله الشي اللي ما خلاه يفتح هالموضوع من قبل انه كان واثق اني موجوده له واني الوحيده اللي حاطنها بباله .. ويقول لي انه يحس اني قريبه منه في كل شي مع ان علاقتي فيه عاديه جدا ما تتعدى حدود السلام والسوالف العاديه يعني هو واخوانه بالنسبه لي مثل اخواني .. ومحد يعرف انه فاتحني بالموضوع غير اخواتي وبس صلة القرابه بينا يصر ولد خال ابوي .. اسمحولي اذا كان كلامي ملخبط لاني اول مره اكتب موضوع ومو عارفه ارتب كيف افكاري انتظر ردودكم وياريت ما تبخلوا علي بالردود اعتبروني اختكم الصغيره :d |
السلام عليكم خيتو
والله انا اقولك اهم شي صلي استخاره ماخاب من استخار وبالنسبه للمغازل والله صعبه شويه واذا كنتي مو مرتاحه لاتوافقين وتوك ان شاء الله العمر قدامك الزواج ياعمري عشره عمر لا يوم ولايومين والله يوفقك للي يسعدك ملوووكه |
اذا انتي ما متقبلتنه من البداية
لا تربطين مصيرج بمصير خواتج .. اذا تزوجت وحدة منهم انتي بترفضينه او العكس ..فكري فيه كشخص بغض النظر عن خواتج ..وفكري بمسألة السكن مع اهل الزوج مانصحج فيها الافضل يكون لكم بيت مستقل .. وغير ان مثل ما تقولين مغازلجي.. انا مثلج .. رافضة الزواج نهائيا من الاهل .. و ولد عمتي من صغره كان يبيني بس انا مابغيته لاني حاسة انه مثل اخوي او مافي نوع من المشاعر الخاصة تجاهه مع اني على فكرة علاقتي معاه كانت سطحية سلام بس و ماكنت اشوفه الا نادر .. كم مرة كانت اخته تكلمني وهو يكلم اهله عشان يكلمون اهلي.. من لما كان بالثنوية كان يبي يخطبني..لانه يحبني من صغره وعمره ما فكر ببنت غيري بس اخر شي رفضت .. مامتقبلة فكرة الزواج منه .. مع ان ماشاء الله عليه ريال ملتزم و وسيم والله منعم عليهم بخير .. وغير ان يحبني بشكل مو طبيعي.. واهله وايد احبهم وبالذات امه وايد حبوبة وطيبة بنت عمتي من زمان اللي هي اخته كانت تقول لي ان ربيعاتها لما يشوفونه بالصدفة بيتهم لما ييون يزورنها كلهم انعجبو فيه لانه جد جد ووسيييييييم بس ماعرف ليش مع كل ها ماقدرت احبه او على الاقل ماقدرت اتخيل اني بتزوجه لانه من اهلي وانا مامتقبلة فكرة اني اتزوج من الاهل.. والحين انا ارتبطت بواحد ثاني .. والحمد لله على كل حال بس بعد اقولج استخيري .. والخيرة فيما اختاره الله |
عليكم السلام ورحمة الله وبركاته
الزواج بدايته رضـى وقبول وإرتياح وقناعـة من أغلب النواحي لاتضعين في بالك إنه إنتِ ماتتمنين زوج من أقاربك لأنه الزواج قسمة ونصيب والغالب سبحان الله إنه كل شي يصير رغم إنك ماتوقعتيه وتأكدي بالأخير إنه خير لك من ربي لاتضعين حياة أخواتك في مقارنة بحياتك لكل وحدة حياة خاصة حتى وإن تزوجتوا جميعاً إخوان مالمانع في ذلك ؟ الأهم ياأختي التوفيق والسعادة نأتي للرجل الآن .. أهم مافيه والذي يجب أن تضعيه بعين الإعتبار أخلاقـــه ودينـــــه إن إرتضيتي دينه وخلقه إستخيري الله مره وإثنتين وثلاث وسيكتب لك الله كل خير لاتميلي لعواطفك في هذه المرحلة فكري بعقلك ، وبحياتك مستقبلاً معه كيف ستكون ؟ وهل أنت راضية منذ البداية عن حاله ومن كل النواحي .. وفقك الله وكتب لكِ كل خيــر . |
شوفي أنا بكلمك عن نفسي
لو أتقدم لي شخص أعرف إن هذا العيب فيه ما أوافق صعبه يا أختي يعني لو عيب ثاني ممكن لكن النساء صعبه وماأعتقد إللي هذا عيبه ممكن يتغير بعد الزواج أنا ما أبغ أصعبها عليكي لكن صدقيني لعيب هذا مو سهل أبدا وأسألي المتزوجات إللي يعانو من نفس هذا الموضوع تحياتي |
قبل كل شي إستخيري الله ( الخيرة فيما اختاره الله)
ثانيا : لا تختاري الا رجال يخاف الله ويتقيه و يحافظ على الصلاة ...و ذو خلق... وبعدين شخص (المغازلجي) ... واضح انه انسان ريحته طالعة وفضايحه واصلت السماء ... شخص كان له علاقات نسائية ... انسان غير سوي ... لم يخشى الله في بنات الناس ... تتوقعين سيخاف الله فيك... وسلامتكم |
[QUOTE=أخت محمود][CENTER]السلام عليكم ورحمة الله وبركاته
الاولى انه من النوع المغازلجي والشي ذا اللي مو مشجعني ابدا لاني اعرف بسوالفه .. :11: والثانيه قالت لي انصحك لا توافقي لانا نعرف بسوالفه انه راعي مغازل وما اعتقد انه بيتغير مع الزمن لانه بو طبع ما يصبر عن طبعه وما شجعتني ابدا بالاتباط فيه :( هل ستتزوجين مغزلنجي هل أنتي جاده فيما تقولين نصيحتي أن ترفضي وبكل شده وتصرفي النظر تماما عن الموضوع وبكل حزم وجدية إلا إذا تأكدتي وتثبتي وإطمأننتي بأنه تاب لله توبة نصوح من المغازلة الشخص المغزلنجي على حد علمي البسيط والمتواضع إنسان معدوم الحياء وسطحي ولايخاف الله في بنات الناس لذلك يلاحقهم كما تلاحق الذئاب الشياه والمغزلنجي على حد علمي إنسان كذاااااااااااااب درجة أولى والرجال المغزلنجية أشكال وأنواع نسأل الله السلامة من كل سوء فلاتظلمي نفسك بقبول شخص مغزلنجي والله ولي التوفيق |
والله يا اختي انا رايي من راي الجميع المغزلجي انسان صعب جدا يعني في عيوب كثيره ممكن التغاظي عنها بس هذا العيب لا والف لا وبعدين مشهور يعني سمعته فوق فانصحك من البدايه ماتورطين نفسك في هذا الرجل لانه ماراح يقدر يستغني عن هذه الصفه السيئه الي فيه
واهم شي غاليتي الاستخاره وبما انك مو مرتاحه من البدايه لا تتسرعين وانتي لسه صغيره والعمر قدامك |
صصصلي صلااة اسسسسستخاارة فيــــه
يمكــــــــــــن تكوون فيـــه خيررة لــج ^^ بس داامــه قرريبــج وتعررفيـــنه وتعررفين أطبـــااعه ؛؛ هل اتشووفيــــنه ينااسبج اوو لااا؟؟؟!!! وبالتووفيــــــــــــــق حياااتووو |
الاستخارة ...
لو بندور في ماضي الشباب ترى كلهم لهم حركات صبيانية ، وبعد الزواج يتغير كل شئ .... |
أشكر كل من مر على موضوعي ورد عليه واللي مروا مرور الكرام
واسعدتوني بردودكم اللي ريحتني كثير وجعلها ان شاء الله بميزان حسناتكم |
اقتباس:
اسعدتيني بمرووك يا ملووكه إن شاء الله بصلي استخاره بس حاليا ما بقدر لضروف خارجه عن الارداه:30: اشكرك على الرد والله يوفقك ويوفق الجميع إن شاء الله |
اقتباس:
اسعدتيني بردك اختي الجمال الآسر بالنسبه لموضوع السكن ما بسكن مع اهله السكن بيكون مشترك بينه وبين اخوانه الله يوفقك حبيبتي ان شاء الله بصلي استخاره والله يقدم اللي فيه الخير ..... |
اقتباس:
يشرفني تشريفك وردك على موضوعي مشرفتنا العزيزه غاليه هو من ناحية الدين ملتزمين هو واخوانه بالصلاه بالمسجد ومن ناحية الاخلاق عيبه المغازله بس ولاني افكر بعقلي طلبت مشورتكم في موضوعي لاني من النوع اللي يفكر بعقله قبل قلبه وبصراحه مو راضيه على حالته يعني فيه اشياء ما بقدر اتقالم معاها اذا صار الزواج حتى اختي الكبيره اللي اخوه يبغيها قالت انتي والاصغر مني مستحيل تتاقلموا مع الوضع والجو اللي هم عايشين فيه خصوصا ان اهله يسكنوا في قريه نائيه مو من سكان العاصمه وانتي تعرفي كيف عيشة اصحاب المناطق النائيه عكس اختي الكبيره طبيعتها من النوع اللي يتاقلم على طول وتمشي حالها وهذا سبب نسيت اذكره في بداية الموضوع إن شاء الله ويوفق الجميع ويكتب اللي فيه الخير .... |
اقتباس:
هلا اختي اشكرك على ردك بالعكس ما صعبتيها لاني عارفه ان هالشي مو سهل عشان كذا لجأت لكم انا اعرف متزوجات تزوجوا عن حب وازواجهم فيهم هالصفه وصار لهم اكثر من سنتين وللحين يعانوا من هالشي عشان كذا مو محتاجه اسال لاني شايفه وسامعه يسلموو على المرور |
اقتباس:
أشكرك اخي AmrOkعلى ردك الرائع والله يسلمك يارب من كل شر |
طيب ايش اللي جايه تستشيري فيه بالضبط دامك رافضه الفكره؟
|
انا بحط نفسي بمكانك .. مستحيييييييل اوافق !!!!! يعني الوحده تاخذ الرجال عدل واخلاق .. وتحصل بينها وبينه مشاكل .. شلون وهي تدري انه مغاااازلجي !! انا من رايي الموضوع ما يحتاج له تفكير .. لا على طول .. وهالشي مو شي سهل .. يعني بوضوح لا تواااافقين |
انصحك بان ترفضيه ولا تربطي حياتك باخواتك وعمرك توه على الزواج
وانا انصحك برفضة الان اكره عيب في الشباب المغازل اكثرهم حتى لوتزوج يمكن يترك حركة 6شهور سنه ادا زادة ويرجع مره ثانيه الى المغازل بني ادم طماع ادا صارحتيه يقول موشغلك انا ستمليت من يعني يبي ينوع مثل زوج اخت زوجتي يصير"عديلي" اول ماتزوج ترك الحركه ورجع لها مره ثانيه تصدقون اوقات ادا زوجته اشتاقته الى الجماع يقول لها انا تعبان وتوي مخلص مع وحده ثانيه وانتي حره بالراي فكري وستخيري ربك اولا واخيراً |
أنصحك بأن تتبعي أمر رسول الله صلى الله عليه وسلم
(إذا جائكم من ترضون دينه وخلقه فزوجوه...) وهذا الشخص لا يرتضى دينه ولا خلقه صدقيني لو تزوجتيه سيقلب زواجك إلى جحيم من الغيرة والشكوك والعلاقات المحرمة ريحي راسك من الآن ومن ترك شيئ لله عوضه الله خيرا منه والله سبحانه وتعالى سيرزقك من هو خير منه وهو أتركيه ............ أمثاله. |
| الساعة الآن 03:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©