|
ابغا مشورتكم في مشكلتي مع زوجتي فزعتكم
السلام عليكم ورحمة االه و بركاته
انا عندي مشكلة حصلت لي مع زوجتي و و الله العظيم اني راح اقول كل اللي صار بحذافيره الاسبوع الماضي سافرت انا واياها ورجعنا الجمعةبالليل ، يوم السبت رحت الدوام و جاني تكليف بالسفر مع احد الزملاء لتوقيع مشروع للعمل راح يكون لي منه فائده مالية جيده رجعت البيت وبلغت زوجتي اني بكرا مسافر لمدة يوم واحد فقط وان السفره هذي فيها خير لنا ان شاءالله. زعلت و برطمت و قامت تتكلم كلام ما ادري وش يبغا فانا لما حسيت انها زعلانه كلمت زميلي واعتذرت منه اني ما اقدر اسافر معه لظرف ما رجعت لها في الغرفة وقلت ياله الغيت السفريه علشان اجلس معكم زعلت قاللت لا لازم تسافر والا توديني بيت اهلي ولا راح ارجعلك و لازم تختار بين انك تسافر او اروح لبيت اهلي رديت عليها اني ماراح اسافر ولا راح تروحين لاهلك قامت تغلط علي بالكلام المهم اخذت شنطة و حطت ملابسها بالشنطة وقالت و دني بيت اهلي و الا اخذت تاكسي قلت لها ما فيه روحه واجلسي و تعوذي من الشيطان ما دريت الا هي نازله مع الدرج معها الشنطة و بنتي لحقتها لين باب البيت الخارجي وهي فاتحته بتطلع قلت لها اذا كنتي مصممة تروحين انا اوديك ركبت و وديتها بيت اهلها لما وقفت عند بابهم قلت لها تعوذي من الشيطان قامت فتحت الباب لما شفتها فتحت الباب نزلت على طول وحطيت شنطتها وشنطة الصغير عن باب اهلها وجيت ابغا اخذ الصغيرة اشيلها عنها الى الباب قالت لي مرة ثانية ترا اذا ما سافرت راح ادخل بيت اهلي ولا راح ارجعلك قلت لها انتي اللي اخترتي مو انا و انا ماني صغير كل شوي اعتذر عن السفر بعدين ارجع اقول بسافر لزميلي المهم نزلت و مشيت انا . الان لها الان اسبوع عند اهلها .علما اني ما اتصلت بها خلال هالاسبوع ابداً. على فكرة مو اول مرة تطلب الطلاق و كذا مرة اوديها لين بيت اهلها و اتودد لها تتعوذ من الشيطان و نرجع لبيتنا و اخر مرة قبل اسبوعين ما ادري وش كانت زعلانه منه قومتني من النوم قالت طلقني؟ من هو الغلطان؟؟؟ و ش رايكم اطنشها كم اسبوع؟ لانه بداخلي حاجة تقول لا تكلم مو انت الغلطان . دائماً انا المبادر حتى لو هي اخطت علي |
اسمحلي زوجتك وايد دلووعه وين تحصل واحد يسمع كلمها جذي انا اقول لاتعطيها ويه وهيا بتردلك بنفسها
|
بصراحه يخوي انت مو غلطان
بس يلا التسامح حلو الله يهديلك زوجتك شكلها تحبك بس ما تحب تبين هالشي طول بالك عليها الله يجيب الي فيه الخير |
أخي الكريم
أخطأت لما أجلت السفر (وهذا السفر فيه مردود على الأسرة جيد) الزوج يتنازل من أجل زوجته لكن مو في كل شي التوازن مطلوب وما أدري اسمحلي شكلك طيب بزود بعدين انت يا أخوي ما ذكرت سبب رفضها للسفر لا ناقشتها ولا شي وعلى طول بطلت تسافر عشانها معرفة الأسباب مهم جدا للنظر في المشكلة ... أسأل الله أن يصلح ما بينكم ويسخرها لك ..آمين |
اشكر لكم ردكم السريع
اختي شيهانه بسبب ارفضها للسفر ما تحب اني اسافر بس على فكرة انا سافرت بعد ما نزلتها ببيت اهلها |
اقتباس:
تمنياتي لك بان يصلح الله لك زوجك. |
لا يا اخى
فى حاجة غلط مفيش حد بيعمل كده وانت اللى عملة عين الصواب لا تتصل ولا تسأل مفيش واحدة تحب زوجها وتحب بيتها وتعمل كده ده دلع وهى بتلوى ذراعك لانها عارفة انك بتحبها وبتحب اولادك لازم تسبحها شوية علشان تعرف انك تقدر تعيش من غيرها ولا تصرف عليها ولا ترسل لها فلوس لان زوجة بهذا الطبع لازم تعرف قيمة البيت والزوج واصلا لا يجوز ان تترك الزوجة بيت الزوج بدون سبب تسأل الله لها الهداية وربينا يجمعكم على خير وانت تعرف ان الزوجة سكن وعفاف وانت ايضا سكن وعفه لها |
والله ياخوي ما ودي اخرب عليك واقولك اتركها في بيت اهلها
بس كل الي اقدر اني ادعي لك الله ييسر لك ويوفقكم في حياتكم ويسعدكم واخوي ملاحظه حاول تفهمها ان الامور الي زي كذا لها تأثير على الاطفال يعني تبقى الذكريات في بالهم انتبهو اخوي |
انت ماسويت شي غلط..
طنشها لحد ماتتصل هي .. لان هي الغلطانه مايصير اتسوي هالحركات عيب عليها ... الله يهديها بس |
ايدفع بالتي هيى اْحسن ؟؟؟
|
يا اخوي طيبتك حلوه انا اشوف فيها حناااااااااان وتعاطف كبير منك مو اي واحد يسوي كذا وتصرفك سليم ما الومك انك بطلت تسافر علشانها بالعكس هذا تقدير منك لها وقاعد تشتري رضاها مين يحصل لها زوج يعاملها كذا يعني زعلت انك بتروح وبتسافر وتخليها مع انه يوم واحد وراحت بيت اهلها تهددك ياتسافر والا بقعد ببيت اهلي وتطلقني من جد انسانه غريبه ومتناقضه لابعد الحدود احس ان زوجتك مافيها الوعي الكافي شكلها صغيره او ماعندها اسلوب تعامل سليم بما انها كل كلمه والثانيه تزعل و تقولك طلقني طلقني مفكرين اذا قالوا طلقني ان الزوج مايقدر يطلق ترى الكلمه قويه كأنها تقول للرجال تراني بايعتك واعرف واحد قريبي من كثر ماتقوله زوجته على اقل هوشه طلقني طلقني اخر شيء طلقها شوي وكانت تحب رجوله علشان يرجع لها وبعد واسطات الاهل رجعوا لبعض وقال لها انا طلقتك علشان تحطين في بالك اني اقدر اطلق وماتستهينين في قدري ورجولتي وتبطلي هالكلمه اصلا هذا الشيء منهي عنه اخوي انا ما اقولك كذا علشان احرشك او ازيد غيظك عليها لا والله ابد اقولك هالكلام بس ابي اوضح لك ان زوجتك تجهل هالشيء وأنت لازم تقدر هالوضع انها تجهل حقيقه تصرفاتها وتنبهها لكلامها هذا ولو كانت تعرف قد ايش هالكلمه تأثر وتدمر والله والله ماكان قالتها ابد لازم احد يوعيها ويفهمها ترى احنا البنات احيانا يعمى على قلوبنا ومانوعى الا في اخر لحظه يعني اذا فات الفوت بس لو توضح لها العكس انك تقدر تستغني عنها مثل ماهي تستغني يمكن تعيد حساباتها ومسألة انك تبادر وتكلمها انا عن نفسي شخصيا ما اشوف انك غلطت في شيء وغريبه مادقت عليك تسأل اذا سافرت والا لا لو هي على قولها بتقعد ببيت اهلها علشان تسافر وترجع كان دقت تطمن انك وصلت بالسلامه عالاقل غريبه ماخافت عليك بس بقولك خليها شوي ولاتدق عليها الحين لكن اذا طولت السالفه وزاد الامر عن حده معليش تنازل وروح بس هالمره مو معقوله تشدون انتم الاثنين بس لازم توعيها وتفهمها غلطها وان تصرفاتها هذي مو معقوله او تخلي احد تثق فيه ينصحها علشان ماتحس انك تملي عليها شروط او اوامر والله يوفقك ويسخر زوجتك لك ويهديها ويصلح بالها يارب |
نقرا رد اخونا رادع
|
الحين انت لازم تشد معاها علشان تحترمك و تحترم قراراتك
انت مو غلطان و اهي مو حاسه بالنعمه اللي هي فيها يعني ابي اعرف هي و ش تبي مو قالت لك لا تسافر ؟ وانت الغيت السفره ! اجل ليش سوت مشكله و راحت بيت اهلها و قالت لك سافر ؟ غريبه ما احد اتصل لك من اسبوع من بيت اهلها على يصلح بينكم ؟ من رايي انك تكلم احد من اهلها و تشرح له و شصار و تقول له قول لها تتسنع الله يهديها بس بنتكم صغيره لا تصير فيها حاله نفسيه والا تتأثر من هالحياة |
الله يصلحها ويهديها تصرفها يدل على دلعها الله يعينك ويهديك للصواب.. |
حسب كلالامك انت لم تخطئ طنشهااا لحد ماتتصل واذا لم تتصل كلم اخوانها او ابوها اذا موجود بالي قاعد يحصل بينكم
|
طنشها لحد ماتتصل هي
|
يا اخي الفاضل عندي نفس المشكله دايم تزعل بدون سبب بس اهلها في مدينه اخرى بس اعتقد والله اعلم اننا طيبين زايده عن اللزوم .سراحه من كثر طلبها للطلاق فكرت فيه بجدولكن لدي اطفال وانا احبهم بالمره وكذلك هم يحبوني سراحه يا اخي ودي احل مشكلتك لاني احس اننا في نفس الموضوع بس تدري ليش ما تسوي اشاعه انك بتتزوج الثانيه بس حاول ان يكون مصدر الإشاعه بعيد عنك حيث سويتها المره هذي وكان لها مردود ايجابي بس بعد ان اكدت لها ان سبب الإشاعه هو كثرة جلوسها عند اهلها فالناس بدأت تشك بس خلك حنين وحازم والله الطيبه مالها فايده هالزمن يوكل عشاك من بين ايديك الله يسعدك وعلى فكره انا ارتحتلك ويالي نكون خويا
|
خيركم خيركم لاهله وانا خيركم لاهلي
هذا كلام سيد البشريه عليه السلام .. لا تظن اخوي ان طيبتك هذي غلط بالعكس انت رجل حنون وتحب زوجتك وبيتك وهذي ميزه عظيمه الله يتمم عليكم بالود والتفاهم .. يمكن زوجتك في بالها شئ مخليها متضايقه وعشان كذا تتصرف بشكل غريب .. يمكن قبل الدوره الشهريه ترى الزوجه بهذي الفتره تصير مزاجيه وعصبيه .. هي ضلع اعوج ولازم تتقبلها بعوجها عشان تستمتع فيها .. ارسل لها مسج اذا تبغى ترجع انك مستعد تجي تاخذها .. وهي اكيد الحين اشتاقت لك وودها ترجع بس تنتظر البادره منك .. الله يهدي سركم ويوفقكم .. |
حرام عليكم لا تخربون على الرجال بيته
اساسا ما فيه مشكله .. اخوي لا تسمع كلام احد يخليك تكبر الموضوع ولا تدخل بينكم احد ابدددددددددددددد انتم كبار مو صغار تبون الناس يحلون مشكالكم هذي طبائع في زوجتك انت حاول تروضها مو تختلق مشاكل الله يوفقكم .. اهم شي خلك حليييييييييييييييييييم ومتفاهم |
يا هلا ...
اخوي .. الطيبه الزايده احيانا ما تنفع مع الزوجه خاصه اذا كانت مثل زوجتك ... زوجتك دلوووعه و مو لاقيه حد يوقفها عند حدها .. طيب وين اهلها عنها ... ليه موافقين على اللي عاملته فيك ؟؟!! و كيف تستأذنها في اشياء تخص عملك ؟؟ مو من حقها توافق او ترفض اشياء تخصك انت و عملك .. باين انك طيب حيل معها و في يدها الخيط و المخيط مثل ما يقولون .. اسمح لي في هذه الكلمه .. اذا الزوجه ما لقت لها رجال في البيت .. صارت هي الرجال .. وزوجتك كل مره تهددك ببيت اهلها ... طنشها و اتركها في بيت اهلها لحد ما تعرف واجباتها تجاهك فهي واضح انها جاهله في امور الحياة الزوجيه و حقوق الزوج .. طنشها و لا تسأل فيها ... و كلم انت اهلها بشكل جدي وقول لامها تسنعها او في زوجه ثانيه جايه بالطريق ... اعرف ان كلامي قاسي لكن في بعض الحريم ما تجي الا بالعين الحمرا ..هذا اذا كنت حريص على بيتك و اسرتك .. اختك أميرات .. |
الله يهديها
زعلت بدون سبب؟! طيب ليش طلبت تروح بيت اهلها!!!! مو مقنع السبب يعني على العموم اتركها لين ما تتعوذ من بليس وترد لك ولازم تفهمها بحزم انه مو كل دقه والثانيه بيت اهلي! |
طنشهاا وشوف كيف راح تحس انها الغلطانه
وهي تمادت لانهاا شفاتك من البدايه تعتذر حتى ولو انك مب الغلطان وتعودت على هذا الشئ اتمنى منك الحزم فالموضوع الله يهديهااا |
اهم شي ياخوي مايوسوس فيك الشيطان وتفكر بالطلاق هذي اهم شي
ومصير الزوجه بترجع لك ان شاء الله لأنها بتمل عند اهلها وغصب ترجع لك ان شاء الله |
صح اتركها فترة تتأدب ويطيح اللي في راسها
وبعدين هي بتكلمك .. واذا ماكلمت كلم انت أحد عاقل من اهلها عشان يعقلها |
أحس تصرفها غريب
ولكن عندي ملاحظه واقتراح يمكن يفيدك، وبكل أمانه ما عندي خبرة بعض الحريم يكونون بطبعهم عصبيات ويتوترون بسرعه، بالذات بفتره معينه من الشهر لمن تتخربط الهرمونات عندهم ويصيرون إلى حد ما "تافهين" بتفكيرهم واسلوبهم وطريقتهم، وممكن هالشي يأثر على تصرفاتهم.. طبعا أنت أعرف بزوجتك، وهل ممكن تكون هي من هذا النوع؟ أنا اعرف وحده من هالنوع، وتكون هذي الفترة عندها عصيبه جدا، لدرجة أنها هي نفسها تحس أنها تافهه وتندم على اشياء تسويها.. لو كانت فعلا زوجتك من هالنوع، فنصيحتي أنو "تاخذها على قد عقلها" بهذي الفتره وتعاملها زي الطفل، وتخلي السالفه "تعدي".. ما أدري إذا كلامي ممكن يفيدك أو لا، واعتذر لو كان تحليلي ماله علاقه والله يهدي زوجتك ويرجعها بيتها ويسعدكم دوم يارب :) |
أخي باين عليها عارف و متأكدة انك طيب و راح تراضيها
و ما ترضى لحين تطلب السماح و تأكد انها ستفعلها لأنه باين عليك انسان طيب ما شاء الله و هي ما راح تقدر تستغنى بس اوعى و التفكير بالطلاق الله يهدي سركم و يهدي زوجتك باين عليها صغيرة في السن لان تصرفها هذا بصراحة طفولي |
خليها عند بيت اهلها ولا تكلمها.............بس خلي في باللك انك بترجعها
بس عشان ماتتكررها....................برايي خليها لين ماتكلمك وتحس انها غلطانه................. والله يرد شملكم يارب |
هداك الله للرأي السديد ....
ان شاء الله نسمع ...علوم طيبه |
جزاكم الله خير و بانتظار المزيد من الاراء
|
كان الله بعونك اخوي والله يهديها ويهدي الجميع و فرج الله كربتك
|
السلام عليكم .. أخى الكريم
بارك الله فيك وفى زوجتك ، ولقد خفى عن كثير ممن تكرموا بالرد نقطة فى بالغ الأهمية ، وهى طبيعة المرأة ، وطبيعة الانثى بوجه أدق ، فهى عندما تقول لا تعنى بها نعم !!!!! و معنى هذا أنها تحب أن تتدلل على زوجها وفى رأيها واعتقادها أن هذا هو اسلوبها للتيقن من حب زوجها لها وحرصه عليها وعلى مشاعرها ...وهى أيضاً أكثر ما تحتاج إليه هو الحنااااااااااااااااااااان والحب والعطف سواء كان بنظرة أو بلمسة رقيقة أو حضن دافىء يطمئنها وتسكن به نفسها أو بكلمة حنون ..... ورأيى أنك - إذا سمحت لى - ألخصه لك فى 3 نقاط :- 1- أنك تركت عملك من أجل رأيها ، من دون أن تناقشها فى هذا وتشعرها بأهمية هذا السفر ، و ( تضحك عليها بكلمتين حلوين ) فالمرأة مهما كانت ناضجة وعاقلة و واعية لا تستطيع أن تقاوم غزل زوجها لها وتعبيره عن شوقه إليها ... 2- أنك تركتها تخرج من بيتك من الأساس ، فالمرأة كالطفل الصغير فى هذا ، لا تلجأ إلى مثل هذا الفعل إلآ للفت نظر زوجها إلى غضبها وضيقها من أمر يغفل عنه عنه ولكن بطريقة طفولية ، وغالباً ما تنتظر من زوجها أن يكون حاسم معها فى هذا ولكن بحبك هذا وطيبتك المحمودة هذه - بارك الله فيكما - ، فكان عليك أن تمنعها وتقول لها لا يمكنك الخروج من بيت زوجك أبداً ، فهذا هى ما تريد أن تسمعه أن تشعر بتمسكك بها ، حتى ترضخ وتلين . 3-من المهم إرساء قواعد معينة يضعها الزوج بالاستعانة برأى الزوجة ، يلتزم بها كل الطرفان ، وهى تزيد من توقير واحترام الزوجة لزوجها ، ومن إرساء البيت على أسس سليمة بإذن الله تعالى ، وبالطبع لا يوجد هناك أفضل من القرآن و السنة والاستعانة بالكتب المتخصصة فى ذلك فذلك يزيد من وعى الزوجين وإدراكهما ، ولا داعى للزجر والعقاب و كسر نفس الزوجة مهما كانت دلوعة ، فكم من رجل يتمنى أن تكون زوجته كذلك ، ولكن عليك أخى الكريم بجبر دلعها بأن تتثقفا سويا ، وأن تحتويـــــــــهــــــــــــــــــــــــا . نقطة أخيرة أحب أن أوجهها لأعضاء المنتدى الكرام والأعزاء على قلبى :- فى قول لأبى الدرداء مخاطباً زوجته أول زواجهما "إذا رأيتنى غاضباً فرضينى ، وإذا رأيتك غضبى رضيتك ، وإلا فلم نصطحب " محررة سابقة بموقع اسلام أون لاين |
أنا ما أحب أتدخل بهذه الأمور, بس و الله حزنتني عليك .أنا رأي تحكي مع والدها أو أحد حكيم عادل من عائلتها و تشرحله كل ما عندك,و تحاولوا ان تحلوا المشكله و ذلك حتى لا يكون لأحد حجه بأنك مهمل و مستهتر و تثبت لها أنك تقدر الحياه الزوجيه حتى لا يكون ايضا لها حجه إنك ما سألت عنها مثل ما كل حواء بيفكروا., و إذا نفع الأمر معك بأن تتفق مع أهلها بعد أن يروا أنك على صواب و أنها هي التي تفتعل النكد و الشجار, حاولوا تعليمها درسا بحيث تدرك معنى الحياه الزوجيه و ما سيؤدي إليه الشجار المستمر و البدون أسباب..و ذلك يعتمد على شخصيتها و حاول دائما ان تداريها أكثر و تسايرها و تحسسها أنها كل دنياك انها ملكة زمانها يعني اكثر من الكلام المعسول الذي تشعر المرأه به أنها ملكة زمانها هاهاهاهاها و الله يوفقكم و تكملوا حياتكم سعداء
|
الزوجة اذا خرجت من النزل يوم واحد ممكن ان تكرر هذا وتصبح عادة عندها ؟
يجب ان تلتقي بوالدتها او والدها وتضع حد لذلك ؟ واتمنى لكم التوفيق |
الصراحه مااشوف فيه سبب يخليها
تترك البيت ,, مثل ماقالوا الأخوان خلها تنطق ولا تفكر تكلمها ألين تتصل عليك . حتى المره الثانيه تفكر ألف مره قبل لاتطلع من بيتها . ****************** << رادع متلطم خخخخ |
كل اللي اقوله الله يهنيها فيك
|
بصراحه من طرحك للموضوع الحق معاك و زوجتك مخطئه.. لكن لكي نحكم هذا الحكم لابد من الاستماع للطرفين.. محتمل انك لم تخطئ هذه المره و لكن تصرف زوجتك بني على ترسبات.. ربما اخطأت عليها في مواقف سابقه و كان هذا الموقف البسيط ( الشعره التي قصمت ظهر البعير) < << مع احترامي لزوجتك و لم اقصد بالمثل التشبيه انما المعني.. كل شي محتمل.. |
شوف ياخوي اسمع كلامي انا اخصائيه نفسيه واعرف اشيرك
اولا اتصل على زوجتك ام عيالك وقولها ابي اجلس اتفاهم معك واذا قابلتها ناقشها بالموضوع وحده وحده وشوف النقطه اللي بالموضوع مضايقتها وكمان انت طلع كل اللي زعلك سواء بهالموضوع او بغيره من مواضيع احسم الامر كذا غلط مو واصلين لحل واللي فيه خير هو اللي يبدا بالمصالحه وانا ما قصدي تكلمها تصالحها لا كلمها تفاهم معاها اهي ليش تتصرف كذا كل مره ابي اهلي مايصير ناقشها يمكن بينكم فجوه او نقطه هي تتضايق منك فيها خلال عشرتكم ويابعض وما تصدق تلاقي موضوع تفر فيه لبيت اهلها تحاورو بعقل وتوصلو لحل والله الهادي لسواء السبيل |
| الساعة الآن 08:38 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©