|
أبشررررررركم ..اليوم انخطبت ..
يمكن مشاركاتي قليلة وأنا مو معروفة بينكم كثير .
أنا عمري 26 سنة ..جامعية ..معلمة ..سبق لي عقد قران ..من حوالي أكثر من سنة ,,وانفصلت لأسباب كثيرة ..قبل الدخول والرجال هو اللي اختار الانفصال لأنه حس بضيق وقالو جاته عين .. والله يعلم المهم انا تضايقت كثير بعد الطلاق ..لكن حمدت الله انه صار قبل الدخول .. ولان خطيبي السابق مافيه مواصفات مميزة كثيرة وكنت بلا غرور وبشهادة الجميع أحلى منه بكثيررررررررر وأفضل منه اشهادة والوظيفة والراتب لكن كل هذا ماكان يهمني ..أنا أدور الانسان المصلي اللي يخاف ربه ,,واحمد لله على اللي صار أمي اليوم فجأة قالت لي بيجون ناس بيتنا يخطبونج .. فجأأأأأأأأأأأأة .. وانا ماكنت جاهزة نهائيااااااااااااا شعري توني غاسلته وكااااااااااااااش ومنفش مع ان طبيعة شعري حلللللللللللوة ولله الحمد بس عيبه أول ما أغسله يكش بزيادة ماكان في وقت أستشور شعري ..وفي أشياء كثير ماكنت مسويتها كفاية مو جاهزة نفسيا حتى لما لبست وخلصت اختي قالت لي :الصراحة شكلج ماطالع حللللو أبدا ..عكس كل مرة .. المهم انا ماحبيت اأحرج أمي مع الناس فدخلت عليهم وسلمت عادي وحسيت من نظرات عيونهم أني مو عاجبتهم أبدااااا مع انهم ناس طيبين ..بس بعد من حقهم يختارون لولدهم اللي تعجبه المهم الناس طلعوا وماقالو شي .. ومفهوووووووووووووووومة ..ماعجبتهم انا من كثر ماصارت لي مواقف ..صرت اعرف من اللي بعجبهم أو لا .. وبعد لما طلعوا عرفت انهم توهم مزوجين ولدهم الثاني لوحدة معاي بالدوام ..ملكة جمااااااااااال أنا عندها صفر على الشمال ,,مو قلة ثقة بالنفس لكن فعلا البنت حلللوة .. وصديقتي قالت لي ان أولادهم الشباب حلوين وايد وفيهم وسامة ..يعني بيكون احلى مني وأنا صراحة ماعندي استعداد أخذ واحد أحلى مني أنا جمالي على قدي ,, المهم والله اني مو متضايقة ..عادي نصيب .. بس اللي مضايقني اني طلعت جدام الناس بمظهر مو حلو .. يالله .. املي ان اول الغيث قطرة وانها مهما خابت إلا مايجي يوم وتصيب خاصة اني أدعي ربي كثيييييير دعواتكم أن الله يعوضني بالأحسن |
اقتباس:
لــكن من الذي جزم لك بعدم عودتهم ! يمكن يتصلون بكرة ويطلبون انهم يملكون ! نسأل اللــه أن يزوجـــك من تقر به عينك ومن يعينك على دينك |
أخي زياد النجدي..
جزاك الله خير على دعاؤك .. إحساسي هو اللي يقول وأحساسي نادرا ما يخطئ وأصلا كان باين من نظراتهم وكلامهم والصراحة مدام زوجة ولدهم بالجمال هذا ,,انا صعب أحط نفسي في موقع مقارنة معاها .. الناس شكلهم يدورون جمال وانا جمالي على قدي خصوصا أني كنت (باشا )على اهل طليقي .. الله يجزاك خير على دعواتك ,, |
ظحكتيني والله (((((((((((((((((((((((((((((((((((((((((((((((((( :
اذا كان نصيبك بتاخذينه بتاخذينه واذا مرت ولدهم ملكة جمال يمكن تصيرين انتي احسن منها باخلاقك وروحك الحلوه ومقعدك اللي ماينمل وكل مارزيتيهم واحترمتيهم وخاصه امام اهلهم العمام والخوال بتصيرين العزيزه الغاليه ووافيني باخر اخبارك |
تفألي خيرا يا اختاه .......... لعل وعسى يبقى نصيبك ان شاء الله خليكى واثقة ان ربنا هيتقبل دعائك
|
ومن قال أن الناس سينظرون بعينك أنت
.. . الإيحاء الذاتي لنفسك سيؤثر كثيراً تفاءلي ويسر الله لك كل خير .. تحياتي ،، |
السلام عليكم ورحمة الله وبركاته
اخيتي الكريمه عادي جدا هاذا قسمه ونصيب ولا تحزني ومتا دق باب النصيب بابك الله هو الميسر اذكري الله ودادعي في صلاتك اسأل الله العلي القدير ان يوفقك بزوج صال اللهم امين بووركتم |
الله يكتب لك الخير يااااااااارب
تفألي خير يااختي |
اختي الله يعوضك خير
اكثري من الأستغفار بنية الزواج وصدقيني ضني بالله خير ولا تيئسي انا اكبر منك ومش يائسة مع انا مطلقة مع دخلة بس مش يائسة الا ما يجي الي يقدرنا لذاتنا الله كريم وبعد اذنك بدعيلك معي كل ما دعيت بالزوج الصالح الي يعوضنا عن صبرنا خير |
حبييييييييييييبتي ولا يضيق صدرك عاااااااادي ياما وياما صار لي هالموقف لا وبعضهم يصير لأزواج أخوتي يعني قمة الفضيحة وعادي جدا عندي ...... بالنسبة لي دايم أقول مدام حريم بكيفهم بس رجال يجي ويروح يمكن تجيني حالة نفسية .... عليك بالدعاء والله يفرجها علي وعليك وجميع بنات المسلمين ... اللهم آمين وعلى فكرة أعرف بنات كثير عاديات وأقل من عاديات ورجالهم يهبلون ...... وكل وحده في عين زوجها ملكة جمال لا ويخاف عليها من العين ؟؟؟؟؟؟؟؟؟؟؟؟؟؟؟ ماشاء الله تبارك الله ... الله يبارك لهم ويرزقنا مثلهم وأحسن ان شاء الله
|
يارب اختي يكتب اليك الي فيه خير
لا جمال ولا شىء اهم شىء اخلاق ودين وتربية الحسنة الله يسعدك ويرزقك بالزوج الصالح ان شاء الله |
من يدري يمكن يكووون من نصيبك . تفائلي يا اختي
|
فرفشي واضحكي ودلعي نفسك
الله موجودة .. وهو مقسم الأرزاق.. مثل ما رزقك بهذا الخاطب قادر يرزقك بواحد غيره وثقي بأن هذا قضاء وقدر وأن كل شئ قسمة ونصيب |
غاليتي ما تحزني
ترى الجمال جمال الادب والخلق مو الشكل ... بكرة يجيك الي يكون نصيبك يارب يسخر لك ابن الحلال ويستر عليك يا قلبي |
والله يالغاليه لو انك نصيبهم راح تعجبينهم:)
معلمه وما عليك قصور يارب يعطيك الحظ والنصيب الي يسعدك يارب والله فرحتلك وان شاء الله تنخطبين للاحس ويارب نسمع بخطبتك انت واختي وكل البنوتات زنقولكم :14: |
يووووووووووه الل هيسعدك .. بالعكس حسيت بفرحه تجاهك كبيره .. يارب بحق هذه الساعات المباركه .. ان يكتب الخير في المتقدم لكي ويكتبه الله من نصيبك .. ويجعل فيه الخير كله
ترا ياما رجال تشرطو وقالو ابغى وابغى لكن سبحان الله النصيب يصيب مهما كان .. افتكر اخو صديقتي قالها لمن تدورو لي عروسه ابغاها بيضاء اكثر منك << وهنا يقصد اخته وابغاها كذا وكذا .. لكن سبحان الله عجبته وحده عكس تماما كل المواصفات اللي طلبها .. لا وايش يقل بعد الزواج .. راح اذبحك لو تزوجتي غيري << من شدة حبه لها.. الله لايغير عليهم .. بس بنصحك حبيبتي من اخت لااختها .. اتمي على قضاء حوائجك بالكتمان .. الله يختار لك الخيره الطيبه اينما كانت ويرزقك الزوج الطيب .. |
ااااااممممممممممم ..
جزاكم الله خير يعني بعد الي قلت لكم تتوقعون ممكن اكون اعجتهم ..أصلا كان باين من نظراتهم اني ماأعجبتهم بس بعد يمكن أناماأقول الا الله يختار لي الخير سواء معاهم ولا مع غيرهم والله كريم وقادر وإذا اراد شيئا فإنما يقول له كن فيكون .. الله يجزاكم الجنة ياااااااااااااارب ترى هذي أول خطوبة رسمية لي من حوالي سنة متواصلة من الدعاء ..دعواتكم |
الله يعوضك ويرزقك ما تحبين ونفسي والمسلمات والمسلمين
اخت فرح .. عاودي مراجعة ردك ( الله موجود ) |
الله يوفقك ان شالله ...
وانشالله يرزقك رب العالمين بابن الحلال انشالله ... والجميع |
لازم يعني اتكونين حلوه عشان تعجبينهم
جوفي حتى لو ماطلعتي حلوه بذيك الحزه كنتي مرتبه على الاقل خل عندج ثقه بنفسج شوي الجمال مو كل شي |
عزيزتي لاتستعجلي رزقك ..فلربما اتصلوا بعد غد ..
الاهم ان تستمر ثقتك بنفسك عالية والله يسعدك أختك حائزة |
الحين يا اختي صارو الرجال يصير بينهم مقارنه انه احلى من البنت الفلانيه ولا هي احلى؟؟؟ شي غريب
غيري فكرتك هذي وانتي كبيره مو صغيره عشان تقولي الرطجال هذا انا احلى منه مدري هو احلى مني لانه رجال ما يعيبه شكله لو كان خشمه عوج |
الله كريييم ياكلي شعوووور
وماأخذ منك إلا بيعطيكِ أكثر مما تتمنين بإذن الله تخلصي من التفكير السلبي ، وشوفي مميزاتك اللي كثير يتمنونها الجمال نسبـــي والنظرة تختلف من رجل لأمرأه أصلاً ماضيعنا إلا نظرة الحريم تلقينهم كانوا راسمين ببالهم مواصفات معينة وطلعت ِ غيرها وهذا مش معناتها ماأعجبتيهم ولو قدّر الله وكتب ممكن ولدهم يجي ويشوفك أحلى منهم كلهــــم مثل ماقلتلك النظــرة تختلف ولا تشيلين في بالك وحتى لو راحوا فيه غيرهم وهـذا فـــال خير لك بإذن الله وكلي أمرك لربك وهو الرحيييم والبصييير فينا . |
|
الله يزوجك الرجل الصالح اللي يسعدكي يــــــــــــــارب
وخيرها في غيرها مع إنه الإحساس يخيب أحيانآ........... |
اتوقع مرت ولدهم اللي معاك بالدوام هيّ اللي دلتهم عليك..
واكيد مدحتك كثييييير وهذا اللي شجعهم يجوا... عموما الله يكتب اللي فيه الخير... |
تفألي خيرا يا اختاه .......... لعل وعسى يبقى نصيبك ان شاء الله خليكى واثقة ان ربنا هيتقبل دعائك
|
اقتباس:
إذاً لن يخيب الله ظنك في الحديث القدسي : (أنا عند ظن عبدي بي) |
يا اختي تفائلي لا تخلين الشيطان يضيق صدرج بهالوساوس
إن شاء الله يتصلون ويردون عليكم بالموافقة ولو ما حصل نصيب كوني متفائلة بأنه سيكون مع من هو أفضل منه الله ييسر أمرج وبانتظار اخبارج |
الله كريم
يمكن يكونو موافقين تفائلي بالخير تلاقيه ربي يرزقك بالزوج الصالح |
ولاتضايقي ولا شي ان شاء الله ربي يرزقك بالزوج الصالح
عادي مرة مرتين يجوا ومايقدموا خطوبة الخير جاي انشاء الله |
ان شاء الله ربي يرزقك بالزوج الصالح
|
حبيبتي و لا تاخذي في بالك الجمال مو كل شيء
الانسان مو بجماله الانسان بقيمته الاخلاقية أنا و زوجي فرق واضح بيننا يعني هو وسيم جدا و انا جمالي على قدي و جابولو ملكات جمال بس يوضع سره في أضعف خلقه فازت به أختك في الله انشاء الله يا رب تأخذين ما تتمني عاجل غير آجل حبيبتي و الله باين روحك حلوة و دمك خفيف من طريقة سردك للأحداث . |
لامي تماما مثل كلام عذاري
|
ها حبيبتي ايش الاخبار طمنينا عنك
|
طيب اختي احسك فرحانه ليه الموضوع اتفركش وفرحانه
المهم الله يعوضك خير وان شاء الله يكتب لك الي فيه خير |
اختي ...الله يعوضك احسن منه ويعطيك ليييييين يرضيك
باين عليك ...انك بسيطه......والله يعطيك الستر والعفاف... ويدق بابكم العريس اللي يسر قلبك وبالك لكن المره الجاي ..اجهزي بدري شوي...وقبل ما يجوا كوني جاهزه..الله يوفقك |
اتصدقون اتصلوا :d
قالوا الولد يبي يشوف البنت (احنا عندنا لازم الولد يشوف البنت)وهذا الشي أنا أؤيده الوالدة قالت لهم مايدخل ويشوفها إلا بعد مانسأل عنه .. عرفنا مكان شغله ..وعمره على مافهمت مناسب.. سبق له عقد قران وانفصل قبل الدخول (يعني مثل بعض ) بس السبب مبهم ومو معروف لحد الآن (ضروري أسأل وهلي بيسألون أكيد ) أنا حاسة بضيق مدري ليش .. وأحس امي بعد متضايقة ..يمكن لأنها التجربة الثانية لي وامي خايفة علي ..:24: مادري الله يستر ألحين بتبدا مرحلة السؤال عنه ..وهذي يمكن تاخذ لها وقت .. دعواتكم ,,وإذا جد في امري جديد ببلغكم |
|
ان شاءالله اذا كان فيه خير ربي ايسره لك ياااااااااااارب ياكريم
|
| الساعة الآن 06:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©