|
متزوجة من شهر وما عرف كيف اتصرف انصحوني وساعدوني
السلام عليكم اخواني
حبيت اشكركم على الافكار الحلوة اللي تتحفونا فيها في هالموقع الرائع عندي مشكلة وما لقيت حد اساله غيركم انا متزوجة من شهر تقريبا .... وما سبق لي ان قابلت زوجي او تكلمت معاه قبل حفل الزواج ابدا يعني تعرفت عليه من شهر بس وهذا شكل لي مشكلة الحين لاني لازلت استحي من زوجي يعني ودي اطبق كل الافكار اللي تكتبونها هنيه بس احس اني استحي اسويها وبنفس الوقت لو تشجعت وحاولت اطبقها اخاف يفهمني غلط باني جريئة او شي من هالقبيل اتمنى تكون فاهميني بشو تنصحوني ؟ هل اكسر هالخوف واتجرا لكن لو سويت هالشي اخاف يروح تفكيره بعيد وخاصة اني للحين ما فهمته مية بالمية ولا هو بعد او انتظر شوي فترة خمس شهور مثلا سؤال ثاني زوجي مسافر وبرجع عقب باجر من السفر لكن هو راح يرجع البيت وانا في الشغل يعني انا برجع البيت وهو موجود كيف اسوي له مفاجآه تحسسه بحبي له وشوقي له فكرت قبل ما اطلع الصبح لشغل احضر له ملابسه على السرير وحط له ورده حمرا مع كرت اكتب له كلام حلو يعبر عن شوقي له انصحوني الله يخليكم |
اول شي مرحبا فيج في منتدانا الغالي..
ثاني شي أختي أنا أشوف إنك أكثر وحدة تعرفين زوجك، يعني إنتي تقدرين تحددين هل هو بيفهمك غلط ويعتبرك جريئة أو يستانس.. فأنصحك إنك تبدئين مثلا بحركات خفيفة وحلوة وتشوفين مدى تقبله، وبعدين ممكن اطبقين الأفكار الثانية..:23: وبالنسبة لرجوعه من السفر تقدرين تحطيله ورد عالسرير وتكتبيله بأوراق ورد الجوري أحبك وحطيله هدية بسيطة عطر مثلا أو أي شي ثاني مع رسالة تعبرين فيها عن حبك وإن انتي كان ودك تستقبلينه.. وإذا عندك طاولة في الغرفة حطي عليها ماي وعصير وكيكة مكتوب عليها الحمدلله على السلامة :17: وجيبي سلة حلوة إذا عندك وحطي فيها ثيابه (فانيلة، سروال، بجامة....) وعطري كل واحد ودخنيه وحطيها في الحمام.. والله يوفقج.. |
السلام عليكم ورحمة الله وبركاته
غاليتي وفقك الله وهداكي الى الطريق الصواب فلا اجد ما ازيده على ما ذكرت الأخت السابقة واتمنى لك وللجميع التوفيق وتقبلي تحياتي واحترامي |
اختي الغالية أولا أبارك لك زواجك واسأل المولى ان يرزقكم الذرية الصالحة
ثانيا من الأفضل ان تكون الحركات والأفكار القوية بالتدريج لأنك لاتعلمين كيف تفبله وفكرته .. ولازلت في مرحلة مبكرة جدا اي يعني في بداية الزواج وكونكما جدد ولم يكن بينكم لقاء قبل الزواج , فلا مجال للملل والروتين الآن ورأيى الشخصى أن تؤجلي الأفكار الجريئه بعد مرور فترة من الزواج وتسرب الملل الى العلاقة وابدأي في هذه المرحلة بالأفكار الخفيفة كشراء هدية مثلا أو دعوته الى عشاء أو عمل حفلة سهرة ... والله يسعدكم |
..............................................
يمنع الكتابة بغير اللغة العربية .. |
انا حالي شرات حالج ..
وانا صار لي 6 شهور متزوجة .. بس استحي اسوي حركات اللي تنكتب ,, لكن بالتدريج اقدر اسوي اشياء تعوض عن الحركات .. ونصحني شخص وقالي ( لا حياء على سرير الزوجية ) وكل مافكر اني استحي اتذكر هالعباره واذكر ان انا لو ماسويت هالشي لزوجي منو بيسوي له .. واتمنى منج تبيني مدى فقدانج للحظات .. وقوليله .. ( اشتقت لك حبيبي .. مالي غيرك .. حسيت بوحدة بدونك .. انت فرحي وانت سعادتي .. مالك مثيل .. محد يملي علي دنيتي غيرك .. .... الخ فكري .. اقتنعي .. جربي السموحة |
ماعندي خيرة ..
بس حبيت اقول : مبروك.. وربنا يجمع بينكم في خير |
في أول الزواج : الحركات الخفيفة حلوة وكبيرة
نصيحة لا تضيعين متعتك في الحيا الزايد أما الحيا الطبيعي فهو رايح يحبه ويذكره لك بعدين لأن ما في رجال يحب الجرأة الزايدة أشوفها صعبة يرجع >>>>>>ويلقاك في الدوام ماليش دعوى غياب ’’’’’’’ استئذان اتسسسسرفي |
الرجل يعشق حياء المرأة ولا تحاولين تصرفين تصرفات من عندك لأن كذا بيشعر أنك جريئة وتسقطين من عينه . أهم شي تنفذين طلباته في الفراش ماترفضين أو تقولين أستحي هذا هو الحياء المذموم . الشهور الأولى من الزواج ويمكن السنة الأولى كلها الزوج يقوم بدور المعلم والزوجة التلميذة وفي السنة الثانية لا يستغرب لو بدأتي تبتكرين بعض الحركات . اسأل الله لكم التوفيق ولكل المسلمين |
في اول الزواج الحياء مستحب لكن في اوله..بين شهر و 5.او8 اشهر لكن بعد ذلك كل شيء جائز ..
اما عن المفاجئة اضن ان فكرتك بسيطة لكن حلوة للغاية انصحك بها . |
يالغالية .. انتي اتقولين توك متزوجة .. يعني صارلك شهر.. شي طبيعي تستحين خصوصا انك ماكنتي اتعرفينه من قبل .. وشهر .. مو مدة طويلة .. ولا تتوقعين انك تقدرين اتطبقين الي تقرينه هني بسهولة..
انتي بالبدايه .. خليك واعية .. ولاحظي الامور الي يحبها زوجك ويطلبها منك بالغالب.. وبعدين طبقيها .. وشوي شوي .. زيدي على الي دايم اتسوينه حركة ولا حركتين .. يعني لا تستعجلين .. وبعدين من طبع زوجك ... وتفكيره .. تقدرين تستفيدين من التجارب الي هنا.. وتاخذين منها الي يناسبكم .. مو بالضرورة كل شي يتطبق.. وزوجك متوقع منك تستحين فانتي لا تخافين ... ودامك بالبدايه .. انتي جميلة .. وجميلة .. وزوجك يشوفك احلى شي.. فخليك واثقه من نفسك وجمالك .. الثقة تعطيك شكل اجمل.. واي شي اتسوينه ولا تظهرينه لا تستحين منه .. شوي شوي على نفسك.. ترا الحياء مطلوب بهالفترة .. وبهدوء بيطيح الحطب.. يالغلا .. ولا تقعدين اتفكرين واتحاتين كثير.. لانك بتتوترين بعدين .. اتمنى لك التوفيق من كل قلبي.. ومبروووووووووووووووووووووووووووووووك ... |
وجهة نظري ..
تاخذين لك إجازة في اليوم اللي راح يجي .. خذيها اضطراري ... خليه يتفاجأ إنك مش مداومة في اليوم اللي هو جاي فيه .. وسويلك كم حركة حلوة من الحركاات اللطيفة .. جهزي له ثيابه والبانيو والورود والريحة وكم شمعة بالريحة اللي يحبها وبخريهم من هالحركات البسيطة وكمان مثلاً هل راح يجي في الصباح .. جهزي له فطور معتبر من صنع إيديكِ .. على الغذاء كمان اطبخي له غذاء معتبر ولا تنسين تزينيه وسلطات وشوربة وو يعني شوفي الوقت المناسب وسويه له الوجبة .. |
اقتباس:
|
اختى العزيزه اتركى الامور تمشى تدريجيا ولكن لاتنسى شىء ان نفسيتك الحماسيه لاتومت فيك تدريجيا بل استغلى الفرص فى وقتها بذكاء فانت الان اصبحت انسانه مؤهله
|
اقتباس:
هذا عين العقل فكرتك حلوه كتير بارك الله لكما وبارك عليكما وجمع بينكما فى خير |
السلام عليكم
الف الف مبروك الله يوفقك اختي العزيزة الحياء في هذه الفترة حاجة مطلوبة وهي فطرية ولاتتكلفي لانه هو حيحبك كذا لكن بعد السنة ممكن الحركات الزايدة والمبادرة بها من قبلك يكون مطلوب لكن الحين خليك هويعشقك كذا ولسع ماشبع منك عشان يدور حركات غريبة وبالنسبة لفكرتك حلوة وخلي لمبات البيت مقفلة وحطي شموع وحطي الاغرض اللي قلتي وقولي له انك تشتاقين على طول وانصحك تروحين الدوام عشان تيجي بعد هالحركات وراح تشوفي نفسك انت اللي جاية من السفر مو هولانك حتيجي وهو على نار واتمنى لكم حياة سعيدة |
| الساعة الآن 12:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©