|
نفسيتي تدهورت بسببكـ.....تفضلوا عشان تعرفون كيف انا طورت نفسي وماعاد يهمني الزواج ...
السلام عليكم ورحمة الله وبركاته اهلين في الجميع .. الاكيد انكم ماحفظتوا اسمي لاني من فتره طويله ماجيت عندكم وفي هالفتره ارتحت كثير وتحسنت حالتي النفسيه كثيييير وكانت نص الحاله النفسيه اللي فيني سببها انتم .. اي نعم انتم احب اعرفكم على نفسي انا عمري 29 سنه سبق لي وتملكت وقبل الزواج بيومين وبعد مارتبت كل شي ووزعنا بطاقات الزوج ............... مالله كتب النصيب يعني بدون تفاصيل كنت عايشه معاه في السماء وفي يوم وليله انرميت في الارض صارت مشاكل كثيره غريبه واكيد جتني صدمه .. ولكن بعد الاستخاره رفضنا بعض وكلن راح في حاله .. اللهم لك الحمد .. خييييره وبعد هالازمه انا قلت لازم اكون قويه واطلع للناس ولاكأن شي صاير وفعلا هذا اللي صار .. ومرت الايام وانشغلت بنفسي ومن بعد ماتعرفت على هالقسم .. وصرت اقرا كلامكم .. تأثرت مرررررررره وتدهورت حالتي النفسيه .. وصرت افسر كلام الناس ونظراتهم لي على كيفي .. وانهم راحميني ويقولون مسكينه ماتزوجت .. وعلى هالحال تغيرت شخصيتي صرت ماأحب اجتمع مع بعض المتزوجات وأكره سوالفهم .. واسألتهم ليه ماتتوظفين وش وراك انتي فاضيه ومن هالحكي مريت في فتره اكتئاب تقريبا شهرين ماأختلط مع اهلي وابكي كثييييييير ولعب فيني الشيطان مره بكثرة الافكار الشينه .. في عريسي السابق .. دايم افكر فيه في الليل وفي النهار << اكيد من الفراغ النفسي والعاطفي المهم .. ولله الحمد ابشركم اني بديت مشروع والله فتح علي بالافكار الحلوة واللي لازلت ابحث فيها وهالمشروع اشغلني بشكل ماتتخيلون صرت انام واصحى وانا افكر فيه وابحث عن افكار احلى واللهم لك الحمد اني نسيته ونسيت الافكار السودا .. وماعاد صرت اجي عندكم صرت ابحث عن مواضيع فيها ضحك ووناسه ... عشان ننسى ضيقة الصدر اللي فينا لازم نبحث عن اللي يشغل تفكيرنا ... اي شي حتى لو كان تافه .. اهم شي يكون شي جديد علينا عشان نفكر فيه كثيير ... وننشغل عن التفكير في العرس وفي الختام اتمنى تفهمون مقصدي زين وماتحكمون علي بشي مااتمناه وتقبلوا فائق تحياتي واحترامي ... والله يرزقني ويرزقكم ويعوض صبري وصبركم |
الفراغ هو اكبر عدووووو للانسان
الحمد لله انك وصلت الى هذه المرحله من التفكير لانو الانشغال بالعمل او اي فكره حلوه تخطر على بال الشخص المهم انها تكون مفيده وتنمي شخصيته ويجد فيها نفسه فهي نعمه من الله لان الفراغ يجعل للشيطان مدخل يسيطر عليه الله يوفقك ويرزقك يارب بالزوج الصالح |
عليكم السلام ورحمة الله وبركاته
في البدايـة أتمنى من الله العلي القدير إنه يعـــوضك ويعوضنا كل خيــر الأمر كله من قبل ومن بعد لله ، وهو العالم بما فيه خير لنا حتى وإن رأيناه صعباً على قلوبنا . أنا من أشد المؤيديــن لأي عضو يكتب إنه المنتدى سبب في تغيره للأسوء بأنه يبتعــد عنه ويذهب لأي مكان يشوف فيه حاله براحــة ورضـا .. الحمد لله على كل حال إنتِ شفتي نفسك بعيدة عنه إنك صرتِ بخيــر وشفتي نظرتك للحياة كلها تغيرت بإنشغالك بمكان آخر هذا هو المطلوب والحمد لله وجدت نفسك بمشروعك اللي ملأ وقتك والله يبارك لك فيه ويزيدك أكثر وأكثـــر من فضله . إن شاءالله يجي الوقت اللي تبشرينا بخبر زواجك بإذن الله ووقتها عالم المتزوجين يرحب بك :D مالك عذر وقتها ومش شرط تكون مشاكل الله يبعدها عن الجميع تعالي ونزلي لنا ليلة رومانسية من لياليكم قولي آآآآمين .. وفقك الله . |
whitemoon
اهلين فيك .. فعلا الفراغ هو اكبر عدووووو للانسان والمفروض ان الواحد مايستسلم للفراغ ابدا والا بتلعب فيه الافكار الشينه الله يسمع منك و يشرفني مرورك غـاليــة يسعدني تفهمك وعدم نقدك .. فعلا الواحد لازم يبحث عن اللي يريحه ودي اقول ملاحظه ماادري تعجبكم والا لا ,, انا لاحظت هنا في المنتدى مافيه قسم ترفيه ومواقف مضحكه الواحد يغير جو معها ؟؟ مشكوره على تفاعلك معي والله يتقبل دعاءك ويسمع منك .. واملى قسم عالم المتزوجين بالافكار ههههه أشكر الجمـــــــيع بكل ود |
ماشاء الله تبارك الله
اسأل الله تعالى ان يربط على قلبك و يحقق لك أمانيك و يوفقك في الدارين أختي الغالية لازلت أتذكرك .. و احمد الله تعالى أنك وجدت الهدف الذي يشغلك و أنا أتفق معك اختاه .. فحين يكون لدي يوم اجازة .. يوم واحد فقط .. يصيبني اكتئاب لذا اشغل نفسي دوما .. حتى اوقات الفراغ اشغل نفسي بها في منتدانا و لهذا اقول اقطع الكابة و الفراغ بسكين العمل و الجد و الاجتهاد حفظك الله تعالى |
السلام عليكم اختي الفاضله حالتي صعبة اتمنى من الله العلي القدير ان يعوضك خيرا ويملأ ايامك بالفرح والسرور ان شاء الله.. مصادفه غريبه لو قلت لك انني حدثت معي نفس المشكله ، لقد طرحت مشكله عندي في هذا المنتدى الطيب وبعد فتره وبعض الاحداث تطورت المشكله عندي حيث انني اصبحت افهم مشاركات الاعضاء على انها موجه لي وبدات حالتي بالتدهور وسوف تستغربي لو اخبرتك انني اصبت بما يسمى ب "الذهان " وهو مرض نفسي يصبح الشخص يتخيل امور ويعتقد انها موجوده وهي في الحقيقه ليس لها اساس من الصحه ولكن ولله الحمد اهلي انتبهوا لتدهور صحتي وانقذوني برحمة من الله عز وجل ، وفعلا ابتعدت عن المنتدى لفتره طويله جدا وبعد تحسن حالتي وكسر الخوف بيني وبين المنتدى عدت اليه وتوكلة على الله وانا الان باحسن حال ولله الحمد ، فسبحان الله مشكلتك تقريبا قريبه من مشكلتي.. اتمنى للجميع الحياة السعيده والتوفيق ان شاء الله.. |
الحمد الله حبيبتي قدرتي تشغلي نفسك
ونسيتي كل شي وبداتي حياة جديده فيها أمل والله يديمها عليكي يارب ويجعل حياتك كلها فرح وسعاده ويبعد عنك كل هم وحزن انا ايش اقول بس عندي وقت فراغ كثييير بس دحين عندي أمل اني اتوظف لاني اخدت دورة حاسب وان شاءالله اتوفق بعد 5سنين وانا جالسه بالبيت والله طفش ادعيلي بس والله يوفقك ويسعدك دنيا وآخره |
خطوة رائعة إنك انشغلت بشيء مفيد\
اصلا حتى لو كنتي متزوجة نجاحك الوظيفي يرفع من معنوياتك وانت بحاجة له بالتوفيق |
الوفية لوالديها
هلا فيك حبيبتي وانا لازلت اذكرك .. والف شكر على مشاعرك النبيله والله يسعدك ويوفقك Black.Eagle ياااااااااالله وش هالمصادفه الغريبه .. يعني افهم من كلامك انو صار لك خطوبه وانفصال !! طيب انا وياك اعترفنا باللي صار لنا والحمدلله تفاديناه طيب وش صار للباقين ؟؟؟ عموما الحمدلله اللي عافاك مما ابتلاك والله يخلي لك اهلك ولايحرمك منهم !!كارولين!! هلا فيك اختي طيب خذتي الدوره وجلستي ؟ على امل الوظيفه << اخاف تطول الحاله حاولي تدرسين شي ثاني او حاسب برامج ثانيه عموما الله يااااااارب يرزقك بوظيفه احلى من اللي في بالك اتكاءة حرف! تسلم\ين على مشاركتك وفعلا حتى المتزوجات لو عاشوا في فراغ طفشوا وبدوا بالوساويس الله يكفينا الشر يسعدني ويشرفني مروركم |
عزيزتي الله يدوم عليك الفر ح ويعوضك خيرا عما مضى وأتمنى منك في وقت الفراغ أن تحاولي حفظ كتاب الله الكريم وخاصة( سورة البقرة ) لأنها سورة عظيمة وسهلة الحفظ وتردع عنك وساوس الشيطان وهذه نصيحة عن تجربة حقيقيةقد عشتها وقد تبدل تفكيري ونظرتي إلى الحياة كأحسن مايكون والحمد لله...
|
ماشاااااااااااااااء الله عليج عين العقل اختي.....ربي يعوضج بالأحسن ان شاء الله ويباركلك في حياتك آمين....
صحيح لازم تكسرين الروتين والتفكير بشي جديد حتى لو شي بسيط ان شاء الله لة تطوع في الجمعيات الدينية والخيرية هذا ينسيك الهم وأبو الهم...هناك أفكار كثيرة المشكلة فينا مانشوف إلا الجانب الأسود.... ألف مبروك لمشروعك الجديد واتمنى لك التوفيق ولبنات القسم من ضمنهم أنا:d |
السلام عليكم ورحمة الله وبركاته
اخيتي اهنأك صراحه وانا اعتقد ان من احسن ما يشغل به العبد وقت فراقه هي القران وتعاليمه وتجويده ومضمونه فجربي اختا وصدقيني سوف تذكريني بووركتم دمتم بصحه |
اقتباس:
فالناس هى اللتى تسرب لك االاحساس بالحزن والخواء ولكن لو قارنتى حياتك بهم لوجدتى حياتك الافضل الا ترين مشاكل المتزوجين انا مؤمنه بقضاء اللله وقدره وان كتب الله ى عدم الزواج فلعل هذا الامر لصالحى |
أي تجربة صعبة ... يكون لها جانب يستحق التفكير فيه ... والذكي فقط هو مَن يستوعب ذلك الجانب . مُبارك عليكِ أختي مشروعك وحياتك الجديدة ... ومايزال الزواج سكن واُلفة ومودة أسأل الله أن يُذيقَكِ إياها اللهم آمين |
ام الخمسين
صدقتي اكيد القرآن شي عظيم .. يكفي اذا سمعتيه انشرح صدرك .. فكيف لو تحفظينه الف شكر على نصيحتك ام الخمسين .. والله يديم عليك السعادة حرم فلان فلاني يشرفني مرورك والله يرزقنا الاشياء اللي تشغلنا وتنسينا ونتعمق فيها وننسى التفكير الاسود الله يرزقك ويوفقك مايهزك وعيكم السلام ورحمة الله وبركاته اسعدتني مشاركتك وان شاءالله اني انفذ النصيحه .. الف شكر على اهتمامك mona777 وهذا الصدق .. الحمدلله حياتي افضل من غيري .. ومااتحمل الا مسؤولية نفسي الله يسعدك ويوفقك ويرزقك ويعوضك lovepeaceangel بالفعل انا من كثر تفكيري في موضوع انفصالي .. استفدت من الدروس وحمدت ربي اني ماتزوجته الف شكر على مشاعرك النبيلة |
ممكن أعرف نوعيّة المشروع ؟ إن سمحتِ بالطبع .. وصفك له مغرٍ قليلاً ! أما أنّنا السبب .. فسأكون صريحة معكِ وأقول : القابليّة لديك كانت " عالية " !! يعني كنتِ في وضع متأزّم قليلا ، وتتأثرين بما حولك والآن ربنا فتح عليكِ .. الله يبارك لك يااارب ،، |
انا مسجلة من كم يوم في المنتدى وفرحت فيه وتحمست للمشاركة لكن لاحظت أغلب مواضيعه عن الجنس ومشاكله هل الحياة الزوجية جنس وبس |
|
اهلين أختي
اول شي اباركلك لانك ما استسلمتي للضيقة الصدر والحزن بعد الموقف اللي صار بالعكس حسيت ردة الفعل ايجابيه ... تدرين قريت كلامك اكثر من مره والله اهنيك انا من ابسط المواقف يصيبني انهيار ماتتخيلين والله العظيم اتمنى اكون مثلك وما يهمني الشي هذا والله يو فقك انشالله ... ويكتب لك اللي فيه الخير . |
بســم اللــه الرحمــن الرحيــم
أختي Black eagle بصــراحــة حالتج كثــير لفــتت انتباهي.. وأتمنــى معرفة المزيد اذا سمحتي.. حاولت الارسال لك خاص.. لكن لم يسمح المنتدى لي بذلك. أتمنى التواصل اذا أمكن.. لأن مشكلتك مشكلة أختي ونحن قلقين عليها بالفعل.. ولانعلم مالحل؟؟ أرجو منك عدم اهمال رسالتي.. والتكرم بالرد علي كيف تمت حل مشكلتك؟ |
واللهم لك الحمد اني نسيته ونسيت الافكار السودا .. وماعاد صرت اجي عندكم
صرت ابحث عن مواضيع فيها ضحك ووناسه ... اسأل الله ان يرزقنا جميعا بالزوج الصالح والذرية الطيبة بالعكس انا بحس ان المنتدي هو المكان الذي يحمل عني همومي وهو بيتي وملاذي |
اهليين اختي
انا اقصد اني ليا متخرجه من الثانويه 5سنين وماجبت نسبه وجالسه بالبيت ودحين اخدت دورة وبدور على وظيفه والله يوفقني الاقي بس شوقتيني اعرف ايش مشروعك الي نساكي حزنك ممكن تقوليلنا واسفه على الاطاله |
السلام عليكم اختي الكريمه اتكاءة حزن اولا انا شاب وليس فتاة ، بالنسبه للمشكله التي حدثت معي اضغطي على هذا الرابط وسوف تقرائين كل شيء بالتفصيل لانني كتبت ما حدث معي في المنتدى واليك الرابط.... http://www.66n.com/forums/showthread.php?t=97622 اذا كانت اختك لديها نفس المشكله انصحكم بارسالها الى الطبيب النفسي لان الدواء موجود وسوف تتحسن بعد عدة اشهر باذن الله تعالى، اتمنى لاختك الشفاء والحياة السعيده ان شاء الله.. |
جنائنُ ورد ..
هلا فيك .. المشروع مرتبط بتخصصي في الجامعه وهو عن الفنون والاعمال اليدويه .. واللي اشغلني في التفكير فيه هو اني ابحث عن التميز بقووه .. وانا انسانه ذوقي صعب واتعب اتعب وانا ابحث عن الخامات المناسبه للعمل وهالمشروغ - عى صغره وعلى مردوده المالي القليل - الى ان تجميع الخامات له مره متعب وماخذ كل وقتي ... ولانه شاغل تفكيري سعيت لاني اتمسك فيه .. والله يكتب لي النجاح والتوفيق وبالنسبه للقابليه .. اكيد بتكون فيني .. لان عمري مو صغير وكل اللي حولي واللي اصغر مني من اصدقائي واقاربي ، تزوجوا .. ومثل ماقلت في البدايه صرت قوية وماهمني احد وبعد ماصرت اقرأ كلام البنات هنا وكلام اللي حولهم عليهم .. تأثرت !! لكن الحمدلله على كل حال مشكوره على المشاركه السيدة خبرة هو اسمه منتدى الحياة الزوجيه .. والظاهر اكثر مشاكل الناس عن الجنس ... الله يصلج الحال ريم المدرينة الف شكر والله يبارك فيك .. الفائدة من مشاركتي .. هي كتابةتجربتي ومعاناتي والسعي في التخفيف عن نفسي بما يعود لي بالفائدة !!!!! وحث العوانس او المطلقات او الارامل في قضاء وقت الفراغ في أي مجال ولو كان تافه وصغير والاستفادة من مواهبهم تحياتي لك نجود9999 هلا فيك حبيبتي .. ياحبي لك .. لاتستلمين للشيطان ووساويسه .. انتي حطي في بالك ان الناس مايهمونك وعيشي حياتك بطولها وعرضها وانبسطي ولا تبينين لاحد ابد ان متضايقه الا لاقرب وحده من صحباتك واللي تحسين انها تتفهم لك .. فضفضي لها بس عشان ترتاحين واستغلي اي موهبه لك واستثمريها وشي طبيعي ان الانسان يتأثر بالصدمات اللي تصير له .. لكن الذكي اللي يقدر يبعد نفسه عن جو الاكتئاب ... اسعدتني مشاركتك والف شكر لك والله يتقبل منك ويرزقك ويعوضك .. يارب اتكاءة حزن هلا فيك مرة ثانية .. والله يطمنكم على أختك جويرية22 اللهم امين الله يتقبل منك .. والله يارب يريحك من همومك .. تحياتي لك !!كارولين!! هلا فيك مره ثانيه والله يرزقك الوظيفه المناسبة بالنسبه لمشروعي كتبته للاخت جنائن ورد .. يارب انك تلقين اللي يشغلك ويعوضك Black.Eagle الحمدلله على سلامتك .. والصراحه حلوة والراحه النفسيه احلى .. وفعلا الحياة دروس وعبر وألف مبروك الوظيفة .. الله يارب يرزقنا باللي يعوضنا |
| الساعة الآن 04:50 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©