|
زوجتي العزيزة ................تسرقني .
[ السلام عليكم جميعا ..........
كيفكم اخواني اخواتي ........؟؟؟ اليوم صار لي موقف سود الدنيا بوجهي وارق مضجعي ..وصدعت من كثر التفكيييييييييير والله احس راسي بينفجر ..... منذ فتره من الزمن وانا احس ان اي مبلغ احطه في البيت ينقص :( مرة 2500.........ومرة 3500.........ومرة 6000......ومرة 13000........ومبالغ صغيره وكل مااسأل زوجتي عنها .......تقول شكلك ماتعد مضبوط ودايما علي ذي الحاله .......وانا مااشك بزوجتي اطلاقا........واقول اكيد انا غلطان بالعد ........ رغم ان المبالغ اللي اوديها البيت اعدها انا ويعدها العمال قبلي ... بس اقول يمكن مع تراكم المبالغ القديمه والجديده يمكن اتلخبط .......... المهم اليوم صار لي موقف اصدمت فيه فعلا ......... رحت البيت بعد صلاة العصر كالعادة ...وقابلت اللي يغسل السياره عند الباب يبي مني فلوس قمت عطيته 100 ريال وبقي في جيبي 250 ريال .....ودخلت البيت وتغديت وقعدت شوي وطلعت الا واقابل الحارس قال لي يبي 115 بيجيب وايت مويه المويه مغلقه ..جيت ابعطيه الفلوس . مالقيت في جيبي الا 50 ريال يعني ضايعه 200 اتصلت علي طول بزوجتي قلت اخذتي فلوس من جيبي ؟؟ قالت لا ........قلت خير .......قلت للحارس قدم من عندك ...........المهم قعدت افكر وين راحت 200 خلال ساعه واحده...........وبدي شريط الذكريات يمشي امامي عن المبالغ القديمه اللي كنت اشك فيها ا نها ضاعت ......صدعت من كثر التفكير .........تظايقت جدا .....مافي احد متهم غير زوجتي معقوله ان زوجتي تسرقني طيب لييييه؟؟ ماني مقصر معاها بشي ......... وكمان هي لاتحتاج لشي ولها رصيد خاص فيها .... وملتزمه وكافله ايتام .........ماني مستوعب انها تمد يدها .......... ولاتقولو لي الشغالعه .........انا ماعندي شغاله في البيت معانا شغاله بنظام الساعات تجي الصباح فقط ...واكون انا نايم في البيت وما تدخل غرفي ابدا وتروح الظهر .........والمشكله وين راحت 200 ضاعت خلال ساعه لاحول ولاقوة الا بالله ........... والله لانا قادر اسال زوجتي واواجهها ..اخاف تطلع بريئه وتحقد علي وتاخذ بخاطرها مني يادوب بدينا نلم الجروج القديمه وسالفة الزواج وغيره وايضا اخاف تطلع هي وانصدم انا وافقد الثقه بكل من حولي ..............بصراحه انا في وضع لايحسد عليه ماادري ويش اسوي احس اني بنفجر .... حذرين كل الحذر من العمال لايسرقونا ........يقوموا اهل البيت يبوقونا ........... دعواتكم |
عموماُ هذه المره عديها على خير
ولا تتهم أحد والمره الجايه بعد يومين أو أكثر حط فلوس كثير مثل 800 ريال وكلها أبو مية وأمّر على كل مية ثلاث نقاط صغيرة في مكان أنت تحدده وضع الفلوس في الجيب العلوي حتى تظهر وإذا فقدتها في البيت إدعي أنك تريد مبلغ ستمائة ريال ضروري من زوجتك لأن أحد العمال يطلبه وليس معك المبلغ الآن ثم أنظر وأبحث عن النقاط الثلاث إن وجدت |
السلام عليكم
ليش ما تراسل دكتور جاسم المطوع ((رئيس مجلس إدارة مجلة الفرحة)) وأنا متاكدة انه بيعطيك الحل المناسب و إن شاء الله الله يوفقك مع زوجتك ويجمعكم في الدنيا والاخرة الإشراف: (إن شاء الله ) تكتب هكذا كما بين القوسين .. |
الله يريح بالك ياخبير الاعشاب
اممم شوف شو رايك تمسكها بالجرم المشهود يعني حط كاميرا ضغيره فالغرفه يادوووب وماتنتبه الزوجه لهاااا وخلهااا تسجل كل لحظه وانت حط الفلوس فالدرج او باي مكان متعود تحطهااا بس بشرط تكون مجابله الكاميرا عشان التصوير يطلع واضح وراجع التصوير عند عدم وجودهااا ان وجدت مايؤكد ذلك انها من تمد يدهااا على مالك واجهها بس من غير شريط اقعد معاها قعده طيبه فيها ضحك وسوالف واسألهاا وقول لها امانه يالغاليه جاوبيني انتي مديتي ايدينك ع فلوسي اذا انكرت قول لهاا لاتنكرين وتطلعين كذابه بعيني لاني ماحب تكون شريكة حياتي تكذب علي لان بعدين راح افقد الثقه فيهاااا واذا صارحتك افهم منها السبب ولاتأتي لها بطاري الكاميراا ابدااا...؟؟؟ اخي ان لم ترضى ان تخبرك الحقيقه اجلس معهااا ووقول لها شوفي معاي هالفيلم وخليها تشوف كذبهاااا وتحرم تمد ايديها مره ثانيه وعاتبهاااا مو على سرقتك لاا بل على استغفالك وانكارهاااا واهم شي المصارحه بكل هدوء حتى تصلون لمرسى الامان الله يسعدك |
اعملها اختبارات بدون لا تحس لما تتاكد لا تظلمها وعط نفسك فرصه للتاكد
|
اش هالحكي اخي
اتعوذ من ابليس في احد مواضيعك تقول انه زوجتك صاحبة فضل عليك وانها من عائلة ميسورة كيف هيك اتقي الله وغير عنوان موضوعك ترى والله كثير قوي عنوانك المرأة الحرة ماتمد ايدها ع مال غيرها ولو انه مالك مالها فعيب تحكي هيك عن زوجتك ام وليد |
امكن عيالك يسرقونك
او عندكم <<<<بسم الله الحمن الرحيم بالبيت يشيلون فلوسك انا اعرف وحده كذا زوجها دايما تنقص فلوسه ويتهما ويضربها بس طلعت بريئة بعدين صارو يحسون ان البيت مو طبيعي عندهم دايما ينسرق شئ واذا الحرمة رتبت البيت يتلخبط لين ماجا احد نصحهم يجيبون شيخ للبيت وجابوه وقالهم بيتكم فيه جن مع انهم محافظين على الصلاةوالاذكار وعندهم جدتهم ماشاء الله كلها نور من الخير دايما تحصنهم بس احيانا هذا مايبعدهم من البيت او يمكن الشغالة مسويه شئ للبيت |
13000 !!!!!!!!!!!!!
وعديتها؟؟ مثل ماقالوا لازم تتأكد أول سجل المبالغ اللي تدخل فيها البيت واعمل حصر للموجود والمسروق... |
انا مع راي اخ مهندس طائرات...
وفكرة اخرى صير كل ماتجيب فلوس للبيت دون بدفتر خاص فيك المبلغ اللي جبتو عشان لاتنسى وتتلخبط وبعدين شوف اذا فعلا عم ينقصوا بلش بالتحري..بجوز عم يوقعو من جيبتك بدون ماتكون حاسس...بجوز:25: او اخي بجوز زوجتك عم تاخد المصاري وتخبيهم لليوم الاسود...واكيد بهالحالة مابتكون بتعرف انو حرام... الله يهدي الجميع |
ماأبي أخوفك يمكن البيت مسكون احرصوا على تشغيل القران باستمرار بالبيت...
|
لا حول و لا قوة الا بالله
|
لاحول ولاقوة إلا بالله
الأعضاء ماقصروا في النصائح لكن أهم شي لاتتركنا بلغنا باللي صار لك |
اخي الفاضل انا الى الأن لم اجد في القصة اي دليل يثبتلك انها هي
الى الأن بس شكوك ,,,,,,,,,, اخي حاول تتأكد بأس طريقة من الطرق وبعدين لكل حادث حديث ريح بالك وهدي نفسك لأن القلق والتفكير انك مخدوع تعبك اكثر من معرفة الحقيقة وبعدين يا أخي انت انسرقت كذا مرة فالمفروض تتعلم من اخطاءك وما تترك مثل هالمبالغ في البيت واختي الصغيرة تقولك يا خي حط الفلوس عندها من تدخل البيت وقلها فلانه هذا مبلغ كذا وكذا خليهم عندك واعطنياهم لما اطلبهم |
السلام عليكم ورحمة الله وبركاته
اخوي الفاضل بارك الله فيك .. ماعندي حل صراحة لك .. لكن اللي ودي اقوله لك انك لازم تحسن الظن في زوجتك .. قد تكون هي من ياخذ الفلوس وتخشها وماتقول لك عشان الزمن وان صار شي طلعت لك هالفلوس اللي تخشهم .. احسن الظن فيها .. وتعوذ من ابليس .. وحاول انك تبين لها انه الموضوع فيه ان .. الله يبعد عنكم كل شر .. |
رجاء خاص لاتسوي الاختبارات الي قالوا عنها الاخوان تكفا 000لالالالالالالالالالالاتسويها
تراها شيييييييييييييييييييييييييييييييييييينه ولا تخرب دنياك علشان غسال دنيا تراها تمون |
ما شاء الله الأخوان ما قصروا في النصايح..
بس أنا أفضل إنك تغير عنوان الموضوع، لأنه أبدا مب حلو وفيه ظلم لزوجتك بالذات إذا طلعت بريئة.. |
يمكن احد من اولادك انتبه
وان كانت زوجتك معاها فلوس وكل شي ليش تسرق مبالغ متل هاي؟ وان كانت هية بتكون اكيد عندها شي نفسي خلاها تعمل هيك بس اكيد مش هية شوف ولادك يمكن الله اعلم الله يفرجها عليك |
هلا خبير الاعشاب اخى ان بعض الظن اثم لاتظلم المرآه الابعد ان تتاكد لان هذا زوجتك ام اطفالك والموضوع قد يسبب لها مشاكل نفسية انت فى غنى عنه اذا كانت بريئه.
المرة القادمة كن حذر وسوف يكشف الله لك السارق اخوك حالة خاصة |
فلوسك حلالها وانت حلالها وهي حلالك
اذا ما اخذت من عندك تاخذ من عند من ؟ الفقر شين وانا اخوك وانا اشوف تلتمس لها العذر .. انت تقول اتصلت عليها يعني طالعة .. واكيد احتاجت ترى كثير من الناس تقف بحلقه الكلمة يوم يجي يطلب وترى عزك من عزها وعزها من عزك يعني لو زي ماقلت اخذت والا شي زي كذا ( ماحب اقول تسرقك ) واكتشفت انت وش بـ يصير ؟ هواش ومشاكل واشياء مالها داعي ماوراها الا عوار الراس بنفس الوقت حاول ماتقصر عليها ولاتحسسها انها تحتاج تمد يدها لمحفظتك ولو ان مبالغ مثل ذي كبيرة لكن تحتاج تدقق وتشوف بشرط ماتحسسها ماتحسسها ماتحسسها بشي يكدرها سم بالله وتعوذ من ابليس ولاتخلي لإبليس عليك طريق مودتي لك الله يصلح بينكم ويوفق بينكم فمان الله |
انا رأيي المتواضع انك تضع مبلغ معين ... مثلا 10000 ريال في جيبتك
وتتعمد تخبر زوجتك بوجوده وحط راسك ونام واول ما تصحى ... عد الفلوس مرة تانية بس كون متأكد من المبلغ اذا نقص المبلغ .... واجهها لانو صعب الصدفة تتكرر اكتر من مرة وان شالله تطلع ظالمها |
لاتسيئ الظن فيهاااااااااااا
واذا اخذت هذي الغاااااااااااليه وتمووووووووون انت ماتدري حتى هي اللي احذت والا لا بعديين برأت كل الناس اللي بالبيت وشكيت فيها هي بس وتقول بعد ملتزمه يعني مستحيل تسويها حلاص يكفي اللي صار لها مو نااقصه جرووووووووح زياده يمكن نفسيتها اندمرت بعد سالفة الزواج ماعاد تعرف تفكررررررررررر والا شقاعده تسوي هذا اذا سوتها لايوسوسلك الشيطان ويخرب اللي بينكم |
اقتباس:
تعوذ من الشيطان اخي خبير الاعشاب |
يا هلا ...
لا حول ولا قوة الا بالله العظيم .. والله مشكلتك صعبه ... صعبه انك تفقد هذه المبالغ الكبيره .. صعبه انك تتهم زوجتك .. صعبه انك تعيش في حيرة و قلق .. صعبه مو عارفه وش افسر كلامك .. في انتظار ان تخبرنا بتطورات الموضوع .. واتمنى من كل قلبي ان تكون زوجتك بريئه .. أختك أميرات ... |
لاتتسرع وتظلم زوجتك راجع نفسك
|
انصحك اخي ان تضع كميرا في الموقع اي الغرفة وتكون مخفية حتى تجد دليل على ذلك
|
مافيه حل الا الكاميره
بس انتبه زوجتك تكتشفك تراه قويه عليه اذا انت ظالمها واذا عندك اولاد احتمال هم ليش زوجتك بتسرق وانت مو مقصر عليه |
اشكركم جميعا علي الردود والاقتراحات ...............
والاخوان اللي قالو حط كاميرا ..احس انها صعبة جدا اذا وصلت الحياة بين الزوجين لذي الدرجه فعلي الدنيا السلام ........ ومرة عديت مبلغ وتأكدت منه وبعد يومين ذهبت به الي البنك ..وماادري الا والموظف يقولي المبلغ ناقص 6000الاف لاني مسوي ايداع بمائة والفين ريال والمبلغ الموجود 96 الف قلت مستحيل ... قال شوفة عينك ........واضطريت اني اغير الايداع بالمبلغ الحالي ........فرحت البيت وكلمة زوجتي وكانت زوجة اخوها موجوده عندنا .............فقالت اكيد بالك مشغول بحب جديد لانت قادر تحسب ولا تعد فلوسك زين ..........قلت تتوقعي فلانه تمد يدها ؟؟ قالت والله مانت بصاحي هيا انتبه احد يسمع خبالك ذا ..فسكت ........وسكت وكذا مره البنك يقولي المبلغ ناقص ....... صرت اشك بنفسي اني تعبان ...........بس 200 حق امس هي اللي اكدت لي ان في يد تختلسني ............مين هي الله اعلم ..... |
رام عليك يعني ما لقيت في البيت الا زوجتك وان اخذت فالحلال واحد ويمكن حست انه مالك امان لمن تزوجت عليها قالت ادبر نفسي كذا واامن نفسي
قلبتها فيلم هندي كان الله في عونك وان شاء الله يطلع شكك مو في محله |
اقتباس:
والله يأم وليد هذا اللي فاقع مرارتي ..........انا للحين ماني مستوعب اللي حصل وبعدين هذي فلوسنا الانثنين يعني لها النصيب الاكبر منها ............. يعني معقوله واحد يسرق نفسه ........في لغز بالموضوع ياليت القي له حل منتظر اعضاء الهيئه الاستشاريه ................دعواتكم لي . |
أخي أحسن أنك ما تظلم زوجتك
ترى موضوع الفلوس النافصة يمر بيه كل الناس تصدق بالله أقسملك عندي خزنة أحط فيها فلوس في المكتب و ما حد يقدر يفتحها غيري و هذا بالتأكيد و الله انها تحصل مواقف ما القالها تفسير كل مرة بيكون فيه نقص وين راح الله أعلم مع العلم ما في مجال انه احد يقدر يفتح و ما احد يدخل المكتب اصلا فوش رايك انا اصبحت أتعوذ من الشيطان الرجيم و ما شكيت بحد و انت معروف بالحكمة فلا تتسرع و المرأة لو جرحت خصوصا في موضوع حساس مثل هذا ما راح تنسى و لا راح يطيب الجرح الله يوفقك ما ادري ليش حاستها مظلومة |
لا تفكر ابد اتقول لهاا انتي تسرقيني لان الكلمة قووويه ..
بس اتاكد اول باي طريقه كانت .. بعدين حلفها ... يمكن اتقول الصدق.. |
اخوي ... خذ لك تجوري صغير وحطه فالمكتب
وكل مبلغ حتى لو كان 200 حطه فالتجوري من غير ماتحسس زوجتك انك تشك بحد يسرقك فالبيت وفك نفسك وارتاح |
الله يعينك يا خوي
بس الله يستر انا اخذ جوال زوجي وأدق منه على أهلي فقققققققققط..اخاف ان هذه تعتبر سرقة واتحاسب عليها ..اللي يعرف الجواب الاكيد يطمني؟؟؟ وبصراااااااحة انا مو مرتاحة من هالشيء.. بس هو ما يشحن لي..وانا ابغى اكلم امي وأخواتي ..لأنهم وحيدين ابوي متوفي و اخواني متفرقين في انحاء المملكة و واحد عندها بس دايم مشغووووووول؟؟ اللي يعرف الجواب الاكيد يطمني؟؟؟ وسامحي يا اخي خبير اعشاب؟؟ والله يفك ضيقتك ويريح بالك ويهدي سرك سامحني ان خرجت عن موضوعك.. هدى الله الجميييييع |
يا اخوان
خلنا نكون واقعيين وان كانت زوجه فهل يحق لها ان تأخذ من ماله دون الرجوع له وتنكر ذلك !! المبلغ مو ريال ولا ريالين ولا ب 500 ريال بال 6 الاف!!!! ان شاء الله ما تكون هي بس مثل ما قالت اختي العيون مافي غير انك تشتري خزنه وتخش فلوسك فيها والمفتاح عاك بجذيه تبعد عنكم كيد الشيطان |
الله المستعان
وانا رأيي من رأي اختي العيون مالك حل الا التجوري علشان ما تشين النفوس على بعض اسال الله ان يريح بالك |
ياهلا ..
نعم يا اخي اشتر لك صندوق تجوري زي اللي في الفنادق الكتروني و سهل الاستعمال و مضمون عشان ترتاح .. اختك أميرات .. |
خذ كلامي مستقبلياً في حالة أكتشفت زوجتك هي التي كانت تأخذ الفلوس فياريت تمر على البنود التالية أولاً : 1- أنها يمكن كانت تاخذها من أجل ان تتدخرها لك . 2- يمكن كانت تتصدق لك من خلفك . 3- كانت تاخذها وهي لا تعرف ان هذا سرقة . 4- أسباب كثيرة لا تحضرني الآن . أخي خبير الأعشاب ، أفضل شيء انك تضع علامة مميزة على الفلوس ، وبعدين أذا جيت بتصرح لأحد عن المبلغ اللي معاك (سواء الزوجة أو من هو تحت دائرة الشك ) لاتقول عندي 800 ريال مثلاً وإنما قول أنا عندي حول 800 ريال أو 600 ريال ماادري بعدين اذا فضيت عديتهم (خلي اكثرهم خمسينات ) . وبكذا تجعل الدافع اكبر للسارق بحيث لو سألت عن فلوسك راح يقول لك أنت تقول هي 600 واللي عندك الحين 600 يعني محد سرقك (بينما انت عارف انها 800 ) وعاد الـ200 المسروقة تكون انت قد حطيت فيها علامة مميزة أو عطر معين أو سمن أو زيت أو قاز أو أي شيء بحيث يظهر على الطرف الثاني ، يعني بعد ماتكتشف السرقة روح قبّل يد إمرأتك وإذا شممت الرائحة فهذا يدل على انها فتحت المحفظة واحتمال تكون هي اخذت الفلوس أو جاء أحد بعدها أخذ الفلوس ، يعني مو على طول تفقد الثقة فيها . اعتبر نفسك محقق استأجرك خبير الأعشاب للتكتشف السارق ، ثم بعد ذلك أدرس الاحتمالات والله يعينك . |
أخوي خبير الأعشاب
اقتراح مهندس الطائرات راااااااااااااااااااااااااائع وممتاز وبكذا تقطع الشك باليقين مشكور والله يا مهندس الطائرات . وتحياتي للجميع [/COLOR][/SIZE] |
شوف هناك اسئلة لازم تجيب عليها
1- هل معك ابناء او بنات في البيت وما هيا اعمارهم؟؟؟ 2- هل زوجتك عندها فلوس ام انه انت جيبك المصدر الوحيد لها يعني انت ؟؟؟ 3- هل انت مقصر معاها بشيء؟؟؟ اخي خبير اعشاب ارجو إنك تجاوب على اسئلتي ... وبالنسبة للاعضاء الي ذكرو لك عمل كاميرا للمراقبة فوالله عيب ثم عيب انة تفكيركم يوصل لهذا المستوى يعني بالله عليكم افرضو طيب هي الي اخدتها مع انة لحد الحين مافي اي دليل ضدها يعني كاميراااااااااااااااااا ياناس اخدت من حلال زوجها مو خيانة هذة ولو انة ما يصح اكيد 13000 مش قليل بس برضوة مش اكيد سبب مقنع لعمل كاميرا لأنة لم يثبت انة هي الفاعلة 100% والحياة الزوجية ارفع من هكذا مستوى لي عودة اخي خبير اعشاب |
عوض لتهدو الرجال وتخلوا يتعود من الشيطان عم تعيشوه بحيرة
ناقص فقط تقولو بلغ عنها الشرطة كاميرا وخزانة بكود ذخلك اخوتي ترضوها لانفسكم انه ازواجكم يعملو ا هيك الي ما ارضاه لنفسي ما ارضاه لغيري اخي خبير انت ادرى الناس بزوجتك فكر اذا احتمال واحد في المليون انها بريئة امشي من هذا الطريق بكرا ان خسرت زوجتك مشان كم الف ماحدا يفيدك خاصة ان كانت مظلومة أم وليد |
| الساعة الآن 05:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©