|
صفات لاتعجبني في زوجي .. هل اطبق هذه الفكرة لكشفها له ؟؟
السلام عليكم ..
مرحباً بكم جميعاً .. :17: :17: :17: :17: :17: الموضوع باختصار فيه صفات أو خلني أقول حركاات مو عاجبتني بزوجي وماني عارفة كيف أقول له وأحس من الصعب إني أصارحه فيها .. .. ففكرت بطريقة ومترددة .. سويت لي ايميل جديد . .. قلت برسل له رسايل على ايميله كإنها من منتدى فيها نصايح للسعادة الزوجية او شي من هالقبيل والنصايح موجهة للطرفين سواء كانوا زوجات او أزواج .. ومن ضمن هذي النصايح أشياء حلوة فيه وأشياء حلوة مو فيه وأشياء خلنا نقول سيئة فيه وأشياء سيئة مش فيه .. عشان الأشياء الحلوة اللي فيه إذا شافها راح ينتابه شعور لطيف والأشياء اللي مو فيه يحاول يسويها والأشياء السيئة يحاول يعدلها ويصلحها .. بكذا راح توصل له الفكرة بدون ما أنحرج وبدون ماهو ينحرج .. ايش رايكم بهذي الفكرة .. ؟؟؟!!! أطبقها ؟!! :25: الإشراف : تم تعديل العنوان ليتناسب مع النص .. |
والله حلوة... الله يسعدك ويوفقك
بس ماراح يبان ؟؟ والا ما يهمك الله يوفقك |
يا هلا ...
هنا المشكله اننا دائما نخشى المواجهه و المصراحه ... تفوت سنوات طويله من اعمارنا و تضيع علينا فرص خاصه نحن المتزوجات بسبب خوفنا او خجلنا من مصراحة ازواجنا .. لكن انت ايتها الزوجه لو اخطأتي خطأ بسيط و غير مقصود يا ويلك من زوجك .. لكن الزوج يعمل اللي يعمله من امور قد تضايقك و قد لا يقصد او لا يعلم انها تضايقك لكن انت ايتها الزوجه لا تستطيعين مواجهته .. لماذا الخوف لماذا الخجل ؟؟!! خليك قويه وواجهيه .. لكن بكل هدوء و ادب .. جلسة المصارحه مهمه جدا .. انا طافت علي اكثر من عشر سنوات زواج ما كنت اقدر اواجه زوجي اخاف و اخجل .. ويظل يكرر نفس الشئ اللي يضايقني دون قصد منه او دون علم منه ان هذا الشئ يضايقني .. فهو لا يعلم الغيب .. لكن تجرأت مره و مرتين و ثلاث .. ما اقول لك سهله .. في البدايه كانت المواجهه صعبه علي و عليه .. لان مو متعود مني هذا التصرف ... لكن بعدين قلبي صار قوي .. واي تصرف ما يعجبني يبدر من زوجي على طووول اواجهه بكل ادب و احترام .. و الحمد لله صارت حياتنا سمن على عسل وانا لي 22 سنه متزوجه فكرتك حلوه لكن المصارحه وجهها لوجه احلى .. لكن تحتاج الي قلب قوي .. و خليك قويه و اي تصرف ما يعجبك في زوجك واجهيه في وقته دون تأجيل .. لان التأجيل يفقد النصيحه قيمتها .. المثل يقول لا فات الفوت ما ينفع الصوت .. و آسفه على الاطاله .. وربي يسعدك ... اختك أميرات .. |
الفكره حلوه وفريده من نوعها بس وش يضملك انه يقراها 00 لأني اشوف زوجي مايقرأ هالمواضيع
اهم شي الرسايل اللي من البنوك اوغيره |
فكرتك حلوه
بس يمكن مايعطي الايميل والكلام الا فيه اي اهتمام لانه يمكن هو نفسه مايعرف ان الا يسويه يضايقك او يسيء لك او حتى غلط.. فـ انا مع كلام اختي اميرات ان المصارحه وجها لوجه نتيجتها اقوى والطرفين يرتاحوا لما يطلعوا الكلام الا بقلبهم اجلسي معاه وقولي الاشياء الا تحبيها وتعجبك فيه وبعدين قولي الاشياء الا تضايقك باسلوب حلو وبدون تجريح او اتهام وممكن بعد تقولي له وش رايك انت تقول شي يضايقك فيني وانا اقول شي يضايقني فيك زي كذا يعني بدون زعل او اهانات مافي احسن من الصراحه وترى كثرة الكتمان ممكن تسبب انفجار :24: واشياء لا تحمد عقباها والله يوفقك يارب :28: |
احس الطريقه متعبه وترفع الضغط ........
انا مع الاخت اميراااااات صاريحه ولكن بهددوء انا اذا بغيت اصارح زوجي على شي مو عاجبني عندي طريقتي اسوي جووو في الغرفه من شموع وروائح واكشخ له وعصير وحركاات ... واعزمه في الغرفه طبعا يكون مو وقت نوم ...واطلع اللي بخاطري لان احس اعصابه تكون هاديه ومتقبل الكلااااااام ........ الله يهديهم ويسخرهم لنا يارب.. الله يوفقك |
فكرة جدا رائعة بس أهم شي ماتكوني لمحتي أو تكلمتي من قبل بالموضوع .......
الله يوفقك ويسعدك ............. أختك براود ................. |
طريقة رائعة و لاكن شو يضمنك انك يقرا الإيميل
|
الله يعينك بس يمكن ما يقرأ الايميل
وش رأ يك تكتبين له رساله حلوه ويكون فيها كل الي تبين منه مع هدبة بسيطة ترى الصراحة بين الزوجين مطلوبة والله يسعدك دنيا واخره ويحقق ما تتمني |
انا من رايي جربي طريقتك هذي اول مانتي خسرانه شي
اذا ما لاحظتي اية تغيير منه خلاص واجهيه وصارحيه بس اول جربي طريقتك يمكن هي اللي تنفع والله اعلم |
ممكن ليش لا
لكن خلي بالك لو زوجك شاطر بالكمبيوتر والنت راح يكشفك لانو ايميلات المنتديات مابتكون عالهوتميل او الياهو فديري بالك وكمان ماتفوتي بالمسنجر لانو فيه ملفات بتحفظ الايميلات الي انعمل دخول فيها بالكمبيوتر وموفقة يارب والله يسعدك وحاولي تحكي معاه مش يمكن احلى ومأثر أكتر ؟؟؟ بعدين خلي الكلام مموه عشان مايحكي هاي الرسائل يعني موجهة الي تماما؟عشان مايشك ويستغرب |
يا هلا ...
عدت مجددا يا اختي بعد اذنك طبعا ... اختي عادة الرجل ما يحب الانتقاد .. فاذا كنت تريدين مواجهته .. فيجب ان يحدث الموقف و ذيك الساعه قولي له ترى هذا التصرف يضايقني .. لكن انك تفجري كل التصرفات دفعه وحده تأكدي انه راح يقلب في وجهك الطاوله .. لا تتصرفي الا اذا حدث موقف ضايقك و تكلمي معه عن الموقف هذا فقط و لا تخلطي الحابل بالنابل اوعي .. تركدي كل شي اعمليه على نار هادئه و بدون تجريح لمشاعر زوجك .. وربي يسعدك ... اختك أميرات.. |
إذا كفشك راح تصير مصيبة هههههههههههه بس فكرة حلوة
وإذا ما نفعت صارحية بهدوء ووعي وهو راح يتفهم اكيد ( من ناحيتي احب المرأه الصريحة ولكن دون تجريح ) |
ممكن انه ما يقرأ الايميل وما يفهم انه المشكلة من عنده وكمان يمكن يكون في احراح من المواجهة
اقتراح بسيط ارجوا انه ينال اعجابك لما لا يتفق الزوج مع الزوجة انه كل واحد يكتب مشاكلة على ورقه ويسلمها للآخر طبعا مش من اول مرة نطرح المشاكل لكبيرة وحدة وحدة لنوصل للي بدك اياه وقلبي معاكم |
ارى اكبر غلط خصوصا لو كان زوجك من نوع الشكاك احدري يمكن من نظرك تصلحيها حتخربيها اختى الصراحة مباشرة اهم شىء من اي اميل او تحكي لحد يدخل بينكما وينصحه
حاولي اختي بطريقتك كيف توصلي له المعلومة واختاري الوقت المناسب ساعة ميكون زوجك مستعد يسمعك او في وقت بتكون فيه بتنقشيه او في طلعة رومنسية الله يسعدك ويوفقك |
بسم الله
فكرتك حلوة وانا معاج ولتضمني انه قراها - خلي روحك انك تستلمين نفس الرسايل من نفس المنتدي وناقشيه بالمواضيع يعني اذا مثلا هو يدخن وهذا شيء ما يعجبج قولي شفت المسج الفلانية ! معقولة حد يسوي كذا وكذا :25: وقطي نغزات كأنك تعلقي ع المنتدي والكلام لك ياجارة وبهذا الطريقة ما تكون مواجهة او صراحة قد تنقلب ضدك وبنفس الوقت وصلتي اللي تبين:14: |
حبيبت قلبي مافي احلى من الصراحه والحوار البنى .......................
حاولي مره تهأي الجو المناسب وتكلمينه بطريقه حلوة وفيها شي من الدلع والمدح...... اتوقع أفضل....:22: |
بقوك شئ و ما تزعلي
طبعا الكمال لله وحده يمكن يكون فيك كثير حركات وتصرفاتك ما تعجبه وكاتم في قلبه وساكت يعني اذا بتنتقدي اكيد بينتقدك والوقع ع المرأة االحساسة أمر فديري بالك تفتحي باب انتي منك قده ام وليد |
حاولي تصارحي زوجك أفضل....
فالصراحة راحة.. واذا كنت متيقنة غنه مايتقبل كلامك.. أو يرفض أفكارك.. فطريقتك جيدة.. ورب يوفقكم ويسعدكم..... |
انا مع رأى بندورة
انا كمان بعمل كدة أختارى و قت جميل يكون أعصابه هادئة و صارحيه بما يضايقيك و دائما أعطيه بدائل لا تتركيه لوحده يفكر الحل لانه لو زهق بسرعه هايبقى الحل أصعب و لكن بهدوء و همس فى أذنيه قوليله مش بحب كذا و كان ممكن تعمل كذا أو كذا لتعبر عما تريد و لكن دون ان تضايقنى اللهم يؤلف بين قلبيكما و يبعد عنكما الشيطان |
الافضل انك تنتقديه مباشره
وبطريقه حلوه وماتجرح لانني سبق وكنت مثلك فيه شي كثيييييير يضايقني وبشكل يومي وهو حاس اني متضايقه من شي ولا يعرف ايش هو ويوم سالني استغليت الفرصه وتكلمت بدون تفكير لكن كلامي ماصار في صالحي وزعل وقلبها علي من زينك انتي؟ ترى عيوبك كثير وانا ساكت؟؟ ووووووو و و و و فتندمت اني اتكلمت ولا عاد تكلمت بالموضوع مره ثانيه وللحين وانا اعاني من هالمشكله واتمنى الطلاق احيانا استغفر الله بسببها |
والله فكره جربي
|
فكرة حلوة .. بس خلي الموضوع يكون مسلي .. والعنوان ملفت للنظر ... عشان تضمنين انه يقراه
والله يوفقك |
مشكوررررررررررين أخواتي وأخواني .. أشكركم جميعاً ..لقراءة موضوعي و المشاركة بطرح أرائكم
والنصائح .. اللي خلاني افكر في الموضوع عدة أمور .. 1- إنه يحب التطور بس ساعات تخونه الفكرة .. 2- إذا شاف فيني شي مو عاجبه يقولي وساعات قليلة أقول له أشياء .. 3- أحس الأمور اللي أبغاه يتغير فيها يمكن يحسها تافه أو ماتعني له شي .. 4- بعض الأحيان أخجل من أمور فصعبة أقولها له .. وخصوصاً إني متملكة بس يعني مااعيش معاه تحت سقف واحد 5- يفتح ايميله باستمرار وإذا شاف شي غريب يبدأ يقرأه .. و يرسله لي على ايميلي .. 6- بعض الأمور اللي يسويها أحس إنه قراها في منتدى أو رسالة أو أحد قاله يسويها ,, هذي هي الأشياء اللي خلتني أقول هالفكرة ... ومشكورين مرة ثانية على طرح أفكاركم ومقترحاتكم ... |
| الساعة الآن 07:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©