|
انا في ورطه الحقوووووووووووووووووني
اليوم تهاوشت مع زوجي وانا الغلطانه واعترف اني انا اللي بديت المشكله وجرحت شعوره بعد وبقوه احسن يستاهل والحين هو طلع لمكان وبيرجع بعد شوي بس قبل لا يطلع اخذت مفتاخ سيارته ورميته بعيد عن مكانه المعروف والمشكله يقوللي ليش تسحبين المكتبه لوحدك وانا من صحيت جالسه اصحي فيه عشان يساعدني ورفض يصحى يوم جاء يطلع قال خافي على نفسك افرضي تكونين حامل او تتسببين لنفسك عقم وقلت وانا طفشانه منه مالك دخل فيني واكثر ماكثر الله عندنا المشتشفيات قلتها وانا زعلانه مرهه بس رجع وقالي على قولتك واكثر ماكثر الله الحريم وانا مقهوووووووره منه مررررررره ليش يقولي هالكلمه الحين هو جا بس جاس ينظف الثلج عن سيارته لان اليوم نزل ثلج فضييييع علينا اقترحت راي هو انه اقفل على نفسي الغرفه ومااطلع ابد ولا شرايكم الحقووووووووووووووووووونيي تحياتي
|
وين ردودكم تكفون شسوي
|
اهلا اخني والله حاسة فيج ...
شوفي اختي يوم بيرجع البيت سوي نفسج عادية ولا كأن صار شي ... شوفي التلفزيون وسوي شاي مع مكسرات فالصالة ... والبسي شي حلو .. واتألفي ... ونصيحة منى لا تكثري من المشاكل .. صدقيني لازم طرف يضحي ... وانتي كوني أعقل .. ولا تغلقي باب الغرفة لانه يمكن مايراضيك وانتي ماراح تنامين من القهر ... اتبعي نصيحتي والله يكون في عونك ويبعد الزعل |
شي ثاني طرشيله مسج
واكتبي السلام عليكم ورحمة الله وبركاته ((خيركم من يبدأ بالسلام )) بالاضافه للي قلتلك عليه |
يا عيني الله يخليكم لبعضكم ان شاء الله بس انتي عاد لا تخلين الشيطان يلعب لعبته لان هذا وقته الشيطان يصيد المشاكل الخفيفه مثل هذي صغيره توها ما بعد كبرت ويكبرها لك زين ... بعدين لازم يصير بينك انتي وياه عيش وملح حلوه ومره وهذي المشكله بسيطه وصغيره وانا بتجربتي اعتبرها من المشاكل اللي تزيد بالعلاقه وتزيد بالغلا والمحبه
|
وبصراحه شي جميل انك تعترفي بغلطك وانتي قمه بتحطيم الكبرياء الموجود بداخل اي انسان تدرين وش تسوين ولا تترددين ولاتاخذك العزه بالأثم انتي حاولي هالمره انها تيجي منك روحي وابدي بسلام عليكم والله يا عيني انت شوي عاد نرفزتني ولا تاخذني على الكلام اللي قلته تراي انت تعرف اني احبك وانت عيني اللي اشوف بها وجفوني اللي انام بها يا جعل عينن ترجيك ما تبكيك وكاسة شاهي
|
أنا من رأيي يالغالية إذا دخل خليكي في غرفة الجلوس وإنت تبكين خليه هو اللي يجي يراضيك
وإنت بدورك تنتظرين أي مبادرة يعني دزني وأطيح |
اختي التواضعه انا اليوم صايمه مااقدر اسوي شاي وبعدين هو جلس يدق علي الباب يبغاني افتح قلت له الحريم كثار ولووو يمووووت ماراح اراضيه حتى ماراح افطر بجلس كذا لين ياذن العشا الحين جالس بالصاله عالتلفزيون وانا مقهوووووووووووووووره مرررره ودي اموووت الحين
|
يا اختي الكريمه الله يبارك فيك ويااااااااااااااااااارب تعرفين حاجه وحده انك بطريقتك هذي زوجك يطفش وقاعده تزيدين الطين بله
طيعيني وانا اخوك هذا زوجك وهذي هي الدنيا تجي حلوه وتجي مره والليوم انتي اللي زودتي الكلام عليه انا اعرف انه هو غلط ماساعدك الوقت اللي طلبتي منه مساعده لكن ما غلط عليك كثر ما غلطتي انتي يعني تنازلي هالمره والمره الثانيه اذا صار الغلط منه يحقلك تثقلين عليه شوي ولازم طرف يضحي على قولت المتواضعه ولا كثرت المشاكل ترى الرجل اذا حس ان حبيبته حبيييييييبته تكثر عليه المشاكل ولا ترضى منه وشوله يحبها يلعب الشيطان براسه يقوله شوفلك غيرها يبن الحلال والله يعينك يلله قومي له |
لاااااااااااااااااااااا
صدق زعلتيني واااااااااااااااااااااااااااايد على شو اتفقنا اختي انتي صايمة لازم اتكونين اعثل من هذا ... أنتي من كبر المسألة .. وأي حريم عندك .. تكذبين عليه !!؟!؟! ... ولا تعذبين نفسك بعدم الافطار انتي الخسرانه فالنهاية ... اكتبي رسالة تحوي كل الي في قلبك باسلوب حلو ... ما يزعل .. وارميها من تحت الباب .. وطرشيله مسج اكتبي فيه رسالة تحت الباب .. مر وشلها .. والرد انتظرة .. واتمنى ان الفكرة تعجبك ... ولا تكبرين النوضوع بليييييييييييييييييييييييييز هذا الشيطان يلعب بعقلك .. خليك اكبر واستعيذي من الشيطان |
اقول
تعوذي بالله من ابليس و ابلعي العافيه زوجك حريص عليك و لو ماهو حريص ما حس بخطورة الموضوع عليك ترا إن زودتيها شوي زاد عنده الميول لما قال من كثرة الحريم و هذي فرصة ابليس يا بنت العرب " إذا كنتي في بالد العرب - وين هالثلوج الله يهنيكم" و انتو ياهالحريم تزودون العيار شوي وبعدما يقع الفاس في الراس تصيحون اعتذري لزوجك و اسرعي نحوه بضمه و أخواتها حتى لو نزلتي تحبين رجوله والا نسيتي إنه جنتك و نارك؟ أهم شيء لا تنامين و هو زعلان عليك - ترا المسأله خطيره عليك اسمعي كلامي و أنا رجال و متزوج و اعرف اللي يدور في عقلي و عقول الرجال إذا حصل مثل هالاشياء و اسمعوا يا نساء |
السلام عليكم و رحمة الله و بركاته .... اختي العزيزة ....و الغالية .... لا تحاول ابداص ....استثارة زوجك .... لانها ليست في مصلحتك ....هذه نقطة أولى... النقطة الثانية ... انتي تغلقي باب الغرفة ... و تقولي بأنك صائمة ..مع العلم .. بان المرأة التي لا يرضى زوجها عنها ... تلعنها الملائكة ...و الله اعلم ... النقطة الثالثة ... بما انك غلطانة ... واعترفتي بغلطك ...وهو قال لكي ...ما اكثر الحريم ..عشان يبغاكي تحسسيه ... بانك انتي التي تمتلكيه ...وليس غيرك ...يحاول ان تتقربي له .... ولا يريد شئ اكثر من كذا ... ولا تفهمي الامور بالعكس .... النقظة الرابعة ...استعيذي بالله من الشيطان الرجيم ... و اقرائم المعوذتين و آية الكرسي ...واذهبي ... توضئي .. و إذا اتيتي ..تفتحي ...الباب ...قولي له كنت اصلي ... فما استطعت ان افتحه ... عشان تهدئي من اعصابه ... و الله اعلم ... وشكراً ... Game Over |
ماذا حدث الآن ؟؟؟ :)
متشوقون لمعرفة الحدث ؟؟ وفقكما الله دوما |
ابشركم تراضينا بس بعد ايش كسرت الصحون وخربت الاثاث والحمد لله اعترف لي بغلطته ورجع نادم وانا بعد اعترفت له بغلطتي والحمد لله احنا الان سمنه على عسل بس اللي كدرني لما جاء يراضيني بوس رجلي وانا مقهووووره من هالشي ورحت بوست رجوله بس رفض اني ابوسهم بس ماعليكم شفته لاهي رحت بوست رجله تحياتي للجميع
|
اهلييين اختي
انا برأيي انك تمارسين يومك بطريقه طبيعيه واذا كان هو حاس بالذنب وانه هو السبب اللي خلاك تردين عليه راح يتأسف لك بطريقه غير مباشره او بالطريقه اللي تعجبه عاد انتي اقبلي أما اذا كان طبعه غير (انا اللي زعلتك انتي اللي راضيييييني) فيه بعض الرجال كذا يحسبون ان الأسف يقلل من رجولتهم اتركيه وخلي الأمر عادي يكفي انك بينتي له انك كنتي متضايقه . والله يوفقكم |
نسائكم من أهل الجنة هي الودود الولود التي إذا غضب عليها زوجها وضعت يدها على يده وقالت والله لااذوق غمضا حتى ترضى
هذا غضب عليها هو فمابالكم فيمن أغضبته . المرأة الذكية هي التي تبحث عن رضى الزوج حتى لايبحث عن بديل |
| الساعة الآن 08:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©