منتدى عالم الأسرة والمجتمع - صالونة اللحم وصلت بالصور من ايد الطباخة ام المهدي (صور)

منتدى عالم الأسرة والمجتمع (http://www.66n.com/forums/index.php)

- مطبخ المرأة (http://www.66n.com/forums/forumdisplay.php?f=81)

صالونة اللحم وصلت بالصور من ايد الطباخة ام المهدي (صور)

السلام عليكم و رحمة الله و بركاته
من زمان ودي اشارك معاكم في منتدى الطبخ و اليوم جبت لكم طبختي المفضله الصالونه
بالصراحه هذي اول طبخه طبختها في حياتي و زوجي يموت فيها
http://www.66n.com/pics/hosted/4a6r9...7ooto047wc.gif
المقادير :
لحم مسلوق (بقر او غنم او اي نوع تبون لكن احسن شيء البقر)
بصل مقطع مربعات
طماطم مقطع مربعات
بطاطس مكعبات
كوسا مكعبات
قرع ( إختياري)
باميه (إختياري)
جزر مكعبات
زُهره
فلفل حار
باذنجان مكعبات
بهارات مشكله
فلفل اسود
ملح

الطريقة:

اول شيء قطعي الخضروات و غسليهم و حطيهم في ماي على جنب

http://img162.imageshack.us/img162/709/dsc00549tf8.jpg

حطي الزيت في القدر و حمصي البصل لين يصير لونه ذهبي

http://img215.imageshack.us/img215/5672/dsc00541lv0.jpg

بعدين حطي الطماطم لين يذبل شوي

http://img233.imageshack.us/img233/8186/dsc00542pa1.jpg

تحطين الصلصل (الكميه اللي تحبينها) مع ماي دافي شوي علشان يذوب و تحطينه في القدر

http://img215.imageshack.us/img215/1669/dsc00543jf7.jpg

تحطين الحين البهارات مع الملح و الفلفل الأسود

http://img233.imageshack.us/img233/6051/dsc00544im2.jpg

تحطين اللحم المسلوق سابقاً مع الفلفل الحار و تخلينه يتقلى شوي

http://img233.imageshack.us/img233/4820/dsc00548tm9.jpg

الحين تحطين الخضروات في القدر مع شوية ماي و تخلطينهم عدل مع الصلصل علشان ياخذون طعم البهارات و اللحم و لون الصلصل بعد و تخلينهم تقريباً ربع ساعة على نار متوسطه

http://img233.imageshack.us/img233/3383/dsc00550vo3.jpg

http://img215.imageshack.us/img215/5744/dsc00554lq0.jpg

بعدين تضيفين الماي لين يغطي كل الخضروات و تغطين القدر و ترفعين النار عليه لمدة نص ساعه
لمن يبتدي يغلي حطيه على الحرارة المتوسطه لين ما تنسلق كل الخضروات تقريباً ياخذ ساعه او ساعه و نص

http://img162.imageshack.us/img162/1044/dsc00555xu9.jpg

بعد ما تستوي الصالونه تاخذين الباذنجان و تقلينه و تحطينه في الصالونه (هذي آخر خطوه) علشان الباذنجان يذوب بسرعه في الصالونه

http://img215.imageshack.us/img215/2645/dsc00556sx6.jpg

و بكذا تكون استوت الصالونه و تقدم مع الرز الأبيض وهذا شكلها النهائي

http://img233.imageshack.us/img233/7554/dsc00557aj3.jpg

اتمنى تكون اعجبتكم الطبخه
والف عافيه على قلوبكم

يم يم يم عااااااااااشت الايادي

شكلها لذيييييييييييييييييييذ

واو يسلموا على هالطبخه ام المهدي

جزاكي الله كل خير

موضوع مميز

يثبت

و في انتظار جديدك المميز دائما

تحياتي

الله
يعطيك
الف
الف
الف
عاااااااااااااااااااااااااااااافيه

شكلها يشهى كتير
تسلم ايدك

روووووووووعه يا ام المهدي
احنا نسميها مرقه خضار

تسلم الايادي يام المهدي

الطريقة طريقة بحرينية ولا انا غلطانة؟؟

شكلها رهيييب ومشهي

مثل صالونة ماماتي بس من صار لها ضغط صارت تسويها ماصخة شوي

بس شكلها مثل شكل صالونتك

حفظت الطريقة مالتك علشان اجربها لزوجي

يعطيج الف عافية يالغالية :)

تسلم الايادي
رووووووووعة ماشاء الله
ننتظر الجديد

ماشاء الله تبارك الله ....روعة ....ياأم المهدي شهيتنا على مرق الخضار ....يعطيك العافية ...

روووووووووعه يا ام المهدي
ماشاء الله تبارك الله

تسلم الايادى
لازم لازم اجرب .. شكلها خفيفه على المعده رغم كثرة المكونات
و لكى كل الشكر

الله يعطيك الغافية أم المهدي ..
تصدقي أني فكرت أني اسويها وأنزلها على المنتدى لأني ما شفت أحد جايب طاريها ...

طبعا طريقة الصالون تقريبا ما تتغير ..
طريقتي تختلف قليلا وهي أني أحمص البصل مع اللحم النيء في البداية الى أن يذبل البصل ويتقلى اللحم ... احس انه يعطي اللحم طعم الذ ..
بارك الله فيك اخية ورزقك سعادة الدارين ..

تسلم ايدينك وأنا كنت أعملها بنفس طريقتك يعني أسلق اللحم قبل وبعدين أطبخه مع الخضرة..

ولكن لما جربت طريقة الوالدة الله يعطيها الصحة والعافية وأهي نفس طريقة أم البنين4 لقيت إن طعمها ألذ وااااااايد ..

أنصحك تجربيها ..

.. وعليكم بالعافية ..

تسلم الايادي حبيبتي ويعطيك الف عافية علي المجهود المبذول ....

بصراحة صالونة اللحم من الاكلات المفضلة عندي ...بجرب طريقتك وبدعيلك

الله يوفقك...

حبيباتي اخجلتموني بتواجدكم

اختي و حيده
مشكورة يالغاليه نورتي الصفحه حبيبتي

اختي ديمو :
الله يسلمك عزيزتي و انتي الرائعه

مشرفتنا الغاليه مسكته :
اخجلتيني بتثبيت الموضوع و تميزه
بالصراحه موضوعي ولا شيء بالنسبه لمواضيعك يا طباخة المنتدى
الله يعطيك العافيه و نورتي الصفحه يالغاليه

اختي ام جمون :
الله يعافيك حبيبتي و الله يخلي لك جمون
مشكورة لتواجدك

اختي babylady:
مشكورة يالغاليه على تواجدك و الله يسلمك

طباخة المنتدى ام خالد :
انتي الروعه حبيبتي
هذا بعض مما عندكم ..!!
ايه في بعض مناطق السعوديه يسمونها مرقه بس احنا نسميها صالونه
نورتي الصفحه يالغاليه

اختي دمعات الروح:
غاليتي احنا بالمنطقه الشرقيه ممكن متأثرين بأكلات بعض علشان كذا نفس الإسم و الطريقه
بالصراحه هذي طريقة ماما بعد يعني هي اللي علمتني اياها
يالله جربيها و عطينا الأخبار
مشكورة نورتي الموضوع

اختي حنيين:
الله يسلمك حبيبتي و الله يعطيك العافيه و تواجدك هو الروعه

اختي صائمه لله :
مشكورةة يالغلا على تواجدك في موضوعي المتواضع
الله يعافيك حبيبتي

اختي تعبت من البعد :
انتي الروعه غاليتي
مشكوووووورة عزيزتي على تواجدك النير

اختي ام من شبرا:
اشكرك غاليتي و ان شاء الله تجربينها و تعجبك و تحطين لنا الصور
الله يسلمك و يخليك

اختي ام البنين :
غاليتي انا امي علمتني نفس طريقتك و جربتها مرتين بس المشكله ان الخضروات تذوب و اللحم ما يلين عدل
فصرت اسلقه قبل .. غير كذا انا تلوع شبدي من اللرغوه اللي تطلع من اللحم بالصراحه و ما احبها تطلع في الصالونه ...!!

مشكورة حبيبتي على تواجدك و انا بالصراحه تسائلت مثل ما قلتي ان غريبه ماحد حاطها في المنتدى
حتى زوجي يضحك علي يقوللي حطي شيء يسوى لان الصالونه الكل يعرفها
بس الحمد لله ان اعجبتكم
الله يخليك و يبقيك

اختي شمعة الجلاس:
اشكر لك تواجدك العطر
و مثل ما قلت لأم البنين انا جربتها بس هذي اسرع و ما تطلع رغوه و اللحم يكون الين
ع العموم حبيبتي مشكووووورة على اقتراحك و الله يعطيك العافيه

تحياتي

تسلم ايدينك الحلوة يام المهدي .الله يخليه ليكي ..شهيتينى اكلها والله

يعطيج العافيه شكلها حلوه انشالله بنجربها,, تسلم ايدج

تسلم الآيادي يا أم المهدي صراحة عجبتني كثير الله يعطيك العافيه

مشكووووووووووره يا عسل

ام المهدي والله صرت زي الحامل اللي اشتهت شي ......تسلم الايادي

يحرر من التثبيت

جزاكي الله كل خير

و في انتظار جديدك

تحياتي