|
شعور يخوفني !!!
السلام عليكم .. بصراحه انا ما ارتاح اني اقول الامور اللي تضايقني ومشاكلي الا لكم يا اعضاء المنتدى العزيز .. لاني فعلا القى في ردودكم اللي يريحني .. فاتمنى انكم تفيدوني وتعطوني رايكم فاللي احس فيه ... طبعا انا مملكه وبعد فتره راح نكمل ان شاءالله سنتين عالملكه .. المهم انا خطيبي من النوع اللي اتصالاته مو كثيره يعني في الاسبوع اربع مرات او خمس هذا في البدايه .. طبعا الحين تغير الوضع بحكم مرور اكثر من سنه فقلت الاتصالات كثيييير يعني احيانا في الشهر مره والرسايل ما عاد يرسل الا لما انا ارسله اسال عنه واحيانا ما يرد !! انا طبعا ما اخفيكم ان الوضع هذا مو عاجبني .. طبعا قلت له اكثر من مره وباكثر من اسلوب مره بالزعل ومره بدلع ومره بالتصريح ومره بالتلميح .. بس نفس الوضع ونفس الرد (انه مشغووول بالدوام )!!!! وانه ما يحب يثقل علي باتصالاته !!! طبعا صرت احاول اعود نفسي على طبعه واعذره واراعي ظروفه بس مو دائما اقدر !! مشكلتي انا اني قي الوقت اللي ما يتصل فيه تجيني احاسيس وهواجس تخوفني مرررره يعني احس انه خلاص ما عاد يحبني و ما عاد يبغى نتزوج وانه خلاص بيتركني وزواجنا ماراح يتم !!! والله هذا الشعور بيجنني اصير طول الوقت متضايقه وخاااااااااايفه ويصيطر الشعور هذا علي بقوه .. مع انه والحمدلله دائما يقول انه يحبني وهو اللي اختارني بنفسه عشان يتزوجني .. بس ما ادري ليه احس كذا .. طيب يا بنات في وحده منكم حست بنفس اللي احس فيه ؟؟ |
هذا اخطر عيوب الملكه الطويله
لا الملكه الطويله حلوه ولا الخطوبه الطويله حلوه <--ابدا مو عني اتكلم انا مقدره شعورك واحساسك انو ممكن ما يتزوجك او ما يتم الموضوع وترا البعد جفا وبالمره مو حلوه بعلاقتكم اول شي تسويه براااي انك تحطي فبالك يوم فالاسبوع تتفرغي بالكااااااامل وتكلميه فيه ابدي انتي بالرساااااايه والكلام الحلو امدحيه كثير قوليله انك عتبانه عليه انو ما صار زي زماااااان اتحركي لا تسكتي دبري طريقه تشده لك انا ما انصحك انك تبعدي عنه بالمررررررررره لانه مو بصالحكم الاثنين حاولي تجددي بكلامك معاه غيري اسلوبك عشان ما يمل ارسليله الحين الحين الحين بس كلمة "صباااااااااح الشوق وحشتني " وبس لا تتوقعي نتايج من اول مره بس انتي حاولي وخبريني وارسليها الحييييييييييين يا ويلك مني بوقفلك بالعصاااااايه فوق راسك الين ترسليها تحررررررررركي انا لو مكااااااانك طقيت اتمنى انك تتقبلي مرور برحااابه صدر اختك مــاء القمر بنت المدينه |
لله يسهل امرك وهذا لااتوقع عادي لن بعض الرجال مايهتمون بالاتصالات بس لمن تزوجي رااح تنسين الخوف عشااااااااان نفس القصه حصلت مع زميلتي
|
غلط با الكتابه اقصد اتوقع
|
المراة بطبيعتها مشاعرها غير مستقرة تحتاج من حين الى اخر ان يطمئنها الطرف الاخر بمقدار حبه لها وانه
فى احتياج دائم لها و و الخ فيا حبيبتى ابداى انتى وتفننى فى التعبير عن حبك ومشاعرك وفى مقولة مهمة (زوجك على ما تعوديه) عوديه على الاهتمام بك نعم تقدرى ظروفه ومشاغله لكن لابد ان يكون لك اكبر جزء من حياته وصدقينى ممكن بتفننك انتى وتعبيرك الدائم عن حبك له يخليه يتحرك ويشعر بتقصيره تجاهك فيبادر هو او يجارى مشاعرك اسعد ربى ايامك وحياتك كلها وانتما معا دمت بحب |
اختي ماء القمر ..
هههههههههه الله يسعدك يا شيخه والله ردك حلو مثلك .. اما سالفة الملكه الطويله الله يعين عليها بس وش نسوي بتقاليد العائله ( اول شي ملك والزواج الى اجل غير معلوووووووم !!!!!!!!) بعدين كل اللي قلتيه سويته واكثر من مره خصوصا رسايل الصباح هذي امووووت عليها بس لا حياة لمن تنادي مره يرد ومرات لااااااا !!!!!!!! دائما احاول اجدد في مشاعري واقوله كلام جديد وحلو واتفنن في الرسايل اللي اكتبها انا بنفسي عشان تكون من القلب للقلب بس مو دائما فيه نتيجه .. انا ما ابغى اظلمه والله اهو بعد يحبني واذا اتصل ما يقصر بالكلام الحلو ويعتذر عن تقصيره >>>>>> يعني عارف!!!! بس يجلس شهر بعيد >>>>>>>> والله كثيييييييير !!!! فعلا احنا البنات نحتاج دائما للعاطفه خصوصا من الزوج .. |
اختي حفيدة علي ..
اشكر لك مرورك فعلا كلامك انا ملاحظه هالشي لاني لما اقوله عن تقصيره في الاتصال يقول والله انتي على بالي طول الوقت حتى لو ما اتصل .. واذا قلت ليه ما ترسل قال انا ما احب الرسايل لانها مو دليل على الحب >>>>>لاحووول طيب وش اسوي !!!!!! المشكله انا كيف اتخلص من شعور الخوف والهواجيس اللي تجيني من عدم اهتمامه ؟؟ لاني ما ارتاح الا لما يتصل علي او يرسل !!!!!!!! الله يعين .............. |
طفله كبيره ..
كلامك نفس اللي احس فيه .. فعلا احتاج من فتره لفتره انه يطمني وانه لازال يحبني ومتمسك فيني.. واذا على اهتمامي فيه والله اللي اقدر عليه قاعده اسويه وما اقصر عليه بالكلام الحلو والتعبير عن مشاعري تجاهه حتى هو دائما يقولي انه مبسوط انه فيه احد يحاتيه ويسال عليه ويهتم فيه بس ليه البعد والغياب هذا كله ماني عارفه !!!!!!!!!!!!!!!!!!!!! حتى والله احيانا اكون ماخذه على خاطري منه بس لما يتصل واشوفه رايق ومبسوط ما اقوله واجلس اسولف معاه واضحك عشان ما املله مني او يحس اني نكديه ولما يقفل ارسله مسج فيه عتب بسيط ونفس الحكايه يتعدل كم يوم وترجع ريما لعادتها القديمه ...... تصدقي عاد المشكله انه دائما يقولي انه مقصر معايه >>>>>> يعني عارف !!!!!!!!! |
اي شي بالضغط ماينفع رح يكرهه
لا توجهين له لوم ينفر منك ويكره الرسايل أكثر الرجال مايحب المرأة التي تطرد وراه وينك /// وين رحت //// ليش ماأرسلت //// ليش ما أتصلت أثقلي هو يلاحقك لازم تعودين نفسك كل ماتتجاهلين الرجل ينغري فيك أكثر بس طبعا إذا أتصل أو أرسل لا تتجاهلين عاملي بالمثل الله يكتب لكم مافيه الخير |
السيده خبره ..
والله كلامك حلو مرررره .. عاد تدري انا كنت في البدايه ازعل وعلى طول الومه واذا اتصل اجلس ماده البوز وما اسولف معاه .. بس بعدين عقلت >>>>>> هههه وسرت اخليه على راحته متى ما اتصل كلمته ومتى ما ارسل رديت عليه وانا بعد ما اقصر معاه ولا احاول اني الومه .. بس صار يطول في الغياب وانا من جد اتضايق اخاف ان طول الغياب يخلي علاقتنا ببعض تفتر زياده.. انا احس ان اتصاله وسؤاله عني دليل على الحب لانها وسيلة الاتصال الوحيده بيني وبينه بحكم انه في مدينه وانا في مدينه ... |
اقتباس:
انتبهي الف مره |
omaraino..
هلا فيك اختي .. بس ردك خوفني .. ياليت توضحي !!!!! انا عارفه ان الشعور هذا مرررررررررره مزعج وما ابغاه يسيطر علي .. بس كيف اتخلص منه ؟؟؟؟؟؟؟؟؟؟؟ |
اول شي انا اخوك ماني اختك :)
بس مادام انه قال انه يحبك وانك جزء مهم في حياته اعتقد ماله داعي انك تفكرين في انه ناوي يبتعد عنك بما اني لي تجربه .. حبيت اوضح لك ان هذا الشعور هو عدوه المرأه الاول .. خصوصا في فتره الخطبة .. الله يوفقك وخلك واثقه في خطيبك .. وتذكري حياتك كيف كانت قبله .. يعني مو لازم 24 ساعه يتصل فيك ويطمنك على نفسه .. بعض الاحيان الثقل مطلوب ;) |
اقتباس:
شكرا (اخوي) على رأيك .. وانا اساسا ما احب كثرة المكالمات اللي 24 ساعه والمسجات اللي ما توقف بس بعد التقصير فيها مو حلو .. انا اتكلم عن مشاعري كبنت وهذا شي طبيعي ان البنت نظرتها للامور تكون عاطفيه عكس الرجل اللي نظرته عقلانيه .. واللي يضايقني ان احيانا تصير له اشياء وما ادري الا بعدييين حالي حال اي وحده ما كاني زوجته كل هذا بسبب الانقطاع بيني وبينه .. عالعموم اشكر لك مرورك .. |
بما اني لي تجربه .. حبيت اوضح لك ان هذا الشعور هو عدوه المرأه الاول .. خصوصا في فتره الخطبة ..
ماعليش اخوي بس كيف ممكن يكون الشعور هذا عدو المرأه الاول في هذي الفتره ؟؟؟ بالنسبه لك كرجل ؟؟ |
يعني الشعور هذا (مع الوقت) يجرك لأن تسألي خطيبك .. مجموعة اسئلة قد ينصدم منها ويحصل فتور في علاقتكم .. مثال : ليش ماتكلمني ؟ ليش ماتهتم ؟ ليش انت ماتبيني ؟ شكل الزواج ماراح يتم ؟
الكلام هذا يرخصك في عين الزوج ولا يخليه يتمسك فيك زي اول ... المطلوب منك الآن : رقي عليه وتدلعي .. وحسسيه انك تفكرين في المستقبل .. كلميه عن المستقبل كثير وبعد ماتزوجون وش بتسوين في البيت .. بمعنى اخر .. حمسيه للحياة الزوجية وحسسيه انه بيعيش حياه ماعمره حلم فيها .. لذلك هو راح يستعجل بالزواج ويتشوق لهاللحظه اللي تكونين فيها زوجته ويصبح ويمسي عليك اتمنى اني قدرت اجاوب على اسئلتك .. :) واي خدمه انا حاضر |
الف مبروك اولا والله يتمم لك على خير
وتصرف زوجك سليم صدقيني أفضلك ولو تخلونها كل شهرين مرة بعد أفضلك عشان يكون للزواج طعم :) والله أنا أحس تندمت أنه كان يكلمني كل يوم وإذا ما كلم أزعل ورسائل وحاله بس النتيجه بعد الزواج مو حلوة وهذا رائي وعلى راحتك ربي يوفقكم يااارب |
لا يكون اني اللي كاتبه الموضوع ههههههههههههههههههههه
|
اختي كان الله في عونك
|
اقتباس:
اخوي مشكووووووور الف شكر وكلامك عين العقل .. لازم اكون واثقه من نفسي اولا ومن خطيبي بعد .. والحمدلله ماوصلت اني اساله مثل هالاسئله اللي ذكرتها .. يعطيك العافيه |
اقتباس:
اختي الله يسعدك يارب .. هذا الكلام اللي يريح .. لان بعض البنات من صديقاتي لما اقولهم عن مشكلتي يكبرون الموضوع براسي وانه اللي مايتصل على خطيبته كل يوم ما يحبها وكيييييييف يسوي كذا وانتو بعدكم مملكين اجل بعد الزواج وش بيسوي >>>> وهات من الكلام اللي يحسسني اني اتعس وحده بالدنيا !!!!!!! الله يهديهم بس .. انا تعجبني وتريحني كثيييييييير اراء اهل الخبره مثلك .. يعطيك العافيه.. |
اقتباس:
مع اني مافهمت وش تقصدين ؟؟؟؟؟؟ بس شكرا لمرورك .. |
لا ترخصين نفسك إلا لزوجك
فترة الملكه كانت طويله بس ما يمنع إنك تسألين عنه وتدارينه هذا زوووووووووووووووووجك مع الزوج لا إستهانات ولا كبرة نفس بالعكس بالسؤال الدائم عنه والإهتمام راح ترجع إنشاءالله علاقتكم زي أول تحياتي لكي |
والله يا أختي أنا مثلك،دايما أفكر انه لما ما يكلمني ... يعني بطل يحبني ... بس حاولي تضغطين على نفسك وتشغلين نفسك ... وبكذا يمر الوقت ... وتأكدي أن هذا طبع في الرجال ... وأنتي قلتي بنفسك أحنا البنات عاطفين وما نشبع من الكلام الحلو .... وصدقيني أنه يحبك ويموت فيك بعد ... وأنتي قلتي بنفسك أنه لما يكلمك مايقصر في الكلام الحلو ... يعني أعرفي أن مشاغل الرجال أكثر منا أحنا البنات ... اللي طول الوقت جالسين في البيت .. فالوقت عندنا طويييييل ، وبعدين أحذري تقولين له ليه ما ترسل ؟؟أو ليه ما تكلم؟؟ لأنه كذا يحس أنه محاصر .. وأنه لازم يكلمك ويرسل لك ، عشان ما تزعلين بس ، مو عشان هو مشتاق وودة يتصل .. الحين أنا أنصحك .. لأني ندمانه على أخر مرة كلمته وما رد ... ولما دق علي اليوم الثاني ... على طول ... ليه ما رديت علي ... ؟؟؟ وأحس أني ندمانة قد شعر راسي ...
بس معليش ... الواحد يتعلم ... والدنيا تجارب .. فأعرفي أنه لما يدق عليك معناه مشتاق لك من نفسة ... يعني لازم تنسين أي شي ... وتسعدينه في ها الوقت بكلامك ودلعك ... وبلاش من الأسئلة الكثيرة (علمي نفسك يا شيخة).... والله يوفقكم ويجمعكم على خير ... يارب.. |
اقتباس:
هلا فيك اختي .. انا والله هذا اللي قاعده اسويه اسأل عليه دائما عشان احسسه انه على بالي طوووول الوقت لانه الاحساس بالاهمال احساس مؤلم مررره فما احب انه يحس فيه .. بس ياليت هو بعد يحس فيني !!!!!!!!!!! اشكر لك مرورك |
اقتباس:
هلا فيك اختي نوورر.. والله احنا البنات العاطفه الزايده هذي شكلها بتذبحنا !!!!!!!!!!! كلامك صحيح الفراغ خصوصا مع الاجازه الحين عامل عمايله معايه عشان كذا لازم اشغل وقتي عشان ما افكر كثير... بس حبيبتي نوورر احذري من الطريقه هذي انك تلوميه على طول اول مايتصل لاني وانا اختك كنت في البدايه كذا مع خطيبي على بالي كذا برجعه مثل اول ما دريت اني كذا ابعده زيااااااده بس بعدين تعلمت وصرت بالعكس ارحب فيه واسولف واضحك ولا ابين له اني عتبانه عليه الا بمسج بعد المكالمه فيه عتب بسيييييييط وبدلع >>>> والله كذا يستاااانس مررره يحس اني فعلا احبه واني مشتاااااقه له .. يعني اهم شي الاسلوب .. اذا كان الاسلوب حلو راح تقدرين توصلين له كل شي في خاطرك .. شكرا لمرورك .. |
يا هلا ...
هذا اللي انت فيه من مساوئ الفتره الطويله للملكه .. الملكه من تزيد عن 6 شهور تصير مو حلوووه ... يا اختي عجلوا في الزواج باسرع وقت .. حتى ما تصابوا بالبرود والفتور و تدخلك الوساس انه بطل يحبك .. وربي يسعدك .. ولا تنسين اختي لازم تدعينا لفرحك عشان نفرح معك .. أختك أميرات .. |
الملكه الطويله هذا حلها
انا صار لي مالك تقريبا سنة ونصف وكنت قبل اكلم زوجتي في اليوم مره وحده و بعد فتره صرت اكلمها قليل بس الحين من قرب العرس صرت ازورها واروح معاها السوق انقضي اغراض الشقه وكل يوم تقريبا من العصر الى اخر اليل اذا سكرت السوق نتعشاء ونرجع هذي الحركه حلوه في فترة الملكه الطويل للبعد عن المشاكل والكراهيه من كل الطرفين بس ادا صار بعد يكون فيه اشتياق اكثر واكثر |
اقتباس:
هلا فيك اختي .. فعلا الملكه الطويله مو حلوه ابدا >>>>>> تعلميني فيها !!!!!!! زواجنا كان على اساس انه في العطله الصيفيه هذي بس لظروف خارجه عن الاراده تم التأجيل (حالة وفاه).. واذا على العزيمه ابشري ولايهمك من الحين انتي اول المعازيم .. |
اقتباس:
طيب اذا كان كل واحد في مدينه ... وش الحل ؟؟؟؟؟؟؟؟؟ |
الااخووان كفوو ووفـــووو
اعطيــه عذررره واذاا اعتذرر اقبلي عـــذره ؛؛ كووني له متفهمــه وحسسيــه بهالشـــي ورح تكبرريــن في عينــه كل يوومين أو ثلااثــه طررشيله مسسسســـج من كلاامـــج وومررة مســج مكتووب كثرري مسجــــآآت الصبح ومسسسجــــآآت الليل اذاا سسسويتي شي طررشيله مسسج خبرريــه انه صار معااج هالشي << من بااب تعوودينــه على إنه يقووم بالمثل لكن مب كل شي يصيرر معــااج ؛؛ يعني الشي الي تحسسينــه ممكن يثيرر اهتماامــه ووولج تحــــــــــــــــــــيآآتي اختج الصغيـــــــــروونه جوولي |
شكرا لمرورك اختي جولي ..
وان شاءالله اطبق اللي قلتيه .. وفعلا اخواني وخواتي بالمنتدى ما قصروا معاي الله يجزاهم كل خير يارب .. |
اقتباس:
|
اقتباس:
فلو كنتى حبيبه وليس معقود عليكى لكى حق تخافى |
<<<<<<<<<<< نفس الحاله ):
ولا بعد انتي احسن مني من كثر مااعاتبه ليش ماتتصل .. ماترسل .. ماتهتم اذا اتصل الحين احسه مايتصل مشتاااااق يتصل علشان ماازعل بس ): والله طقييييييييييييت ادري انه يحبني بس ابغى يكلمني علشانه مشتاق مو علشان اسكت عنه ومااعاتب |
اختي mona777 ..
اشكر لك مرورك وتوضيحك .. |
اقتباس:
هلا فيك اختي .. بس نصيحه مني لا تكثرين من العتب واللوم ترى يمل منك ويبعد اكثر .. فعلا خليه يتصل من نفسه لانه راح يكون مشتاااااااق بعد طول الغياب وراح يعوضك ويسمعك احلى كلام انتي تتمنين تسمعيه ويطيب خاطرك .. صدقيني .. بس المشكله من جد تكون في الفتره اللي يبعد فيها >>>>>>>>>>>> هذي المشكله !!!! لاني بصراحه احس ان المكالمات دليل على الحب والاهتمام خصوصا لما نكون في مدينتين وبعاااااد عن بعض !!!! عشان كذا اتضايق واحس بالخووووف :24: |
| الساعة الآن 05:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©