|
انا خلاص تعبت..كيف هي الحياة بلا زواج
باختصار شديد
كنت متحمسه للزواج وللاطفال ومثل اي بنت تبي تتزوج لكن بعد فشل خطبتي الاخيره جتني حالة اللامبالاه من جد مدري وش صار فيني ابسط الاشياء اللي كنت احرص عليها تركتها وتساهلت فيها قراءه البقره يوميا بغرض الزواج الدعاء في الثلث الاخير حتى بالصلاه العاديه استصعب الدعاء بالزوج الصالح ماصار لي خلق خلاااااااااااص استغفر الله طفشت احس حالتي ميؤس منها ولو تزوجت تبي تكون معجزه مو كبيره بالعمر توني بالعشرينات بس لان اهلي مره مشددين من ناحية النسب حتى اختي تقولي انتي ماراح تتزوجين وان تزوجتي تراك ثانيه ماتدري ان مافي شئ على الله بعيد حاليا احاول التأقلم مع حياة بلا زواج لكن النظرات والهمزات من حولي تقتلني وربي الموت ارحم كن الزواج بيد الوحده مايدرون انه رزق من رب العالمين بس احاتي لو ماتزوجت وش بيصير وضعي بعدين يارب ترحم ضعفي وتفرج همي لاشافوني كاشخه ومبسوطه الاحظ الشفقه بعيونهم وبين فتره والثانيه يقطون علي كم كلمه وكلمه ورا كلمه كافيه تلغي اي ثقه وايجابيه خلااااااص عفت الزواج وكرهته لانه يحسسني بالنقص ثقتي بالله كبيره وان شالله ماراح يضيعني بس من جد مدري ليش صرت كذا تم تعديل العنوان ليتناسب مع الطرح |
والله انا مثلك جاني حالة يأس واحباط .. حتى مافيا ادعي او اقرا قران .. او اقرا الاذكار .. واذا دعيت احاول اخلص بسرعه لاني اطفش ..
فين اول كنت اتلذذ وانا ادعي لكن الآن مااحس ليا نفس .. الله يفرج همنا وهمك وهموم البنات اللهم امين وازرقنا يارب بركة دعائنا وتقبله منا يارب العالمين |
يا أختي الزواج مو أهم شيء في الحياة في أشياء أهم منه
بعدين لو تسوين بحث عن المتزوجات تلاقين يمكن نسبة قليلة مبسوطة والباقيات في مشاكل ونكد لأسباب كثيرة |
يعجبني الشخص الذي لا يياس من رحمة الله
بصراحة احسه يكون في قمة الادب مع الله عز وجل وهنا تاتي الرحمة بسرعة كبيرة لان الاعمال بالنيات وبالتالي اخلصي الدعاء لله ( معنه صعب ) لكن حاولي تصفية النية وسترزقين من حيث لا تحتسبين والله !! اسال الله العظيم ان يثبتنا وقت المصيبة وان يجد منا ما يرضيه جل في علاه. |
السلام عليكم ورحمة الله وبركاته
أخواتي الكريمات (( remany ، العام )) الموضوع عادي وطبيعي فترة ضعف وتعدي او لو اعتبرناها استراحه ايضا يصح ذلك الانسان بشر من مشاعر واحسايس لكني انصحكم تغيرون جو شوي (( تغيير ديكور بسيط في الغرفة ، خروج الى السوق مع الاهل ، التفنن في طبخه معينه ، الخروج الى استراحه مع الاهل، ممارسة بعض الرياضات الخفيفه مثل التمارين السويديه ، ممارسة رياضة المشي )) تحياتي والله يفرج هم كل مهموم |
حتى أنا والله أشعر إنه حيكون ( معجزة ) الله يجبر القلوب .. كرهنا الزواج وَ( إياهم ) معاه !! لكن : تذكري ( لا تدري لعلّ الله يحدثُ بعد ذلكَ أمراً ) نفسيّتي بحمد الله أفضل .. بس حاسّة المنتدى أحبطني .. بعد ما كنت أنا اللي أزرع فيه الإحباط !! الله ييسر لك يا ريماني خيراً مما تظنّين اللهمّ آآآمين ،، يعلمُ الله أنّي أذكركِ وأخواتي هنا في كلّ دعاء .. محبّتي ،، |
السلام عليكم و رحمة الله وبركاته
لولا الهمز و اللهمز و حركات النساء (إلا من رحم ربي) التي ليس لها داع لربما كنا في أفضل من هذا الحال أخيتي .. تعلمت أن أبتعد عمن يضايقني فلما أجلس في مجالس أشعر فيها بضيق الصدر و الوحشة غرفتي و كتابي أرحم لي وان كانت النظرات مليئة بالشفقة فاهمليها و اهملي أصحابها هذا ما نقدر أن نفعله ثم اشغلي نفسك فالفراغ مصيبة يا اختاه أنا لا أتحمل يوما واحدا أجلس فيه في البيت دون عمل او دراسة لا ادري لماذا ! تجيني كابة قوية ! لو جلست بدون عمل !! لك دعائي المستمر اخيتي |
العام
ااامين الله يفرجها علينا قريب الناصر 2007 انا اتفق معك انه مو اهم شئ في الحياه لكن الناس عندهم الزواج اهم شئ على الاطلاق ماتزوجتي اذا انتي مذنبه حتى لو انتي عايفه الزواج وراضيه بنصيبك يحسسونك بالنقص الى ماتتزوجين خلها على الله بس فهد هاشم كلامك عن الثقه بالله روعه ونعم بالله الله يرزقنا الاخلاص في القول والعمل صاحب رأي سديد حاولت وحاولت بس من جد وصلت لمرحله خلاص جاني احباط من المجتمع احباط من اهلي وشروطهم احباط من شئ اسمه زواج لي 5 شهور تقريبا على هالحاله واجد صعوبه في الدعاء ياليت القى حل جنائنُ ورد .. المشكله حتى اهلي حاسين ان زواجي معجزه زوج من نفس النسب مستحيل خاصه اني ساكنه بمنطقه بعيده ومع كذا متمسكين بشرطهم الله ييسر امورنا ويرزقنا من واسع فضله الوفية لوالديها للاسف مهما حاولت اشغل وقتي احس بفراغ ووحده قاتله حتى اقاربي محرم علي اختلط معهم او اسافر لهم الله المستعان |
حبيبتي لا تياسي الله عنده كل خير الدعاء عباده نتقرب بها الى الله اما اذا على الرزق فهو مقدر ومكتوب قبل لا نخلق وكل وحدة بيجيها نصيبها في وقته الي الله كاتبه لها
|
طبيعي هذا الاحباط لأنك عملتي برنامج ومانجح ومعوله عليه أنه يجيب نتيجه أهم شيء أختي عدم إساءة الظن في الله وأعلمي أنه لا ييأس من رحمة الله الا القوم الكافرون , واقسم لك بالله أنه يغير الامر مابين رمشة العين ولا تستعجلي اللهم يسعدك ويعطيك اللي تبغينه0
|
:11::11::11::11::11:
لالالالالالالالالالالالالالالالالالالالالالالالالا لالا يابنات عشان خاطري ماابغا اشوف الاحباطات هذي ارجوووووووووووووكم هيا لنرجع نشد العزيمه جاينا رمضان الخير والبركه جاينا رمضان ربي يبلغنا اجمعين والله ماتصدقوا فرحتي بقدوم الشهر الكريم هيا بنات والله دموعي بعيني لسه اتذكر رمضان اللي فات واتذكر دعواتنا واجتهادنا في الدعاء ارجوكم بنات لاتيأسوا ابغا اشوف العزيمه تقوى من جديد ومثل ماقال اخونا ( صاحب رأي سديد )) نحتاج للتنفيس عن ارواحنا خلونا نطلع ونغير جو اكسروا روتين يابنات ارجوكم ياما وياما كسرت الروتين في حياتي من تدهور حالتي ومره ترتفع في تذبذب ولكن الحمدالله والشكر قرب الفرج يابنات قرب الفرج ارجوووووووووووووووكم هيا شجعوني واشجعكم في البدايه نكسر الروتين كل وحده تشوف روتينها كيف وتكسره ولاااااااازم من الرياضه سواء مشي او سباحه حاولوا يابنات صدقوني اذا كنتوا تسهروا بالليل غيروا موعد استيقاضكم استيقضوا من الصباح بدري اهم شي لانقصر في الدعاء ولا التملل من طرق باب الرحمن لنطرق الباب كلما طرقنا الباب وزدنا في طرقه قرب الفرج في فتح الباب اسأل الله العظيم ان يفتح لنا ابواب رحمة ويسخر لنا من في السموات ةالارض اسأل الله العظيم رب العرش العظيم ان يبلغنا رمضان ونحن قريرات العين بالازواج الصالحين ويرزق الشباب الزوجات الصالحات يارب يارب ياميسر كل عسير ان تيسير كل عسير عليك يسير هيا عاااااااااااااااااد بنات من جد ابغا ابكي منكم احبطوتني نبغا العزيمه القويه والدعاااااااااااااااااااااااااااااااء الدعاااااااااااااااااااء الله يفرج همكم وينفس كربكم ويسعدكم ويرحم حالكم وضعفكم وينزل عليكم الصبر والسكينه الله يفتح لكم ابواب رحمة ورزقه وين :11: تراني ماخلصت تعالوا اشوف:11: :11: :11: :11: وروني الضحكه الحلوه والاسنان الولوي:d:d:d |
وعليكم السلام ورحمة الله وبركاته
اخوتي في الله ريماني والاخوات صدقوني كلشيء في هذه الدنيه قسمه ونصيب لمه الحزن؟ ان كتب الله لكم زواج سوف يأتي بلا تعب وضقط نفسي هي مرحله وتعدي ان اهم ما في هاذه الشكر لرب العالمين على نعمه الكثيره والدعاء وحب الخير والصدقه كل هذه امور طيبه ان شاء الله.. نعم كلنا بشر ولنا احاسييس وفطره فينا بثها الله سبحانه ولكن ادعو الله وان شاء الله هو ميسر الامور متى ما اتى على ربي سبحانه اخوتي تعرفون شو الي متعبكم تفكيركم في العمر يا ما نسا كثار تزوجو وهم كبار وحياتهم سعيده بفضل الله سبحانه بالتالي هي قسمه ونصيب من رب العالمين... لا تيئسو من الدعاء بوووركتم |
|
أختي الزواج مو أهم شيء في الحياة في أشياء أهم منه
بعدين لو تسوين بحث عن المتزوجات تلاقين يمكن نسبة قليلة مبسوطة والباقيات في مشاكل ونكد لأسباب كثيرة |
أختي تفائلي بالخير وأحسنِِ الظن بالله وتوكلي على الله حق إتكال لا تفكرين في الموضوع نهائيا
نصيبك رح تاخذينه غصب عن اهلك وعن جميع البشر ومكتوب منهو زوجك من قبل تطلعين على هالدنيا والتفكير مارح يغير شي لأن الموضوع قسمة ونصيب وخليك واثقة من نفسك ماعليك من نظرة الناس لك الناس رضاهم لا يدرك أن كانك سعيدة حسدوك وأن كانك حزينة يتظاهرون بالشفقة الله يشحر صدركِ ويفرج همك ويرزقك ماتمنين ويكتب لك مافيه الخير |
اقتباس:
ياحبي لك ياجنائن أعجبتني زراعة الإحباط ذاك إعتراف أحسدك عليه ..!! إذاً فإنقلب السحر فقط تفاءلن ..!! وأنا بكن أتفاءل ... فكيف إن رأيت زاهية الحرف .. أما رامني فما أنتِ فيه طبيعي لكن ماليس طبيعياً أن تربطي إهتمامك بنفسك فقط لنظرات شفقة قد يكون صاحبها بها أولى .. ثابري فنفسك تستحق لم يخلقها الله ويأتمن الناس عليها بل إئتمنكِ أنتِ .. . تقديري |
هل تعرفين يا اختي ان سبب هذا الإحباط او بالاحرى مصدره هو
الشيطان .. يريدك ان تكوني بهذا الحال حتى تفترين وتتركين الدعاء فهو لا يحب ان يرى العبد في طاعة وقرب لله .. فيبث إليك هذه الافكار التشاؤمية حتى يصبيك باليأس والقنوط وتتركين الدعاء والتذلل إلى الله تعالى اجعلي إيمانك أقوى يا اختي وكلما بث فيك هذه الافكار ارغميه .. كيف؟ بزيادة الطاعة والدعاء والتذلل إلى الله .. فكلما شعرت بعدم الرغبة في الدعاء استعيذي بالله من الشيطان الرجيم و اذهبي وتوضئي واستقبلي القبلة وادعي والحي في الدعاء وبذلك تنتصرين عليه وستشعرين بالراحة والطمأنينة لأنك أرضيت ربك وأخسئت عدوك اسأله سبحانه فرجا قريبا لنا جميعا |
عااااااااااااااااااااااااااااااااادي
هذه الحالة جت اختي اللي اكبر مني حتى اني اقولها وشفيك ماتدعين زي زمان تقول لي وهي طفشاااااااااااااانه خلالاص دعيت وبعد فترة يمكن 4 ايام انخطبت و4 شهور الا وهي في بيت زوجها يعني انشاء الله قربتي يااختي واقول لك الف مبروك مقدما |
الله يكون عونج ويفرج همج ويصبرنا تراني مثلج تعبت صرت ماقدر اداوم على اي شي مالنا الا الصبر والمحاولة والله المستعان .. يارب ارزقني واخواتي زوجا صالحا عاجلا غير اجل امين يارب العالمين
|
اختي الله يكون في عونا ان شاءالله ويرزقنا من حيث لا نحتسب
لكن انا اشوف ان الزواج للبنت كل شي خاصة في مجتمعنا اي شي نقول نبغى نسويه يقولون اهلينا اذا تزوجتي سوي اللي تبغين الحين لا حتى قص الشعر ممنوع الابعد الزوج وبعض والطلعات والسفرات لكن ان شاء الله يكون فرج الله قريب |
ابشرك هذا زمان الكلام بعد الزواج اعملي كده واعملي كده الحين ما تعرفي المتزو جة من البنت الله المستعان ويهدي كل ام قبل كل بنت الله يزوجهم كلهم يارب من يخافون الله تعالى
|
الله يعين ويصبرنا
حتى انا في الفتره الاخيره يأست غصبآ عنا خصوصآ الحين فترة أعراس وكلام الناس اللي مايخلص |
اقتباس:
:d >>> وش رأيك فيني ياحبي لك ياروح الغالي والله أنك صادقه وعزيمتنا بإذن الله قوية وبالنسبة لأختي ريماني صدقيني هالحالة اللي تمرين فيها طبيعية مريت فيها كثير بس لاتسمحين للشيطان أن يلقى له عليك مدخل أسأل الله العظيم بمنه وكرمه أن يفرجها علينا عاجلاً غير آجلاً |
نادر ونادر جدا في مجتمعنا ان تبقى امرأة وصلت الخمسين بدون زواج
نعم في تأخر لكن بدون زواج اطلاقا لا انا شخصيا ما قد سمعت وحدة في الاربعين اطلاقا وما تزوجت حتى المطلقة مرتين تزوجت حتى الي تعرج تزوجت حتى الي (لا اعترض على خلقة الله واقول القبيحة ) جمالها قليل تزوجت ليش ها التشائم ؟؟؟ على فكرة الرجال هنا اكثر من النساء على اخر احصائية اذكر ان عددهم 9 مليون والاناث 6 مليون غير المعددين واكيد انهم ما يعرفون ان البيت الفلاني في بنت للزواج عملك الان انك تعرفي على نفسك من خلال المناسبات او غيرها |
toti_froti
ونعم بالله تصدقين يالغاليه مره وحده تستخف فيني لما قلت ان نصيبي مكتوب وان رزقي يبحث عني ليش احاتي واشيل هم لانها لاحظت برودي واطمئناني الظاهري بالنسبه للزواج جتني فتره وكلت امري لله وصرت مبسوطه الحمدلله بس النااااااااااااااس مو مخليني بحالي الرماني جزاك الله الجنه على كلامك ودعاءك الله يرزقني حسن الظن بالله روح الغالي يااااحبي لك والله جبتلك احباط اجل؟ :d اعذريني ياقلبي بس زهقت من الناس كل ماتحسنت نفسيتي وانشغلت بحياتي يحسسوني اني في ورطه مصيبه :24: عايشه ومبسوطه واسوي رياضه ساعه يوميا واحاول امشي اموري وواثقه ان الله بيرزقني بس حبطوني كل مايشوفني كذا يستغربون هالبرود وراحة بالي مستكثرينها علي لو رحتي حرب وحطيتي رجل على رجل والناس حولك كلهم يحاربون امانه وش بيكون شعورك؟؟ انا مثل كذا الفتره الاخيره صار عاااااادي جدا جا زوج كان بها ماجا ليش اضيع عمري افكر يكفي اللي راح وربي سنوات ضاعت بالتفكير والهم بس لما اشوف اهلي والناس حولي شايلين هم مرررره ومعلنين استنفار اخاف اقول شكل من جد حالتي صعبه وابدا افكر واحاتي :30: قلت قصة حياتي وبصراحه صرت اتساهل كثير في الدعاء والقيام الله يفرجها يااااااارب ويفرح قلبك ويريحك مثل ماريحتني ويبلغنا رمضان واحنا باحسن حال وهذي ضحكتي ولاتزعلين :d :d :d ما يهزك كلامك مرررريح مره ويعطي دفعة امل وتفاؤل محتاجين مثل هالكلام عشان تتحسن النفسيات غصب عني احاتي العمر في مجتمع مثل مجتمعنا لاسألو عن عمري قالوا يووه كبيره مع اني في العشرينات ولاجا خاطب مو على هواهم قالوا توك صغيره ليش مستعجله الله يجعل كل كلمه كتبتها في ميزان حسناتك ويجزيك عني وعن الاخوات خير الجزاء ريم المدينه تسلمين ياقلبي على التذكير الله يرزقنا الرضا دنيا واخره شجون_بوظبي في مجتمعي اهم شئ عندهم الزواج وطالما ماتزوجتي اذا انتي ناااقصه لو كان عندك الدنيا ومافيها السيدة خبرة ياسلام عليك كذا الكلام ولابلاش :22: ليت اللي حولي يتعلمون منك مشالله مو فاهمين انه نصيب وان الوحده مابيدها شئ رزق من رب العالمين متى ماربي كاتبه بيجي الله يريح قلبك مثل ماريحتي قلبي ويجزاك الجنه ومن تحبين t3b2006 الحمدلله على كل حال جزيتي خيرا جوهرة الكويت اي والله كله من الشيطان اعوذ بالله منه خمول عجيب من ناحية القران والدعاء وانا اللي كنت احرص عليهم الله يرحمنا برحمته كله من المعاصي فكرتك حلوه وان شالله ببدأ اطبقها الله يجزاك خير شروق السعودية ياحبيلك والله ولايهمك اول ماانخطب بجي ابشرك بما انك اول وحده تباركين لي Fajer202 الله يفرج همك وهمي ويرزقنا وبنات المسلمين ويقر اعيننا بالزوج الصالح عاجلا غير اجل |
اقتياس :
ما يهزك كلامك مرررريح مره ويعطي دفعة امل وتفاؤل محتاجين مثل هالكلام عشان تتحسن النفسيات غصب عني احاتي العمر في مجتمع مثل مجتمعنا لاسألو عن عمري قالوا يووه كبيره مع اني في العشرينات ولاجا خاطب مو على هواهم قالوا توك صغيره ليش مستعجله الله يجعل كل كلمه كتبتها في ميزان حسناتك ويجزيك عني وعن الاخوات خير الجزاء وعليكم السلام ورحمة الله وبركاته كما قلتي اختي انضري يعني مو كل شي اختاه يمشي على كلام الناس هاذا هو النصيب وبالعشرين وله 30 ان كتب الله لك الزواج سوف تتزوجين ولن يمسك الزيجه احد الله وحده سبحانه ميسر الامور واستعيني بذكر الله وصلاة خاشعه متضرعه وصدقيني ابتسمي ابتسمي وتذكري ان لنا رب كبير وجزيتي خير الجزاء بووركتم |
طبعا النسب مهم للتكافؤ ولكن الاهم الدين والامانة
ويجب ان لا نضيع بناتنا لاسباب منها الفخر والتفاخر والغرور والتكبر |
أنا جتني فترة وحسيت بهذا الشي بس والله ما فقدت الأمل أدعي ربي في كل صلاة واكثر من الأستغفار
الله يفرج همج وهم جميع البنات اللي يعانون من هذا الأحساس والله يرزقنا يرزقج بالأزواج الصالحين خليج قريبه من الله بالدعاء والأستغفار وانشاء الله راح يروح هذا الأحساس. |
لا تحزني يا اخيه ولا تياسي من رحمة الله وعليك بالدعاء لان الله يحب الملحين بالدعاء
اسال الله العظيم رب العرش الكريم ان يرزقك بالزوج الصالح الذي ينسيك ما انت فيه الان عاجلا غير اجل انه على كل شيء قدير الدعاء ثم الدعاء ثم الدعاء |
مهاااااوي
احس اهمية الزواج معنويه اكثر منها ماديه الله يرزقك ويرزقنا وبنات المسلمين ويسهل امورنا ياااااااااااارب ناييف اللهم آآآآآمين ليالي الشووق هو بس لو نرتاح من كلام الناس كان حنا بخيررررر ونعمه عظيمه الله يفرجها يارب قلب طفله اشوى يعني مو بس انا اللي تجيني هالحالات تسلمين ياقلبي والله يرزقك من واسع فضله No#1 لكن انا هدفي مو الزواج وبس ابي اتزوج باختياري وبقناعتي وماابي اقدم تنازلات بعدين عشان اتزوج بس لاني الحمدلله مو ناقصه عن اي بنت ومن حقي اختار اللي يناسبني ماابي يجي اليوم اللي اكون مضطره ومجبره اتزوج الله لايحدني ياااااااارب على هالشئ بالنسبه للمناسبات انا غسلت يدي صراحه لان مهما انخطبت منها ماراح يوافقون اهلي لان لهم مواصفات خاصه في النسب وانا ساكنه اصلا بعيد عن اقاربي وماابالغ لو قلت ان اي خاطب من مدينتي او حولها يرفضونه حتى لو امام مسجد والله لانه مو من مواخيذهم وصارتلي كثير الله المستعان ما يهزك تسلم اخي الكريم من جد شاكره لك كلماتك الله يجزاك كل خير mtween للاسف يبقى النسب الاهم عندهم ويلغون اي اعتبارات ثانيه حتى لو لما تزوجتي او صرتي عانس لولا التفاخر كان شفت كل البنات تزوجوا انا موكله امري لله وان شالله مايخيب رجائي القلب المحبوب ياقلبي عليك اجل نفس حالتي طمنتوني والله ربي يرزقنا الازواج الصالحين عاجلا غير اجل |
| الساعة الآن 05:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©